Oʻzbekiston Respublikasi Prezidentining “Sud tizimi xodimlarini ijtimoiy muhofaza qilishni tubdan yaxshilash chora-tadbirlari toʻgʻrisida” 2012-yil 2-avgustdagi PF-4459-son Farmonini bajarish yuzasidan Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Vazirlar Mahkamasining “Oʻzbekiston Respublikasi sudyalarini, prokuratura va adliya organlari xodimlarini ijtimoiy himoya qilishni kuchaytirish toʻgʻrisida” 1993-yil 9-iyuldagi 343-son qarorida:

“1. Quyidagilar:

malaka darajalari uchun sudyalarning lavozim maoshlariga qoʻshiladigan qoʻshimcha haq miqdorlari 1-ilovaga muvofiq;

martaba darajalari uchun prokuratura organlari prokuror-tergovchi xodimlarining lavozim maoshlariga qoʻshiladigan qoʻshimcha haq miqdorlari 2-ilovaga muvofiq;

sudlar va adliya organlarining malaka darajalari va martaba darajalariga ega boʻlgan xodimlariga uzoq muddat xizmat qilganligi uchun beriladigan har oylik ustama haq miqdorlari 3-ilovaga muvofiq;

martaba darajalari uchun sudlar va adliya organlari xodimlarining lavozim maoshlariga qoʻshiladigan qoʻshimcha haq miqdorlari 4-ilovaga muvofiq tasdiqlansin.

2. Umumiy yurisdiksiya sudlari (harbiy sudlardan tashqari), xoʻjalik sudlari va adliya organlari xodimlariga malaka darajasi, martaba darajasi va uzoq muddat xizmat qilganligi uchun lavozim maoshlariga qoʻshimcha haq va har oylik ustama haq Sudlar va adliya organlarini rivojlantirish jamgʻarmasi hisobiga toʻlansin”;

b) qarorga 3-ilovaning nomi quyidagi tahrirda bayon qilinsin;

“Sudlar va adliya organlarining malaka darajalari va martaba darajalariga ega boʻlgan xodimlariga uzoq muddat xizmat qilganligi uchun beriladigan har oylik ustama haq miqdorlari (lavozim maoshiga nisbatan foizlarda)”;

v) qarorga 4-ilovaning nomidagi “Adliya” soʻzi “Sudlar va adliya” soʻzlari bilan almashtirilsin.

2. Vazirlar Mahkamasining “Davlat hokimiyati va boshqaruvi organlari, sud organlari va notarial idoralar xodimlari mehnatiga haq toʻlashning tarif setkasini joriy etish toʻgʻrisida” 1996-yil 12-apreldagi 147-son qaroriga 15 — 18-ilovalar quyidagi tahrirda bayon qilinsin: