|
Hujjat kuchini yo‘qotgan " " 01.07.2018
|
Hujjat 09.06.2014 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Shaharsozlik faoliyatini amalga oshirish hamda qishloq xoʻjaligiga oid boʻlmagan ehtiyojlar uchun yer uchastkalari berish, shuningdek obyektlarni qurishga ruxsatnomalar berish tartibini tubdan soddalashtirish chora-tadbirlari toʻgʻrisida
LexUZ sharhiMazkur qaror Oʻzbekiston Respublikasi Vazirlar Mahkamasining 2018-yil 30-iyundagi 493-sonli “Tadbirkorlik va shaharsozlik faoliyatini amalga oshirish uchun yer uchastkalarini doimiy foydalanishga berishning zamonaviy va shaffof mexanizmlarini joriy etish chora-tadbirlari toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Ishbilarmonlik muhitini tubdan yaxshilash va tadbirkorlikka yanada keng erkinlik berish chora-tadbirlari toʻgʻrisida” 2012-yil 18-iyuldagi PF-4455-son Farmoniga muvofiq, shuningdek shaharsozlik faoliyatini amalga oshirish uchun yer uchastkalari berish tizimini yanada soddalashtirish, obyektlarni qurishga ruxsat beruvchi tartibotlar soni, muddatlari va qiymatini tubdan qisqartirish maqsadida Vazirlar Mahkamasi qaror qiladi:
1. Quyidagicha tartib oʻrnatilsin, unga muvofiq:
Oldingi tahrirga qarang.
yer uchastkasini tanlash va ajratish boʻyicha materiallarni tayyorlash hamda ularni vakolatli organlar bilan kelishish Oʻzbekiston Respublikasi Davlat arxitektura va qurilish qoʻmitasining hududiy boʻlinmalari, shuningdek Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi tumanlar (shaharlar) yer tuzish va koʻchmas mulk kadastri davlat korxonalari tomonidan “bir oyna” tamoyili boʻyicha amalga oshiriladi;
(1-bandning ikkinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
berilgan ariza qonun hujjatlarida belgilangan muddat mobaynida vakolatli organlar tomonidan asosli rad etilmagan taqdirda, berilgan buyurtmanomalar maʼqullangan deb hisoblanadi (murakkablik (xavf)ning maksimal toifasiga ega boʻlgan obyektlar bundan mustasno);
yer uchastkalari berish uchun zarur boʻlgan materiallarni tayyorlash va kelishish jarayoniga davlat organlari tomonidan ariza beruvchilarning jalb etilishiga yoʻl qoʻyilmaydi.
2. Quyidagilar:
Shaharsozlik faoliyatini amalga oshirish uchun aholi punktlarida yer uchastkalari berish, qurilish obyektlarini loyihalashtirish va roʻyxatdan oʻtkazish, shuningdek obyektlarni foydalanishga qabul qilish tartibi toʻgʻrisida nizom 1-ilovaga muvofiq;
Qishloq xoʻjaligiga oid boʻlmagan ehtiyojlar, shuningdek ikki va undan ortiq tumanlar (shaharlar) yoki viloyatlar hududida joylashtiriladigan obyektlar qurilishi uchun aholi punktlari tashqarisidan yer uchastkalari berish tartibi toʻgʻrisida Nizom 2-ilovaga muvofiq tasdiqlansin.
3. Oʻzbekiston Respublikasi Davlat arxitektura va qurilish qoʻmitasi manfaatdor vazirliklar va idoralar bilan birgalikda ikki oy muddatda Oʻzbekiston Respublikasi Vazirlar Mahkamasiga:
yer uchastkalarini tanlash va berish boʻyicha materiallarni vakolatli tashkilotlar bilan kelishish tartibotini amalga oshirishning, shuningdek qurilishga ruxsatnomalar berishning elektron tizimini keng joriy etish;
tumanlar (shaharlar) arxitektura va qurilish boʻlimlari (boshqarmalari) huzuridagi xoʻjalik hisobidagi ishlab chiqarish boʻlimlari faoliyatini takomillashtirish;
qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflar kiritsin.
4. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I.Zakirov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2013-yil 25-fevral,
54-son
Vazirlar Mahkamasining 2013-yil 25-fevraldagi 54-son qaroriga
1-ILOVA
1-ILOVA
Shaharsozlik faoliyatini amalga oshirish uchun aholi punktlarida yer uchastkalari berish, qurilish obyektlarini loyihalashtirish va roʻyxatdan oʻtkazish, shuningdek obyektlarni foydalanishga qabul qilish tartibi toʻgʻrisida
NIZOM
I. Umumiy qoidalar
1. Ushbu Nizom Oʻzbekiston Respublikasining Yer kodeksiga va Shaharsozlik kodeksiga muvofiq aholi punktlarida yuridik va jismoniy shaxslarga shaharsozlik faoliyati uchun yer uchastkalarini doimiy, vaqtincha foydalanish va ijaraga berish, obyektlarni qurish loyihasini ishlab chiqish, obyektlarni roʻyxatdan oʻtkazish, shuningdek ularni foydalanishga qabul qilish tartibini belgilaydi.
Ushbu Nizom talablari yer uchastkalarini:
aholi punktlari yerlari tarkibiga kirmaydigan yerlardan;
ikkita va undan koʻp tumanlar (shaharlar) yoki viloyatlar hududida joylashadigan obyektlarni qurish uchun;
loyihalarni maxsus iqtisodiy zonalarda amalga oshiradigan investorlar uchun;
Oʻzbekiston milliy avtomagistrali boʻylab yoʻl boʻyi infratuzilmasi va servis obyektlari qurish uchun berishga tatbiq etilmaydi.
Keyingi tahrirga qarang.
2. Ushbu Nizomda quyidagi asosiy tushunchalardan foydalaniladi:
aholi punktlarining yerlari — shaharlar va posyolkalar, shuningdek qishloq aholi punktlari chegaralari doirasidagi yerlar;
yer uchastkasi — belgilangan chegaraga, maydonga, manzilga, huquqiy rejimga va davlat yer kadastrida aks ettiriladigan boshqa tavsiflarga ega boʻlgan yer fondining bir qismi;
davlat yer kadastri — yerlarning tabiiy, xoʻjalik va huquqiy rejimi, ularning toifalari, sifat tavsifi va qimmati, yer uchastkalarining manzili va oʻlchamlari, ularning yer egalari, foydalanuvchilari, ijarachilari va mulkdorlari boʻyicha taqsimlanishi toʻgʻrisidagi maʼlumotlar va hujjatlar tizimi;
yer uchastkasini yuridik va jismoniy shaxslarga berish (realizatsiya qilish) — yer uchastkasini joylashtirish, uni tanlash va ajratish materiallarini tayyorlash hamda yer uchastkasi berish yuzasidan davlat hokimiyati tegishli organi tomonidan qaror qabul qilish boʻyicha chora-tadbirlar kompleksi;
yuridik va jismoniy shaxslarning yer uchastkalariga boʻlgan huquqi — yuridik va jismoniy shaxslarga beriladigan yer uchastkasiga egalik qilish, undan foydalanish va uni ijaraga olish huquqi;
yer uchastkasini olib qoʻyish — yuridik va jismoniy shaxslarning yer uchastkasiga yoki uning bir qismiga boʻlgan huquqlarini toʻxtatish boʻyicha qonun hujjatlarida belgilangan tartibda davlat hokimiyati organlari tomonidan amalga oshiriladigan yuridik harakat;
aholi punkti chegarasi — shahar, posyolka, qishloq aholi punkti yerlarining shaharsozlik va yer tuzish hujjatlariga muvofiq belgilangan tartibda tasdiqlanadigan tashqi chegaralari;
aholi punktining bosh rejasi — hayot faoliyati muhitini shakllantirishning kompleks shartlarini, aholi punktlarini hududiy rivojlantirishning asosiy yoʻnalishlarini belgilovchi shaharsozlik hujjati;
qishloq (ovul) fuqarolari yigʻini hududini meʼmoriy rejalashni tashkil etish loyihasi — aholining yashash sharoitlarini yaxshilashni taʼminlashni, qishloq xoʻjaligi ishlab chiqarishini yanada rivojlantirishni, atrof muhitni muhofaza qilishni, tabiiy, odam va moddiy resurslardan foydalanishni taʼminlaydigan qishloq aholi punktlarining rejali tuzilmasini, toʻla qimmatli arxitektura qiyofasini yaratgan holda qishloq (ovul) fuqarolari yigʻini hududini kompleks rivojlantirish va zonalashtirishdan iborat asosiy shaharsozlik vazifalari yechimlarini nazarda tutuvchi kompleks shaharsozlik hujjati;
qurilish loyihasi — binolar, inshootlar va boshqa obyektlarni qurish, rekonstruksiya qilish va mukammal taʼmirlash, shuningdek obodonlashtirish ishlari qiymatini belgilaydigan, hajmiy-rejali, konstruktiv va texnik yechimlarni belgilaydigan, obyektni qurishga ruxsat berish uchun asos hisoblanadigan hujjatlar;
shaharsozlik faoliyati — tegishli davlat hokimiyati organlarining, yuridik va jismoniy shaxslarning fuqarolar, ijtimoiy va davlat manfaatlari, shuningdek hududlar va aholi punktlarining milliy, tarixiy-madaniy, ekologik, tabiiy xususiyatlari hisobga olingan holda hududlarni, aholi punktlarini rivojlantirishni shaharsozlik jihatidan rejalashtirish, yer uchastkalaridan foydalanish, qurilish materiallari va buyumlar ishlab chiqarish turlarini belgilash, binolar, inshootlar va boshqa obyektlarni loyihalash, qurish hamda rekonstruksiya qilish sohasidagi faoliyati;
davlat shaharsozlik kadastri — davlat shaharsozlik kadastri obyektlari, ularning geografik holati, huquqiy maqomi, miqdor va sifat tavsiflari hamda iqtisodiy bahosi toʻgʻrisidagi yangilab boriladigan ishonchli maʼlumotlar tizimi;
Respublika komissiyasi — yer uchastkalarini egalik qilishga, foydalanishga va ijaraga berish (realizatsiya qilish) masalalarini koʻrib chiqish uchun Oʻzbekiston Respublikasi Vazirlar Mahkamasi huzurida tashkil etiladigan doimiy ishlovchi komissiya.
3. Yer uchastkalarini joylashtirishda shaharsozlik, iqtisodiy, ekologik, sanitariya va boshqa talablar qonun hujjatlarida belgilanadi.
4. Yuridik yoki jismoniy shaxslar egalik qilayotgan, foydalanayotgan, ijaraga olgan yoki ularning mulki boʻlgan yer uchastkasini shaharsozlik faoliyati uchun berish faqat ushbu uchastka ulardan belgilangan tartibda olingandan (haq toʻlab olingandan) keyin amalga oshiriladi.
Yer uchastkasini olib qoʻyish hamda uy-joylarni, boshqa imoratlar, inshootlar yoki dov-daraxtlarni koʻchirish toʻgʻrisidagi qaror bosh rejalarga, shuningdek turar joy tumanlarini va aholi punktlari mikrorayonlarini batafsil rejalashtirish va qurish loyihalariga muvofiq qabul qilinadi.
5. Qurilish uchun yer uchastkasini tanlash va ajratish boʻyicha materiallarni tayyorlash hamda ularni vakolatli organlar bilan kelishish tuman (shahar) arxitektura va qurilish boʻlimi (boshqarmasi) tomonidan bir joyning oʻzida tamoyili boʻyicha amalga oshiriladi.
6. Yer uchastkasini tanlash va ajratish boʻyicha materiallarni tayyorlash va kelishish ishlari yuridik yoki jismoniy shaxs bilan shartnomaviy asosda bajariladi.
Tuman (shahar) arxitektura va qurilish boʻlimi (boshqarmasi) tomonidan shartnomaviy majburiyatlarni bajarish natijasida tushgan mablagʻlar boʻlim (boshqarma)ning hisob-kitob raqamiga oʻtkaziladi, ushbu Nizomda nazarda tutilgan holatlar bundan mustasno.
7. Yer uchastkalari berish bilan bogʻliq shaharsozlik faoliyati aholi punktlari va aholi punktlariaro hududlarni rivojlantirish va qurish boʻyicha quyidagi shaharsozlik hujjatlariga (keyingi oʻrinlarda shaharsozlik hujjatlari deb ataladi) asoslanadi:
aholi punktlarining bosh rejalari;
shahar va posyolka chegaralarining loyihalari;
aholi punktlari hududlarini rivojlantirishning tarmoq sxemalari;
qishloqlar (ovullar) fuqarolar yigʻinlari hududlarini meʼmoriy rejalashtirishni tashkil etish loyihalari (HMRTL);
aholi punkti hududi qismlarining batafsil rejalashtirish loyihalari (BRL);
qurish loyihalari.
8. Aholi punktining bosh rejasisiz, qishloqlar (ovullar) fuqarolar yigʻinlari hududlarini meʼmoriy rejalashtirishni tashkil etish loyihasisiz va aholi punkti hududi qismlarining batafsil rejalashtirish loyihasisiz aholi punktlari hududida yer uchastkalari berish taqiqlanadi, ushbu Nizomda nazarda tutilgan holatlar bundan mustasno.
II. Shaharsozlik hujjatlari mavjud boʻlmagan taqdirda yer uchastkasini berish tartibi
9. Yer uchastkasi berilishidan manfaatdor boʻlgan yuridik va jismoniy shaxslar soʻralayotgan yer uchastkasi joylashgan joydagi tuman (shahar) hokimiga ariza beradilar.
Toshkent shahrida yuridik va jismoniy shaxslar yer uchastkasi berish toʻgʻrisidagi ariza bilan shahar hokimiga murojaat qiladilar.
Yer uchastkasi berish toʻgʻrisidagi arizada yer uchastkasi zarur boʻlgan maqsadlar, uning joylashgan joyi va oʻlchami, talab qilinadigan maydonning asoslanishi, qurilish ishlarini boshlash va tugallashning taxminiy muddatlari, yuridik shaxsning pochta manzili, rekvizitlari yoki jismoniy shaxsning pasporti maʼlumotlari koʻrsatilgan boʻlishi kerak.
10. Tuman (shahar) hokimi ikki kun mobaynida yuridik va jismoniy shaxslarning arizasini obyektni qurish uchun yer uchastkasini tanlash va ajratish boʻyicha materiallarni tayyorlash uchun tuman (shahar) arxitektura va qurilish boʻlimi (boshqarmasi)ga yuboradi.
11. Tuman (shahar) arxitektura va qurilish boʻlimi (boshqarmasi) oʻn toʻqqiz kun mobaynida yer uchastkasini tanlash boʻyicha materiallarni tayyorlaydi va vakolatli organlar (tashkilotlar) bilan kelishadi.
Oldingi tahrirga qarang.
Yer uchastkasini tanlash boʻyicha materiallarni tayyorlaganlik va kelishganlik uchun Oʻzbekiston Respublikasi Vazirlar Mahkamasi tomonidan belgilangan miqdorda toʻlov undiriladi.
(11-bandning ikkinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
Keyingi tahrirga qarang.
12. Yer uchastkasini tanlash ishlarini bajarish davomida:
uning umumiy maydoni aniqlanadi;
Oldingi tahrirga qarang.
shaharsozlik va yer tuzish hujjatlari, yer va shaharsozlik kadastrlari maʼlumotlari oʻrganiladi;
(12-bandning uchinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
obyektlar qurish uchun yer uchastkasini, birinchi navbatda, qishloq xoʻjaligi uchun moʻljallanmagan yerlardan yoki qishloq xoʻjaligini yuritish uchun yaroqsiz yoxud sifati yomon qishloq xoʻjaligi yerlaridan tanlash imkoniyati oʻrganiladi;
yer uchastkalari qishloq xoʻjaligi maqsadidagi va oʻrmon fondi yerlaridan tanlangan holatlarda alohida qimmatli, unumdor sugʻoriladigan yerlarni, hududning mavjud arxitekturaviy rejalashtirish va ichki xoʻjalik tashkiloti tashkil etilishini eng toʻliq darajada saqlab qolish, ekologik vaziyatni yaxshilash va saqlash, eroziya jarayonlarini, yerlarning botqoqlanishini toʻxtatish zarurligi hisobga olinadi;
yer uchastkalarini tanlashda binolar va inshootlarning, ayniqsa uy-joylarning asossiz ravishda buzib tashlanishiga yoʻl qoʻymaslik, suv xoʻjaligi obyektlaridan, muhandislik infratuzilmasidan foydalanishda noqulayliklar yaratmaslik imkoniyati qidiriladi;
tanlanayotgan yer uchastkasida binolar, inshootlar va uy-joylarning, shu jumladan, oʻzboshimchalik bilan qurilgan uy-joylarning, yerosti muhandislik tarmoqlarining mavjudligi, qishloq xoʻjaligi yerlarining tarkibi aniqlanadi;
atmosfera havosini ifloslantirish manbalari hisoblanadigan obyektlar atrofida kengligi joylashtiriladigan ishlab chiqarish klassi bilan aniqlanadigan sanitariya-himoya zonasini taʼminlash imkoniyati hisobga olinadi.
Yer uchastkasi berish toʻgʻrisidagi arizada yuridik va jismoniy shaxs tomonidan yer uchastkasining aniq joylashgan joyi koʻrsatilmaganda, shuningdek muayyan zaruriyat paydo boʻlganda yer uchastkalari bir necha variantlarda tanlanishi mumkin.
13. Tuman (shahar) arxitektura va qurilish boʻlimi (boshqarmasi) tomonidan obyektni qurish uchun yer uchastkasini tanlash materiallari quyidagi tarkibda tayyorlanadi:
koʻrib chiqilayotgan hududning yer uchastkasini joylashtirish plani (tegishli aholi punktining 1:2000 masshtabli navbatchi planidan (mavjud boʻlganda) yoki vaziyat plani aks ettirilgan 1:10000 masshtabli qishloq xoʻjaligi xaritasidan nusxa);
Oldingi tahrirga qarang.
obyektning arxitektura-rejalashtirish nuqtai nazaridan baholash imkonini beradigan erkin masshtabdagi fasadlari eskizi va bosh rejasi (yer uchastkasini tanlash va ajratish boʻyicha materiallarni tayyorlash yuzasidan shartnoma tuzishda yuridik yoki jismoniy shaxs tomonidan taqdim etiladi);
(13-bandning uchinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
yer uchastkasining kamida ikki tomondan oʻrab turgan obyektlar bilan bogʻliq holdagi (15 x 20 sm oʻlchamli) fotosurati.
14. Yer uchastkasini joylashtirish plani quyidagilar bilan kelishiladi:
tuman (shahar) hokimi;
tuman (shahar) yer resurslari va davlat kadastri boʻlimi;
yer uchastkasi ajratish toʻgʻrisidagi qarordan oldin, atrof muhitga taʼsir toʻgʻrisidagi ariza loyihasini ishlab chiqish hamda Vazirlar Mahkamasining “Oʻzbekiston Respublikasida davlat ekologiya ekspertizasi toʻgʻrisidagi Nizomni tasdiqlash haqida” 2001-yil 31-dekabrdagi 491-son qarorida nazarda tutilgan obyektlar boʻyicha davlat ekologiya ekspertizasi xulosasini olish sharti bilan Oʻzbekiston Respublikasi Tabiatni muhofaza qilish qoʻmitasining hududiy organi;
Keyingi tahrirga qarang.
tuman (shahar) sanitariya-epidemiologiya xizmati;
davlat yongʻin nazorati hududiy organi;
madaniy meros yodgorliklarini qoʻriqlash zonasida obyekt qurish uchun yer uchastkasi tanlashda — madaniy meros obyektlarini qoʻriqlash va ulardan foydalanish hududiy inspeksiyasi;
tabiiy hududlar, magistral quvurlar, temir yoʻl va avtomobil yoʻllari, elektr quvvati uzatish va aloqa liniyalari qoʻriqlanadigan muhofaza, suv muhofazasi va sanitariya-himoya zonalarida, shuningdek aerodromlar hamda chiqindilar va boshqa zaharli moddalarni koʻmish joylari yaqinida yer uchastkalarini tanlashda — tegishli rejimli hududlar va inshootlardan foydalanuvchi tashkilotlar;
ulardan yer uchastkalari olinayotgan yuridik va jismoniy shaxslar (yuridik shaxslarning yuqori boshqaruv organlari mavjud boʻlgan taqdirda yer uchastkasini joylashtirish rejasi yuqori organlar bilan kelishiladi);
yer uchastkasi qishloq xoʻjaligi yerlaridan ajratilgan holatlarda — qishloq va suv xoʻjaligi organlari;
yer uchastkasi avtomobillarning toʻxtab turish joylari va yoʻl harakati xavfsizligiga taʼsir koʻrsatadigan boshqa obyektlar uchun ajratilgan holatlarda — davlat yoʻl harakati xavfsizligi xizmatining hududiy organi bilan kelishiladi.
Yer uchastkasini joylashtirish planini vakolatli tuman (shahar) organlari va boshqa shaxslar bilan kelishish uch kun mobaynida amalga oshiriladi.
Oldingi tahrirga qarang.
Joylashtirishning kelishilgan plani kelishilgan organlar tomonidan koʻrsatilgan muddatda taqdim etilmagan taqdirda yer uchastkasini joylashtirish plani kelishilgan deb hisoblanadi (murakkabligi (xavfliligi) jihatidan IV va V toifalardagi obyektlar bundan mustasno) .
(14-bandning oʻn uchinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
15. Tuman (shahar) arxitektura va qurilish boʻlimi (boshqarmasi) yer uchastkasi tanlash boʻyicha materiallarni tegishliligiga koʻra Qoraqalpogʻiston Respublikasi “Davarxitektqurilish” qoʻmitasiga yoki viloyat arxitektura va qurilish bosh boshqarmasiga yuboradi, ular materiallarni toʻrt kun mobaynida koʻrib chiqadilar va maʼqullangan taqdirda — ularni bosh loyiha-qidiruv tashkilotlariga kelishish uchun yuboradilar.
Keyingi tahrirga qarang.
16. Yer uchastkasini tanlash boʻyicha materiallar yetti kun mobaynida Toshkent, Samarqand shaharlarida, Toshkent viloyatining shaharlari, tumanlarning maʼmuriy markazlari va posyolkalarda — “ToshkentboshplanLITI” davlat unitar korxonasi bosh loyiha-qidiruv tashkiloti bilan, Qoraqalpogʻiston Respublikasi hamda boshqa viloyatlarning shaharlari, tumanlarning maʼmuriy markazlari va posyolkalarda — “OʻzshaharsozlikLITI” davlat unitar korxonasi bosh loyiha-qidiruv tashkiloti bilan, qishloq aholi punktlarida — “Qishloqqurilishloyiha” masʼuliyati cheklangan jamiyati bosh loyiha-qidiruv tashkiloti bilan kelishiladi.
Bosh loyiha-qidiruv tashkilotlari bilan kelishish ular tomonidan, yer uchastkasini joylashtirish rejasi ilova qilingan holda, vakolatli mansabdor shaxs imzolagan va tashkilot muhri bilan tasdiqlangan ijobiy xulosani Qoraqalpogʻiston Respublikasi “Davarxitektqurilish” qoʻmitasiga, viloyat yoki Toshkent shahar arxitektura va qurilish bosh boshqarmasiga yuborish yoʻli bilan amalga oshiriladi.
Bosh loyiha-qidiruv tashkilotlari bilan faqat yer uchastkasini joylashtirish plani kelishiladi. Mazkur yer uchastkasida qurilishi moʻljallanayotgan obyektning plani va fasadlarni kelishish talab qilinmaydi.
Bosh loyiha-qidiruv tashkilotlari bilan kelishish boʻyicha xarajatlar ular tomonidan joriy qurilish ustidan mualliflik nazoratini va mahalliy davlat hokimiyati organlari bilan shartnomalar asosida amalga oshirilayotgan aholi punktlarining bosh rejalarini bajarish monitoringini olib borishdan tushadigan mablagʻlar hisobiga qoplanadi.
17. Qoraqalpogʻiston Respublikasi “Davarxitektqurilish” qoʻmitasi, viloyat yoki Toshkent shahar arxitektura va qurilish bosh boshqarmasi yer uchastkasi tanlash boʻyicha kelishilgan materiallar olingandan keyin bir ish kuni mobaynida ularni yer uchastkasi ajratish boʻyicha materiallarni tayyorlash uchun tuman (shahar) arxitektura va qurilish boʻlimi (boshqarmasi)ga yuboradilar.
18. Shaharlar va shaharchalar (tuman markazlari)dagi ilgari ishlab chiqilgan va tasdiqlangan loyihalar boʻyicha qurilishi tugallangan maʼmuriy markazlar, turarjoy mikrorayonlari hududlarida joylashtiriladigan holatlarda yer uchastkasi tanlash boʻyicha materiallar, shuningdek Oʻzbekiston Respublikasi Prezidentining “Ijtimoiy va fuqaro obyektlarini loyihalash va qurishda tegishli tartib oʻrnatish chora-tadbirlari toʻgʻrisida” 2011-yil 27-dekabrdagi PQ-1666-son qarori bilan tuzilgan Qurish va rekonstruksiya qilish Oʻzbekiston Respublikasi Hukumati darajasida tasdiqlanishi kerak boʻlgan obyektlarning manzilli roʻyxatlarini tasdiqlash boʻyicha Hukumat komissiyasi bilan, qonun hujjatlarida belgilangan tartibda kelishiladi.
19. Tuman (shahar) arxitektura va qurilish boʻlimi (boshqarmasi) oʻn kungacha boʻlgan muddatda, yer uchastkasi tanlash boʻyicha materiallar asosida uni ajratish boʻyicha materiallarni tayyorlaydi va vakolatli organlar bilan kelishadi, yer uchastkasi ajratish dalolatnomasini belgilangan tartibda rasmiylashtiradi.
Oldingi tahrirga qarang.
Yer uchastkasi ajratish boʻyicha materiallarni tayyorlaganlik va kelishganlik uchun Oʻzbekiston Respublikasi Vazirlar Mahkamasi tomonidan belgilangan miqdorda toʻlov undiriladi.
(19-bandning ikkinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
20. Tuman (shahar) arxitektura va qurilish boʻlimi (boshqarmasi) soʻrovi boʻyicha, yer uchastkasi ajratish materiallariga qoʻshib qoʻyish uchun besh kun mobaynida vakolatli organlar tomonidan quyidagi xulosalar taqdim etiladi:
Vazirlar Mahkamasining “Oʻzbekiston Respublikasida davlat ekologik ekspertizasi toʻgʻrisidagi Nizomni tasdiqlash haqida” 2001-yil 31-dekabrdagi 491-son qarorida nazarda tutilgan obyektlar boʻyicha davlat ekologik ekspertizasi toʻgʻrisida Davlat tabiatni muhofaza qilish qoʻmitasi tegishli organining xulosasi;
tuman (shahar) yer resurslari va davlat kadastri boʻlimi xulosasi;
tuman (shahar) sanitariya-epidemiologiya xizmati xulosasi;
davlat yongʻin nazorati hududiy organi xulosasi.
Xulosalar taqdim etilganligi uchun toʻlov undirilmaydi.
Oldingi tahrirga qarang.
Tegishli organlar tomonidan, koʻrsatilgan muddatda xulosa taqdim etilmagan taqdirda arxitektura va qurilish boʻlimi (boshqarmasi) yer uchastkasi ajratish boʻyicha materiallarni tuman (shahar) hokimi huzuridagi yer uchastkalarini berish (realizatsiya qilish) masalalarini koʻrib chiqish komissiyasiga (keyingi oʻrinlarda tuman (shahar) komissiyasi deb ataladi) kelishish uchun kiritadi va shu haqda tegishli organga bildirishnoma taqdim etadi, murakkabligi (xavfliligi) jihatidan IV va V toifalardagi obyektlar bundan mustasno.
(20-bandning yettinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
Keyingi tahrirga qarang.
21. Tuman (shahar) yer resurslari va davlat kadastri boʻlimi xulosasida quyidagilar koʻrsatiladi:
mulkdorlar, yer egalari, foydalanuvchilar va ijarachilarning (mavjud boʻlsa) ekin maydonlari boʻyicha berilayotgan yer uchastkasining umumiy maydoni;
yer uchastkasining sifat tavsiflari;
Vazirlar Mahkamasining “Davlat va jamoat ehtiyojlari uchun yer uchastkalarining olib qoʻyilishi munosabati bilan fuqarolarga va yuridik shaxslarga yetkazilgan zararlarni qoplash tartibi toʻgʻrisida Nizomni tasdiqlash haqida” 2006-yil 29-maydagi 97-son hamda “Shaharsozlik faoliyatini amalga oshirish hamda qishloq xoʻjaligiga oid boʻlmagan boshqa ehtiyojlar uchun yer uchastkalari berish tartibini takomillashtirish chora-tadbirlari toʻgʻrisida” 2011-yil 25-maydagi 146-son qarorlaridagi tartibda belgilangan yer egalari, foydalanuvchilar, ijarachilar va yer uchastkalarining mulkdorlari yerlarining ulardan olib qoʻyilishi (haq toʻlab olinishi) munosabati bilan ularga yetkazgan zararlar miqdorlari (zararlar va yoʻqotishlar mavjud boʻlsa);
yer uchastkasini unumdor qilishning zarurligi va uning (qishloq, oʻrmon, baliqchilik xoʻjaligida yoki boshqa maqsadlarda foydalanish uchun) yoʻnalishi), tuproqning unumdor qatlamini koʻchirib olishning zarurligi;
yer egalari, foydalanuvchilar, ijarachilar va mulkdorlardan yer uchastkasini olib qoʻyishning shartlari (mavjud boʻlsa);
yangi yer uchastkalari yoki kvartira olishni xohlovchilar koʻrsatilgan holdagi koʻchirilayotgan fuqarolar oilalarining tarkibi (mavjud boʻlsa).
Keyingi tahrirga qarang.
22. Yer uchastkasi ajratish boʻyicha materiallar tuman (shahar) arxitektura va qurilish boʻlimi (boshqarmasi) tomonidan tuman (shahar) komissiyasiga kelishish uchun kiritiladi.
Tuman (shahar) komissiyasi yer uchastkasi ajratish materiallarini uch kun mobaynida koʻrib chiqadi va kelishilgan taqdirda, ularni belgilangan shakldagi, tuman (shahar) komissiyasi aʼzolari va masʼul kotibi imzolari bilan tasdiqlangan yer uchastkasi ajratish dalolatnomasini tuman (shahar) arxitektura va qurilish boʻlimi (boshqarmasi)ga qaytaradi.
Yer uchastkasi ajratish dalolatnomasi faqat aʼzolari tanlanayotgan yer uchastkasi ularning manfaatlariga taalluqli boʻlgan tashkilotlarning vakillari boʻlgan tuman (shahar) komissiyasi tomonidan imzolanadi.
Toshkent shahri va Toshkent viloyatida yer uchastkasi ajratish materiallari tegishli ravishda Vazirlar Mahkamasining “Toshkent shahrida yer uchastkalari berish va ulardan maqsadli foydalanish tartibini yanada takomillashtirish chora-tadbirlari toʻgʻrisida” 2008-yil 22-avgustdagi 189-son hamda “Toshkent viloyatida yuridik va jismoniy shaxslarga yer uchastkalari berish va ulardan maqsadli foydalanish tartibini yanada takomillashtirish chora-tadbirlari toʻgʻrisida” 2009-yil 20-yanvardagi 16-son qarorlari bilan tashkil etilgan komissiyalar tomonidan, belgilangan tartibda koʻrib chiqiladi.
Keyingi tahrirga qarang.
23. Yer uchastkasi ajratish boʻyicha quyidagi materiallar tuman (shahar) arxitektura va qurilish boʻlimi (boshqarmasi) tomonidan tuman (shahar) hokimiga koʻrib chiqish uchun kiritiladi:
tuman (shahar) hokimining tuman (shahar) yer resurslari va davlat kadastri boʻlimi bilan kelishilgan qarori loyihasi;
yer uchastkasini tanlash va ajratish boʻyicha materiallar;
yer uchastkasi ajratish dalolatnomasi;
tuman (shahar) yer resurslari va davlat kadastri boʻlimi bilan kelishilgan yer uchastkasining uning chegaralarini aniq koʻrsatish imkonini beradigan masshtabdagi rejasi (rejada yer uchastkasining chegaralari chiziladi, uchastkalar bir necha yuridik va jismoniy shaxslarning yerlardan ajratilgan taqdirda ushbu yer uchastkalarining chegaralari ham chiziladi, burilish nuqtalari koordinatlari boʻyicha chegaralarning tavsifi keltiriladi);
yangi yer uchastkalari yoki kvartira olishni xohlovchilar koʻrsatilgan holdagi (mavjud boʻlganda) fuqarolarning koʻchiriladigan oilalari roʻyxati;
yer uchastkalari mulkdorlari, egalari, foydalanuvchilari va ijarachilarining koʻrgan boshqa zararlari miqdorini, shuningdek qishloq xoʻjaligi va oʻrmon xoʻjaligi ishlab chiqarishlari nobudgarchiliklari miqdorini (mavjud boʻlganda) aniqlash dalolatnomasi;
yer uchastkasi oʻrmon xoʻjaligi korxonalari tasarrufidan chiqarilgan taqdirda, ajratilgan yer uchastkasining texnik tekshirish dalolatnomasi;
baholovchi tashkilotning buziladigan binolar va inshootlar bahosi toʻgʻrisidagi hisoboti (mavjud boʻlsa);
Vazirlar Mahkamasining “Oʻzbekiston Respublikasida davlat ekologik ekspertizasi toʻgʻrisidagi Nizomni tasdiqlash haqida” 2001-yil 31-dekabrdagi 491-son qarorida nazarda tutilgan obyektlar boʻyicha Davlat tabiatni muhofaza qilish qoʻmitasi organining davlat ekologiya ekspertizasi toʻgʻrisidagi xulosasi;
tuman (shahar) yer resurslari va davlat kadastri boʻlimining tanlangan yer uchastkasining yer qonunchiligi talablariga muvofiqligi toʻgʻrisidagi xulosasi;
tuman (shahar) sanitariya-epidemiologiya xizmati xulosasi;
tuman (shahar) davlat yongʻin nazorati hududiy organi xulosasi;
24. Tuman (shahar) hokimi oʻz vakolati doirasida, yer uchastkasi ajratish toʻgʻrisida ikki kun mobaynida qaror qabul qiladi va uni yer uchastkasini ajratish va uning chegaralarini naturada koʻrsatish boʻyicha yigʻmajildni shakllantirish uchun, yer uchastkasi ajratish boʻyicha materiallar nusxalarini ilova qilgan holda, tuman (shahar) arxitektura va qurilish boʻlimi (boshqarmasi)ga taqdim etadi.
25. Yer uchastkasi ajratish toʻgʻrisidagi qarorda quyidagi masalalar aks ettirilishi kerak:
yer uchastkasi kimga, qanday maqsadlar uchun va qancha muddatga (er vaqtincha foydalanishga va ijaraga berilganda aniq muddati koʻrsatiladi) beriladi, shuningdek, mavjud boʻlganda, yerlari olib qoʻyiladigan (haq toʻlab olinadigan) yer mulkdorlari, egalari, foydalanuvchilari va ijarachilarining nomi;
yer uchastkalari mulkdorlari, egalari, foydalanuvchilari va ijarachilarining yerlari boʻyicha (mavjud boʻlganda) berilayotgan yer uchastkasining umumiy maydoni;
yer uchastkalari mulkdorlariga, egalariga, foydalanuvchilari va ijarachilariga qoplanishi kerak boʻlgan koʻrilgan zararlari miqdorlari hamda ularni toʻlash muddatlari (mavjud boʻlganda);
qishloq xoʻjaligi va oʻrmon xoʻjaligi ishlab chiqarishlari nobudgarchiliklari miqdorlari hamda ularni toʻlash muddatlari (mavjud boʻlganda);
yer uchastkasini unumdor qilishning zarurligi, olib qoʻyilgan yer uchastkasini uning mulkdorlari, egalari, foydalanuvchilari va ijarachilariga qaytarish shartlari (mavjud boʻlsa);
tuproqning unumdor qatlamini koʻchirib olishning zarurligi (mavjud boʻlganda);
Oldingi tahrirga qarang.
suv muhofazasi, ekologik, yongʻinga qarshi, sanitariya shartlari va talablari (zarurat boʻlganda);
(25-bandning sakkizinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
Tuman (shahar) hokimining yer uchastkasi ajratish toʻgʻrisidagi qaroriga, uning ajralmas qismi sifatida, ajratilayotgan yer uchastkasining chegaralari rejasi ilova qilinadi.
26. Qishloq xoʻjaligida foydalanilayotgan yerlarni qishloq xoʻjaligidan boshqa maqsadlar uchun ajratish ularning amalda zarurligiga koʻra hamda, qoidaga koʻra, ularda yetishtirilgan hosil yigʻishtirib olingandan keyin amalga oshiriladi.
27. Yer uchastkasini vaqtincha foydalanishga (qurilish davriga) berishda qarorda yer uchastkasi berilayotgan aniq muddat nazarda tutiladi.
Vaqtincha foydalanishga berilgan yer uchastkalari belgilangan muddatda yuridik va jismoniy shaxslar tomonidan qaytarilmaganda, tegishli davlat hokimiyati organlari yer uchastkasini uning olib qoʻyilgan (haq toʻlab olingan) egasi, foydalanuvchisi, ijarachisi va mulkdoriga yoki ularning huquqiy vorisiga, huquqiy vorisi boʻlmagan taqdirda esa — yer zaxirasi tarkibiga qaytarishi mumkin.
Foydalanish muddati uzaytirilganda qishloq xoʻjaligi va oʻrmon xoʻjaligi ishlab chiqarishining yoʻqotishlari qoʻshimcha ravishda qoplanadi, shundan keyin uzaytirilgan muddatda vaqtincha foydalanishga ajratilgan yer uchastkasidan foydalanishga yoʻl qoʻyiladi.
28. Yer uchastkasini mavjud korxonalar, binolar va inshootlarni kengaytirish uchun ajratishda ilgari ajratilgan yerlar tekshiruvdan oʻtkaziladi, ulardan belgilangan maqsadda foydalanganligi, shuningdek buzilgan yerlarni unumdor qilish ishlarining holati tekshiriladi.
Yer uchastkasini qoʻshimcha ravishda ajratish vaqtincha foydalanish uchun ilgari ajratilgan yer uchastkasi belgilangan maqsadda foydalanish uchun yaroqli holatga keltirilgandan keyin amalga oshiriladi.
29. Yer uchastkasi maydonidan qatʼi nazar, yer uchastkalarini shahar chegaralari doirasida ajratish (Toshkent shahridan tashqari) shahar hokimi vakolatiga kiradi, qishloq xoʻjaligi va oʻrmon xoʻjaligi tashkilotlarining yerlari bundan mustasno.
Yer uchastkasi qishloq xoʻjaligi va oʻrmon xoʻjaligi yerlaridan ajratilgan taqdirda yer uchastkalari ajratish boʻyicha materiallar shahar hokimi tomonidan uch kun muddatda tegishli ravishda Qoraqalpogʻiston Respublikasi Vazirlar Kengashiga yoki viloyat hokimiga tasdiqlash uchun yuboriladi.
30. Tuman hokimining vakolatiga bir nafar yer egasi va yerdan foydalanuvchiga quyidagilardan oʻn gektargacha oʻlchamda yer uchastkasi ajratish kiradi:
qishloq xoʻjaligi uchun moʻljallangan yerlardan, ularni tubdan yaxshilash boʻyicha ishlar olib borilgan sugʻoriladigan yerlar, pichanzorlar va yaylovlar bundan mustasno;
oʻrmon fondi yerlaridan, oʻrmon oʻsimliklari bilan qoplangan yerlar bundan mustasno;
sanoat, transport, aloqa, mudofaa va boshqa maqsadlar uchun moʻljallangan yerlardan;
suv fondi yerlaridan.
Tuman hokimining vakolatiga, yer uchastkasi oʻlchami va yerlarning turlaridan qatʼi nazar, zaxira yerlardan yer uchastkasi ajratish ham kiradi.
31. Yer uchastkasi ajratish tuman (shahar) hokimining vakolatiga kirmaydigan holatlarda, yer uchastkasi ajratish boʻyicha materiallar ikki kun mobaynida tegishli ravishda Qoraqalpogʻiston Respublikasi Vazirlar Kengashiga va viloyat hokimiga koʻrib chiqish uchun yuboriladi.
Qoraqalpogʻiston Respublikasi Vazirlar Kengashi va viloyatlar hokimlari yer uchastkasi ajratish boʻyicha tushgan materiallarni yer uchastkalarini berish (realizatsiya qilish) masalalarini koʻrib chiqish boʻyicha tegishli komissiyalarga uch kun mobaynida yuboradilar.
Komissiyalar taqdim etilgan materiallar va hujjatlarni koʻrib chiqib, ushbu yer uchastkasini aniq obyekt qurilishi uchun berishning maqsadga muvofiqligi yoki nomuvofiqligi toʻgʻrisida besh kun mobaynida oʻz xulosasini yuboradilar.
32. Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari oʻz vakolatlari doirasida, komissiyalarning ijobiy xulosasi asosida yer uchastkasi ajratish toʻgʻrisida besh kun mobaynida qaror qabul qiladilar.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari vakolatiga barcha yerlardan yer uchastkalari ajratish kiradi, quyidagilar bundan mustasno:
kadastr bahosi oʻrtacha tuman bonitet balidan 20 foizdan ziyod oshadigan, alohida qimmatli unumdor sugʻoriladigan qishloq xoʻjaligi yerlari;
alohida muhofaza qilinadigan hududlardagi yerlar (tabiatni muhofaza qilish, sogʻlomlashtirish, rekreatsion va tarixiy-madaniy joylar);
shahar atrofidagi yerlar va shaharlarning yashil zonalari yerlari;
ilmiy-tadqiqot tashkilotlari va taʼlim muassasalarining tajriba dalalari yerlari;
oʻrmon oʻsimliklari bilan qoplangan yerlar.
Qoraqalpogʻiston Respublikasi Vazirlar Kengashi va viloyatlar hokimlari yer uchastkalari ajratish boʻyicha materiallarni qabul qilingan qaror bilan birga tegishli tuman (shahar) hokimiga qaytaradi, u yer uchastkasi chegaralarini naturaga koʻchirish uchun ularni tuman (shahar) arxitektura va qurilish boʻlimi (boshqarmasi)ga beradi.
33. Yer uchastkasi ajratish Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari vakolatiga kirmaydigan holatlarda yer uchastkasi ajratish boʻyicha materiallar ikki kun mobaynida Respublika komissiyasiga yuboriladi.
Respublika komissiyasi yer uchastkasi ajratish boʻyicha materiallarni oʻn kun mobaynida koʻrib chiqadi, oʻz xulosasini protokol bilan rasmiylashtiradi, yer uchastkasi ajratish toʻgʻrisida tegishli Hukumat qarori loyihasini tayyorlaydi va belgilangan tartibda Vazirlar Mahkamasiga kiritadi.
34. Oʻzbekiston Respublikasi Vazirlar Mahkamasi Respublika komissiyasining ijobiy xulosasi asosida yer uchastkasi ajratish toʻgʻrisida yetti kun mobaynida qaror qabul qiladi.
Oʻzbekiston Respublikasi Vazirlar Mahkamasi vakolatiga quyidagilardan:
davlat mulkida boʻlgan barcha yerlardan yer ajratish, shu jumladan mahalliy davlat hokimiyati organlari vakolatiga kiradigan yer uchastkalaridan;
alohida qimmatli, unumdor sugʻoriladigan yerlardan;
muhofaza qilinadigan hududlardagi yerlar (tabiatni muhofaza qilish, sogʻlomlashtirish, rekreatsion va tarixiy-madaniy joylar)dan;
shahar atrofidagi va shaharlarning yashil zonalaridagi yerlardan;
ilmiy-tadqiqot tashkilotlari va taʼlim muassasalarining tajriba dalalari yerlaridan;
oʻrmon oʻsimliklari bilan qoplangan yerlardan;
yer uchastkalari ijaraga berilganda — xorijiy investitsiyalar ishtirokidagi korxonalar, xalqaro birlashmalar va tashkilotlar, xorijiy yuridik va jismoniy shaxslarga yer uchastkalari ajratish kiradi.
Qaror qabul qilingandan keyin yer uchastkalari ajratish boʻyicha materiallar ikki kun mobaynida tegishli ravishda Qoraqalpogʻiston Respublikasi Vazirlar Kengashiga, viloyatlar va Toshkent shahar hokimlariga qaytariladi, ular materiallarni tuman (shahar) arxitektura va qurilish boʻlimi (boshqarmasi)ga beradilar.
35. Tuman (shahar) hokimligi yer uchastkalari ajratish toʻgʻrisida qabul qilingan qaror haqida ulardan yer uchastkasi olinayotgan (haq toʻlab olinayotgan) yer egalari, yerlarning foydalanuvchilari, ijarachilari va mulkdorlarini ikki kun mobaynida yozma shaklda xabardor qiladi.
36. Yerlarning egalari, foydalanuvchilari, ijarachilari va mulkdorlari tegishli davlat hokimiyati organlarining yerlarni olib qoʻyish (haq toʻlab olish) toʻgʻrisidagi qaroridan yoki yerlarni olib qoʻyish (haq toʻlab olish) shartlaridan norozi boʻlishganda ular yuzasidan qonun hujjatlarida belgilangan tartibda shikoyat qilishlari mumkin.
37. Tuman (shahar) arxitektura va qurilish boʻlimi (boshqarmasi) yer uchastkasi ajratish toʻgʻrisida qaror qabul qilingandan keyin texnik shartlarini olish uchun bir kun mobaynida tegishli tumanlar (shaharlar) gaz taʼminoti, elektr taʼminoti, suv taʼminoti, kanalizatsiya, issiqlik taʼminoti va telefon aloqasi boʻyicha foydalanish tashkilotlariga buyurtmanoma beradi.
Keyingi tahrirga qarang.
Oldingi tahrirga qarang.
38. Tuman (shahar) arxitektura va qurilish boʻlimi (boshqarmasi) “Yergeodezkadastr” davlat qoʻmitasining tuman (shahar) yer tuzish va koʻchmas mulk kadastri davlat korxonasi ishtirokida yer uchastkasi chegaralarini quyidagi muddatlarda naturaga koʻchiradi:
(38-bandning birinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
Toshkent shahrida, Nukus shahrida va viloyatga boʻysunuvchi shaharlarda — yer uchastkasi ajratish toʻgʻrisida qaror qabul qilingandan keyin uch kun mobaynida mavjud topografiya materiallari asosida;
boshqa aholi punktlarida — yer uchastkasining topografik xaritasi ishlab chiqilgandan keyin.
Yer uchastkasi chegaralarini naturaga koʻchirish ishlarini amalga oshirish uchun “OʻzGAShKLITI” davlat unitar korxonasining loyiha-qidiruv tashkiloti vakolatxonasi shartnoma asosida jalb etiladi.
Yer uchastkasi chegaralarini naturaga koʻchirish ishlarini amalga oshirganlik uchun eng kam oylik ish haqining ikki baravari miqdorida toʻlov undiriladi.
Yer uchastkasi chegaralarini naturaga koʻchirish ishlari qiymati yer uchastkasini tanlash va ajratish materiallarini tayyorlash boʻyicha shartnomaga kiritiladi.
Yer uchastkasi chegaralarini naturaga koʻchirish ishlarini bajarish natijasida tushgan mablagʻlar “OʻzGAShKLITI” davlat unitar korxonasi loyiha-qidiruv tashkiloti vakolatxonasining hisob-kitob raqamiga oʻtkaziladi.
Oldingi tahrirga qarang.
39. Yer uchastkasi chegaralarini naturaga koʻchirish ishlari davomida yer uchastkasi ajratish boʻyicha yigʻmajild uch nusxada shakllantiriladi, uning bir nusxasi tuman (shahar) arxitektura va qurilish boʻlimi (boshqarmasi) tomonidan yer uchastkasiga egalik qilish huquqini davlat roʻyxatidan oʻtkazish toʻgʻrisidagi guvohnomani olish uchun tegishli buyurtmanoma bilan birga, tuman (shahar) davlat yer tuzish va koʻchmas mulk kadastri korxonasiga beriladi.
(39-band Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
Oldingi tahrirga qarang.
40. “Yergeodezkadastr” davlat qoʻmitasining tuman (shahar) yer tuzish va koʻchmas mulk kadastri davlat korxonasi yer uchastkasi ajratish toʻgʻrisida qabul qilingan qaror va yer uchastkasi ajratish boʻyicha yigʻmajild asosida ikki kun mobaynida yer uchastkasiga boʻlgan huquqni davlat roʻyxatidan belgilangan tartibda oʻtkazadi hamda tuman (shahar) arxitektura va qurilish boʻlimi (boshqarmasi)ga yuridik yoki jismoniy shaxs nomiga rasmiylashtirilgan yer uchastkasiga egalik qilish huquqini belgilangan tartibda davlat roʻyxatidan oʻtkazish toʻgʻrisidagi guvohnomani taqdim etadi.
(40-bandning birinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
Yer uchastkasiga boʻlgan huquqni davlat roʻyxatidan oʻtkazganlik va guvohnoma berganlik uchun yuridik shaxslardan eng kam oylik ish haqining 50 foizi miqdorida, jismoniy shaxslardan esa — eng kam oylik ish haqining 10 foizi miqdorida roʻyxatdan oʻtkazish yigʻimi undiriladi, u yer uchastkasini tanlash va ajratish materiallarini tayyorlash boʻyicha shartnomaga kiritiladi.
Keyingi tahrirga qarang.
Oldingi tahrirga qarang.
Yer uchastkasiga egalik qilish huquqini davlat roʻyxatidan oʻtkazishdan tushgan mablagʻlar tuman (shahar) arxitektura va qurilish boʻlimi (boshqarmasi) tomonidan “Yergeodezkadastr” davlat qoʻmitasining tuman (shahar) yer tuzish va koʻchmas mulk kadastri davlat korxonasining hisob-kitob raqamiga oʻtkaziladi.
(40-bandning uchinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
41. Foydalanuvchi tashkilotlar tuman (shahar) arxitektura va qurilish boʻlimi (boshqarmasi) buyurtmanomasi olingan sanadan boshlab uch kun mobaynida unga belgilangan tartibda rasmiylashtirilgan texnik shartlarni beradi.
Foydalanuvchi tashkilotlar tomonidan texnik shartlar bepul beriladi.
Buyurtmanomada koʻrsatilgan parametrlar boʻyicha texnik shartlarni berish mumkin boʻlmagan holatlarda foydalanuvchi tashkilotlar uch kun mobaynida tuman (shahar) arxitektura va qurilish boʻlimi (boshqarmasi)ga, sabablarni va qonunchilikning aniq normalarini koʻrsatgan holda, texnik shartlarni olish uchun boshlangʻich parametrlarni oʻzgartirish boʻyicha takliflarini yozma shaklda yuboradilar.
Texnik shartlarni berish uchun buyurtmanomani takroran koʻrib chiqishda buyurtmanomani boshlangʻich parametrlarni oʻzgartirish toʻgʻrisidagi xatda ilgari koʻrsatilmagan yangi asoslar boʻyicha qaytarishga yoʻl qoʻyilmaydi.
Keyingi tahrirga qarang.
Oldingi tahrirga qarang.
42. Tuman (shahar) arxitektura va qurilish boʻlimi (boshqarmasi) tegishli tuman (shahar) foydalanish tashkilotlari tomonidan texnik shartlar taqdim etilgan kundan boshlab oʻn kundan oshmaydigan muddatda arxitektura-rejalashtirish topshiriqlarining (I va II qismlari) ishlab chiqilishini taʼminlaydi.
(42-bandning birinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
Oldingi tahrirga qarang.
Arxitektura-rejalashtirish topshirigʻi Qoraqalpogʻiston Respublikasi Davlat arxitektura va qurilish qoʻmitasi, viloyatlar va Toshkent shahar arxitektura va qurilish bosh boshqarmalari tomonidan ishlab chiqiladi. Qoraqalpogʻiston Respublikasi Davlat arxitektura va qurilish qoʻmitasi, viloyatlar va Toshkent shahar arxitektura va qurilish bosh boshqarmalarining tegishli ruxsatnomasi mavjud boʻlganda arxitektura-rejalashtirish topshirigʻi tuman (shahar) arxitektura va qurilish boʻlimi (boshqarmasi) tomonidan ishlab chiqiladi;
(42-band Oʻzbekiston Respublikasi Vazirlar Mahkamasining 2013-yil 30-maydagi 150-sonli qaroriga asosan ikkinchi xatboshi bilan toʻldirilgan — OʻR QHT, 2013-y., 23-son, 301-modda)
Oldingi tahrirga qarang.
Yuridik va jismoniy shaxslar uchun arxitektura-rejalashtirish topshirigʻini ishlab chiqqanlik uchun Oʻzbekiston Respublikasi Vazirlar Mahkamasi tomonidan belgilangan miqdorda toʻlov undiriladi, u yer uchastkasini tanlash va ajratish materiallarini tayyorlash boʻyicha shartnomaga kiritiladi.
(42-bandning uchinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
Keyingi tahrirga qarang.
43. Qurilish uchun yer uchastkasi berish jarayonida quyidagi loyihalar boʻyicha arxitektura-rejalashtirish topshirigʻida ekspertiza oʻtkazish yuzasidan talablar yoki shartlar belgilanishiga yoʻl qoʻyilmaydi:
mavsumiy ishlar uchun vaqtinchalik imoratlar va maishiy xonalar;
amaldagi muhandislik tarmoqlarini oʻzgartirishni talab qilmaydigan kichik (300 kub.metrdan koʻp boʻlmagan) hajmlarda alohida qurilayotgan obyektlar.
Keyingi tahrirga qarang.
44. Hokimning yer uchastkasi ajratish toʻgʻrisidagi qarori, yer uchastkasi ajratish boʻyicha yigʻmajildning bir nusxasi, texnik shartlar bilan birga ishlab chiqilgan arxitektura-rejalashtirish topshirigʻi, shuningdek yer uchastkasiga boʻlgan mulk huquqini davlat roʻyxatidan oʻtkazish toʻgʻrisidagi guvohnoma yer uchastkasini tanlash va ajratish materiallarini tayyorlash boʻyicha ishlarning qiymati yuridik va jismoniy shaxs tomonidan toʻlangan sanadan boshlab ikki kundan kechikmay yuridik va jismoniy shaxslarga taqdim etiladi.
45. Shaharsozlik hujjatlari mavjud boʻlmaganda yer uchastkasi berish ushbu Nizomga 1-ilovaga muvofiq sxema boʻyicha amalga oshiriladi.
III. Shaharsozlik hujjatlari mavjud boʻlganda yer uchastkasi berish tartibi
46. Tasdiqlangan shaharsozlik hujjatlari mavjud boʻlganda yer uchastkasi berish, shuningdek obyektni loyihalash uchun zarur hujjatlarni taqdim etish ushbu Nizomning 9—14 va 18—44-bandlariga muvofiq amalga oshiriladi.
47. Shaharsozlik hujjatlari mavjud boʻlgan taqdirda yer uchastkasi berish ushbu Nizomga 2-ilovaga muvofiq sxema boʻyicha amalga oshiriladi.
IV. Obyekt qurilishi uchun yer uchastkasini tanlash va ajratishni rad etish
48. Yer uchastkasini tanlash va ajratish boʻyicha materiallarni koʻrib chiqishda tegishli davlat hokimiyati organlari, tuman (shahar) yer resurslari va davlat kadastri boʻlimlari, tuman (shahar), viloyat, Toshkent shahar komissiyalari, Respublika komissiyasi oʻz vakolatlari doirasida quyidagi holatlarda obyekt qurilishi uchun yer uchastkasi joylashtirilishini rad etish huquqiga ega:
yongʻinga qarshi, sanitariya va tabiatni muhofaza qilish normalari buzilishi mumkin boʻlgan holatlarda;
ulardan yer uchastkalari olib qoʻyilayotgan yer uchastkalari egalari, foydalanuvchilari, ijarachilari yoki mulkdorlarining huquqlari va qonuniy manfaatlari kamsitilganda.
Yer uchastkasini tanlash va ajratish boʻyicha materiallar ular belgilangan roʻyxatga muvofiq taqdim etilmagan taqdirda qaytarilishi mumkin.
Rad etish asoslangan boʻlishi va yozma shaklda taqdim etilishi kerak.
49. Tegishli davlat organi, komissiya tomonidan rad etilgan taqdirda, materiallar tegishli asoslar bilan, belgilangan tartibda tuman (shahar) arxitektura va qurilish boʻlimi (boshqarmasi)ga qaytariladi, u ariza bergan yuridik yoki jismoniy shaxsni ikki kun mobaynida bu toʻgʻrida xabardor qiladi.
V. Qurilish loyihasini ishlab chiqish, qurilishga ruxsatnomalar berish, shuningdek obyektlarni foydalanishga qabul qilish tartibi
50. Davlat hokimiyati tegishli organining yer uchastkasi ajratish toʻgʻrisidagi qarori hamda arxitektura-rejalashtirish topshirigʻi (I-II qismlar) olingandan keyin yuridik va jismoniy shaxslar loyiha tashkilotiga loyihalash yuzasidan topshiriq beradilar va qurilish loyihasini tayyorlash uchun shartnoma tuzadilar.
Loyiha tashkilotining quyidagilarni taʼminlash boʻyicha majburiyatlari yuridik (jismoniy) shaxs bilan loyiha tashkiloti oʻrtasidagi shartnomaning majburiy sharti hisoblanadi:
topografiya xaritasini ishlab chiqish va geologik xulosani tayyorlash;
qurilish loyihasini Qoraqalpogʻiston Respublikasi “Davarxitektqurilish” qoʻmitasi, viloyatlar va Toshkent shahar arxitektura va qurilish bosh boshqarmasi huzuridagi arxitektura-shaharsozlik kengashi bilan kelishish;
qurilish loyihasi boʻyicha obyektning yongʻinga qarshi xavfsizligi va zilzilaga bardoshliligi yuzasidan davlat ekspertizasi organlarining ijobiy xulosasini olish, ushbu Nizomning 43-bandida nazarda tutilgan obyektlar qurilishi bundan mustasno.
51. Qurilishning ishlab chiqilgan loyihasini arxitektura va qurilish bosh boshqarmasi huzuridagi arxitektura-shaharsozlik kengashi bilan uning arxitektura-rejalashtirish topshirigʻiga muvofiqlik boʻyicha kelishish toʻlov undirmasdan yetti kun mobaynida amalga oshiriladi.
Ushbu Nizomning 43-bandida nazarda tutilgan holatlarda loyihaning arxitekturaviy qismini kelishish arxitektura va qurilish hududiy bosh boshqarmasi boshligʻi tomonidan ikki kun muddatda protokol rasmiylashtirmasdan bepul amalga oshiriladi.
52. Qurilishning kelishilgan loyihasi obyektning yongʻinga qarshi xavfsizligi va zilzilaga bardoshliligi yuzasidan davlat ekspertiza organlarida, loyiha tashkiloti tomonidan zarur hujjatlarning toʻliq paketi taqdim etilgan sanadan boshlab yetti kun mobaynida ekspertizadan oʻtadi, qonun hujjatlarida, shu jumladan ushbu Nizomning 43-bandida nazarda tutilgan holatlar bundan mustasno.
Oldingi tahrirga qarang.
Loyiha hujjatlarini obyektning yongʻinga qarshi xavfsizligi va zilzilaga bardoshliligi yuzasidan davlat ekspertizasidan oʻtkazganlik uchun Oʻzbekiston Respublikasi Vazirlar Mahkamasi tomonidan belgilangan miqdorda toʻlov undiriladi.
(52-bandning ikkinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
53. Tuman (shahar) arxitektura va qurilish boʻlimi (boshqarmasi) qurilish loyihasini ishlab chiqish yuzasidan monitoring olib boradi.
Oldingi tahrirga qarang.
Loyihalash tashkiloti qurilish loyihasini ishlab chiqish yuzasidan shartnoma tuzilgan kundan boshlab uch kun mobaynida tuman (shahar) arxitektura va qurilish boʻlimi (boshqarmasi)ni loyiha-qidiruv ishlari boshlangan va tugallangan muddatlarni koʻrsatgan holda xabardor qiladi;
(53-bandning ikkinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
Oldingi tahrirga qarang.
(53-bandning uchinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qaroriga asosan chiqarilgan — OʻR QHT, 2013-y., 23-son, 301-modda)
Oldingi tahrirga qarang.
(53-bandning toʻrtinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qaroriga asosan chiqarilgan — OʻR QHT, 2013-y., 23-son, 301-modda)
Oldingi tahrirga qarang.
(53-bandning beshinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qaroriga asosan chiqarilgan — OʻR QHT, 2013-y., 23-son, 301-modda)
Keyingi tahrirga qarang.
54. Yuridik va jismoniy shaxslar qurilish loyihasini olgandan keyin qurilish obyektlarini roʻyxatdan oʻtkazish uchun Qoraqalpogʻiston Respublikasi, viloyatlar va Toshkent shahar Davlat arxitektura-qurilish nazoratining hududiy inspeksiyalariga (keyingi oʻrinlarda inspeksiya deb ataladi) murojaat qiladilar va obyektda qurilish-montaj ishlarini amalga oshirish davrida inspeksiya tomonidan nazorat funksiyalarini amalga oshirish yuzasidan shartnoma tuzadilar.
55. Quyidagilar uchun qurilish-montaj ishlarini amalga oshirishga ruxsatnomalarni roʻyxatdan oʻtkazish va berish talab qilinmaydi:
yakka tartibda uy-joy qurish obyektlari (Qishloq joylarda namunaviy loyihalar boʻyicha yakka tartibda uy-joy qurish dasturiga kiritilgan obyektlardan tashqari);
turar joylar toifasidan noturar joylar toifasiga oʻtkaziladigan xonalar;
mavsumiy ishlar va uzoq yaylovlardagi chorvachilik uchun vaqtinchalik imoratlar va maishiy xonalar;
mobil aloqa stansiyalarini montaj qilish;
amaldagi muhandislik tarmoqlarini oʻzgartirishni talab qilmaydigan alohida qurilayotgan kichik (300 kub. metrdan koʻp boʻlmagan) hajmli obyektlar;
konni qazib olish ishlari;
ular boʻyicha texnologik resurs tamom boʻlgan va obyektni rekonstruksiya qilish yoki yoʻnalishini qayta oʻzgartirish talab qilinmaydigan texnologik va muhandislik asbob-uskunalari birliklarini taʼmirlash va almashtirish.
