|
Hujjat 07.01.2013 00 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Oliy oʻquv yurtidan keyingi taʼlim hamda oliy malakali ilmiy va ilmiy-pedagog kadrlarni attestatsiyadan oʻtkazish tizimini takomillashtirish chora-tadbirlari toʻgʻrisida
Keyingi tahrirga qarang.
Oʻzbekiston Respublikasi Prezidentining “Oliy malakali ilmiy va ilmiy-pedagog kadrlar tayyorlash va attestatsiyadan oʻtkazish tizimini yanada takomillashtirish toʻgʻrisida” 2012-yil 24-iyuldagi PF–4456-son Farmonini bajarish yuzasidan hamda oliy oʻquv yurtidan keyingi taʼlim tizimini va Oliy attestatsiya komissiyasi faoliyatini yanada takomillashtirish maqsadida Vazirlar Mahkamasi qaror qiladi:
1. Quyidagilar:
Oliy oʻquv yurtidan keyingi taʼlimga qoʻyiladigan davlat talablari 1-ilovaga muvofiq;
Keyingi tahrirga qarang.
Oliy oʻquv yurtidan keyingi taʼlim toʻgʻrisidagi nizom 2-ilovaga muvofiq;
Keyingi tahrirga qarang.
Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi apparatining xodimlarning cheklangan umumiy soni 20 nafar, shu jumladan boshqaruv xodimlari soni 16 nafar boʻlgan tuzilmasi 3-ilovaga muvofiq;
Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi toʻgʻrisidagi nizom 4-ilovaga muvofiq;
oliy oʻquv yurtidan keyingi taʼlim toʻgʻrisidagi hujjatlarning — fan doktori diplomining, shuningdek professor, dotsent va katta ilmiy xodim attestatlarining davlat namunalari 5-ilovaga muvofiq tasdiqlansin.
Keyingi tahrirga qarang.
2. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi tomonidan Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi, Sogʻliqni saqlash vazirligi, Fanlar akademiyasi hamda boshqa manfaatdor vazirliklar va idoralar bilan birgalikda Fan doktori ilmiy darajasini berish boʻyicha ilmiy kengash toʻgʻrisidagi nizom, Fan doktori ilmiy darajasini berish tartibi toʻgʻrisidagi nizom hamda Ilmiy unvonlar berish tartibi toʻgʻrisidagi nizom ishlab chiqilganligi va belgilangan tartibda tasdiqlanganligi maʼlumot uchun qabul qilinsin.
3. Belgilab qoʻyilsinki, ilmiy darajasi mavjudligi uchun lavozim maoshlariga qoʻshimcha haq va boshqa ustamalar 2013-yil 1-yanvardan boshlab toʻlanmaydi.
4. Vazirlar Mahkamasi ikki hafta muddatda Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining shaxsiy tarkibini tasdiqlasin.
5. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi hamda Fan va texnologiyalarni rivojlantirishni muvofiqlashtirish qoʻmitasi manfaatdor vazirliklar va idoralar bilan birgalikda bir oy muddatda Vazirlar Mahkamasiga ushbu qarordan kelib chiqadigan oʻzgartirishlar va qoʻshimchalar toʻgʻrisida takliflar kiritsinlar.
Oʻzbekiston Respublikasi Oliy va oʻrta maxsus taʼlim vazirligi, Fanlar akademiyasi, oʻz tarkibida oliy taʼlim muassasalari va ilmiy-tadqiqot institutlariga ega boʻlgan vazirliklar va idoralar bir oy muddatda oʻz normativ-huquqiy hujjatlarini ushbu qarorga muvofiqlashtirsinlar.
6. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.
Oʻzbekiston Respublikasi Prezidenti I. KARIMOV
Toshkent sh.,
2012-yil 28-dekabr,
365-son
Vazirlar Mahkamasining 2012-yil 28-dekabrdagi 365-son qaroriga
1-ILOVA
1-ILOVA
Oliy oʻquv yurtidan keyingi taʼlimga qoʻyiladigan
DAVLAT TALABLARI
I. Umumiy qoidalar
1. Ushbu Oliy oʻquv yurtidan keyingi taʼlimga qoʻyiladigan davlat talablari (keyingi oʻrinlarda Davlat talablari deb ataladi) “Taʼlim toʻgʻrisida”gi va “Kadrlar tayyorlash milliy dasturi toʻgʻrisida”gi Oʻzbekiston Respublikasi qonunlariga, Oʻzbekiston Respublikasi Prezidentining “Oliy malakali ilmiy va ilmiy-pedagog kadrlar tayyorlash va attestatsiyadan oʻtkazish tizimini yanada takomillashtirish toʻgʻrisida” 2012-yil 24-iyuldagi PF–4456-son Farmoniga hamda Oʻzbekiston Respublikasi Vazirlar Mahkamasining “Uzluksiz taʼlim tizimi uchun davlat taʼlim standartlarini ishlab chiqish va joriy etish toʻgʻrisida” 1998-yil 5-yanvardagi 5-son qaroriga muvofiq ishlab chiqilgan va oliy oʻquv yurtidan keyingi taʼlim tizimiga majburiy talablarni belgilaydi.
2. Davlat talablari barcha oliy taʼlim muassasalari va ilmiy-tadqiqot muassasalari uchun majburiydir.
3. Davlat talablariga mamlakatni ijtimoiy-iqtisodiy rivojlantirish istiqbollaridan, fan va texnologiyalarni rivojlantirishning ustuvor istiqbolli yoʻnalishlaridan, yangi axborot va pedagogika texnologiyalarini joriy etishdan, shuningdek oliy malakali ilmiy va ilmiy-pedagogik kadrlar tayyorlash sohasidagi jahon yutuqlari va tendensiyalaridan kelib chiqqan holda tuzatishlar kiritilishi va qoʻshimchalar qoʻshilishi mumkin.
4. Ushbu Davlat talablarida quyidagi taʼriflar qoʻllaniladi:
oliy oʻquv yurtidan keyingi taʼlim — jamiyatning oliy malakali ilmiy va ilmiy-pedagogik kadrlarga boʻlgan ehtiyojini taʼminlashga yoʻnaltirilgan uzluksiz taʼlim turi;
katta ilmiy xodimlar-izlanuvchilar instituti — ishlab chiqarishdan boʻshagan holda mutaxassislikni chuqur oʻrganish va doktorlik dissertatsiyasini tayyorlash va himoya qilish maqsadida ular tomonidan ilmiy izlanishlar olib borish boʻyicha fan doktori darajasi izlanuvchilari uchun oliy taʼlim muassasalari va ilmiy-tadqiqot muassasalarida tashkil etiladigan oliy malakali ilmiy va ilmiy-pedagog kadrlar ixtisosliklar boʻyicha oliy oʻquv yurtidan keyingi taʼlim shakli;
mustaqil izlanuvchilik — ishlab chiqarishdan boʻshamagan holda doktorlik dissertatsiyasini tayyorlash va himoya qilish maqsadida mutaxassislikni chuqur oʻrganish va ular tomonidan ilmiy izlanishlar boʻyicha fan doktori ilmiy darajasi izlanuvchilari uchun oliy taʼlim muassasalari va ilmiy-tadqiqot muassasalarida tashkil etiladigan oliy malakali ilmiy va ilmiy-pedagog kadrlar boʻyicha oliy oʻquv yurtidan keyingi taʼlim shakli;
katta ilmiy xodim-izlanuvchi — oliy taʼlim muassasasiga yoki ilmiy-tadqiqot muassasasiga katta ilmiy xodim-izlanuvchi lavozimiga belgilangan tartibda qabul qilingan shaxs;
mustaqil izlanuvchi — oliy taʼlim muassasasiga yoki ilmiy-tadqiqot muassasasiga mustaqil izlanuvchilikka belgilangan tartibda qabul qilingan shaxs.
II. Oliy oʻquv yurtidan keyingi taʼlim institutlarida oʻqitish shakllari va muddatlari, ularga qabul qilish
5. Oliy oʻquv yurtidan keyingi uch yilgacha davom etadigan oʻqish quyidagi shakllarda amalga oshiriladi:
katta ilmiy xodimlar-izlanuvchilar instituti;
mustaqil izlanuvchilik.
6. Davlat budjeti mablagʻlari hisobiga moliyalashtiriladigan oliy oʻquv yurtidan keyingi taʼlim institutlariga katta ilmiy xodimlar-izlanuvchilar lavozimiga qabul qilish oliy taʼlim muassasalari va ilmiy-tadqiqot muassasalari tashkil etadigan maxsus komissiyalar tomonidan tanlov asosida amalga oshiriladi.
Oliy oʻquv yurtidan keyingi taʼlim institutlarida oʻqishga talabgorlarni tanlab olish kirish imtihonlari natijalariga koʻra, qonun hujjatlarida belgilangan tartibda amalga oshiriladi.
7. Oliy oʻquv yurtidan keyingi taʼlim institutlariga xorijiy fuqarolarni va fuqaroligi boʻlmagan shaxslarni qabul qilish qonun hujjatlariga va (yoki) Oʻzbekiston Respublikasining xalqaro shartnomalariga muvofiq toʻlov-kontrakt asosida amalga oshiriladi.
III. Oliy oʻquv yurtidan keyingi taʼlim institutlariga kiruvchi talabgorlarga qoʻyiladigan talablar
8. Oliy oʻquv yurtidan keyingi taʼlim institutiga katta ilmiy xodimlar-izlanuvchilar sifatida kiruvchi shaxslar quyidagi talablarga javob berishi kerak:
kamida ikki yillik ilmiy yoki ilmiy-pedagogik ish stajiga ega boʻlish;
oliy taʼlim muassasasi magistraturasi diplomiga yoki unga teng boʻlgan Oʻzbekiston Respublikasi Qurolli Kuchlari akademiyasi, Ichki ishlar akademiyasi va Oʻzbekiston Respublikasi Milliy xavfsizlik xizmati oliy taʼlim muassasalari diplomiga yoxud fan nomzodi ilmiy darajasiga yoki magistr darajasi joriy etilgungacha olingan oliy maʼlumot toʻgʻrisidagi diplomga ega boʻlish;
ilmiy izlanishlar va ilmiy-pedagogik faoliyat bilan shugʻullanish layoqatiga ega boʻlish;
muayyan ilmiy natijalarga, shu jumladan ilmiy jurnallar va nashrlarda chop etilgan kamida uchta ilmiy maqolaga va ilmiy-amaliy konferensiyalar, seminarlar va davra suhbatlari toʻplamlarida, tegishli ilmiy yoʻnalishlar boʻyicha ilmiy ishlar toʻplamlarida fan doktori ilmiy darajasi olish uchun dissertatsiya tadqiqoti asosini tashkil qilishi mumkin boʻlgan ikkita tezisga ega boʻlish;
xorijiy tilni magistratura bitiruvchisining tegishli darajasida bilish;
zamonaviy axborot-kommunikatsiya texnologiyalaridan, shu jumladan Internetdan foydalana olish.
9. Mustaqil izlanuvchilar sifatida rasmiylashtiriladigan shaxslar quyidagi talablarga muvofiq boʻlishi kerak:
kamida besh yillik amaliy ish stajiga ega boʻlish;
bakalavr yoki magistr diplomiga yoxud Oʻzbekiston Respublikasi Mudofaa vazirligi, Ichki ishlar vazirligi, Davlat bojxona qoʻmitasi yoki Milliy xavfsizlik xizmati oliy harbiy taʼlim muassasalari diplomiga yoxud fan nomzodi ilmiy darajasiga yoki magistr darajasi joriy etilgungacha olingan oliy maʼlumot toʻgʻrisidagi diplomga ega boʻlish;
ilmiy izlanishlar va ilmiy-pedagogik faoliyat bilan shugʻullanish layoqatiga ega boʻlish;
muayyan ilmiy yutuqlarga, fan doktori darajasini olish uchun dissertatsiya tadqiqoti asosini tashkil etishi mumkin boʻlgan (ilmiy jurnallar va nashrlarda chop etilgan kamida uchta ilmiy maqolaga, ilmiy, ilmiy-amaliy konferensiyalar, seminarlar va davra suhbatlari toʻplamlarida, tegishli ilmiy yoʻnalishlar boʻyicha ilmiy ishlar toʻplamlarida kamida ikkita tezisga ega boʻlish, va/yoki tegishli ilmiy yoʻnalishlar boʻyicha ixtiroga yoki seleksiya yutugʻiga bitta yoki undan koʻp patentga muallif (hammuallif) boʻlish va/yoki tegishli ilmiy yoʻnalishlar boʻyicha ilmiy-texnologik ishlanmalarda qatnashganlik;
xorijiy tilni magistratura bitiruvchisining tegishli darajasida bilish;
zamonaviy axborot-kommunikatsiya texnologiyalaridan, shu jumladan Internetdan foydalana olish.
10. Oliy oʻquv yurtlaridan keyingi taʼlim institutiga qabul qilinadigan bakalavr, magistr va fan nomzodi ixtisosligi yoʻnalishi oliy oʻquv yurtidan keyingi taʼlim ixtisosligi mansub boʻlgan fan sohasiga muvofiq boʻlishi kerak. Ixtisosliklar muvofiq boʻlmaganda yoki oliy oʻquv yurtidan keyingi taʼlimni fanning turdosh sohalarida olish rejalashtirilgan hollarda talabgorlar Vazirlar Mahkamasi huzuridagi Oliy attestatsiya komissiyasi hamda Fan va texnologiyalarni rivojlantirishni muvofiqlashtirish qoʻmitasi tomonidan belgilanadigan tartibda qoʻshimcha imtihonlar topshirishi kerak.
IV. Oliy oʻquv yurtidan keyingi taʼlim institutlarida oʻqishni tashkil etish
11. Katta ilmiy xodimlar-izlanuvchilar va mustaqil izlanuvchilar oʻqishning birinchi yilida tanlangan mutaxassislik boʻyicha nazariy va metodologik dasturni oʻzlashtiradilar.
Mutaxassisliklar boʻyicha nazariy-metodik dasturlar katta ilmiy xodimlar-izlanuvchilar va mustaqil izlanuvchilarning ilmiy maslahatchilari tomonidan ishlab chiqiladi hamda oliy taʼlim muassasalari yoki ilmiy-tadqiqot muassasalarining ilmiy kengashi tomonidan tasdiqlanadi. Nazariy-metodik dastur umumiy konsepsiyani va metodologiya masalalarini, nazariy asoslarni hamda ushbu fan boʻyicha ilmiy tadqiqotlar usullarini oʻz ichiga olishi shart.
Oʻqishning keyingi yillarida katta ilmiy xodimlar-izlanuvchilar va mustaqil izlanuvchilarning maxsus bilimlarini oshirish maqsadida oliy taʼlim muassasalari yoki ilmiy-tadqiqot muassasalarining ilmiy kengashlari tomonidan fan sohalariga koʻra Oliy attestatsiya komissiyasi tomonidan belgilanadigan fanlar boʻyicha malaka oʻquv dasturlari ishlab chiqiladi va tasdiqlanadi.
Malaka oʻquv dasturlari katta ilmiy xodimlar-izlanuvchilar va mustaqil izlanuvchilar tomonidan mustaqil ravishda oʻzlashtiriladi.
Katta ilmiy xodimlar-izlanuvchilar uchun nazariy va ilmiy-tadqiqot ishlari boʻyicha yuklama hajmi haftasiga 36 soatni tashkil qiladi, ulardan 12 soatdan ortiq boʻlmagan yuklama auditoriya mashgʻulotlariga ajratiladi. Mustaqil izlanuvchilar uchun oʻquv yuklamasi hajmi haftasiga 12 soatni tashkil qiladi, ulardan — 4 soatdan ortiq boʻlmagan yuklama auditoriya mashgʻulotlari uchun ajratiladi.
12. Katta ilmiy xodimlar-izlanuvchilarning va mustaqil izlanuvchilarning sifatli tayyorlanishini taʼminlash, shuningdek ularga ilmiy va oʻquv-metodik yordam koʻrsatish maqsadida ular faol ilmiy va ilmiy-pedagogik faoliyat olib boruvchi, shu jumladan davlat ilmiy-texnik dasturlari doirasida ilmiy-texnik loyihalarni amalga oshirishda qatnashuvchi fan doktorlari jumlasidan konsultantlarga birkitiladi.
13. Katta ilmiy xodim-izlanuvchilar va mustaqil izlanuvchilar doktorlik dissertatsiyasini himoya qilgungacha:
Oʻzbekistonning yangi tarixi, chet tili, shuningdek fan sohalariga koʻra Oliy attestatsiya komissiyasi tomonidan aniqlanadigan fanlar boʻyicha imtihon topshirishi;
dissertatsiya natijalarining xalqaro va respublika ilmiy va ilmiy-amaliy konferensiyalarida, seminarlarida va davra suhbatlarida aprobatsiya (muhokama) qilinishini taʼminlashi, shuningdek dissertatsiyasining asosiy natijalarini aks ettiradigan, soni Oliy attestatsiya komissiyasi talablariga muvofiq boʻlgan chop etilgan ilmiy maqolalarga ega boʻlishi kerak.
katta ilmiy xodimlar-izlanuvchilar dissertatsiyani himoya qilgungacha, shuningdek oʻqishning butun davri davomida taʼlim muassasalarida kamida 300 soat hajmida pedagogik ish tajribasiga ega boʻlishi kerak.
14. Dissertatsiyani rasmiylashtirish va uni himoya qilish katta ilmiy xodim-izlanuvchi va mustaqil izlanuvchi tanlovi boʻyicha oʻzbek, rus, qoraqalpoq va ingliz tillarida yoxud Oliy attestatsiya komissiyasi bilan kelishgan holda boshqa tilda amalga oshiriladi.
V. Oliy malakali ilmiy va ilmiy-pedagog kadrlarga qoʻyiladigan umumiy malaka talablari
15. Quyidagilar oliy malakali ilmiy va ilmiy-pedagog kadrlar (fan doktorlari) tayyorgarligining zarur va yetarli darajasini taʼminlaydigan asosiy talablar hisoblanadi:
fan va texnika rivojlanishiga, muhim ijtimoiy-iqtisodiy, madaniy, ijtimoiy-siyosiy ahamiyatga ega boʻlgan ilmiy muammoni hal etishga yoxud fanning tegishli tarmogʻida istiqbolli yoʻnalishni rivojlantirishda yangi yirik yutuq, joriy etilishi fan va texnika rivojlanishiga muhim hissa qoʻshadigan ilmiy asoslangan texnik, iqtisodiy yoki texnologik yechimlarga ulushni taʼminlaydigan ixtirolarga va seleksiya yutuqlariga muallif (hammuallif) boʻlish;
fanning tegishli sohasi rivojlanishi konsepsiyasining mohiyati va mazmunini chuqur bilish, mutaxassislik boʻyicha asosiy bilimlarni puxta egallash, maqsad va vazifalarni, fan va texnikani rivojlantirishning istiqbolli yoʻnalishlarini bilish va tushunish;
tadqiqotlarning umumilmiy va aniq tarmoq metodologiyasini egallash, muammoni malakali aniqlash va asoslash, ilmiy maʼlumotlar va materiallarni tahlil qilish, tizimlashtirish va umumlashtirish, zaruriyat boʻlganda eksperimental tadqiqotlar olib borish qobiliyatiga ega boʻlish;
tadqiqotlar natijalariga asoslanib muammoning mohiyatini bilimdonlik bilan bayon qilish, ilmiy xulosalar va tavsiyalarni aniq va loʻnda shakllantirish;
ilmiy natijalarni amaliyotga joriy etish;
zamonaviy axborot-kommunikatsiya texnologiyalari yordamida jahon fan va texnikasi rivojlanishining zamonaviy tendensiyalari toʻgʻrisidagi axborotlarni maqsadli izlash va ularning natijalarini puxta ishlash qobiliyatiga ega boʻlish;
tegishli davlat, tarmoq ilmiy-texnika dasturlari va boshqa tadbirlar loyihalarini ishlab chiqishda, ularning monitoringini olib borishda va ularni amalga oshirishda faol qatnashish;
bakalavrlar va magistrlar tayyorlash boʻyicha pedagogik faoliyatda faol qatnashish, ilmiy tadqiqotlar natijalarini oʻquv jarayoniga joriy etishda zamonaviy pedagogik texnologiyalardan foydalanish.
16. Fan doktori ilmiy darajasini olish uchun taqdim etilgan dissertatsiya yuqori malakali ilmiy ish boʻlishi, unda muallif tomonidan oʻtkazilgan tadqiqotlar va yaratilgan ishlanmalar asosida muhim ijtimoiy-iqtisodiy va dolzarb ilmiy yoki amaliy muammolar hal etilishi yoki ilm-fan tegishli tarmogʻining istiqbolli yoʻnalishini rivojlantirish uchun muayyan yutuq sifatida baholanadigan yangi nazariy qoidalar kompleksi ishlab chiqilgan boʻlishi yoki joriy etilishi ilm-fanning, texnikaning, ijtimoiy-siyosiy sohaning yoki iqtisodiyot tarmogʻining rivojlanishiga salmoqli hissa qoʻshadigan yechimlar ishlab chiqilgan boʻlishi kerak.
Keyingi tahrirga qarang.
Vazirlar Mahkamasining 2012-yil 28-dekabrdagi 365-son qaroriga
2-ILOVA
2-ILOVA
Oliy oʻquv yurtidan keyingi taʼlim toʻgʻrisida
NIZOM
I. Umumiy qoidalar
1. Ushbu Nizom Oʻzbekiston Respublikasi Prezidentining “Oliy malakali ilmiy va ilmiy-pedagog kadrlar tayyorlash va attestatsiyadan oʻtkazish tizimini yanada takomillashtirish toʻgʻrisida” 2012-yil 24-iyuldagi PF–4456-son Farmoniga muvofiq ishlab chiqilgan hamda oliy taʼlim muassasalari va ilmiy-tadqiqot muassasalarida oliy oʻquv yurtidan keyingi taʼlimni tashkil etish tartibini belgilaydi.
2. Oliy oʻquv yurtidan keyingi taʼlim ushbu Nizomga muvofiq katta ilmiy xodimlar va uch yilgacha muddat mobaynida mustaqil izlanuvchilik instituti shaklida amalga oshiriladi.
3. Oliy oʻquv yurtidan keyingi taʼlim institutlari fan va texnikaning muhim tarmoqlarida oliy malakali ilmiy va ilmiy-pedagog kadrlar tayyorlash, shuningdek fan va texnikaning ustuvor yoʻnalishlarida fundamental tadqiqotlarni rivojlantirish, davlat ilmiy-texnik dasturlarini amalga oshirish maqsadida yetakchi oliy taʼlim muassasalari va ilmiy-tadqiqot muassasalari huzurida ochiladi.
4. Oliy oʻquv yurtidan keyingi taʼlim institutlarida oʻqish davlat budjeti mablagʻlari hisobiga va toʻlov-kontrakt asosida (xorijiy fuqarolar va fuqaroligi boʻlmagan shaxslar uchun) amalga oshiriladi.
5. Oliy oʻquv yurtidan keyingi taʼlim institutiga qabul qilinayotgan bakalavr mutaxassisligi yoʻnalishi, magistr va fan nomzodi mutaxassisligi oliy oʻquv yurtidan keyingi taʼlim mutaxassisligi tegishli boʻlgan fan sohasiga muvofiq boʻlishi kerak. Mutaxassisliklar mos kelmaganda yoki oliy oʻquv yurtidan keyingi taʼlimni fanning turdosh sohalarida olish rejalashtirilgan hollarda talabgorlar Vazirlar Mahkamasi huzuridagi Oliy attestatsiya komissiyasi (OAK)ning ruxsatini olishlari kerak.
Doktorlik dissertatsiyasini rasmiylashtirish va uni himoya qilish katta ilmiy xodim-izlanuvchi yoki mustaqil izlanuvchining tanloviga koʻra oʻzbek, rus, qoraqalpoq va ingliz tillarida yoxud OAK bilan kelishgan holda boshqa tilda amalga oshiriladi.
II. Oliy oʻquv yurtidan keyingi taʼlimning tashkiliy asoslari
6. Oliy taʼlim muassasasi va ilmiy-tadqiqot muassasasi Oliy va oʻrta maxsus taʼlim vazirligiga, Fanlar akademiyasiga yoki oʻzlari tizimiga kiradigan tegishli vazirliklar, idoralar va tashkilotlarga katta ilmiy xodimlar-izlanuvchilar institutini ochishning maqsadga muvofiqligi toʻgʻrisida murojaat qiladi.
Murojaat bilan birgalikda oliy taʼlim muassasasi kengashining yoki ilmiy-tadqiqot muassasasi ilmiy kengashining tegishli qarori, shuningdek ushbu Nizomga ilovaga muvofiq shakl boʻyicha katta ilmiy xodimlar-izlanuvchilar instituti ochilishi rejalashtirilgan mutaxassisliklar boʻyicha tadqiqot olib boruvchi fan doktorlari toʻgʻrisidagi kadrlar boʻlimi tomonidan tasdiqlangan maʼlumotlar taqdim etiladi.
Oliy va oʻrta maxsus taʼlim vazirligi, Fanlar akademiyasi, oliy taʼlim muassasasi va ilmiy-tadqiqot muassasasi tasarrufida boʻlgan vazirliklar, idoralar va tashkilotlar murojaat tushgan va barcha zarur hujjatlar taqdim etilgan sanadan boshlab bir oy muddatda katta ilmiy xodimlar-izlanuvchilar institutini ochish yoki ochishni rad etish toʻgʻrisida qaror qabul qiladilar. Qabul qilingan qaror oʻn kun muddatda tegishli oliy taʼlim muassasasiga va ilmiy-tadqiqot muassasasiga yuboriladi. Katta ilmiy xodimlar-izlanuvchilar institutini ochish toʻgʻrisidagi ijobiy qarorning nusxasi axborot uchun Oʻzbekiston Respublikasi Vazirlar Mahkamasi huzuridagi Davlat test markaziga va Oʻzbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasiga ham yuboriladi.
Mustaqil izlanuvchilik instituti katta ilmiy xodimlar-izlanuvchilar instituti ochilgan oliy taʼlim muassasasi va ilmiy-tadqiqot muassasasi huzurida Oliy va oʻrta maxsus taʼlim vazirligi, Fanlar akademiyasi, ushbu oliy taʼlim muassasalari va ilmiy-tadqiqot muassasalari tizimiga kiradigan vazirliklar, idoralar va tashkilotlarning qarori bilan tashkil etiladi. Mustaqil izlanuvchilik institutlarini tashkil etish katta ilmiy xodimlar-izlanuvchilar institutini tashkil etish tartibi singari tartibda amalga oshiriladi (bunda tegishli mutaxassisliklar boʻyicha tadqiqot olib borayotgan fan doktorlari toʻgʻrisidagi maʼlumotlarni takroran taqdim etish talab qilinmaydi).
7. Fan va texnologiyalarni rivojlantirishni muvofiqlashtirish qoʻmitasi respublika oliy taʼlim muassasalari va ilmiy-tadqiqot muassasalarining oliy malakali ilmiy va ilmiy-pedagog kadrlar tayyorlash boʻyicha faoliyatini muvofiqlashtiradi.
III. Katta ilmiy xodimlar-izlanuvchilarni oʻqitishni tashkil etish
8. Har yili 1-maygacha olimlar-faol ilmiy va ilmiy-pedagogik faoliyat olib borayotgan, shu jumladan davlat ilmiy-texnik dasturlari doirasida ilmiy-texnik loyihalarni amalga oshirishda ishtirok etayotgan fan doktorlari (keyingi oʻrinlarda yetakchi olimlar deb ataladi) tomonidan doktorlik dissertatsiyalarining tavsiya etiladigan mavzulari ishlab chiqiladi, mavzular oliy taʼlim muassasasi kengashida yoki ilmiy-tadqiqot muassasasining ilmiy kengashida ularning fan va texnologiyalarni rivojlantirishning ustuvor vazifalariga muvofiqligi yuzasidan ekspertizadan oʻtkaziladi.
9. Tavsiya etiladigan doktorlik dissertatsiyalari mavzulari oliy taʼlim muassasasi yoki ilmiy-tadqiqot muassasasi tomonidan Oliy va oʻrta maxsus taʼlim vazirligi, Fanlar akademiyasi, oʻzlari tizimiga kiradigan tegishli vazirliklar, idoralar va tashkilotlar bilan kelishiladi, keyinchalik ushbu mavzular 15-maygacha boʻlgan muddatda Fan va texnologiyalarni rivojlantirishni muvofiqlashtirish qoʻmitasiga taqdim etiladi.
Fan va texnologiyalarni rivojlantirishni muvofiqlashtirish qoʻmitasi 1-iyungacha boʻlgan muddatda taqdim etilgan mavzularni ularning davlat ilmiy-texnik dasturlariga muvofiqligi yuzasidan koʻrib chiqadi, keyinchalik ularni doktorlik dissertatsiyalari mavzularining tavsiya etilayotgan maʼlumotlar bazasiga kiritadi. Tavsiya etilayotgan doktorlik dissertatsiyalari mavzularining maʼlumotlar bazasi har bir mavzu boʻyicha mavzuni ishlab chiqqan fan doktorining familiyasi, ismi, otasining ismi va ish joyi koʻrsatilgan holda Qoʻmitaning Internet-sahifasida eʼlon qilinadi.
Zaruriyat boʻlganda, Qoʻmita bilan kelishilgan holda, Oliy va oʻrta maxsus taʼlim vazirligi, Fanlar akademiyasi, tegishli vazirliklar, idoralar va tashkilotlarning takliflari asosida dissertatsiya ishlari mavzulari oʻzgartirilishiga yoʻl qoʻyiladi.
10. Katta ilmiy xodimlar-izlanuvchilar instituti shaklida oliy oʻquv yurtidan keyingi taʼlim olish uchun talabgorlar maʼlumotlar bazasidan doktorlik dissertatsiyalari mavzularini tanlashlari, tadqiqot mavzusi boʻyicha ilmiy maʼruzani tayyorlashlari va doktorlik dissertatsiyasi rejasining mufassal loyihasini tayyorlashlari zarur.
Talabgorda doktorlik dissertatsiyasi mavzusi boʻyicha oʻzining takliflari mavjud boʻlgan taqdirda, u tegishli oliy taʼlim muassasasi kengashiga yoki ilmiy-tadqiqot muassasasining ilmiy kengashiga murojaat qiladi. Oliy taʼlim muassasasi kengashi yoki ilmiy-tadqiqot muassasasining ilmiy kengashi mavzuni fan va texnologiyalarni rivojlantirishning ustuvor vazifalariga muvofiqligi yuzasidan bir oy muddatda ekspertizadan oʻtkazadi, mavzuni tegishli ravishda Oliy va oʻrta maxsus taʼlim vazirligi, Fanlar akademiyasi, oʻzlari tizimiga kiradigan vazirliklar, idoralar va tashkilotlar bilan kelishib oladi hamda katta ilmiy xodimlar-izlanuvchilar institutiga hujjatlar qabul qilish eʼlon qilinishi muddatigacha kamida bir oydan kechikmasdan Fan va texnologiyalarni rivojlantirishni muvofiqlashtirish qoʻmitasiga dissertatsiya ishi mavzusini maʼlumotlar bazasiga kiritish toʻgʻrisida taklif yuboradilar.
11. Oliy va oʻrta maxsus taʼlim vazirligi, Fanlar akademiyasi, oʻz tasarrufida oliy taʼlim muassasasi yoki ilmiy-tadqiqot muassasasi boʻlgan vazirliklar, idoralar va tashkilotlar har yili 1-iyungacha boʻlgan muddatda Fan va texnologiyalarni rivojlantirishni muvofiqlashtirish qoʻmitasiga keyingi yildan boshlab katta ilmiy xodimlar-izlanuvchilarni davlat budjet mablagʻlari hisobiga oʻqitish uchun qabul kvotasi boʻyicha asoslangan takliflar bilan murojaat qiladilar.
12. Oliy va oʻrta maxsus taʼlim vazirligi, Fanlar akademiyasi, vazirliklar, idoralar va tashkilotlar boʻyicha har yilgi qabul kvotasi Fan va texnologiyalarni rivojlantirishni muvofiqlashtirish qoʻmitasi tomonidan Oʻzbekiston Respublikasi Moliya vazirligi va Iqtisodiyot vazirligi bilan kelishgan holda tasdiqlanadi va 1-iyuldan kechikmasdan tegishli ravishda Oliy va oʻrta maxsus taʼlim vazirligi, Fanlar akademiyasi, oʻz tasarrufida oliy taʼlim muassasasi yoki ilmiy-tadqiqot muassasasi boʻlgan vazirliklar, idoralar va tashkilotlarga yuboriladi.
Oliy va oʻrta maxsus taʼlim vazirligi, Fanlar akademiyasi, vazirliklar, idoralar va tashkilotlar ajratilgan kvotalarni idoraviy mansub oliy taʼlim muassasalari va ilmiy-tadqiqot muassasalari va tegishli mutaxassisliklar boʻyicha taqsimlaydi. Taqsimlangan kvota tegishli oliy taʼlim muassasalariga va ilmiy-tadqiqot muassasalariga 1-avgustgacha boʻlgan muddatda yetkaziladi.
Fan va texnologiyalarni rivojlantirishni muvofiqlashtirish qoʻmitasi tasdiqlangan qabul kvotasi asosida Oʻzbekiston Respublikasi Moliya vazirligiga keyingi yilga budjet buyurtmanomasini taqdim etadi.
13. Oliy taʼlim muassasalari va ilmiy-tadqiqot muassasalari qabul kvotalariga muvofiq har yili 1-sentabrdan kechikmasdan, katta ilmiy xodimlar-izlanuvchilar sifatida oʻqish uchun talabgorlarning hujjatlarini qabul qilish toʻgʻrisida hujjatlarni qabul qilish muddatlarini, talab qilinadigan hujjatlar va topshiriladigan imtihonlar roʻyxatini, oʻqitish haqini toʻlash shartlarini (budjetdan moliyalashtirish, toʻlov-kontrakt asosida oʻqitish) va boshqa zarur shartlarni koʻrsatgan holda ommaviy axborot vositalarida eʼlon beradi.
Hujjatlar 15-oktabr — 15-noyabr davrida qabul qilinadi.
14. Katta ilmiy xodimlar-izlanuvchilar sifatida oʻqishga talabgorlar oliy taʼlim muassasasi va ilmiy-tadqiqot muassasasiga quyidagi hujjatlarni taqdim etadilar:
ariza;
maʼlumotnoma;
mehnat daftarchasining belgilangan tartibda tasdiqlangan nusxasi;
oliy taʼlim muassasasi magistraturasi diplomi yoki Oʻzbekiston Respublikasi Qurolli Kuchlari akademiyasi, Ichki ishlar vazirligi akademiyasi yoki Milliy xavfsizlik xizmati taʼlim muassasasining magistratura diplomiga tenglashtirilgan diplomi yoxud fan nomzodi diplomi yoki magistr darajasi joriy etilgunga qadar olingan oliy maʼlumot toʻgʻrisidagi diplom nusxasi;
tadqiqot mavzusi boʻyicha eʼlon qilingan ilmiy maʼruza va doktorlik dissertatsiyasi rejasining mufassal loyihasi;
ilmiy jurnallarda va nashrlarda eʼlon qilingan ilmiy maqolalar (kamida uchta), ilmiy va ilmiy-amaliy konferensiyalar, seminarlar va davra suhbatlari toʻplamlariga fan doktori ilmiy darajasini olish uchun dissertatsiya tadqiqotining asosini tashkil etishi mumkin boʻlgan tegishli ilmiy yoʻnalishlar boʻyicha boshqa ilmiy ishlar toʻplamlariga kiritilgan tezislar (kamida ikkita) roʻyxati, shuningdek ularning nusxalari;
talabgorning ilmiy va ilmiy-pedagogik faoliyatga layoqatini aniqlash yuzasidan oʻtkazilgan test sinovidan oʻtganligini tasdiqlovchi OAK hujjatining nusxasi;
yetakchi olimlardan birining uni ilmiy konsultant sifatida belgilash yuzasidan yozma roziligi. Bunda tavsiya etilgan mavzular bazasidan tanlab olingan mavzu boʻyicha, qoidaga koʻra, ushbu Nizomning 8-bandiga muvofiq ushbu mavzuni taklif etgan yetakchi olim ilmiy konsultant boʻlishi mumkin.
Oʻzbekiston Respublikasi Prezidenti Davlat stipendiyasi sohiblari tegishli hujjat nusxasini taqdim etadilar.
15. Oliy taʼlim muassasasi yoki ilmiy-tadqiqot muassasasida rektor (direktor) raislik qiladigan qabul komissiyasi tashkil etiladi. Qabul komissiyasi aʼzolari oʻqitish mutaxassisliklari boʻyicha yetakchi olimlardan rektor (direktor) tomonidan tayinlanadi.
16. Katta ilmiy xodim-izlanuvchi sifatida oʻqish uchun kirayotgan shaxslar mutaxassislik, Oʻzbekiston tarixi, fanning bilish nazariyasi va metodologiyasi hamda falsafa, fan metodologiyasi, chet tili (taʼlimning oldingi darajalarida oʻrganilgan xorijiy til boʻyicha) va mutaxassislik boʻyicha kirish imtihonlari topshiradilar.
Kirish imtihonlari savollari qabul komissiyasi tomonidan mutaxassislikning mohiyatidan kelib chiqib tuziladi va ular oliy taʼlim muassasasi kengashi yoki ilmiy-tadqiqot muassasasi ilmiy kengashi tomonidan tasdiqlanadi. Fanning tegishli yoʻnalishi boʻyicha fan nomzodi ilmiy darajasiga ega boʻlgan talabgorlar kirish imtihonlarini topshirishdan ozod qilinadilar.
Kirish imtihonlari 1 — 20-dekabr davrida boʻlib oʻtadi.
17. Qabul komissiyasi 22-dekabrgacha boʻlgan muddatda kirish imtihonlari natijalaridan va ajratilgan qabul kvotasidan kelib chiqib katta ilmiy xodimlar institutiga qabul qilinganlarni tanlaydi.
Bir necha talabgorlarning kirish imtihonlari natijalari boʻyicha ular tomonidan toʻplangan yakuniy ballari teng boʻlgan taqdirda quyidagi talabgorlarga:
Oʻzbekiston Respublikasi Prezidentining Davlat stipendiyalari sohiblariga;
tegishli mutaxassislik boʻyicha aʼlo baholi diplomga ega boʻlganlarga;
mutaxassislik boʻyicha imtihon natijalariga koʻra koʻp ball toʻplaganlarga;
ixtiroga yoki seleksiya yutugʻiga (shu jumladan hammualliflikda) patentga ega boʻlganlarga ustunlik beriladi.
18. Tanlash natijalari qabul komissiyasi majlisining bayonnomasi bilan rasmiylashtiriladi va bir kun muddatda oliy taʼlim muassasasi kengashi yoki ilmiy-tadqiqot muassasasi ilmiy kengashining tasdiqlashi uchun kiritiladi. Bunda oliy taʼlim muassasasi kengashi yoki ilmiy-tadqiqot muassasasi ilmiy kengashi tomonidan bir vaqtning oʻzida katta ilmiy xodimlar-izlanuvchilar institutiga kirganlarning doktorlik dissertatsiyasi mavzulari tasdiqlanadi.
Tasdiqlangan doktorlik dissertatsiyalari mavzulari “OAK Byulleteni” jurnalida eʼlon qilinishi shart.
19. Katta ilmiy xodimlar-izlanuvchilarni qabul qilish oliy taʼlim muassasasi yoki ilmiy-tadqiqot muassasasi rahbarining tegishli kengashlarning tanlash natijalarini va doktorlik dessertatsiyalari mavzularini tasdiqlash toʻgʻrisidagi qarori asosida 25-dekabrgacha chiqariladigan buyrugʻi bilan amalga oshiriladi. Bunda yangidan qabul qilingan katta ilmiy xodimlar-izlanuvchilar faoliyati ular bilan tuzilgan mehnat shartnomalariga muvofiq keyingi yilning 1-yanvaridan boshlanadi.
Oʻqishga qabul qilish toʻgʻrisidagi buyruqda ilmiy konsultantlar ham belgilanadi.
Katta ilmiy xodimlar-izlanuvchilarni oʻqishga qabul qilish va ularning tasdiqlangan mavzulari toʻgʻrisidagi maʼlumot oliy taʼlim muassasasi yoki ilmiy-tadqiqot muassasasi tomonidan Oliy va oʻrta maxsus taʼlim vazirligi, Fanlar akademiyasiga, tegishli vazirliklar, idoralar va tashkilotlar tomonidan Fan va texnologiyalarni rivojlantirishni muvofiqlashtirish qoʻmitasiga joriy yilning 31-dekabrigacha taqdim etiladi.
20. Ilmiy konsultant bir vaqtning oʻzida 3 nafardan koʻp boʻlgan katta ilmiy xodimlar-izlanuvchilarga va mustaqil izlanuvchilarga ilmiy rahbarlik qilishi mumkin emas.
21. Katta ilmiy xodim-izlanuvchi ilmiy konsultant bilan birgalikda dissertatsiya ishini tayyorlashning yakka tartibdagi rejasini ishlab chiqadi va u oliy taʼlim muassasasi kengashi yoki ilmiy-tadqiqot muassasasining ilmiy kengashida katta ilmiy xodim-izlanuvchi oʻqishga qabul qilingandan keyin bir oy muddatda tasdiqlanadi.
22. Ilmiy konsultant tanlangan mutaxassislik boʻyicha nazariy-metodologik kursning oʻquv rejasini ishlab chiqadi va u ham oliy taʼlim muassasasi kengashida yoki ilmiy-tadqiqot muassasasining ilmiy kengashida katta ilmiy xodim-izlanuvchi oʻqishga qabul qilingandan keyin bir oy muddatda tasdiqlanadi.
Nazariy-metodologik dastur metodologiyaning umumiy konsepsiyasini va masalalarini, fan boʻyicha nazariy asoslarni va ilmiy tadqiqotlar usullarini oʻz ichiga oladi. Nazariy-metodologik dastur katta ilmiy xodim-izlanuvchi tomonidan oʻqishning birinchi yili mobaynida ilmiy konsultantning yordamida oʻzlashtiriladi.
23. Katta ilmiy xodim-izlanuvchilar va mustaqil izlanuvchilarning maxsus bilimlarini oshirish maqsadida oʻqishning keyingi yillarida oliy taʼlim muassasasi kengashi yoki ilmiy-tadqiqot muassasasi ilmiy kengashi tomonidan fan sohalariga koʻra OAK tomonidan belgilanadigan fanlar boʻyicha malaka oʻquv dasturlari ishlab chiqiladi va tasdiqlanadi.
Malaka oʻquv dasturlari katta ilmiy xodimlar-izlanuvchilar va mustaqil izlanuvchilar tomonidan mustaqil oʻzlashtiriladi.
24. Katta ilmiy xodimlar-izlanuvchilar uchun nazariy va ilmiy-tadqiqot ishlariga yuklama hajmi haftasiga 36 soatni tashkil etadi, undan — koʻpi bilan 12 soati auditoriya mashgʻulotlari uchun ajratilishi mumkin.
25. Katta ilmiy xodim-izlanuvchiga oʻqishga qabul qilingan kundan boshlab fan nomzodi darajasiga ega boʻlgan katta ilmiy xodim lavozim maoshining bazaviy miqdoriga tenglashtirilgan miqdorda lavozim maoshi belgilanadi.
26. Oʻzbekiston Respublikasi Moliya vazirligi Fan va texnologiyalarni rivojlantirish muvofiqlashtirish qoʻmitasi tomonidan tasdiqlangan katta ilmiy xodimlar-izlanuvchilarni oʻqishga qabul qilish kvotalari asosida tayyorlangan xarajatlar smetasiga muvofiq Oʻzbekiston Respublikasi Davlat budjetidan taʼlim tarmogʻi boʻyicha oliy oʻquv yurtida, fan tarmoqlari boʻyicha ilmiy-tadqiqot muassasasiga belgilangan tartibda tegishli mablagʻlarni ajratadi. Ushbu mablagʻlar hisobiga taʼlim oluvchilarga belgilangan tartibda lavozim maoshlarining tegishli toʻlovlari amalga oshiriladi.
Oʻzbekiston Respublikasi Mudofaa vazirligi, Ichki ishlar vazirligi, Davlat bojxona qoʻmitasi va Milliy xavfsizlik xizmatining oliy taʼlim muassasalariga qabul qilingan katta ilmiy xodimlar-izlanuvchilarning moddiy taʼminoti harbiy xizmatchilar uchun belgilangan tartibda amalga oshiriladi.
27. Oʻqishga qabul qilingan katta ilmiy xodimlar-izlanuvchilarga davlat budjeti mablagʻlari hisobiga qonun hujjatlariga muvofiq haqi toʻlanadigan mehnat taʼtili beriladi.
Tegishli hujjatlar mavjud boʻlgan taqdirda katta ilmiy xodim-izlanuvchi sifatida oʻqish muddati uzoq vaqt kasal boʻlish, homiladorlik va tugʻish taʼtilida boʻlish davriga, shuningdek harbiy yigʻinlarga chaqirilish munosabati bilan uzaytirilishi mumkin.
28. Katta ilmiy xodimlar-izlanuvchilar mutaxassislik, Oʻzbekistonning eng yangi tarixi, chet tili, shuningdek fan sohalariga qarab OAK tomonidan belgilanadigan fanlar boʻyicha mutaxassislikka muvofiq boʻlgan ikki fan boʻyicha imtihonlarni topshirganlaridan keyin doktorlik dissertatsiyalarini himoya qilishga qoʻyiladilar.
29. Doktorlik dissertatsiyani oʻqish muddati tamom boʻlishidan kamida 6 oy muddatidan oldin himoya qilgan shaxslarga oliy taʼlim muassasasi yoki ilmiy-tadqiqot muassasasining budjetdan tashqari mablagʻlari hisobiga eng kam oylik ish haqining oʻn besh baravari miqdorida mukofot toʻlanadi.
30. Ilmiy konsultantlar tomonidan oliy taʼlim muassasasida katta ilmiy xodimlar-izlanuvchilar bilan olib borilgan ish har bir katta ilmiy xodim-izlanuvchi uchun bir yilda 100 soat hajmida ularning umumiy oʻquv soatlariga kiritiladi.
Ilmiy-tadqiqot muassasasida ilmiy konsultantlarning katta ilmiy xodimlar-izlanuvchilar bilan mehnatiga haq toʻlash oʻquv mashgʻulotlari oʻtkazganlik uchun mehnatga soatbay haq toʻlashning qonun hujjatlarida belgilangan tartibida har bir izlanuvchiga bir yilda 100 soat hisobidan kelib chiqib fan tarmogʻi uchun ajratiladigan davlat budjeti mablagʻlaridan har oylik asosida amalga oshiriladi.
Katta ilmiy xodimlar-izlanuvchilar-xorijiy fuqarolar va fuqaroligi boʻlmagan shaxslar bilan ilmiy konsultantlar mehnatiga haq toʻlash oʻqish uchun tuzilgan shartnomalarga muvofiq amalga oshiriladi.
31. Dissertatsiya ishini oʻqish muddati tamom boʻlishidan kamida 6 oy muddatidan oldin himoya qilgan katta ilmiy xodim-izlanuvchining ilmiy konsultantiga oliy taʼlim muassasasi yoki ilmiy-tadqiqot muassasasining budjetdan tashqari mablagʻlari hisobiga eng kam oylik ish haqining oʻn besh baravari miqdorida mukofot toʻlanadi.
32. Katta ilmiy xodimlar-izlanuvchilarning oʻqish muddati ular ishining umumiy stajiga qoʻshiladi.
IV. Katta ilmiy xodimlar-izlanuvchilar faoliyati samaradorligi monitoringini olib borish
33. Oliy va oʻrta maxsus taʼlim vazirligi, Fanlar akademiyasi, oʻz tasarrufida oliy oʻquv yurti va ilmiy-tadqiqot muassasasiga ega boʻlgan vazirliklar va idoralar va tashkilotlar Fan va texnologiyalarni rivojlantirishni muvofiqlashtirish qoʻmitasi bilan birgalikda katta ilmiy xodimlar-izlanuvchilarning oliy taʼlim muassasasi va ilmiy-tadqiqot muassasasidagi faoliyati samaradorligi monitoringini olib boradilar.
34. Katta ilmiy xodimlar-izlanuvchilar faoliyati samaradorligi monitoringi quyidagi mezonlar boʻyicha amalga oshiriladi:
a) oʻqishning birinchi yilida:
dissertatsiya mavzusi boʻyicha yakka tartibdagi rejaning mavjudligi va uning bajarilishi;
mutaxassislik boʻyicha nazariy kursdan oʻtish;
dissertatsiya mavzusi boʻyicha kamida bitta ilmiy maqola eʼlon qilinganligi;
dissertatsiya mavzusi boʻyicha ilmiy konferensiyada yoki seminarda (davra suhbatida) maʼruza bilan chiqish;
dissertatsiya mavzusi boʻyicha tahliliy umumlashtiruvchi qisqacha maʼlumot;
dissertatsiya mavzusi boʻyicha tahliliy umumlashtiruvchi qisqacha maʼlumot natijalari boʻyicha seminarda soʻzga chiqish (rahbar bilan birgalikda);
b) oʻqishning ikkinchi yilida:
mutaxassislik boʻyicha nazariy kursdan oʻtish;
dissertatsiya mavzusi boʻyicha kamida ikkita ilmiy maqola eʼlon qilinganligi;
dissertatsiya ishi materiallari boʻyicha kamida ikkita tezis mavjudligi;
dissertatsiya ishining dastlabki natijalari boʻyicha seminar oʻtkazish (mustaqil ravishda);
konferensiya yoki seminarda maʼruza bilan qatnashish (kamida bir marta);
dissertatsiya mavzusi boʻyicha yakka tartibdagi rejaning bajarilishi toʻgʻrisida hisobot;
v) oʻqishning uchinchi yilida:
mutaxassislik boʻyicha nazariy kursdan oʻtish;
dissertatsiya mavzusi boʻyicha kamida toʻrtta ilmiy maqola eʼlon qilinganligi (ulardan ikkitasi — chet elda);
dissertatsiya ishi materiallari boʻyicha kamida ikkita tezis mavjudligi (ulardan biri — chet elda);
dissertatsiya ishi natijalari boʻyicha seminar oʻtkazish (mustaqil ravishda);
dissertatsiya mavzusi boʻyicha konferensiya yoki seminarda maʼruza bilan qatnashish (kamida bir marta);
yakka tartibdagi rejaning bajarilishi toʻgʻrisida hisobot;
OAK talablariga muvofiq tayyorlangan dissertatsiya ishi.
Katta ilmiy xodimlar-izlanuvchilar dissertatsiyani himoya qilishgacha OAKning tegishli talablariga javob beradigan miqdorda eʼlon qilingan ilmiy ishlarga ega boʻlishi kerak. Ijtimoiy-gumanitar va iqtisodiy fanlar boʻyicha dissertatsiya natijalari boʻyicha monografiya eʼlon qilinishi kerak.
Katta ilmiy xodimlar-izlanuvchilar dissertatsiyani himoya qilishgacha taʼlim muassasalarida oʻqishning butun davrida kamida 300 soat hajmida pedagogik ish tajribasiga ega boʻlishlari kerak.
35. Katta ilmiy xodimlar-izlanuvchilar yakka tartibdagi rejalar bajarilmaganda, oliy taʼlim muassasasi yoki ilmiy-tadqiqot muassasasining ichki tartibi va qoidalari buzilganda katta ilmiy xodimlar-izlanuvchilar lavozimidan ozod etilishlari mumkin. Ushbu sabablarga koʻra oʻqishdan chetlatilgan shaxslar oʻqishga tiklanmaydi.
36 Muntazam ravishda (qatorasiga ikki marta) doktorlik dissertatsiyalarini himoya qilish boʻyicha tegishli kengashlarga katta ilmiy xodimlar-izlanuvchilar tomonidan dissertatsiya ishlari oʻz vaqtida taqdim etilishini taʼminlamagan ilmiy konsultantlar oliy taʼlim muassasasi yoki ilmiy-tadqiqot muassasasining ilmiy kengashi qarori bilan uch yilgacha boʻlgan davrga ilmiy maslahat berishdan chetlatiladilar.
37. Monitoring yakunlari oliy taʼlim muassasasi yoki ilmiy-tadqiqot muassasasining tegishli ilmiy kengashlarida koʻrib chiqiladi. Kengashlarning tavsiyasi boʻyicha katta ilmiy xodimlar-izlanuvchilarning yakka tartibdagi rejasiga oʻzgartirishlar kiritilishi mumkin. Ilmiy konsultantlar faoliyatini nazorat qilish Oliy va oʻrta maxsus taʼlim vazirligi, Fanlar akademiyasi, oʻz tasarrufida oliy taʼlim muassasasi va ilmiy tadqiqot muassasasiga ega vazirliklar, idoralar va tashkilotlar tomonidan amalga oshiriladi.
V. Mustaqil izlanuvchilik tartibida ilmiy va ilmiy-pedagog kadrlar tayyorlash
38. Mustaqil izlanuvchilikka bakalavr yoki magistr darajasiga, yoki fan nomzodi ilmiy darajasiga, yoki oliy harbiy maʼlumotga, yoki magistr darajasi joriy etilgunga qadar olingan oliy taʼlim toʻgʻrisidagi diplomga, kamida besh yil amaliy ish stajiga ega boʻlgan, ilmiy izlanishlarga layoqati boʻlgan va muayyan ilmiy yutuqlarga ega boʻlgan (ixtiro uchun patentlar, eʼlon qilingan ilmiy materiallarga ega boʻlgan, ilmiy-texnologik ishlanmalarda ishtirok etgan va hokazo), belgilangan talablarga muvofiq boʻlgan shaxslar rasmiylashtiriladilar.
39. Oliy taʼlim muassasasi va ilmiy-tadqiqot muassasasi har yili 1-sentabrdan kechikmay mustaqil izlanuvchilikka talabgorlar hujjatlarini qabul qilish boshlanishi toʻgʻrisida ommaviy axborot vositalarida eʼlon beradilar. Hujjatlar 15-oktabr — 15-noyabr mobaynida qabul qilinadi.
Mustaqil izlanuvchilikda talabgor quyidagi hujjatlarni ilova qilgan holda ariza bilan oliy taʼlim muassasasi yoki ilmiy-tadqiqot muassasasiga murojaat qiladi:
ish joyidan tavsifnoma;
maʼlumotnoma;
oliy taʼlim yoki fan nomzodi toʻgʻrisidagi diplomning nusxasi;
mehnat daftarchasining belgilangan tartibda tasdiqlangan nusxasi;
talabgorning ilmiy va ilmiy-tadqiqot faoliyatga layoqati yuzasidan test sinovidan oʻtganligini tasdiqlovchi OAK hujjatining nusxasi;
ilmiy ishlar va ilmiy hisobotlar (patentlar) roʻyxati.
40. Talabgorlar mustaqil izlanuvchilikka har yili 25-dekabrgacha, mutaxassislik boʻyicha suhbat natijalari va tegishli kafedra (boʻlim, laboratoriya)ning xulosasi boʻyicha oliy taʼlim muassasasi yoki ilmiy-tadqiqot muassasasi rahbarining buyrugʻi bilan, shuningdek taʼlimning oʻrganilgan oldingi darajasida chet tili boʻyicha imtihon natijasi boʻyicha rasmiylashtiriladi.
41. Mustaqil izlanuvchilarni sifatli tayyorlashni taʼminlash, shuningdek ularga ilmiy va oʻquv-metodik yordam berish maqsadida mustaqil izlanuvchilarni qabul qilish toʻgʻrisidagi buyruqda ularning yetakchi olimlardan ilmiy konsultantlari belgilanadi.
42. Mustaqil izlanuvchilar ular rasmiylashtirilgandan keyin bir oy muddatda ilmiy rahbar bilan kelishgan holda oliy taʼlim muassasasi yoki ilmiy-tadqiqot muassasasining ilmiy kengashiga doktorlik dissertatsiyasini tayyorlashning yakka tartibdagi ish rejalarini tasdiqlash uchun taqdim etadilar.
43. Izlanuvchilarning dissertatsiyalari mavzulari ular rasmiylashtirilgandan keyin uch oy mobaynida oliy taʼlim muassasasi yoki ilmiy-tadqiqot muassasasining ilmiy kengashida tasdiqlanishi kerak.
44. Ilmiy konsultant tanlangan mutaxassislik boʻyicha nazariy-metodologik dasturining oʻquv rejasini ishlab chiqadi. Oʻquv rejasi ham mustaqil izlanuvchi rasmiylashtirilgandan keyin bir oy muddatda oliy taʼlim muassasasi kengashi yoki ilmiy-tadqiqot muassasasi ilmiy kengashida tasdiqlanadi.
Nazariy-metodolik dastur ushbu fan boʻyicha umumiy konsepsiyani hamda ilmiy-tadqiqotlarning metodologiyasi, nazariy asoslari va usullarini oʻz ichiga oladi. Nazariy dastur mustaqil izlanuvchi tomonidan ilmiy konsultant yordamida oʻqishning birinchi yili mobaynida oʻzlashtiriladi.
Keyingi yillarida oliy taʼlim muassasasi kengashi yoki ilmiy-tadqiqot muassasasi ilmiy kengashi tomonidan fan sohalariga qarab OAK tomonidan belgilanadigan fanlar boʻyicha malaka oʻquv dasturlari ishlab chiqiladi va tasdiqlanadi. Malaka oʻquv dasturlari mustaqil izlanuvchilar tomonidan mustaqil oʻzlashtiriladi.
45. Mustaqil izlanuvchilar uchun nazariy va ilmiy-tadqiqot ishlariga oʻquv yuklamasi hajmi haftasiga 12 soatni tashkil etadi, undan — koʻpi bilan 4 soati auditoriya mashgʻulotlari uchun ajratilishi mumkin.
46. Mustaqil izlanuvchilar faoliyati samaradorligi monitoringini olib borish tartibi ushbu Nizomning 34-bandi talablariga oʻxshash.
Monitoring yakunlari oliy taʼlim muassasasi yoki ilmiy-tadqiqot muassasasining tegishli ilmiy kengashlarida koʻrib chiqiladi. Kengashlarning tavsiyasi boʻyicha mustaqil izlanuvchilarning yakka tartibdagi rejasiga oʻzgartirishlar kiritilishi mumkin. Ilmiy konsultantlar faoliyatini nazorat qilish Oliy va oʻrta maxsus taʼlim vazirligi, Fanlar akademiyasi, oʻz tasarrufida oliy taʼlim muassasasi va ilmiy tadqiqot muassasasiga ega vazirliklar, idoralar va tashkilotlar tomonidan amalga oshiriladi.
Yakka tartibdagi rejalarni muntazam ravishda bajarmaydigan va oliy taʼlim muassasasi yoki ilmiy-tadqiqot ichki qoidalarini buzuvchi mustaqil izlanuvchilar izlanuvchilikdan chetlatilishi mumkin.
47. Yakka rejalarni muvaffaqiyatli bajargan va mutaxassislik, Oʻzbekistonning eng yangi tarixi, chet tili, shuningdek fan sohalariga qarab OAK tomonidan belgilanadigan fanlar boʻyicha malaka imtihonlarini topshirgan mustaqil izlanuvchilar dissertatsiyani himoya qilishga qoʻyiladilar.
Mustaqil izlanuvchilar dissertatsiyani himoya qilishgacha OAKning tegishli talablariga javob beradigan miqdorda eʼlon qilingan ilmiy ishlarga ega boʻlishi kerak. Shu bilan birga, ijtimoiy-gumanitar va iqtisodiy fanlar boʻyicha dissertatsiya natijalari boʻyicha monografiya eʼlon qilinishi kerak.
48. Ilmiy konsultantlar tomonidan oliy taʼlim muassasasida mustaqil izlanuvchilar bilan ishlash ularning oʻquv yuklamasi umumiy hajmiga kiritiladi va har oylik asosida har bir izlanuvchi uchun bir yilga 50 soat hisobidan qonun hujjatlarida belgilangan tartibda ushbu muassasalarning budjetdan tashqari mablagʻlaridan haq toʻlanadi.
Ilmiy tadqiqot muassasasida ilmiy konsultantlarning mustaqil izlanuvchilar bilan mehnatiga haq toʻlash har oylik asosida oʻquv mashgʻulotlari oʻtkazilganligi uchun mehnatga soatbay haq toʻlashning qonun hujjatlarida belgilangan tartibida har bir izlanuvchiga bir yilda 50 soat hisobidan ushbu muassasalarning budjetdan tashqari mablagʻlaridan amalga oshiriladi.
Ilmiy konsultantlarning mustaqil izlanuvchilar — xorijiy fuqarolar va fuqaroligi boʻlmagan shaxslar bilan mehnatiga haq toʻlash oʻqishga tuzilgan shartnomalarga muvofiq amalga oshiriladi.
49. Katta ilmiy xodim-izlanuvchi sifatida oʻqigan, biroq dissertatsiya himoya qilmagan shaxsga mustaqil izlanuvchi sifatida rasmiylashtirishga ruxsat berilmaydi.
50. Bir necha oliy taʼlim muassasasi yoki ilmiy-tadqiqot muassasasida bir vaqtning oʻzida mustaqil izlanuvchilikka yoʻl qoʻyilmaydi.
VI. Toʻlov-kontrakt asosida oliy oʻquv yurtidan keyingi taʼlimni tashkil etish
51. Xorijiy fuqarolarni va fuqaroligi boʻlmagan shaxslarni oliy oʻquv yurtidan keyingi taʼlim institutlariga qabul qilish qonun hujjatlariga va/yoki Oʻzbekiston Respublikasining xalqaro shartnomalariga muvofiq oliy oʻquv yurtidan keyingi taʼlimga qabul kvotalaridan ortiqcha toʻlov-kontrakt asosida amalga oshiriladi.
52. Toʻlov-kontrakt asosida oliy oʻquv yurtidan keyingi taʼlimni amalga oshirishda shu jumladan ilmiy konsultantlar mehnatiga haq toʻlash, tadqiqotlar va eksperimentlar oʻtkazish bilan bogʻliq xarajatlarni hisobga oluvchi oʻqish uchun haq toʻlash miqdori, shuningdek uni toʻlash tartibi qonun hujjatlarida belgilangan tartibda manfaatdor tomonlar oʻrtasida tuziladigan shartnoma bilan belgilanadi. Shartnomada, shuningdek katta ilmiy xodimlar-izlanuvchining lavozim maoshini va oʻqish uchun haq toʻlash miqdorini aniqlashda hisobga olinadigan ular bilan bogʻliq ijtimoiy ajratmalar bilan birgalikda qonun hujjatlarida nazarda tutilgan boshqa toʻlovlarni toʻlash nazarda tutilishi mumkin.
VII. Oliy oʻquv yurtidan keyingi taʼlim toʻgʻrisidagi hujjat
53. Qonun hujjatlarida nazarda tutilgan oliy oʻquv yurtidan keyingi taʼlim talablarini bajargan va fan doktori ilmiy darajasini olish uchun dissertatsiya himoya qilgan shaxslarga belgilangan tartibda davlat namunasidagi fan doktori diplomi beriladi.
54. Fan doktorlarining ilmiy tadqiqotlar natijalarini oʻquv jarayoniga joriy etgan holda kadrlarni tayyorlash va qayta tayyorlashdagi ishtiroki ularning ilmiy-pedagogik va jamoat faoliyatining muhim jihati sifatida qaraladi va hisobga olinadi.
Oliy oʻquv yurtidan keyingi taʼlim toʻgʻrisidagi nizomga
ILOVA
ILOVA
| Katta ilmiy xodimlar-izlanuvchilar institutini ochish rejalashtirilayotgan__ | |||||||
|
______________________________________________________ da ishlovchi | |||||||
|
(oliy taʼlim muassasasi yoki ilmiy-tadqiqot muassasasining nomi) | |||||||
| _______________________ mutaxassisligi boʻyicha fan doktorlari toʻgʻrisida | |||||||
| (mutaxassislik shifri va nomi) | | | |||||
|
MAʼLUMOTLAR | |||||||
| | |||||||
|
F.I.O. |
Tugʻilgan yili |
Mutaxassislik shifri va nomi, doktorlik dissertatsiyasi nomi |
Ilmiy darajasi, unvoni |
Ish joyi va lavozimi |
Oxirgi 5 yilda mutaxassislik boʻyicha asosiy ilmiy ishlari (monografiyalar, maqolalar) roʻyxati | ||
| | | ||||||
| | |||||||
| Rahbar | |
____________ |
____________________ | ||||
| | M.Oʻ. | | | | | | |
| | | Sana “_____” yil “___” __________________ | |||||
Keyingi tahrirga qarang.
Vazirlar Mahkamasining 2012-yil 28-dekabrdagi 365-son qaroriga
3-ILOVA
3-ILOVA
Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi apparatining
TUZILMASI
Vazirlar Mahkamasining 2012-yil 28-dekabrdagi 365-son qaroriga
4-ILOVA
4-ILOVA
Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi toʻgʻrisida
NIZOM
I. Umumiy qoidalar
1. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi (keyingi oʻrinlarda OAK deb ataladi) Oʻzbekiston Respublikasi Prezidentining 1992-yil 31-martdagi PF–371-son Farmoni bilan tashkil etilgan va oliy malakali ilmiy va ilmiy-pedagog kadrlarni attestatsiyadan oʻtkazish masalalari boʻyicha vakolatli davlat organi hisoblanadi.
OAK oʻz faoliyati toʻgʻrisida Oʻzbekiston Respublikasi Vazirlar Mahkamasiga hisobot beradi.
2. OAK oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, boshqa qonun hujjatlariga va ushbu Nizomga amal qiladi.
3. OAK oʻz faoliyatini davlat boshqaruvi organlari, mahalliy davlat hokimiyati organlari, jamoat birlashmalari va boshqa tashkilotlar bilan oʻzaro hamkorlikda amalga oshiradi.
4. Davlat budjeti mablagʻlari va qonun hujjatlarida taqiqlanmagan boshqa manbalar OAK faoliyatini moliyalashtirish manbalari hisoblanadi.
5. OAK yuridik shaxs hisoblanadi, Oʻzbekiston Respublikasi Davlat gerbining tasviri tushirilgan va oʻz nomi yozilgan muhrga ega boʻladi.
II. OAKning asosiy vazifalari va funksiyalari
6. Quyidagilar OAKning asosiy vazifalari hisoblanadi:
oliy malakali ilmiy va ilmiy-pedagog kadrlarni attestatsiyadan oʻtkazish sohasida Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari hamda boshqa normativ-huquqiy hujjatlarning amalda bajarilishini taʼminlash;
oliy malakali ilmiy va ilmiy-pedagog kadrlarni attestatsiyadan oʻtkazish sohasida yagona davlat siyosatini amalga oshirish, ushbu faoliyatni tashkil etish, nazorat qilish va muvofiqlashtirish;
doktorlik dissertatsiyasi ishlariga hamda fan doktori ilmiy darajasi va ilmiy unvonlar talabgorlariga talablarning yagonaligini taʼminlash;
Keyingi tahrirga qarang.
ilmiy va ilmiy-pedagog kadrlarning sifat tarkibini yaxshilashga, jamiyat va davlat ehtiyojlarini, fan, taʼlim, texnika va texnologiyalarni rivojlantirish istiqbollarini hisobga olgan holda ilmiy va ilmiy-pedagog kadrlardan foydalanish samaradorligini oshirishga koʻmaklashish;
ortiqcha byurokratik jarayonlarni yoʻqotishga yoʻnaltirilgan oliy malakali ilmiy va ilmiy-pedagog kadrlarni attestatsiyadan oʻtkazish tizimini doimiy ravishda takomillashtirish;
oliy malakali ilmiy va ilmiy-pedagog kadrlarni attestatsiyadan oʻtkazishning barcha bosqichlarida OAK faoliyatining ochiqligi va oshkoraligini taʼminlash;
oliy malakali ilmiy va ilmiy-pedagog kadrlarni attestatsiyadan oʻtkazishning barcha bosqichlarida xolislikni taʼminlash;
fan doktori ilmiy darajasi va ilmiy unvonlarga qoʻyiladigan malaka talablarining xalqaro standartlarga muvofiqligini taʼminlash.
Keyingi tahrirga qarang.
7. OAK oʻziga yuklangan vazifalarni bajarish uchun quyidagi funksiyalarni amalga oshiradi:
oliy malakali ilmiy va ilmiy-pedagog kadrlarni attestatsiyadan oʻtkazish va ilmiy kadrlarni attestatsiyadan oʻtkazish ishida xalqaro hamkorlik boʻyicha davlat siyosatini amalga oshirish sohasida respublika Fanlar akademiyasi, vazirliklari, idoralari, ilmiy tashkilotlari faoliyatini muvofiqlashtiradi;
Keyingi tahrirga qarang.
talabgorlarning ilmiy va ilmiy-pedagogik ishlarni olib borishga layoqatini aniqlash boʻyicha test sinovlari natijalari asosida fan doktori ilmiy darajasini olish uchun dissertatsiya tadqiqotlari mavzularini muvofiqlashtiradi, monitoringini olib boradi, shuningdek ularni roʻyxatdan oʻtkazadi;
Keyingi tahrirga qarang.
katta ilmiy xodimlar-izlanuvchilar va mustaqil izlanuvchi institutlari tomonidan oliy malakali ilmiy va ilmiy-pedagog kadrlar tayyorlash sifatining tizimli monitoringini olib boradi;
Keyingi tahrirga qarang.
fan doktori ilmiy unvonini berish boʻyicha ilmiy kengashlar va ekspert kengashlar ishini shakllantirish va tashkil etish tartibi boʻyicha normativ-huquqiy hujjatlarni, fan doktori ilmiy darajasi va ilmiy unvonlar toʻgʻrisidagi nizomni oʻz vakolatlari doirasida ishlab chiqadi va belgilangan tartibda tasdiqlaydi;
Keyingi tahrirga qarang.
vazirliklar va idoralar, Fanlar akademiyasining iltimosnomalari boʻyicha oliy taʼlim muassasalari va ilmiy-tadqiqot muassasalari huzurida fan doktori ilmiy darajasini berish boʻyicha ilmiy kengashlarni tashkil etadi, ularning shaxsiy tarkibini tasdiqlaydi, ilmiy kengashlarga dissertatsiyalarni himoyaga qabul qilish huquqini beruvchi ilmiy mutaxassisliklar roʻyxatini belgilaydi;
Keyingi tahrirga qarang.
fan doktori ilmiy darajasini berish boʻyicha ilmiy kengashlar faoliyati ustidan davlat nazoratini amalga oshiradi va ular ishi monitoringini olib boradi, ekspert kengashlarning takliflari asosida ularning faoliyatini toʻxtatib turadi yoki toʻxtatadi;
Keyingi tahrirga qarang.
doktorlik dissertatsiyalarining asosiy ilmiy natijalarini eʼlon qilish uchun tavsiya etiladigan yetakchi ilmiy jurnallar va nashrlar, shu jumladan elektron ilmiy-texnik jurnallar roʻyxatini belgilaydi;
Keyingi tahrirga qarang.
manfaatdor vazirliklar, idoralar va tashkilotlar bilan birgalikda fan, texnika, taʼlim va madaniyatni rivojlantirish yoʻnalishlari boʻyicha oliy malakali ilmiy va ilmiy-pedagog kadrlar mutaxassisliklari turlarini takomillashtirish ishlarini olib boradi;
fan doktori ilmiy darajasini olish uchun himoya qilingan dissertatsiyalarning davlat ekspertizasini oʻtkazadi;
Keyingi tahrirga qarang.
tegishli ilmiy kengashning fan doktori ilmiy darajasini berish toʻgʻrisidagi qarorini tasdiqlaydi, oliy taʼlim muassasalari kengashlari yoki ilmiy-tadqiqot muassasalari ilmiy kengashlari taqdimnomasi boʻyicha professor, dotsent va katta ilmiy xodim ilmiy unvonlarini beradi;
Keyingi tahrirga qarang.
Oʻzbekiston Respublikasi fuqarolariga yoki Oʻzbekiston Respublikasida doimiy yashaydigan va ishlaydigan xorijiy mamlakatlar fuqarolariga xorijiy mamlakatlar attestatsiya organlari tomonidan berilgan fan doktori ilmiy darajasi toʻgʻrisidagi hujjatlarni nostrifikatsiya (ekvivalentlikni aniqlash) qiladi;
Keyingi tahrirga qarang.
davlat namunasidagi fan doktori diplomlarini, professor, dotsent va katta ilmiy xodim attestatlarini rasmiylashtiradi;
Keyingi tahrirga qarang.
OAKga tushadigan apellyatsiyalar, takliflar, arizalar va shikoyatlarni koʻrib chiqadi;
manfaatdor vazirliklar va idoralar bilan birgalikda mamlakatni iqtisodiy va ijtimoiy rivojlantirishning ustuvor vazifalariga muvofiq rejalashtiriladigan doktorlik dissertatsiyasi tadqiqotlari mavzularini muvofiqlashtirish va doktorlik dissertatsiyasi tadqiqotlarini muhokama qilish uchun fan tarmoqlari boʻyicha muvofiqlashtiruvchi kengashlar tashkil etadi;
Keyingi tahrirga qarang.
himoya qilingan dissertatsiya ishlarini tahlil qiladi va respublika vazirliklariga, idoralariga natijalari dissertatsiya ishlarida bayon qilingan ilmiy tadqiqotlar bajarilganligi toʻgʻrisidagi maʼlumotlarning dissertatsiya ishlari natijalarini amaliyotga joriy etish mumkinligi toʻgʻrisidagi tegishli tavsiyalar bilan birgalikda yuborilishini taʼminlaydi;
OAK vakolatiga tegishli masalalar boʻyicha Oʻzbekiston Respublikasining boshqa davlatlar bilan xalqaro shartnomalari loyihalarini tayyorlashda qatnashadi;
oʻziga yuklangan vazifalar doirasida xorijiy mamlakatlarning attestatsiya organlari bilan oʻzaro hamkorlik oʻrnatadi va uni amalga oshiradi hamda belgilangan tartibda axborot ayirboshlashni tashkil etadi.
III. OAKning huquqlari va vazifalari
8. OAK oʻziga yuklangan vazifalar va funksiyalarni bajarish uchun quyidagi huquqlarga ega:
Fanlar akademiyasi, vazirliklar, idoralar va tashkilotlardan oʻziga yuklangan vazifalarni bajarish uchun zarur boʻlgan axborot va materiallarni belgilangan tartibda olish;
oliy malakali ilmiy va ilmiy-pedagog kadrlarni attestatsiyadan oʻtkazish masalalari boʻyicha davlatlararo muzokaralarda ishtirok etish;
ekspert kengashlarning qarorlari asosida fan doktori ilmiy darajasini berish boʻyicha bir martalik ilmiy kengashlar tashkil etish va ularning ishini nazorat qilish;
Keyingi tahrirga qarang.
OAK Rayosati majlislarida ish tajribasini oʻrganish va umumlashtirish maqsadida fan doktori ilmiy darajasini berish boʻyicha ilmiy kengashlar va ekspert kengashlar raislarining hisobotlarini eshitish;
Keyingi tahrirga qarang.
dissertatsiya ishlarini ilmiy ekspertizadan oʻtkazish va fan doktori ilmiy darajasini berish boʻyicha ilmiy kengashlar faoliyatini tekshirish uchun yuqori malakali mutaxassislarni jalb etish. Fan doktori ilmiy darajasini berish boʻyicha ilmiy kengashlar faoliyatini tekshirishda qatnashish, opponent va taqrizchi funksiyalarini bajarish davrida jalb etiladigan olimlar va mutaxassislar doimiy ish joylaridagi ish haqi saqlangan holda oʻz xizmat vazifalarini bajarishdan ozod etiladi;
Keyingi tahrirga qarang.
malaka imtihonlari roʻyxatini belgilash va ularning tashkil etilishi va saviyasini nazorat qilish;
fan doktori ilmiy darajasini berish boʻyicha ilmiy kengashlar ishlab turgan tashkilotlardan belgilangan tartibda har yilgi hisobotlarni hamda respublikada oliy malakali ilmiy va ilmiy-pedagog kadrlarni attestatsiyadan oʻtkazish tizimini takomillashtirish boʻyicha takliflarni ishlab chiqish va tadbirlarni amalga oshirish uchun vazirliklar va idoralardan zarur axborotni olish;
Keyingi tahrirga qarang.
oliy malakali ilmiy va ilmiy-pedagog kadrlarni attestatsiyadan oʻtkazish tizimini takomillashtirish, dissertatsiya tadqiqotlarining sifati ilmiy va amaliy ahamiyatini oshirish bilan bogʻliq muammolarni hal etish uchun idoralararo kengashlarni belgilangan tartibda chaqirish;
oʻziga yuklangan vazifalar va funksiyalar doirasida xalqaro hamkorlikni amalga oshirish, oliy malakali ilmiy va ilmiy-pedagog kadrlarni attestatsiyadan oʻtkazish masalalari boʻyicha xalqaro tashkilotlar, kengashlar, konferensiyalar ishida qatnashish;
dissertatsiyalarga qoʻyiladigan talablarga muvofiq fan va iqtisodiyot tarmoqlari uchun ahamiyati yuzasidan qoʻshimcha xulosa olish maqsadida dissertatsiya ishlarini zarur hollarda fan doktori ilmiy darajasini berish boʻyicha ilmiy kengashlarga yuborish;
Keyingi tahrirga qarang.
oliy taʼlim muassasalari yoki ilmiy-tadqiqot muassasalari ilmiy va tegishli kengashlarining tavsiyalariga binoan oliy malakali ilmiy va ilmiy-pedagog kadrlarni ilmiy darajalar va ilmiy unvonlardan belgilangan tartibda mahrum qilish yoki ularni tiklash.
LexUZ sharhiQarang: Vazirlar Mahkamasi huzuridagi Oliy attestatsiya komissiyasi Rayosatining 2016-yil 28-apreldagi 224/8-sonli qarori bilan tasdiqlangan Ilmiy unvonlar berish tartibi toʻgʻrisidagigi nizomning 7-bobi (roʻyxat raqami 2793, 03.06.2016-y.).
9. OAK oʻz vakolatlari doirasida vazirliklar, davlat qoʻmitalari, idoralar, mahalliy davlat hokimiyati organlari, tashkilotlar, mansabdor shaxslar va fuqarolar uchun majburiy boʻlgan normativ-huquqiy hujjatlarni belgilangan tartibda qabul qilish huquqiga ega.
10. OAK zarur hollarda boshqa vazirliklar, davlat qoʻmitalari va idoralar bilan birgalikda qoʻshma qarorlar va boshqa hujjatlarni chiqarish huquqiga ega.
11. OAK oʻziga yuklangan vazifalar va funksiyalarni ushbu Nizomga muvofiq bajarishga majbur, respublikada oliy malakali ilmiy va ilmiy-pedagog kadrlarni attestatsiyadan oʻtkazish tizimining holati va uni takomillashtirish yuzasidan javob beradi.
IV. OAK faoliyatini tashkil etish
12. OAKga Vazirlar Mahkamasi tomonidan lavozimga tayinlanadigan va lavozimdan ozod etiladigan rais boshchilik qiladi.
OAKning Vazirlar Mahkamasi tomonidan lavozimga tayinlanadigan va lavozimdan ozod etiladigan bosh ilmiy kotibi boʻladi. Bosh ilmiy kotibning vazifalari OAK raisi tomonidan belgilanadi.
13. OAKning apparati uning ijro etuvchi organi hisoblanadi, OAK apparatining tuzilmasi va xodimlarining cheklangan soni Oʻzbekiston Respublikasi Vazirlar Mahkamasi tomonidan tasdiqlanadi.
14. OAK raisi:
OAK vakolatiga kiruvchi masalalar boʻyicha qarorlar qabul qiladi hamda OAKga yuklangan vazifalar va funksiyalarning bajarilishi yuzasidan shaxsan javob beradi;
OAKning ekspert kengashlari, boʻlimlari va boshqa boʻlinmalari faoliyatini yoʻnaltiradi va nazorat qiladi;
oliy malakali ilmiy va ilmiy-pedagog kadrlarni attestatsiyadan oʻtkazish masalalari boʻyicha oʻz vakolatlari doirasida OAK qarorlarini, ilmiy daraja berish toʻgʻrisidagi diplomlarni va ilmiy unvonlar berish toʻgʻrisidagi attestatlarni imzolaydi;
Keyingi tahrirga qarang.
OAK apparatining xodimlari bajarishi majburiy boʻlgan buyruqlar chiqaradi va koʻrsatmalar beradi;
OAK apparati tarkibiy boʻlinmalari toʻgʻrisidagi nizomni belgilangan tartibda tasdiqlaydi;
OAK apparati xodimlarini belgilangan tartibda lavozimga tayinlaydi va lavozimdan ozod qiladi;
zaruriyat boʻlganda xodimlarning belgilangan umumiy soni va mehnatga haq toʻlash fondi doirasida apparat tuzilmasiga oʻzgartirishlar kiritadi, OAK apparatining shtat jadvalini, shuningdek OAK apparati xarajatlar smetasini tasdiqlaydi;
qonun hujjatlariga muvofiq oʻz vakolatlari doirasida boshqa vakolatlarni amalga oshiradi.
15. OAK raisi, bosh ilmiy kotib hamda fanning asosiy yoʻnalishlari boʻyicha fan, texnika, taʼlim va madaniyat sohasidagi yetakchi olimlar va mutaxassislardan iborat boʻlgan Rayosat OAKning rahbarlik qiluvchi ijro etuvchi organi hisoblanadi. Rayosatning shaxsiy tarkibi Oʻzbekiston Respublikasi Vazirlar Mahkamasi tomonidan tasdiqlanadi.
Rayosat ishiga OAK raisi rahbarlik qiladi.
Zaruriyat boʻlganda OAK raisi Rayosat aʼzolari tarkibini qisman oʻzgartirish boʻyicha taklifni belgilangan tartibda Vazirlar Mahkamasiga kiritadi.
OAK Rayosati rahbarlik qiluvchi ijro etuvchi organ sifatida quyidagi funksiyalarni bajaradi:
fan doktori ilmiy darajasini berish boʻyicha ilmiy kengashlar tashkil etish tartibini ishlab chiqadi, ilmiy kengashlar tuzishga ruxsatnomalar beradi, ularning shaxsiy tarkibini tasdiqlaydi, ularga tegishi mutaxassisliklar boʻyicha dissertatsiya ishlarini koʻrib chiqish huquqini beradi;
Keyingi tahrirga qarang.
ekspert kengashlar tashkil etish toʻgʻrisida qarorlar chiqaradi;
ilmiy kengashlarning ilmiy daraja berish toʻgʻrisidagi qarorlarini tasdiqlaydi hamda ilmiy unvon berish toʻgʻrisida qaror qabul qiladi;
Keyingi tahrirga qarang.
fan doktori ilmiy darajasi berish boʻyicha ilmiy kengashlar raislarining va ilmiy unvonlar berish boʻyicha kengashlar raislarining ishlari toʻgʻrisida hisobotlarini muntazam ravishda eshitib boradi;
Keyingi tahrirga qarang.
ilmiy yoʻnalishlar boʻyicha bosh inspektorlarning ilmiy daraja berish, shu jumladan himoya qilingan doktorlik dissertatsiyalari boʻyicha attestatsiya yigʻmajildlarining, shuningdek ilmiy unvonlar berish boʻyicha attestatsiya yigʻmajildlarining OAK talablariga muvofiqligi toʻgʻrisidagi hisobotlarini eshitadi;
Keyingi tahrirga qarang.
oʻz vakolatlari doirasida normativ-huquqiy hujjatlarni tasdiqlaydi;
oliy malakali ilmiy va ilmiy-pedagog kadrlarni attestatsiyadan oʻtkazish bilan bogʻliq boshqa masalalarni hal etadi.
16. Bosh ilmiy kotib himoya qilingan doktorlik dissertatsiyalarining OAK talablariga muvofiqligi yuzasidan javob beradi va quyidagi ilmiy yoʻnalishlar boʻyicha tarkibiga 6 nafar bosh inspektorlar kiradigan Kotibiyat faoliyatiga rahbarlik qiladi:
Keyingi tahrirga qarang.
fizika-matematika fanlari;
kimyo, biologiya va geologiya-minerologiya fanlari;
texnika fanlari;
qishloq xoʻjaligi fanlari;
ijtimoiy fanlar (tarix, iqtisodiyot, falsafa, filologiya, huquqshunoslik, pedagogika fanlari);
tibbiyot va psixologiya fanlari (tibbiyot, farmatsevtika, veterinariya, psixologiya fanlari).
Har bir bosh inspektor tegishli ilmiy yoʻnalishlari boʻyicha himoya qilingan doktorlik dissertatsiyalarining OAK talablariga muvofiqligi yuzasidan javob beradi va OAK Rayosati majlisida belgilangan tartibda hisobot beradi.
Keyingi tahrirga qarang.
17. OAK Rayosati aʼzolari, shuningdek apparat xodimlari OAK ekspert kengashlari va fan doktori ilmiy darajasini berish boʻyicha ilmiy kengashlar aʼzolari boʻlishi mumkin emas.
Keyingi tahrirga qarang.
18. OAK Rayosatining majlisi uning faoliyatining tashkiliy shakli hisoblanadi. OAK Rayosati majlisi, agar unda uning aʼzolarining oddiy koʻpchiligi qatnashsa, huquqiy vakolatli hisoblanadi.
19. OAK Rayosati qarorlari ochiq ovoz berish yoʻli bilan qabul qilinadi va, agar uning uchun majlisda qatnashuvchi OAK Rayosati aʼzolarining oddiy koʻpchiligi ovoz bersa qabul qilingan hisoblanadi.
20. OAK Rayosati qarorlari qarorlar shaklida rasmiylashtiriladi hamda OAK raisi, bosh ilmiy kotib va OAK apparatining masʼul xodimlari tomonidan imzolanadi.
21. OAK Rayosati majlislari bayonnomalari rasmiylashtiriladi hamda OAK raisi va bosh ilmiy kotib tomonidan imzolanadi.
22. OAK Rayosati aʼzolari majlis boshlangunga qadar kun tartibi va majlisda koʻrib chiqiladigan barcha materiallar bilan tanishishlari kerak. OAK Rayosatida koʻrib chiqish uchun kiritilgan masalalar ekspert kengash fikri hisobga olingan holda har tomonlama va mohiyatiga koʻra muhokama qilinishi kerak.
23. OAK Rayosati va ekspert kengashi fikri farq qilgan hollarda koʻrib chiqilayotgan masala boʻyicha materiallar takroran koʻrib chiqish uchun ekspert kengashga qaytariladi. OAK Rayosati va ekspert kengashi fikri ikkinchi marta farq qilgan taqdirda masala OAK Rayosati tomonidan tashkil etiladigan kamida besh kishidan iborat kelishuv komissiyasida koʻrib chiqiladi. Kelishuv komissiyasi tarkibiga OAK Rayosati, ekspert kengashi aʼzolari va ushbu masalani koʻrib chiqishning barcha bosqichlarida ilgari qatnashmagan mutaxassis olimlar kiradi. Kelishuv komissiyasining xulosasi OAK Rayosati tomonidan koʻrib chiqiladi va uzil-kesil qaror qabul qilinadi.
24. OAK Rayosati majlisi bir oyda bir marta oʻtkaziladi. Zarur hollarda OAK Rayosatining navbatdan tashqari majlislari oʻtkazilishi mumkin.
25. Yuqori malakali ilmiy va ilmiy-pedagogik kadrlarni attestatsiyadan oʻtkazishga taalluqli attestatsiya yigʻmajildlari va boshqa hujjatlar boʻyicha qabul qilingan qarorlarning normativ-huquqiy hujjatlarga muvofiqligini taʼminlash maqsadida , shuningdek OAK faoliyatining kollegial qarorni va uning bajarilishi yuzasidan nazoratni talab etadigan joriy masalalarini koʻrib chiqish va qaror qabul qilish uchun OAK raisi, bosh ilmiy kotib, ilmiy yoʻnalishlar boʻyicha bosh inspektorlar, shuningdek OAK boʻlimlari boshliqlaridan iborat tarkibda OAKning Tartib-qoida komissiyasi tashkil etiladi.
26. Taqdim etilgan doktorlik dissertatsiyalarini, ularning ilmiy va amaliy ahamiyatini ilmiy ekspertizadan oʻtkazish, fan doktori ilmiy darajasini berish boʻyicha ilmiy kengashlar ishini va attestatsiya oʻtkazishda talablarning yagonaligi taʼminlanishini nazorat qilish, ilmiy daraja berish va ilmiy unvonlar berish toʻgʻrisidagi iltimosnomalarni koʻrib chiqish, shuningdek OAK Rayosatiga tavsiyalar tayyorlash uchun fan, texnika, taʼlim va madaniyat sohasidagi yetakchi olimlar va mutaxassislardan fan yoʻnalishlari boʻyicha ekspert kengashlar tashkil etiladi.
Keyingi tahrirga qarang.
Ekspert kengashlar oliy taʼlim muassasalari, ilmiy-tadqiqot institutlari, ilmiy va ilmiy-ishlab chiqarish birlashmalari, boshqa tashkilotlar, manfaatdor vazirliklar va idoralarning tavsiyalari hisobga olingan holda shakllantiriladi hamda keyinchalik tarkibining kamida uchdan bir qismi yangilangan holda OAK Rayosati tomonidan uch yil muddatga tasdiqlanadi.
27. Olimlar va mutaxassislarning ilmiy va ilmiy-pedagog kadrlarni attestatsiyadan oʻtkazish tizimi ishida qatnashishi ularning ijtimoiy-ilmiy faoliyatining muhim jihati sifatida qaraladi va hisobga olinadi.
Ekspert kengashlar aʼzolari, opponentlar va taqrizchilar, shuningdek jalb etiladigan mutaxassislar mehnatiga haq toʻlash belgilangan tartibda amalga oshiriladi.
28. OAK oliy malakali ilmiy va ilmiy-pedagog kadrlarni attestatsiyadan oʻtkazish masalalari boʻyicha “OAK Byulleteni” jurnalini nashr etadi. “OAK maʼlumotnomasi” jurnalida izlanuvchilarning dissertatsiya tadqiqotlari mavzulari, dissertatsiya annotatsiyasi bilan birgalikda doktorlik dissertatsiyalari himoya qilinishi, talabgorlarga fan doktori ilmiy darajasi berilishi hamda ilmiy unvonlar berilishi toʻgʻrisidagi axborot va boshqa maʼlumotlar ham beriladi. “OAK Byulleteni” jurnali oʻz xarajatlarini oʻzi qoplash asosida nashr etiladi.
Keyingi tahrirga qarang.
29. Oliy malakali ilmiy va ilmiy-pedagog kadrlarni attestatsiyadan oʻtkazishda ochiqlik va oshkoralikni taʼminlash maqsadida OAK faoliyati masalalari OAK veb-saytida va “OAK Byulleteni” jurnalida yoritiladi.
Bundan tashqari, OAK veb-saytida fan doktori ilmiy darajasi va ilmiy unvonlar talabgorlarining attestatsiya yigʻmajildlarining oʻtishi, shu jumladan ularning normativ-huquqiy ekspertizadan oʻtishi natijalari, keyinchalik ularning ilmiy ekspertizaga berilishi va uning tugallanishi, shuningdek OAK Rayosatida yakuniy qarorlar qabul qilish uchun attestatsiya yigʻmajildlarini koʻrib chiqish muddatlari toʻgʻrisidagi axborotlar joylashtiriladi. Ushbu qaror shuningdek OAK veb-saytida Rayosat majlisidan keyin 7 kun mobaynida joylashtiriladi.
Keyingi tahrirga qarang.
OAK veb-sayti zaruriyatga qarab, lekin haftada kamida bir marta yangilanadi.
30. Boʻlajak doktorlik dissertatsiyalari himoyalari, ularning ilmiy va amaliy ahamiyati toʻgʻrisida ommaviy axborot vositalari, OAK veb-sayti va “OAK maʼlumotnomasi” jurnali orqali, shuningdek avtoreferatning toʻliq matnini Fan doktori ilmiy darajasini berish boʻyicha ilmiy kengashning veb-saytida va Internet tarmogʻining boshqa axborot-resurs portallarida joylashtirish yoʻli bilan xabar beriladi.
Keyingi tahrirga qarang.
Vazirlar Mahkamasining 2012-yil 28-dekabrdagi 365-son qaroriga
5-ILOVA
5-ILOVA
|
Oliy oʻquv yurtidan keyingi taʼlim | ||
| | ||
|
Oʻzbekiston Respublikasi gerbi | ||
| | ||
|
Oʼzbekiston Respublikasi | ||
| | ||
| | ||
|
SUPREME ATTESTATION COMMISSION |
| The Supreme Attestation Commission of the Republic of Uzbekistan | |||
| | |||
| based on the decision of the | |||
| | |||
| …………………………………………………………………………………………………. | |||
| | |||
| hereby confers the scientific degree of | |||
| | |||
|
DOCTOR OF SCIENCES | |||
| | |||
| in ………………………………………………………………………………………………. | |||
| | |||
| to ………………………………………………………………………………………………. | |||
| | |||
| 00 № 000000 | Date: | , | , records ………… |
| | |||
| Chairman | | | Chief Scientific |
| | | | Secretary |
| | |||
| | |||
| |
T a s h k e n t |
| Reg. № |
| Oʼzbekiston Respublikasi Oliy attestatsiya komissiyasi | |||
| | |||
| …………………………………….............................…………………………………………. | |||
| | |||
| ilmiy kengashining qaroriga asosan | |||
| | |||
| …………………………………………………………………………. | |||
| | |||
| ………………………………………….....…………………………… | |||
| | |||
|
FANLARI DOKTORI | |||
| | |||
| | |||
| ilmiy darajasini berdi. | |||
| | |||
| 00 № 000000 | Sana: | , |
, ....-son bayonnoma |
| | |||
| Rais | | | Bosh ilmiy |
| | | | kotib |
| | |||
| | |||
| |
T o s h k e n t |
| Qaydnoma |
Fanlar doktori diplomi
Fanlar doktori diplomi yashil-havorang rangli maxsus qogʻozda tayyorlangan va 135 x 105 mm oʻlchamga ega. Blanka yuza tomonining yuqori qismidagi 26 mm va 24 mm diametrli koʻk rangli konsentrik aylanalarda 20 mm diametrli rangli Oʻzbekiston Respublikasi Davlat gerbi joylashgan. Pastki qismida oʻzbek tilida lotin shriftida va ingliz tilida koʻk harflar bilan quyidagilar yozilgan:
Oʼzbekiston Respublikasi
Vazirlar Mahkamasi huzuridagi
OLIY ATTESTATSIYA KOMISSIYASI
Vazirlar Mahkamasi huzuridagi
OLIY ATTESTATSIYA KOMISSIYASI
SUPREME ATTESTATION COMMISSION
at the Cabinet of Ministers
of the Republic of Uzbekistan
at the Cabinet of Ministers
of the Republic of Uzbekistan
Blanka ichki betining chap tomoni markazida 70 mm diametrli fonli Oʻzbekiston Respublikasi Davlat gerbi joylashgan. Oʻrtasi boʻylab toʻqsariq fonli polosa oʻtgan. Ikkala bet ham 1,5 x 1,5 mm va 2 x 2 mm oʻlchamli rastrli setkalardan iborat boʻladi. Ingliz tilidagi matn qora rangli harflarda, diplomning tartib raqami esa — qizil rangli raqamlarda bosilgan.
Blanka ichki betining oʻng tomoni markazida 70 mm diametrli fonli Oʻzbekiston Respublikasi Davlat gerbi joylashgan. Oʻrtasi boʻylab toʻqsariq fonli polosa oʻtgan. Ikkala bet ham 1,5 x 1,5 mm va 2 x 2 mm oʻlchamli rastrli setkalardan iborat boʻladi. Oʻzbek tilidagi matn lotin shriftida qora rangli harflarda, diplomning tartib raqami esa — qizil rangli raqamlarda bosilgan.
Diplomning ikkala betiga ham diplom seriyasining ikkita belgili raqamlari va diplom tartib raqamining oltita belgili raqamlari bosiladi.
Diplom himoyalashning 7 ta darajasiga ega:
1) ikkita bosma metodlaridan foydalanish: asosiy qismi — ofset usulida, raqamlari — yuqori bosma usulida bosiladi;
2) koʻpaytirish texnikasida nusxa koʻchirishni qiyinlashtiradigan och tusli boʻyoqlardan foydalanish;
3) turli shakldagi rastrli setkalardan foydalanish;
4) turli shakldagi rastrli setkalardan foydalanish natijasida yangi ranglar hosil boʻlishi;
5) maxsus qogʻozdan foydalanish;
6) Oʻzbekiston Respublikasi Davlat gerbining rangli tasviri;
7) oltita shakllarda oʻzgaradigan raqamlardan foydalanish.
|
Ilmiy unvonlar berish toʻgʻrisidagi | ||
| | ||
|
Oʻzbekiston Respublikasi gerbi | ||
| | ||
|
Oʼzbekiston Respublikasi | ||
| | ||
| | ||
|
SUPREME ATTESTATION COMMISSION |
| The Supreme Attestation Commission of the Republic of Uzbekistan | |||
| | |||
| upon the recommendation of the | |||
| | |||
| ………………………………………………………………………..... | |||
| | |||
| hereby awards the scientific title of | |||
| | |||
| | |||
|
PROFESSOR | |||
| | |||
| | |||
| of ………………………………………………………………………………………………. | |||
| to ………………………………………………………………………………………………. | |||
| | |||
| | |||
| 00 № 000000 | Date: | , | , records…...……… |
| | |||
| Chairman | | | Chief Scientific |
| | | | Secretary |
| | |||
| | |||
| |
T a s h k e n t |
| Reg. № |
| Oʼzbekiston Respublikasi Oliy attestatsiya komissiyasi | |||
| | |||
| …………………………………….............................…………………………………………. | |||
| | |||
| ilmiy kengashining tavsiyasiga koʼra | |||
| | |||
| …………………………………………………………………………. | |||
| | |||
| ……………………………….................…………………………………………… boʼyicha | |||
| | |||
|
PROFESSOR | |||
| | |||
| | |||
| ilmiy unvonida tasdiqladi. | |||
| | |||
| 00 № 000000 | Sana: | , |
, ....-son bayonnoma |
| | |||
| Rais | | | Bosh ilmiy |
| | | | kotib |
| | |||
| | |||
| |
T o s h k e n t |
| Qaydnoma |
Professor attestati
Professor attestati yashil-havorang rangli maxsus qogʻozda tayyorlangan va 135 x 105 mm oʻlchamga ega. Blanka yuza tomonining yuqori qismidagi 26 mm va 24 mm diametrli koʻk rangli konsentrik aylanalarda 20 mm diametrli rangli Oʻzbekiston Respublikasi Davlat gerbi joylashgan. Pastki qismida oʻzbek tilida lotin shriftida va ingliz tilida koʻk harflar bilan quyidagilar yozilgan:
Oʼzbekiston Respublikasi
Vazirlar Mahkamasi huzuridagi
OLIY ATTESTATSIYA KOMISSIYASI
Vazirlar Mahkamasi huzuridagi
OLIY ATTESTATSIYA KOMISSIYASI
SUPREME ATTESTATION COMMISSION
at the Cabinet of Ministers
of the Republic of Uzbekistan
at the Cabinet of Ministers
of the Republic of Uzbekistan
Blanka ichki betining chap tomoni markazida 70 mm diametrli fonli Oʻzbekiston Respublikasi Davlat gerbi joylashgan. Oʻrtasi boʻylab toʻqsariq fonli polosa oʻtgan. Ikkala bet ham 1,5 x 1,5 mm va 2 x 2 mm oʻlchamli rastrli setkalardan iborat boʻladi. Ingliz tilidagi matn qora rangli harflarda, attestatning tartib raqami esa — qizil rangli raqamlarda bosilgan.
Blanka ichki betining oʻng tomoni markazida 70 mm diametrli fonli Oʻzbekiston Respublikasi Davlat gerbi joylashgan. Oʻrtasi boʻylab toʻqsariq fonli polosa oʻtgan. Ikkala bet ham 1,5 x 1,5 mm va 2 x 2 mm oʻlchamli rastrli setkalardan iborat boʻladi. Oʻzbek tilidagi matn lotin shriftida qora rangli harflarda, attestatning tartib raqami esa — qizil rangli raqamlarda bosilgan.
Attestatning ikkala betiga attestat seriyasining ikkita belgili raqamlari va attestat tartib raqamining oltita belgili raqamlari bosiladi.
Attestat himoyalashning 7 ta darajasiga ega:
1) ikkita bosma metodlaridan foydalanish: asosiy qismi — ofset usulida, raqamlari — yuqori bosma usulida bosiladi;
2) koʻpaytirish texnikasida nusxa koʻchirishni qiyinlashtiradigan och tusli boʻyoqlardan foydalanish;
3) turli shakldagi rastrli setkalardan foydalanish;
4) turli shakldagi rastrli setkalardan foydalanish natijasida yangi ranglar hosil boʻlishi;
5) maxsus qogʻozdan foydalanish;
6) Oʻzbekiston Respublikasi Davlat gerbining rangli tasviri;
7) oltita shakllarda oʻzgaradigan raqamlardan foydalanish.
|
Ilmiy unvonlar berish toʻgʻrisidagi | ||
| | ||
|
Oʻzbekiston Respublikasi gerbi | ||
| | ||
|
Oʼzbekiston Respublikasi | ||
| | ||
| | ||
|
SUPREME ATTESTATION COMMISSION |
| The Supreme Attestation Commission of the Republic of Uzbekistan | |||
| | |||
| upon the recommendation of the | |||
| | |||
| …………………………………………………………………………………………………. | |||
| | |||
| hereby confers the scientific degree of | |||
| | |||
|
DOCENT | |||
| | |||
| of ………………………………………………………………………………………………. | |||
| | |||
| to ………………………………………………………………………………………………. | |||
| | |||
| 00 № 000000 | Date: | , | , records ………… |
| | |||
| Chairman | | | Chief Scientific |
| | | | Secretary |
| | |||
| | |||
| |
T a s h k e n t |
| Reg. № |
| Oʼzbekiston Respublikasi Oliy attestatsiya komissiyasi | |||
| | |||
| …………………………………….............................…………………………………………. | |||
| | |||
| ilmiy kengashining tavsiyasiga koʼra | |||
| | |||
| …………………………………………………………………………. | |||
| | |||
| ……………………………….................…………………………………………… boʼyicha | |||
| | |||
|
DOTSENT | |||
| | |||
| | |||
| ilmiy unvonida tasdiqladi. | |||
| | |||
| 00 № 000000 | Sana: | , |
, ....-son bayonnoma |
| | |||
| Rais | | | Bosh ilmiy |
| | | | kotib |
| | |||
| | |||
| |
T o s h k e n t |
| Qaydnoma |
Dotsent attestati
Dotsent attestati yashil-havorang rangli maxsus qogʻozda tayyorlangan va 135 x 105 mm oʻlchamga ega. Blanka yuza tomonining yuqori qismidagi 26 mm va 24 mm diametrli koʻk rangli konsentrik aylanalarda 20 mm diametrli rangli Oʻzbekiston Respublikasi Davlat gerbi joylashgan. Pastki qismida oʻzbek tilida lotin shriftida va ingliz tilida koʻk harflar bilan quyidagilar yozilgan:
Oʼzbekiston Respublikasi
Vazirlar Mahkamasi huzuridagi
OLIY ATTESTATSIYA KOMISSIYASI
Vazirlar Mahkamasi huzuridagi
OLIY ATTESTATSIYA KOMISSIYASI
SUPREME ATTESTATION COMMISSION
at the Cabinet of Ministers
of the Republic of Uzbekistan
at the Cabinet of Ministers
of the Republic of Uzbekistan
Blanka ichki betining chap tomoni markazida 70 mm diametrli fonli Oʻzbekiston Respublikasi Davlat gerbi joylashgan. Oʻrtasi boʻylab toʻqsariq fonli polosa oʻtgan. Ikkala bet ham 1,5 x 1,5 mm va 2 x 2 mm oʻlchamli rastrli setkalardan iborat boʻladi. Ingliz tilidagi matn qora rangli harflarda, attestatning tartib raqami esa — qizil rangli raqamlarda bosilgan.
Blanka ichki betining oʻng tomoni markazida 70 mm diametrli fonli Oʻzbekiston Respublikasi Davlat gerbi joylashgan. Oʻrtasi boʻylab toʻqsariq fonli polosa oʻtgan. Ikkala bet ham 1,5 x 1,5 mm va 2 x 2 mm oʻlchamli rastrli setkalardan iborat boʻladi. Oʻzbek tilidagi matn lotin shriftida qora rangli harflarda, attestatning tartib raqami esa — qizil rangli raqamlarda bosilgan.
Attestatning ikkala betiga attestat seriyasining ikkita belgili raqamlari va attestat tartib raqamining oltita belgili raqamlari bosiladi.
Attestat himoyalashning 7 ta darajasiga ega:
1) ikkita bosma metodlaridan foydalanish: asosiy qismi — ofset usulida, raqamlari — yuqori bosma usulida bosiladi;
2) koʻpaytirish texnikasida nusxa koʻchirishni qiyinlashtiradigan och tusli boʻyoqlardan foydalanish;
3) turli shakldagi rastrli setkalardan foydalanish;
4) turli shakldagi rastrli setkalardan foydalanish natijasida yangi ranglar hosil boʻlishi;
5) maxsus qogʻozdan foydalanish;
6) Oʻzbekiston Respublikasi Davlat gerbining rangli tasviri;
7) oltita shakllarda oʻzgaradigan raqamlardan foydalanish.
|
Ilmiy unvonlar berish toʻgʻrisidagi | ||
| | ||
|
Oʻzbekiston Respublikasi gerbi | ||
| | ||
|
Oʼzbekiston Respublikasi | ||
| | ||
| | ||
|
SUPREME ATTESTATION COMMISSION |
| The Supreme Attestation Commission of the Republic of Uzbekistan | |||
| | |||
| upon the recommendation of the | |||
| | |||
| …………………………………………………………………………………………………. | |||
| | |||
| hereby awards the scientific title of | |||
| | |||
|
SENIOR SCIENTIFIC RESEARCNER | |||
| | |||
| of ………………………………………………………………………………………………. | |||
| | |||
| to ………………………………………………………………………………………………. | |||
| | |||
| 00 № 000000 | Date: | , | , records ………… |
| | |||
| Chairman | | | Chief Scientific |
| | | | Secretary |
| | |||
| | |||
| |
T a s h k e n t |
| Reg. № |
| Oʼzbekiston Respublikasi Oliy attestatsiya komissiyasi | |||
| | |||
| …………………………………….............................…………………………………………. | |||
| | |||
| ilmiy kengashining tavsiyasiga koʼra | |||
| | |||
| …………………………………………………………………………. | |||
| | |||
| ……………………………….................…………………………………………… boʼyicha | |||
| | |||
|
KATTA ILMIY XODIM | |||
| | |||
| | |||
| ilmiy unvonida tasdiqladi. | |||
| | |||
| 00 № 000000 | Sana: | , |
, ....-son bayonnoma |
| | |||
| Rais | | | Bosh ilmiy |
| | | | kotib |
| | |||
| | |||
| |
T o s h k e n t |
| Qaydnoma |
Katta ilmiy xodim attestati
Katta ilmiy xodim attestati yashil-havorang rangli maxsus qogʻozda tayyorlangan va 135 x 105 mm oʻlchamga ega. Blanka yuza tomonining yuqori qismidagi 26 mm va 24 mm diametrli koʻk rangli konsentrik aylanalarda 20 mm diametrli rangli Oʻzbekiston Respublikasi Davlat gerbi joylashgan. Pastki qismida oʻzbek tilida lotin shriftida va ingliz tilida koʻk harflar bilan quyidagilar yozilgan:
Oʼzbekiston Respublikasi
Vazirlar Mahkamasi huzuridagi
OLIY ATTESTATSIYA KOMISSIYASI
Vazirlar Mahkamasi huzuridagi
OLIY ATTESTATSIYA KOMISSIYASI
SUPREME ATTESTATION COMMISSION
at the Cabinet of Ministers
of the Republic of Uzbekistan
at the Cabinet of Ministers
of the Republic of Uzbekistan
Blanka ichki betining chap tomoni markazida 70 mm diametrli fonli Oʻzbekiston Respublikasi Davlat gerbi joylashgan. Oʻrtasi boʻylab toʻqsariq fonli polosa oʻtgan. Ikkala bet ham 1,5 x 1,5 mm va 2 x 2 mm oʻlchamli rastrli setkalardan iborat boʻladi. Ingliz tilidagi matn qora rangli harflarda, attestatning tartib raqami esa — qizil rangli raqamlarda bosilgan.
Blanka ichki betining oʻng tomoni markazida 70 mm diametrli fonli Oʻzbekiston Respublikasi Davlat gerbi joylashgan. Oʻrtasi boʻylab toʻqsariq fonli polosa oʻtgan. Ikkala bet ham 1,5 x 1,5 mm va 2 x 2 mm oʻlchamli rastrli setkalardan iborat boʻladi. Oʻzbek tilidagi matn lotin shriftida qora rangli harflarda, attestatning tartib raqami esa — qizil rangli raqamlarda bosilgan.
Attestatning ikkala betiga attestat seriyasining ikkita belgili raqamlari va attestat tartib raqamining oltita belgili raqamlari bosiladi.
Attestat himoyalashning 7 ta darajasiga ega:
1) ikkita bosma metodlaridan foydalanish: asosiy qismi — ofset usulida, raqamlari — yuqori bosma usulida bosiladi;
2) koʻpaytirish texnikasida nusxa koʻchirishni qiyinlashtiradigan och tusli boʻyoqlardan foydalanish;
3) turli shakldagi rastrli setkalardan foydalanish;
4) turli shakldagi rastrli setkalardan foydalanish natijasida yangi ranglar hosil boʻlishi;
5) maxsus qogʻozdan foydalanish;
6) Oʻzbekiston Respublikasi Davlat gerbining rangli tasviri;
7) oltita shakllarda oʻzgaradigan raqamlardan foydalanish.
Keyingi tahrirga qarang.