56. Qurilish obyektlarini roʻyxatdan oʻtkazish va qurilish-montaj ishlarini bajarishga ruxsatnoma olish uchun inspeksiyaga quyidagilar taqdim etiladi:
a) ariza;
b) loyiha hujjatlari boʻyicha ekspertiza organlarining ijobiy yigʻma ekspert xulosasi;
v) Oʻzbekiston Respublikasi Vazirlar Mahkamasi qaroriga muvofiq qurilayotgan obyektlar uchun — loyihaning tasdiqlanayotgan bosqichi yuzasidan ekspertiza organlarining ijobiy yigʻma ekspert xulosasi;
g) obyektni loyihalash bilan parallel holda qurishda Oʻzbekiston Respublikasi Prezidenti Devoni bilan kelishgan holda qabul qilingan Oʻzbekiston Respublikasi Vazirlar Mahkamasining qarori;
d) qurilish-montaj ishlarining alohida litsenziyalanadigan alohida turlarini amalga oshirishda — pudrat tashkiloti litsenziyasining nusxasi;
Keyingi tahrirga qarang.
e) Qoraqalpogʻiston Respublikasi “Davarxitektqurilish” qoʻmitasi, viloyatlar va Toshkent shahar arxitektura va qurilish bosh boshqarmasi huzuridagi arxitektura-shaharsozlik kengashi protokolining nusxasi;
Keyingi tahrirga qarang.
j) arxitektura va qurilish organlari bilan kelishilgan obyekt plani va fasadining eskizi, uzun obyektlar uchun — trassaning bosh rejasi (sxemasi);
z) mukammal qurish va (yoki) mukammal taʼmirlash Oʻzbekiston Respublikasi Davlat budjeti va davlat budjetdan tashqari jamgʻarmalari mablagʻlari hisobiga moliyalashtiriladigan obyektlarning manzilli roʻyxati;
i) tanlov savdolari natijalari toʻgʻrisidagi protokol (mavjud boʻlsa);
k) xavfli ishlab chiqarish obyektlari boʻyicha — loyiha hujjatlarining sanoat xavfsizligi boʻyicha ekspertizasining ijobiy xulosasi;
l) qurilishni tanlov savdolari oʻtkazmasdan, moliyalashtirishning markazlashtirilgan manbalari hisobiga amalga oshirishda — Oʻzbekiston Respublikasi Vazirlar Mahkamasining obyektlarni qurish yoki mukammal taʼmirlash masalasi boʻyicha qarori nusxasi.
Keyingi tahrirga qarang.
57. Inspeksiya bir ish kuni mobaynida bepul asosda obyektni roʻyxatdan oʻtkazadi hamda yuridik va jismoniy shaxslarga qurilish-montaj ishlarini bajarishga ushbu Nizomga 3-ilovaga muvofiq shakl boʻyicha qurilishning butun muddati uchun ruxsatnoma beradi.
Koʻrsatilgan muddatda qurilish-montaj ishlarini bajarishga ruxsatnoma taqdim etilmaganda yoki rad etilganda ruxsatnoma olingan deb hisoblanadi (murakkablik (xavflilik)ning maksimal toifasidagi obyektlardan tashqari) hamda yuridik va jismoniy shaxslar, bu toʻgʻrida inspeksiyani xabardor qilgan holda qurilish-montaj ishlarini amalga oshirishni boshlash huquqiga egadirlar.
58. Inspeksiya qurilish obyektini roʻyxatdan oʻtkazishni quyidagi asoslar boʻyicha rad etishga haqlidir:
ushbu Nizomda nazarda tutilgan hujjatlar va materiallarni reglament buzilgan holda yoki toʻliq boʻlmagan hajmda taqdim etish;
taqdim etilgan hujjatlarda ishonchsiz yoki buzilgan maʼlumotlarning mavjudligi;
taqdim etilgan hujjatlar va materiallarni koʻrib chiqish davomida aniqlangan qonunchilik normalari buzilishlarining mavjudligi.
Rad etish asoslangan boʻlishi va yozma holda taqdim etilishi kerak.
Aniqlangan kamchiliklar yuridik va jismoniy shaxslar tomonidan bartaraf etilgandan keyin ular takroriy murojaat qilishgan taqdirda qurilish obyektini roʻyxatdan oʻtkazish bir ish kuni mobaynida amalga oshiriladi.
Qurilish obyektini roʻyxatdan oʻtkazish toʻgʻrisidagi buyurtmanomani takroriy koʻrib chiqishda ushbu obyektni roʻyxatdan oʻtkazishni rad etish toʻgʻrisidagi bildirishnomada ilgari koʻrsatilmagan yangi asoslar boʻyicha roʻyxatdan oʻtkazishning rad etilishiga yoʻl qoʻyilmaydi.
Qurilish obyektini roʻyxatdan oʻtkazishni va qurilish-montaj ishlariga ruxsatnoma berishni rad etish yuzasidan Oʻzbekiston Respublikasi Davlat arxitektura va qurilish qoʻmitasiga (keyingi oʻrinlarda “Davarxitektqurilish” qoʻmitasi deb ataladi) yoki sudga shikoyat qilinishi mumkin.
59. Roʻyxatdan oʻtkazilgan obyektlarda inspeksiya tomonidan, qonun hujjatlarida belgilangan tartibda qurilish-montaj ishlarini amalga oshirishning barcha bosqichlarida shaharsozlik normalari va qoidalariga rioya etilishi yuzasidan nazorat oʻrnatiladi.
Oldingi tahrirga qarang.
Qurilishi yuridik va jismoniy shaxslar tomonidan olib borilayotgan obyektlarda qurilish-montaj ishlarini bajarishning sifati va toʻliqligi yuzasidan inspeksiya tomonidan nazorat funksiyalari amalga oshirilganligi uchun Oʻzbekiston Respublikasi Vazirlar Mahkamasi tomonidan belgilangan miqdorda toʻlov toʻlanadi.
(59-bandning ikkinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
60. Ular asosida ruxsatnomalar berilgan shartlar oʻzgargan taqdirda (obyektda ishlarni bajaruvchi, texnik va mualliflik nazoratini amalga oshiruvchi shaxslar oʻzgarganda, litsenziyaning amal qilish muddati tugaganda, loyiha yechimlarida jiddiy oʻzgarishlar boʻlganda va shu kabi holatlarda) yuridik va jismoniy shaxslar oʻn kun mobaynida inspeksiyaga tegishli oʻzgarishlarni tasdiqlovchi hujjatlarni taqdim etishlari kerak.
61. Obyektni qurish uning bilan qurilish pudrati shartnomasi tuzilgan qurilish pudrat tashkiloti tomonidan yoki yuridik va jismoniy shaxslarning oʻz kuchlari bilan amalga oshiriladi.
62. Obyektni qurish qurilish pudrat tashkiloti tomonidan amalga oshiriladigan taqdirda qurilish pudrat tashkilotining quyidagi majburiyatlari yuridik yoki jismoniy shaxs bilan qurilish pudrat tashkiloti oʻrtasidagi shartnomaning asosiy sharti hisoblanadi:
qurilish normalari va qoidalariga rioya etish;
qurilishi tugallangan obyektni qabul komissiyasi tomonidan belgilangan tartibda qabul qilib olishning tashkil etilishini taʼminlash.
Qabul qilishda aniqlangan kamchiliklar qurilish pudrat tashkiloti tomonidan oʻz hisobiga bartaraf etiladi.
63. Yuridik va jismoniy shaxslar qurilish tugallangandan keyin yetti kun mobaynida “Davarxitektqurilish” qoʻmitasining vakolatli boʻlinmalari tomonidan binolar va inshootlarning, yer osti muhandislik kommunikatsiyalarining raqamli ijroviy topografiya xaritasini tuzishni taʼminlaydilar.
Ijroviy topografiya xaritasi tuzishni amalga oshirganlik uchun eng kam oylik ish haqining ikki baravari miqdorida toʻlov undiriladi.
Ijroviy topografiya xaritasi (yer uchastkasi chegaralari koordinatlarining ilova qilinayotgan katalogi bilan birga) obyektni ishga tushirish uchun qurilishning ijroviy hujjatlari tarkibiga kiradi.
64. Qurilishi tugallangan obyektni qabul qilish, qabul komissiyasi tomonidan, belgilangan shaharsozlik normalari va qoidalariga muvofiq amalga oshiriladi.
65. Qurilishi tugallangan obyektni qabul qilib olish qurilish pudrat tashkiloti (qurilish oʻz kuchlari bilan amalga oshirilgan hollarda — yuridik va jismoniy shaxslar) tuman (shahar) hokimiga murojaat qilgan vaqtdan boshlab koʻpi bilan besh kun muddatda qabul komissiyasining barcha aʼzolari imzolaydigan qabul qilish dalolatnomasi bilan rasmiylashtiriladi.
Tuman (shahar) hokimi qurilishi tugallangan obyektni qabul qilish dalolatnomasini tasdiqlash toʻgʻrisida ikki kun muddatda qaror qabul qiladi.
Qurilishi tugallangan obyektni qabul qilganlik uchun toʻlov undirilmaydi.
Oldingi tahrirga qarang.
66. Tuman (shahar) hokimining qurilishi tugallangan obyektni qabul qilish dalolatnomasini tasdiqlash toʻgʻrisidagi qarori obyektga boʻlgan huquqni “Yergeodezkadastr” davlat qoʻmitasining tuman (shahar) yer tuzish va koʻchmas mulk kadastri davlat korxonasida davlat roʻyxatidan oʻtkazish uchun asos hisoblanadi.
Keyingi tahrirga qarang.
Obyektga boʻlgan huquqni davlat roʻyxatidan oʻtkazish “Yergeodezkadastr” davlat qoʻmitasining tuman (shahar) yer tuzish va koʻchmas mulk kadastri davlat korxonasi tomonidan yetti kun mobaynida belgilangan tartibda amalga oshiriladi.
(66-band Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
67. Bino va inshootga boʻlgan huquqni davlat roʻyxatidan oʻtkazganlik hamda guvohnoma berganlik uchun yuridik shaxslardan eng kam oylik ish haqining 50 foizi miqdorida, jismoniy shaxslardan esa — eng kam oylik ish haqining 10 foizi miqdorida toʻlov undiriladi.
Keyingi tahrirga qarang.
68. Qurilishni loyihalash, obyektlarni qurishga ruxsatnomalar berish va foydalanish uchun qabul qilish ushbu Nizomga 4-ilovaga muvofiq sxema boʻyicha amalga oshiriladi.
Keyingi tahrirga qarang.
VI. Yakunlovchi qoidalar
69. Yer uchastkasiga boʻlgan huquq Oʻzbekiston Respublikasi Yer kodeksida nazarda tutilgan holatlarda toʻxtatiladi.
70. Yer uchastkalarini tanlash va ajratish boʻyicha materiallarni kelishishni amalga oshiruvchi davlat boshqaruvi organlarining, mahalliy davlat hokimiyati organlarining va tashkilotlarning mansabdor shaxslari ushbu Nizom talablarining buzilganligi uchun qonun hujjatlariga muvofiq javob beradilar.
71. Shartnomaviy majburiyatlar bajarilmaganda yoki zarur darajada bajarilmaganda, “Davarxitektqurilish” qoʻmitasining yer uchastkalarini tanlash va ajratish boʻyicha materiallarni tayyorlashni amalga oshiruvchi hududiy boʻlinmalari, shuningdek loyiha tashkilotlari tuzilgan shartnomalarga, Oʻzbekiston Respublikasining Fuqarolik kodeksiga, “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Oʻzbekiston Respublikasi Qonuniga, shuningdek boshqa qonun hujjatlariga muvofiq javob beradilar.
72. Obyektlarni qurishni amalga oshiruvchi shaxslar qurilish normalari va qoidalariga rioya etilishi, shuningdek qurilish maydonida yongʻin xavfsizligi va sanitariya qoidalari talablarini bajarishning taʼminlanishi yuzasidan qonun hujjatlariga muvofiq javob beradilar.
73. Yer uchastkalari berish, obyektlarni qurish, roʻyxatdan oʻtkazish, shuningdek ularni foydalanishga qabul qilish jarayonida paydo boʻladigan nizolar qonun hujjatlarida belgilangan tartibda koʻrib chiqiladi.
Shaharsozlik faoliyatini amalga oshirish uchun aholi punktlarida yer uchastkalari berish, qurilish obyektlarini loyihalashtirish va roʻyxatdan oʻtkazish, shuningdek obyektlarni foydalanishga qabul qilish tartibi toʻgʻrisidagi Nizomga
1-ILOVA
1-ILOVA
Shaharsozlik hujjatlari (bosh reja, qishloq (ovul) fuqarolar yigʻini hududini meʼmoriy rejalashtirishni tashkil etish loyihasi, batafsil rejalashtirish loyihasi) boʻlmaganda yer uchastkasi berish
SXEMASI
Oldingi tahrirga qarang.
(1-ilova Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
Shaharsozlik faoliyatini amalga oshirish uchun aholi punktlarida yer uchastkalari berish, qurilish obyektlarini loyihalashtirish va roʻyxatdan oʻtkazish, shuningdek obyektlarni foydalanishga qabul qilish tartibi toʻgʻrisidagi Nizomga
2-ILOVA
2-ILOVA
Shaharsozlik hujjatlari (bosh reja, qishloq (ovul) fuqarolar yigʻini hududini meʼmoriy rejalashtirishni tashkil etish loyihasi, batafsil rejalashtirish loyihasi) mavjud boʻlganda yer uchastkasini berish
SXEMASI
Oldingi tahrirga qarang.
(2-ilova Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
Shaharsozlik faoliyatini amalga oshirish uchun aholi punktlarida yer uchastkalari berish, qurilish obyektlarini loyihalashtirish va roʻyxatdan oʻtkazish, shuningdek obyektlarni foydalanishga qabul qilish tartibi toʻgʻrisidagi Nizomga
3-ILOVA
3-ILOVA
|
OʻZBEKISTON RESPUBLIKASI DAVLAT ARXITEKTURA VA | ||||
|
Qoraqalpogʻiston Respublikasi, viloyatlar va Toshkent shahar Davlat arxitektura-qurilish nazorati inspeksiyasi | ||||
|
Qurilish-montaj ishlarini bajarishga | ||||
|
__________________________________________ da berilgan _____-son RUXSATNOMA | ||||
|
(ruxsatnoma berilgan sana) |
| |||
| | ||||
| ____________________________________________________________________ | ||||
|
(bank rekvizitlari koʻrsatilgan holda buyurtmachi tashkilotning, quruvchining nomi) | ||||
| ____________________________________________________________________ tomonidan | ||||
| __________________________________________________________________ni bajarishga | ||||
|
(qurilish-montaj ishlari turlari va obyektning nomi koʻrsatiladi) | ||||
| ____________________________________________________________________, | ||||
| ___________________________________________________________ manzilida joylashgan, | ||||
| shuningdek bosh rejada belgilangan _____________________________ni bajarishga berildi, | ||||
| ________________________________________________________________ loyiha hujjati | ||||
| (bank rekvizitlarini koʻrsatgan holda loyiha tashkilotining va loyiha hujjatlarini tasdiqlagan organning nomi) | ||||
| _______________________________________________________ tomonidan ishlab chiqilgan | ||||
|
Texnik nazorat _____________________________________________________ga topshirildi | ||||
|
(tashkilotning nomi, lavozimi, F.I.O.) | ||||
|
Mualliflik nazorati _________________________________________________ topshirildi | ||||
|
(tashkilotning nomi, lavozimi, F.I.O.) | ||||
|
Bosh pudratchi tashkilot* _________________________________________________________ | ||||
| |
(tashkilotning nomi, lavozimi, F.I.O.) | |||
|
Ishni bajarish _____________________________________________________ topshirilgan. | ||||
|
Ishning asosiy bosqichlari _______________________________________________________ | ||||
| |
(ular tamom boʻlgandan keyin DAQN inspeksiyasi xabardor qilinishi kerak boʻlgan ish bosqichlari koʻrsatiladi) | |||
| ____________________________________________________________________ | ||||
| Alohida shartlar _______________________________________________________________ | ||||
| Inspeksiya rahbari _________________________________________________________M.Oʻ. | ||||
| |
(lavozimi, imzosi, F.I.O.) |
| ||
| | ||||
| Aniqlashtirish toʻgʻrisida belgi ___________________________________________________ | ||||
| Inspeksiya rahbari __________________________________________________________M.Oʻ. | ||||
| |
(lavozimi, imzosi, F.I.O.) | |||
Izoh: qurilish pudrat tashkilotini jalb etmasdan amalga oshirilganda yulduzcha (*) bilan belgilangan ustunlar toʻldirilmaydi.
Keyingi tahrirga qarang.
Shaharsozlik faoliyatini amalga oshirish uchun aholi punktlarida yer uchastkalari berish, qurilish obyektlarini loyihalashtirish va roʻyxatdan oʻtkazish, shuningdek obyektlarni foydalanishga qabul qilish tartibi toʻgʻrisidagi Nizomga
4-ILOVA
4-ILOVA
Qurilishni loyihalashtirish, qurilishga ruxsatnomalar berish va obyektlarni foydalanishga qabul qilish
SXEMASI
Oldingi tahrirga qarang.
(4-ilova Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
Keyingi tahrirga qarang.
Vazirlar Mahkamasining 2013-yil 25-fevraldagi 54-son qaroriga
2-ILOVA
2-ILOVA
Qishloq xoʻjaligiga oid boʻlmagan ehtiyojlar, shuningdek ikki va undan ortiq tumanlar (shaharlar) yoki viloyatlar hududida joylashtiriladigan obyektlar qurilishi uchun aholi punktlari tashqarisidan yer uchastkalari berish tartibi toʻgʻrisida
NIZOM
I. Umumiy qoidalar
1. Ushbu Nizom Oʻzbekiston Respublikasining Yer kodeksiga va Shaharsozlik kodeksiga muvofiq qishloq xoʻjaligiga oid boʻlmagan ehtiyojlar uchun yuridik va jismoniy shaxslarga aholi punktlari tashqarisidan, shuningdek ikki va undan ortiq tumanlar (shaharlar) yoki viloyatlar hududida joylashtiriladigan obyektlar qurilishi uchun yer uchastkalarini doimiy, vaqtincha foydalanishga va ijaraga berish tartibini belgilaydi.
Ushbu Nizom talablari:
aholi punktlari yerlaridan;
maxsus iqtisodiy zonalarda loyihalarni amalga oshiruvchi investorlar uchun;
Oʻzbekiston milliy avtomagistrali boʻylab yoʻl boʻyi infratuzilmasi va servis obyektlari qurish uchun yer uchastkalari berilishiga tatbiq etilmaydi.
2. Ushbu Nizomda quyidagi asosiy tushunchalardan foydalaniladi:
aholi punktlarining yerlari — shaharlar va posyolkalar, shuningdek qishloq aholi punktlari doirasidagi yerlar;
yer uchastkasi — belgilangan chegaraga, maydonga, manzilga, huquqiy rejimga va davlat yer kadastrida aks ettiriladigan boshqa tavsiflarga ega boʻlgan yer fondining bir qismi;
davlat yer kadastri — yerlarning tabiiy, xoʻjalik va huquqiy rejimi, ularning toifalari, sifat tavsifi va qimmati, yer uchastkalarining manzili va oʻlchamlari, ularning yer egalari, foydalanuvchilari, ijarachilari va mulkdorlari boʻyicha taqsimlanishi toʻgʻrisidagi maʼlumotlar va hujjatlar tizimi;
yer uchastkasini yuridik va jismoniy shaxslarga berish — yer uchastkasini joylashtirish, uni tanlash va ajratish materiallarini tayyorlash, yer uchastkasi berish yuzasidan davlat hokimiyati tegishli organi tomonidan qaror qabul qilish boʻyicha chora-tadbirlar kompleksi;
yuridik va jismoniy shaxslarning yer uchastkalariga boʻlgan huquqi — yuridik va jismoniy shaxslarga beriladigan yer uchastkasiga egalik qilish, undan foydalanish va uni ijaraga olish huquqi;
yer uchastkasini olib qoʻyish — yuridik va jismoniy shaxslarning yer uchastkasiga yoki uning bir qismiga boʻlgan huquqlarini toʻxtatish boʻyicha qonun hujjatlarida belgilangan tartibda davlat hokimiyati organlari tomonidan amalga oshiriladigan yuridik harakat;
aholi punktlarining chegarasi — shahar, shaharcha, qishloq aholi punkti yerlarining shaharsozlik va yer tuzish hujjatlariga muvofiq belgilangan tartibda tasdiqlanadigan chegaralari;
qishloq (ovul) fuqarolari yigʻini hududini meʼmoriy rejalashni tashkil etish loyihasi — aholining yashash sharoitlarini taʼminlashni, qishloq xoʻjaligi ishlab chiqarishini yanada rivojlantirishni, atrof muhitni muhofaza qilishni, tabiiy, odam va moddiy resurslardan foydalanishni taʼminlaydigan qishloq aholi punktlarining rejali tuzilmasini, toʻla qimmatli arxitektura qiyofasini yaratgan holda qishloq (ovul) fuqarolari yigʻini hududini kompleks rivojlantirish va zonalashtirishdan iborat asosiy shaharsozlik vazifalari yechimlarini taʼminlaydigan kompleks shaharsozlik hujjati;
Respublika komissiyasi — yer uchastkalarini egalik qilish, foydalanish va ijaraga berish (realizatsiya qilish) masalalarini koʻrib chiqish uchun Oʻzbekiston Respublikasi Vazirlar Mahkamasi huzurida tashkil etiladigan doimiy ishlovchi komissiya.
3. Yer uchastkalarini joylashtirishda yer tuzish, shaharsozlik, iqtisodiy, ekologik, sanitariya talablari va boshqa talablar qonun hujjatlarida belgilanadi.
4. Yuridik yoki jismoniy shaxslarga qishloq xoʻjaligiga oid boʻlmagan ehtiyojlar uchun egalik qilayotgan, foydalanayotgan, ijaraga olgan yoki ularning mulki boʻlgan yer uchastkasini qishloq xoʻjaligi ehtiyojlariga oid boʻlmagan ehtiyojlar uchun berish faqat ushbu uchastka ulardan belgilangan tartibda olingandan (sotib olingandan) keyin amalga oshiriladi.
Oldingi tahrirga qarang.
5. Qurilish uchun yer uchastkasini tanlash va ajratish boʻyicha materiallarni tayyorlash va ularni vakolatli organlar bilan kelishish “Yergeodezkadastr” davlat qoʻmitasining tuman (shahar) yer tuzish va koʻchmas mulk kadastri davlat korxonalari (keyingi oʻrinlarda davlat korxonalari deb ataladi) tomonidan “bir oyna” tamoyili boʻyicha amalga oshiriladi.
(5-band Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
6. Yer uchastkasini tanlash va ajratish boʻyicha materiallarni tayyorlash va ularni kelishish yuridik va jismoniy shaxslar bilan shartnoma asosida bajariladi.
Oldingi tahrirga qarang.
Davlat korxonalari tomonidan shartnoma majburiyatlari bajarilishi natijasida tushgan mablagʻlar xoʻjalik hisobidagi korxonalarning hisob-kitob raqamiga oʻtkaziladi.
(6-bandning ikkinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
7. Shaharsozlik hujjatlarisiz yer uchastkalari berish taqiqlanadi, ushbu Nizomda nazarda tutilgan holatlar bundan mustasno.
II. Shaharsozlik hujjatlari mavjud boʻlmagan taqdirda yer uchastkasi berish tartibi
8. Yer uchastkasi berilishidan manfaatdor boʻlgan yuridik va jismoniy shaxslar soʻralayotgan yer uchastkasi joylashgan joydagi tuman (shahar) hokimiga ariza beradilar.
Ikki va undan ortiq tumanlar yoki viloyatlar hududida joylashtiriladigan yer uchastkalarida obyektlar qurishda yuridik va jismoniy shaxslar ariza bilan Qoraqalpogʻiston Respublikasi Vazirlar Kengashiga yoki viloyat hokimiga murojaat qiladilar.
Yer uchastkasi berish toʻgʻrisidagi arizada yer uchastkasi uning uchun zarur boʻlgan maqsadlar, uning joylashgan joyi va oʻlchami, soʻralayotgan maydon, qurilish ishlarini boshlash va tugallashning taxminiy muddatlari, pochta manzili, yuridik shaxsning rekvizitlari yoki jismoniy shaxsning pasportiga oid maʼlumotlar koʻrsatilishi kerak.
Oldingi tahrirga qarang.
9. Tuman (shahar) hokimligi ikki kun mobaynida yuridik yoki jismoniy shaxslarning arizasini obyektni qurish uchun yer uchastkasini tanlash va ajratish boʻyicha materiallarni tayyorlash uchun davlat korxonasiga yuboradi.
(9-bandning birinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
Yer uchastkasi ikki yoki undan ortiq tumanlar yoki viloyatlar hududida joylashgan hollarda Qoraqalpogʻiston Respublikasi Vazirlar Kengashi yoki viloyat hokimi ikki kun muddatda arizani yer uchastkasini tanlash va ajratish boʻyicha materiallarni tayyorlash uchun tegishli tumanlar (shaharlar) hokimlariga va “Yergeodezkadastr” davlat qoʻmitasining hududiy boshqarmasiga yuboradi.
Keyingi tahrirga qarang.
Oldingi tahrirga qarang.
10. Davlat korxonasi oʻn ikki ish kuni mobaynida yer uchastkasini tanlash boʻyicha materiallarni tayyorlaydi va vakolatli organlar (tashkilotlar) bilan kelishadi.
(10-bandning birinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Oldingi tahrirga qarang.
Yer uchastkasini tanlash boʻyicha materiallarning tayyorlanganligi va kelishilganligi uchun Oʻzbekiston Respublikasi Vazirlar Mahkamasi tomonidan belgilangan miqdorda toʻlov undiriladi.
(10-bandning ikkinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
Keyingi tahrirga qarang.
11. Yer uchastkasini tanlash ishlarini bajarish davomida:
uning umumiy maydoni aniqlanadi;
yer uchastkalari egalari, foydalanuvchilar, ijarachilar va mulkdorlar tarkibi, shuningdek qishloq xoʻjaligi va boshqa yer turlari (mavjud boʻlgan taqdirda) aniqlanadi;
Oldingi tahrirga qarang.
yer tuzish hujjatlari, yer kadastri maʼlumotlari oʻrganiladi;
(11-bandning toʻrtinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
obyektlar qurish uchun yer uchastkasini birinchi navbatda qishloq xoʻjaligidan boshqa maqsadlarga moʻljallangan yoki qishloq xoʻjaligini yuritish uchun yaroqsiz boʻlgan yerlardan, yoxud yomon sifatli qishloq xoʻjaligi yerlaridan tanlash imkoniyati oʻrganiladi;
qishloq xoʻjaligiga moʻljallangan yerlardan va oʻrmon fondi yerlaridan yer uchastkalari tanlangan hollarda alohida qimmatli unumdor sugʻoriladigan yerlarni, hududning mavjud arxitektura-rejalashtirish va xoʻjalik ichki tashkil etilishini maksimal saqlab qolish zarurligi, ekologik vaziyatni yaxshilash va saqlab qolish, eroziya jarayonlarini, yerlarning botqoqlikka aylanishini toʻxtatish hisobga olinadi;
yer uchastkalarini binolar va inshootlarni, ayniqsa uy-joylarni asossiz buzib tashlashni, suv xoʻjaligi obyektlaridan va muhandislik infratuzilmasidan foydalanishga noqulayliklar yaratishni istisno etadigan tarzda tanlash imkoniyati qidiriladi;
tanlangan yer uchastkasida binolar va inshootlar, uy-joylar, shu jumladan oʻzboshimchalik bilan qurilgan uy-joylar, yer osti muhandislik tarmoqlari mavjudligi aniqlanadi;
atmosfera havosi ifloslanishi manbalari hisoblangan obyektlar atrofida sanitariya-himoya zonasini taʼminlash imkoniyati hisobga olinadi, uning kengligi joylashtirilayotgan ishlab chiqarishning darajasi bilan belgilanadi.
Yer uchastkasi berish toʻgʻrisidagi arizada yuridik va jismoniy shaxslar tomonidan yer uchastkasi aniq joylashgan joy koʻrsatilmagan taqdirda, shuningdek muayyan zaruriyat paydo boʻlganda bir necha variantlarda yer uchastkalari tanlanishi mumkin.
Oldingi tahrirga qarang.
12. Davlat korxonasi tomonidan quyidagi tarkibda obyekt qurilishi uchun yer uchastkasini tanlash materiallari tayyorlanadi:
(12-bandning birinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
yer uchastkasini joylashtirish plani (tanlanayotgan yer uchastkasi tasvirlangan holda qishloq xoʻjaligi xaritasidan nusxa);
kamida ikki tomondan atrofdagi obyektlar bilan bogʻliqlikda yer uchastkasining fotosurati (15x20 sm) (uzun inshootlar bundan mustasno).
13. Yer uchastkasini joylashtirish plani:
tuman (shahar) hokimi;
tuman (shahar) yer resurslari va davlat kadastri boʻlimi;
tuman (shahar) arxitektura va qurilish boʻlimi (boshqarmasi);
yer uchastkasi ajratilishi toʻgʻrisida qaror qabul qilinishidan oldin Oʻzbekiston Respublikasi Vazirlar Mahkamasining “Oʻzbekiston Respublikasida davlat ekologik ekspertizasini oʻtkazish toʻgʻrisidagi Nizomni tasdiqlash haqida” 2001-yil 31-dekabrdagi 491-son qarorida nazarda tutilgan atrof muhitga taʼsir toʻgʻrisidagi ariza loyihasini ishlab chiqish va obyektlar boʻyicha davlat ekologik ekspertizasining xulosasini olish sharti bilan oldindan Oʻzbekiston Respublikasi Davlat tabiatni muhofaza qilish qoʻmitasining hududiy organi;
Keyingi tahrirga qarang.
tuman (shahar) sanitariya-epidemiologiya xizmati;
davlat yongʻin nazorati hududiy organi;
madaniy meros yodgorliklarini muhofaza qilish zonasida obyekt qurilishi uchun yer uchastkasini tanlashda – madaniy meros obyektlarini muhofaza qilish va ulardan foydalanish hududiy inspeksiyasi;
yer uchastkalarini tabiiy hududlar, magistral quvurlar, temir yoʻl va avtomobil yoʻllari, elektr uzatish va aloqa liniyalarining, suv muhofazasi va sanitariya-himoya zonalaridan, shuningdek aerodromlar hamda chiqindilarni va boshqa zaharli moddalarni koʻmish joylari yaqinida tanlashda – tegishli rejimli hududlar va inshootlardan foydalanuvchi va ularni ishlatuvchi tashkilotlar;
ulardan yer uchastkalari olib qoʻyiladigan yuridik va jismoniy shaxslar (yuridik shaxslarning yuqori boshqaruv organlari mavjud boʻlgan taqdirda yer uchastkasini joylashtirish plani yuqori turuvchi organlar bilan kelishiladi);
qishloq xoʻjaligi maqsadidagi yerlardan ajratilgan hollarda – qishloq va suv xoʻjaligi organlari;
avtomobil turar joylari va yoʻl harakati xavfsizligiga taʼsir koʻrsatuvchi boshqa obyektlar uchun yer uchastkasi ajratilgan hollarda – yoʻl harakati xavfsizligi davlat xizmati hududiy organi bilan kelishiladi.
Yer uchastkasini joylashtirish planini tuman (shahar) organlarining vakolatli vakillari va boshqa shaxslar bilan kelishish uch kun mobaynida amalga oshiriladi.
Keyingi tahrirga qarang.
Oldingi tahrirga qarang.
Tegishli organlar tomonidan joylashtirishning kelishilgan plani koʻrsatilgan muddatda taqdim etilmagan taqdirda, yer uchastkasini joylashtirish plani kelishilgan deb hisoblanadi (murakkablikning IV va V toifalariga ega boʻlgan obyektlar bundan mustasno).
(13-bandning oʻn toʻrtinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
Keyingi tahrirga qarang.
Oldingi tahrirga qarang.
14. Davlat korxonasi yer uchastkasini joylashtirish planini Qoraqalpogʻiston Respublikasi “Davarxitektqurilish” qoʻmitasiga yoki viloyat arxitektura va qurilish bosh boshqarmasiga yuboradi, ular materiallarni toʻrt kun mobaynida koʻrib chiqadilar, va, maʼqullangan taqdirda, ularni kelishish uchun bosh loyiha-qidiruv tashkiloti “Qishloqqurilishloyiha” MChJga yuboradilar.
(14-band Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
15. Yer uchastkasini joylashtirish plani yetti kun mobaynida bosh loyiha-qidiruv tashkiloti “Qishloqqurilishloyiha” MChJ bilan kelishiladi.
Bosh loyiha-qidiruv tashkiloti bilan kelishish Qoraqalpogʻiston Respublikasi “Davarxitektqurilish” qoʻmitasiga yoki viloyat arxitektura va qurilish bosh boshqarmasiga vakolatli shaxs tomonidan imzolangan va tashkilotning muhri bilan tasdiqlangan yer uchastkasini joylashtirish plani ilova qilgan holda ijobiy xulosa yuborish yoʻli bilan amalga oshiriladi.
Yer uchastkasini joylashtirish planini bosh loyiha-qidiruv tashkiloti bilan kelishish xarajatlari mahalliy davlat hokimiyati organlari bilan shartnomalar asosida “Qishloqqurilishloyiha” MChJ tomonidan amalga oshiriladigan aholi punktlarining bosh rejalari amalga oshirilishi uchun joriy qurilish va monitoring ustidan mualliflik nazoratini yuritishdan tushgan mablagʻlar hisobiga qoplanadi.
Oldingi tahrirga qarang.
16. Qoraqalpogʻiston Respublikasi “Davarxitektqurilish” qoʻmitasi yoki viloyat arxitektura va qurilish bosh boshqarmasi yer uchastkasini joylashtirishning kelishilgan plani olingandan keyin bir ish kuni mobaynida uni yer uchastkasi ajratish boʻyicha materiallarni tayyorlash uchun davlat korxonasiga yuboradi.
(16-band Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
Oldingi tahrirga qarang.
17. Davlat korxonasi oʻn kungacha boʻlgan muddatda yer uchastkasini tanlash boʻyicha materiallar asosida uni ajratish boʻyicha materiallarni tayyorlaydi va vakolatli organlar bilan kelishadi.
(17-bandning birinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
Oldingi tahrirga qarang.
Yer uchastkasi ajratish boʻyicha materiallar tayyorlanganligi va kelishilganligi uchun Oʻzbekiston Respublikasi Vazirlar Mahkamasi tomonidan belgilangan miqdorda toʻlov undiriladi.
(17-bandning ikkinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
18. Yer uchastkasi ajratish boʻyicha materiallarni tayyorlash davomida:
yer egalari, foydalanuvchilar, ijarachilar va yer uchastkalari mulkdorlarining tarkibi, yer turlari boʻyicha ulardan olib qoʻyiladigan maydon (mavjud boʻlgan taqdirda) aniqlanadi;
Vazirlar Mahkamasining “Davlat va jamoat ehtiyojlari uchun yer uchastkalarining olib qoʻyilishi munosabati bilan fuqarolarga va yuridik shaxslarga yetkazilgan zararlarni qoplash tartibi toʻgʻrisida Nizomni tasdiqlash haqida” 2006-yil 29-maydagi 97-son va “Shaharsozlik faoliyatini amalga oshirish hamda qishloq xoʻjaligiga oid boʻlmagan boshqa ehtiyojlar uchun yer uchastkalari berish tartibini takomillashtirish chora-tadbirlari toʻgʻrisida” 2011-yil 25-maydagi 146-son qarorlari bilan belgilangan tartibda yer uchastkalari egalari, foydalanuvchilar, ijarachilar va mulkdorlardan yer olib qoʻyilishi (sotib olinishi) munosabati bilan ularning zararlari miqdori hamda qishloq xoʻjaligi va oʻrmon xoʻjaligi ishlab chiqarishi nobudgarchiligi miqdori aniqlanadi;
yer uchastkasini rekultivatsiya qilish zarurligi va uning yoʻnalishi aniqlanadi (qishloq xoʻjaligida, oʻrmon, baliqchilik xoʻjaligida yoki boshqa maqsadlarda foydalanish uchun), tuproqning unumdor qatlamini koʻchirib olish zarurligi;
yangi yer uchastkalari yoki kvartira (mavjud boʻlgan taqdirda) olishni xohlovchilar koʻrsatilgan holda fuqarolarning koʻchirilayotgan oilalari tarkibi aniqlanadi;
yer uchastkasining har bir egasi, foydalanuvchisi, ijaraga oluvchisi va mulkdori bilan ulardan yer uchastkasini olib qoʻyishga (sotib olishga) rozilik va uning shartlari toʻgʻrisida bayonnomalar rasmiylashtiriladi;
har bir olib qoʻyiladigan (sotib olinadigan) yer uchastkasi yerining chegaralari tushirilgan holda ajratiladigan yer uchastkasining chegaralari plani tuziladi.
Materiallar yer uchastkasini ajratish dalolatnomasi bilan rasmiylashtiriladi, unda yuqorida sanab oʻtilgan maʼlumotlar aks ettiriladi. Dalolatnomaga:
yer uchastkalari egalari, foydalanuvchilar, ijarachilar va mulkdorlarning zararlari hisob-kitobi (mavjud boʻlgan taqdirda);
qishloq xoʻjaligi va oʻrmon xoʻjaligi ishlab chiqarishi nobudgarchiliklari hisob-kitobi (mavjud boʻlgan taqdirda);
baholash tashkilotining buzilayotgan binolar va inshootlarni baholash toʻgʻrisidagi hisoboti (mavjud boʻlgan taqdirda);
oʻrmon xoʻjaligi korxonalaridan oʻrmon yerlari olib qoʻyilgan taqdirda ular tomonidan tuzilgan ajratiladigan yer uchastkasini texnik tekshirish dalolatnomasi;
yer uchastkasining tuman (shahar) arxitektura va qurilish boʻlimi (boshqarmasi) hamda tuman (shahar) yer resurslari va davlat kadastri boʻlimi bilan kelishilgan uning chegaralarini aniq koʻrsatish imkonini beradigan masshtabdagi plani (planda yer uchastkasi chegaralari chiziladi, agar bir necha yuridik va jismoniy shaxslarning yerlaridan uchastkalar ajratilayotgan taqdirda, ushbu yer uchastkalarining chegaralari ham chiziladi).
Oldingi tahrirga qarang.
19. Davlat korxonasining soʻrovi boʻyicha yer uchastkasi ajratish materiallariga qoʻshib qoʻyish uchun besh kun mobaynida vakolatli organlar tomonidan quyidagi xulosalar taqdim etiladi:
(19-bandning birinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Davlat tabiatni muhofaza qilish qoʻmitasi tegishli organining Oʻzbekiston Respublikasi Vazirlar Mahkamasining “Oʻzbekiston Respublikasida davlat ekologik ekspertizasi toʻgʻrisidagi Nizomni tasdiqlash haqida” 2001-yil 31-dekabrdagi 491-son qarorida nazarda tutilgan obyektlar boʻyicha davlat ekologik ekspertizasi oʻtkazilganligi toʻgʻrisidagi xulosasi;
tuman (shahar) sanitariya-epidemiologiya xizmatining xulosasi;
davlat yongʻin nazorati hududiy organining xulosasi.
Xulosalar berilganligi uchun toʻlov undirilmaydi.
Oldingi tahrirga qarang.
Tegishli organlar tomonidan xulosalar koʻrsatilgan muddatda taqdim etilmagan taqdirda davlat korxonalari yer uchastkasi ajratish boʻyicha materiallarni tegishli organni xabardor qilgan holda kelishish uchun tuman (shahar) hokimi huzuridagi yer uchastkalarini berish (realizatsiya qilish) masalalarini koʻrib chiqish boʻyicha komissiyaga (keyingi oʻrinlarda tuman (shahar) komissiyasi deb ataladi) kiritadi (murakkablikning IV va V toifalaridagi obyektlar bundan mustasno).
(19-bandning oltinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
Oldingi tahrirga qarang.
20. Davlat korxonalari tomonidan yer uchastkasi ajratish boʻyicha materiallar kelishish uchun tuman (shahar) komissiyasiga kiritiladi.
(20-bandning birinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
Oldingi tahrirga qarang.
Tuman (shahar) komissiyasi uch kun mobaynida yer uchastkasi ajratish materiallarini koʻrib chiqadi va, kelishilgan taqdirda, ularni komissiya aʼzolari tomonidan imzolangan tuman (shahar) komissiyasi majlisining bayonnomasi bilan birgalikda davlat korxonasiga qaytaradi.
(20-bandning ikkinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Toshkent viloyatida yer uchastkasi ajratish boʻyicha materiallar Vazirlar Mahkamasining “Toshkent viloyatida yuridik va jismoniy shaxslarga yer uchastkalari berish tartibini yanada takomillashtirish va ulardan maqsadli foydalanish chora-tadbirlari toʻgʻrisida” 2009-yil 20-yanvardagi 16-son qarori bilan tashkil etilgan komissiya tomonidan belgilangan tartibda koʻrib chiqiladi.
Keyingi tahrirga qarang.
Oldingi tahrirga qarang.
21. Yer uchastkasi ajratish boʻyicha materiallar davlat korxonasi tomonidan tuman (shahar) hokimiga koʻrib chiqish uchun kiritiladi. Materiallar tarkibida quyidagilar boʻladi:
(21-bandning birinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
tuman (shahar) hokimining tuman yer resurslari va davlat kadastri boʻlimi hamda tuman (shahar) arxitektura va qurilish boʻlimi (boshqarmasi) bilan kelishilgan qarori loyihasi;
tuman (shahar) komissiyasi majlisining bayonnomasi;
yer uchastkasi ajratish dalolatnomasi;
baholash tashkilotining buzilayotgan binolar va inshootlarni baholash toʻgʻrisidagi hisoboti (mavjud boʻlgan taqdirda);
Oʻzbekiston Respublikasi Vazirlar Mahkamasining “Oʻzbekiston Respublikasida davlat ekologik ekspertizasi toʻgʻrisidagi Nizomni tasdiqlash haqida” 2001-yil 31-dekabrdagi 491-son qarorida nazarda tutilgan obyektlar boʻyicha davlat tabiatni muhofaza qilish organining davlat ekologik ekspertizasi toʻgʻrisidagi xulosasi;
tuman (shahar) sanitariya-epidemiologiya xizmatining xulosasi.
Oldingi tahrirga qarang.
22. Tuman (shahar) hokimi oʻz vakolatlari doirasida ikki kun mobaynida yer uchastkasi ajratish toʻgʻrisida qaror qabul qiladi va uni yer uchastkasi ajratish boʻyicha materiallar nusxalarini ilova qilgan holda yer uchastkasi ajratish boʻyicha ishni shakllantirish va uning chegaralarini naturaga koʻchirish uchun davlat korxonasiga taqdim etadi.
(22-band Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
23. Tuman (shahar) hokimining yer uchastkasi ajratish boʻyicha materiallarni tasdiqlash toʻgʻrisidagi qarorida quyidagi masalalar aks ettirilishi kerak:
yer uchastkasi kimga, qanday maqsadlar uchun va qancha muddatga (er vaqtincha foydalanishga va ijaraga berilganda aniq muddati koʻrsatiladi) beriladi, shuningdek yerlari olib qoʻyiladigan (sotib olinadigan) yer mulkdorlari, egalari, foydalanuvchilar va ijaraga oluvchilar nomi;
yer uchastkalari mulkdorlari, egalari, foydalanuvchilar va ijarachilarning yerlari boʻyicha (mavjud boʻlganda) berilayotgan yer uchastkasining umumiy maydoni, shuningdek olinayotgan qishloq xoʻjaligi yerlarining sifati (bonitet ballari);
yer uchastkalari mulkdorlari, egalari, foydalanuvchilar va ijarachilarning qoplanishi kerak boʻlgan (mavjud boʻlganda) koʻrilgan zararlari miqdori;
qishloq xoʻjaligi va oʻrmon xoʻjaligi ishlab chiqarishlari nobudgarchiliklari miqdori (mavjud boʻlganda);
yer uchastkasini rekultivatsiya qilishning zarurligi, olib qoʻyilgan yer uchastkasini mulkdorlar, yer egalari, foydalanuvchilar va ijarachilarga qaytarish shartlari;
tuproqning unumdor qatlamini koʻchirib olishning zarurligi (mavjud boʻlganda);
Oldingi tahrirga qarang.
suv muhofazasi, ekologik, yongʻinga qarshi, sanitariya shartlari va talablari (zarurat boʻlganda);
(23-bandning sakkizinchi xatboshisi Oʻzbekiston Respublikasi Vazirlar Mahkamasining 2013-yil 30-maydagi 150-sonli qarori tahririda — OʻR QHT, 2013-y., 23-son, 301-modda)
Tuman (shahar) hokimining yer uchastkasi ajratish toʻgʻrisidagi qaroriga, uning ajralmas qismi sifatida, ajratilayotgan yer uchastkasining chegaralari plani ilova qilinadi.
24. Qishloq xoʻjaligidan boshqa maqsadlar uchun qishloq xoʻjaligida foydalaniladigan yerlarni ajratish ularning amalda zaruriy miqdoriga qarab va, qoidaga koʻra, ularda yetishtirilgan hosil yigʻishtirib olingandan keyin amalga oshiriladi.
25. Vaqtincha foydalanish (qurilish davrida) uchun yer uchastkasi berishda qarorda yer uchastkasi beriladigan aniq muddat koʻrsatiladi.
Vaqtincha foydalanish uchun berilgan yer uchastkalari yuridik va jismoniy shaxslar tomonidan belgilangan muddatda qaytarilmagan taqdirda davlat hokimiyatining tegishli organlari belgilangan tartibda yer uchastkasini yer uchastkalari ulardan olib qoʻyilgan (sotib olingan) ularning egalari, foydalanuvchilar, ijarachilar va mulkdorlarga yoki ularning huquqiy vorislariga, huquqiy vorislar mavjud boʻlmaganda esa – zaxira yerlar tarkibiga qaytarishi mumkin.
Foydalanish muddati uzaytirilganda qishloq xoʻjaligi va oʻrmon xoʻjaligi ishlab chiqarishi nobudgarchiligi qoʻshimcha ravishda qoplanadi, shundan keyin vaqtincha foydalanish uchun ajratilgan yer uchastkasidan uzaytirilgan muddatga foydalanishga yoʻl qoʻyiladi.
26. Mavjud korxonalar, binolar va inshootlarni kengaytirish uchun yer uchastkasi ajratishda, shuningdek ochiq usulda foydali qazilmalarni kavlab olish uchun yer uchastkasi ajratishda oldin ajratilgan yerlar tekshiriladi, ulardan belgilangan maqsadlarga koʻra foydalanish, shuningdek buzilgan yerlarning rekultivatsiyasi boʻyicha ishlarning holati tekshiriladi.
Yer uchastkasini qoʻshimcha ravishda ajratish oldin vaqtincha foydalanish uchun ajratilgan yer uchastkasi undan belgilangan maqsadlarda foydalanish uchun yaroqli holatga keltirilgandan keyin amalga oshiriladi.
27. Tuman hokimining vakolatiga bir yer egasiga va yerdan foydalanuvchiga oʻn gektargacha maydonda quyidagilardan:
qishloq xoʻjaligiga moʻljallangan yerlardan, sugʻoriladigan yerlardan, tubdan yaxshilash boʻyicha ishlar bajarilgan pichanzorlar va yaylovlar bundan mustasno;
oʻrmon fondi yerlaridan, oʻrmon oʻsimliklari bilan qoplangan yerlar bundan mustasno;
sanoat, transport, aloqa, mudofaa yerlaridan va boshqa maqsaddagi yerlardan;
suv fondi yerlaridan yer uchastkalari ajratish kiradi.
Tuman hokimi vakolatiga yer uchastkasining maydonidan va yer turlaridan qatʼi nazar, zaxira yerlardan yer uchastkasi ajratish ham kiradi.
28. Yer uchastkasi ajratish tuman hokimining vakolatiga kirmaydigan hollarda yer uchastkasi ajratish boʻyicha materiallar ikki kun mobaynida tuman hokimi tomonidan koʻrib chiqish uchun tegishli ravishda Qoraqalpogʻiston Respublikasi Vazirlar Kengashiga yoki viloyat hokimiga yuboriladi.
Qoraqalpogʻiston Respublikasi Vazirlar Kengashi va viloyatlar hokimlari uch kun mobaynida yer uchastkasi ajratish boʻyicha tushgan materiallarni yer uchastkalari berish (realizatsiya qilish) masalalarini koʻrib chiqish boʻyicha tegishli komissiyalarga yuboradi.
Qoraqalpogʻiston Respublikasi va viloyatlar komissiyalari taqdim etilgan materiallarni koʻrib chiqib, besh kun mobaynida ushbu yer uchastkasini aniq obyektni qurish uchun berishning maqsadga muvofiqligi toʻgʻrisida oʻz xulosasini beradi.
29. Qoraqalpogʻiston Respublikasi Vazirlar Kengashi va viloyatlar hokimlari oʻz vakolatlari doirasida komissiyalarning ijobiy xulosasi asosida besh kun mobaynida yer uchastkasi ajratish toʻgʻrisida qaror qabul qiladi.
Qoraqalpogʻiston Respublikasi Vazirlar Kengashi va viloyatlar hokimlari vakolatlariga barcha yerlardan yer uchastkalari ajratish kiradi, quyidagilar bundan mustasno:
alohida qimmatga ega boʻlgan unumdor sugʻoriladigan yerlar — kadastr bahosi oʻrtacha tuman bonitet balidan 20 foizdan koʻp boʻlgan qishloq xoʻjaligi yerlari;
alohida muhofaza qilinadigan hududlardagi yerlar (tabiatni muhofaza qilish, sogʻlomlashtirish, rekreatsiya va tarixiy-madaniy maqsadlarga moʻljallangan yerlar);
shahar atrofidagi yerlar va shaharlarning yashil zonalari yerlari;
ilmiy-tadqiqot tashkilotlari va taʼlim muassasalarining tajriba dalalari yerlari;
oʻrmon oʻsimliklari bilan qoplangan yerlar.
Oldingi tahrirga qarang.
Qoraqalpogʻiston Respublikasi Vazirlar Kengashi, viloyatlar hokimlari yer uchastkasi ajratish boʻyicha materiallarni tegishli tuman hokimining qarori bilan birgalikda qaytaradi, tegishli tuman hokimi ularni yer uchastkasi chegaralarini naturaga koʻchirish uchun davlat korxonasiga beradi.
(29-bandning sakkizinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
30. Yer uchastkasi ajratish Qoraqalpogʻiston Respublikasi Vazirlar Kengashi va viloyatlar hokimlari vakolatiga kirmaydigan hollarda yer uchastkalari ajratish boʻyicha materiallar ikki kun mobaynida Respublika komissiyasiga yuboriladi.
Respublika komissiyasi oʻn kun mobaynida yer uchastkalari ajratish boʻyicha materiallarni koʻrib chiqadi, oʻzining xulosasini bayonnoma bilan rasmiylashtiradi, yer uchastkalari ajratish toʻgʻrisida tegishli Hukumat qarori loyihasini tayyorlaydi va belgilangan tartibda Vazirlar Mahkamasiga kiritadi.
31. Vazirlar Mahkamasi Respublika komissiyasining ijobiy xulosasi asosida yetti kun mobaynida yer uchastkasi ajratish toʻgʻrisida qaror qabul qiladi.
Oʻzbekiston Respublikasi Vazirlar Mahkamasining vakolatiga quyidagilardan:
davlat mulkida boʻlgan barcha yerlardan yer ajratish, shu jumladan, mahalliy davlat hokimiyati organlari vakolatiga kiradigan yer uchastkalaridan;
alohida qimmatga ega boʻlgan, unumdor sugʻoriladigan yerlardan yer ajratish;
alohida muhofaza qilinadigan hududlardagi yerlardan (tabiatni muhofaza qilish, sogʻlomlashtirish, rekreatsiya va tarixiy-madaniy maqsadlarga moʻljallangan yerlardan);
shahar atrofidagi yerlar va shaharlarning yashil zonalaridan;
ilmiy-tadqiqot tashkilotlari va taʼlim muassasalarining tajriba dalalaridan;
oʻrmon oʻsimliklari bilan qoplangan yerlardan;
yer uchastkalari ijaraga berilganda — xorijiy investitsiyalar ishtirokidagi korxonalar, xalqaro birlashmalar va tashkilotlar, xorijiy yuridik va jismoniy shaxslarga yer uchastkalari ajratish kiradi.
Oldingi tahrirga qarang.
Qaror qabul qilingandan keyin yer uchastkalari ajratish boʻyicha materiallar ikki kun mobaynida Qoraqalpogʻiston Respublikasi Vazirlar Kengashiga yoki viloyatlar hokimlariga qaytariladi, ular materiallarni ikki kun mobaynida belgilangan tartibda davlat korxonasiga beradi.
(31-bandning oʻninchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
32. Yer uchastkalari ajratish boʻyicha materiallarni tasdiqlash boʻyicha qabul qilingan qaror toʻgʻrisida tuman (shahar) hokimligi ikki kun mobaynida ulardan yer uchastkalari olib qoʻyilayotgan (sotib olinayotgan) yer uchastkalari egalari, foydalanuvchilar, ijaraga oluvchilar va mulkdorlarni yozma shaklda xabardor qiladi.
33. Yer uchastkalari egalari, foydalanuvchilar, ijaraga oluvchilar va mulkdorlar davlat hokimiyati tegishli organlarining yer uchastkasini olib qoʻyish (sotib olish) toʻgʻrisidagi qaroridan yoki olib qoʻyish (sotib olish) shartlaridan norozi boʻlganda ular yuzasidan qonun hujjatlarida belgilangan tartibda shikoyat qilishlari mumkin.
Oldingi tahrirga qarang.
34. Davlat korxonasi yer uchastkasi ajratish toʻgʻrisida qaror qabul qilingandan keyin uch kun mobaynida tuman (shahar) arxitektura va qurilish boʻlimi (boshqarmasi) ishtirokida yer uchastkasi chegaralarini naturaga koʻchiradi va yer uchastkasi ajratish boʻyicha yigʻmajildni tayyorlaydi.
(34-bandning birinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
Yer uchastkasi chegaralarini naturaga koʻchirish ishlarini olib borganligi uchun eng kam oylik ish haqining ikki barobari miqdorida toʻlov undiriladi.
Oldingi tahrirga qarang.
35. Davlat korxonasi yer uchastkasi chegaralari naturaga koʻchirilgandan keyin ikki kun mobaynida belgilangan tartibda yer uchastkasiga boʻlgan huquqni davlat roʻyxatidan oʻtkazadi va belgilangan tartibda yuridik yoki jismoniy shaxsning nomiga rasmiylashtirilgan yer uchastkasiga boʻlgan huquqni davlat roʻyxatidan oʻtkazganligi toʻgʻrisidagi guvohnomani rasmiylashtiradi.
(35-bandning birinchi xatboshisi Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
Yer uchastkasiga boʻlgan huquqni davlat roʻyxatidan oʻtkazganlik va guvohnoma berilganligi uchun yuridik shaxslardan eng kam oylik ish haqining 50 foizi miqdorida, jismoniy shaxslardan esa eng kam oylik ish haqining 10 foizi miqdorida roʻyxatdan oʻtkazish yigʻimi undiriladi, u yer uchastkasini tanlash va ajratish boʻyicha materiallarni tayyorlash boʻyicha shartnomaga kiritiladi.
Keyingi tahrirga qarang.
36. Tuman hokimining yer uchastkasi ajratish toʻgʻrisidagi qarori va yer uchastkasiga boʻlgan huquqni davlat roʻyxatidan oʻtkazganligi toʻgʻrisidagi guvohnoma yuridik va jismoniy shaxslarga ular tomonidan yer uchastkasini ajratish va tanlash boʻyicha materiallarni tayyorlash ishlari qiymati toʻlangan sanadan boshlab ikki kundan kechikmay taqdim etiladi.
37. Shaharsozlik hujjatlari boʻlmaganda yer uchastkasi berish ushbu Nizomga 1-ilovaga muvofiq sxema boʻyicha amalga oshiriladi.
III. Shaharsozlik hujjatlari mavjud boʻlganda yer uchastkasini berish tartibi
38. Shaharsozlik hujjatlari mavjud boʻlganda yer uchastkasini berish ushbu Nizomning 8—13, 17—36-bandlariga muvofiq amalga oshiriladi.
39. Shaharsozlik hujjatlari mavjud boʻlgan taqdirda yer uchastkasini berish ushbu Nizomga 2-ilovaga muvofiq sxema boʻyicha amalga oshiriladi.
IV. Obyektni qurish uchun yer uchastkasini tanlash va ajratishni rad etish
40. Yer uchastkasini tanlash va ajratish boʻyicha materiallarni koʻrib chiqishda tegishli davlat hokimiyati organlari, tuman (shahar), viloyat komissiyalari, Respublika komissiyasi oʻz vakolatlari doirasida quyidagi hollarda:
yongʻinga qarshi, sanitariya va tabiatni muhofaza qilish normalari buzilishi mumkin boʻlgan hollarda;
yer uchastkalari olib qoʻyilayotgan yer egalari, foydalanuvchilar, ijarachilar yoki mulkdorlarning huquqlari va qonuniy manfaatlari kamsitilganda obyektni qurish uchun yer uchastkasi joylashtirilishini rad etish huquqiga ega.
Yer uchastkasini tanlash va ajratish boʻyicha materiallar belgilangan roʻyxatga muvofiq taqdim etilmaganda qaytariladi.
Rad etish asoslangan boʻlishi va yozma shaklda taqdim etilishi kerak.
41. Tegishli davlat organi, komissiya rad etgan taqdirda materiallar tegishli asoslar bilan birgalikda belgilangan tartibda tuman (shahar) yer tuzish va koʻchmas mulk kadastri davlat korxonasiga qaytariladi, u ikki kun mobaynida bu haqda ariza bergan yuridik yoki jismoniy shaxsni xabardor qiladi.
Keyingi tahrirga qarang.
V. Yakunlovchi qoidalar
42. Qurilish obyektlarini loyihalashtirish va roʻyxatdan oʻtkazish, shuningdek obyektlarni foydalanishga qabul qilish tartibi Shaharsozlik faoliyatini amalga oshirish uchun aholi punktlarida yer uchastkalari berish, qurilish obyektlarini loyihalashtirish va roʻyxatdan oʻtkazish, shuningdek obyektlarni foydalanishga qabul qilish tartibi toʻgʻrisidagi Nizomga muvofiq belgilanadi.
43. Yer uchastkasiga boʻlgan huquq Oʻzbekiston Respublikasining Yer kodeksida nazarda tutilgan hollarda toʻxtatiladi.
44. Davlat boshqaruvi organlari, mahalliy davlat hokimiyati organlari va yer uchastkalarini tanlash va ajratish boʻyicha materiallar kelishilgan tashkilotlarning mansabdor shaxslari ushbu Nizom talablari buzilganligi uchun qonun hujjatlariga muvofiq javob beradilar.
Oldingi tahrirga qarang.
45. Shartnoma majburiyatlari bajarilmagan yoki zarur darajada bajarilmagan taqdirda yer uchastkalarini tanlash va ajratish boʻyicha materiallarni tayyorlovchi davlat korxonalari hamda loyiha tashkilotlari tuzilgan shartnomalarga, Oʻzbekiston Respublikasining Fuqarolik kodeksiga, “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Oʻzbekiston Respublikasi Qonuniga, shuningdek boshqa qonun hujjatlariga muvofiq javob beradilar.
(45-band Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
46. Yer uchastkalari ajratish bilan bogʻliq holda paydo boʻladigan nizolar qonun hujjatlarida belgilangan tartibda koʻrib chiqiladi.
Qishloq xoʻjaligiga oid boʻlmagan ehtiyojlar, shuningdek ikki va undan ortiq tumanlar yoki viloyatlar hududida joylashtiriladigan obyektlar qurilishi uchun aholi punktlari tashqarisidan yer uchastkalari berish tartibi toʻgʻrisida nizomga
1-ILOVA
1-ILOVA
Shaharsozlik hujjatlari mavjud boʻlmaganda yer uchastkasi berish
SXEMASI
Oldingi tahrirga qarang.
(1-ilova Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
Qishloq xoʻjaligiga oid boʻlmagan ehtiyojlar, shuningdek ikki va undan ortiq tumanlar yoki viloyatlar hududida joylashtiriladigan obyektlar qurilishi uchun aholi punktlari tashqarisidan yer uchastkalari berish tartibi toʻgʻrisida nizomga
2-ILOVA
2-ILOVA
Shaharsozlik hujjatlari mavjud boʻlganda yer uchastkasi berish
SXEMASI
Oldingi tahrirga qarang.
(2-ilova Oʻzbekiston Respublikasi Vazirlar Mahkamasining 2014-yil 3-iyundagi 138-sonli qarori tahririda — OʻR QHT, 2014-y., 23-son, 269-modda)
Keyingi tahrirga qarang.
Vazirlar Mahkamasining 2013-yil 25-fevraldagi 54-son qaroriga
3-ILOVA
3-ILOVA
Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari roʻyxati
1. Vazirlar Mahkamasining “Shaharsozlik faoliyatini amalga oshirish hamda qishloq xoʻjaligiga oid boʻlmagan boshqa ehtiyojlar uchun yer uchastkalari berish tartibini takomillashtirish chora-tadbirlari toʻgʻrisida” 2011-yil 25-maydagi 146-son qarorining 1-bandi ikkinchi xatboshi va qarorga 1-ilova (Oʻzbekiston Respublikasi Hukumati QT, 2011-y., 5-son, 40-modda).
2. Vazirlar Mahkamasining “Shaharsozlik faoliyati sohasida ruxsat berish tartibotlari va davlat nazorati tizimini takomillashtirish toʻgʻrisida” 2011-yil 29-iyuldagi 222-son qarorining 1-bandi toʻrtinchi xatboshi va qarorga 3-ilova (Oʻzbekiston Respublikasi Hukumati QT, 2011-y., 7-son, 67-modda).
3. Vazirlar Mahkamasining 2011-yil 2-noyabrdagi 294-son qaroriga ilovaning 32-bandi “a” kichik bandi (Oʻzbekiston Respublikasi Hukumati QT, 2011-y., 11-son, 85-modda).
4. Vazirlar Mahkamasining 2012-yil 17-fevraldagi 42-son qaroriga ilovaning 7-bandi (Oʻzbekiston Respublikasi Hukumati QT, 2012-y., 2-son, 10-modda).
5. Vazirlar Mahkamasining 2012-yil 30-maydagi 149-son qaroriga ilovaning 4-bandi (Oʻzbekiston Respublikasi Hukumati QT, 2011-y., 5-son, 37-modda).
6. Vazirlar Mahkamasining 2012-yil 1-noyabrdagi 313-son qaroriga 1-ilovaning 111 va 112-bandlari (Oʻzbekiston Respublikasi Hukumati QT, 2012-yil, 44-son, 507-modda).
(Oʻzbekiston Respublikasi qonun hujjatlari toʻplami, 2013-y., 10-son, 125-modda, 23-son, 301-modda; 2014-y., 23-son, 269-modda, 46-son, 551-modda; 2015-y., 1-son, 9-modda; 40-son, 520-modda; 2016-y., 10-son, 98-modda, 21-son, 233-modda; 2017-y., 19-son, 345-modda, 27-son, 623-modda, 35-son, 931-modda; Qonun hujjatlari maʼlumotlari milliy bazasi, 15.11.2017-y., 09/17/915/0259-son, 12.01.2018-y., 09/18/20/0551-son, 24.05.2018-y., 09/18/370/1253-son)
