OLIY TAʼLIM MUASSASALARI PEDAGOG KADRLARINI QAYTA TAYYORLASH VA ULARNING MALAKASINI OSHIRISH TIZIMINI YANADA TAKOMILLASHTIRISH CHORA-TADBIRLARI TOʻGʻRISIDA
Oʻzbekiston Respublikasi Prezidentining “Oliy taʼlim muassasalarining moddiy-texnika bazasini mustahkamlash va yuqori malakali mutaxassislar tayyorlash sifatini tubdan yaxshilash chora-tadbirlari toʻgʻrisida” 2011-yil 20-maydagi PQ–1533-son qarorini bajarish yuzasidan hamda oliy taʼlim muassasalari pedagog kadrlarini qayta tayyorlash va ularning malakasini oshirish tizimini yanada takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Oliy va oʻrta maxsus taʼlim vazirligi, Iqtisodiyot vazirligi, Moliya vazirligi, oliy taʼlim muassasalariga ega boʻlgan vazirliklar va idoralarning:
Oʻzbekiston Respublikasi Oliy va oʻrta maxsus taʼlim vazirligi huzurida Oliy taʼlim tizimi pedagog va rahbar kadrlarini qayta tayyorlash va ularning malakasini oshirishni tashkil etish bosh ilmiy-metodik markazini (keyingi oʻrinlarda Bosh ilmiy-metodik markaz deb ataladi) tashkil qilish;
1-ilovaga muvofiq roʻyxat boʻyicha oliy taʼlim muassasalari pedagog kadrlarini qayta tayyorlash va ularning malakasini oshirish 5 ta mintaqaviy markazlarini (keyingi oʻrinlarda mintaqaviy markaz deb ataladi) hamda oliy taʼlim muassasalari pedagog kadrlarini qayta tayyorlash va ularning malakasini oshirish 10 ta tarmoq markazlarini (keyingi oʻrinlarda tarmoq markazi deb ataladi) tashkil etish, oliy taʼlim muassasalari huzuridagi faoliyat koʻrsatayotgan qayta tayyorlash va malaka oshirish taʼlim muassasalari va fakultetlarini tugatish toʻgʻrisidagi takliflariga rozilik berilsin.
a) Bosh ilmiy-metodik markaz, mintaqaviy markazlar va tarmoq markazlari yuridik shaxs hisoblanadi, oʻz ustavlariga, mustaqil balanslariga, Oʻzbekiston Respublikasi Moliya vazirligining Gʻaznachiligida hisob raqamlariga ega boʻladi;
b) Bosh ilmiy-metodik markaz:
professor-oʻqituvchilar tarkibining kasbiy tayyorgarligi darajasini, ularning yuqori malakali kadrlarni tayyorlash va tarbiyalashning talab qilinadigan darajasini taʼminlash boʻyicha ish natijalarini hamda ilgʻor xalqaro pedagogik tajribani oʻrganish asosida, zamonaviy metodikalardan foydalangan holda oliy taʼlim muassasalari oliy taʼlim muassasalari pedagog kadrlarini qayta tayyorlash va ularning malakasini oshirishning umumtaʼlim dasturlarini, oʻquv-metodik va normativ materiallarini ishlab chiqadi;
malaka oshirishning taʼlim jarayoni sifatini va natijalarini tizimli tahlil qiladi, monitoringini olib boradi, pedagoglarning zamonaviy talablarga muvofiq oliy taʼlim sifatini taʼminlash uchun zarur boʻlgan kasbiy koʻnikmalari va layoqatlari rivojlanishining oʻzgarishini baholaydi;
bazaviy oliy taʼlim muassasalari bilan birgalikda, ilgʻor xorijiy tajribani hisobga olgan holda chet tillarni va zamonaviy axborot-kommunikatsiya texnologiyalarini oʻqitish boʻyicha oʻquv-metodik materiallar tayyorlanishini va samarali metodikalar ishlab chiqilishini taʼminlaydi, shuningdek mazkur yoʻnalishlar boʻyicha mintaqaviy markazlarda va tarmoq markazlarida seminar-treninglar tashkil qiladi;
quyidagilar:
tegishli taʼlim fanlari boʻyicha oʻquv dasturlari mazmunini takomillashtirishni, taʼlimni ishlab chiqarish bilan integratsiyalashni taʼminlash maqsadida iqtisodiyotning turli tarmoqlari boʻyicha mamlakatimizning ilgʻor zamonaviy uskunalar va texnologiyalar bilan jihozlangan korxonalari;
pedagoglarni zamonaviy ilm-fan yutuqlari, tegishli mutaxassisliklar boʻyicha ilm-fanni rivojlantirishning ustuvor yoʻnalishlari, ilmiy eksperimentlar, ilmiy tadqiqotlar oʻtkazishning samarali metodlari bilan tanishtirish maqsadida ilmiy-tadqiqot muassasalari (Fanlar akademiyasining ilmiy muassasalari, tarmoq ilmiy-tadqiqot institutlari, markazlari, laboratoriyalari va shu kabilar) bilan hamkorlik qilish hamda ulardan pedagoglarni qayta tayyorlash va ularning malakasini oshirish uchun bazaviy obyektlar sifatida foydalanish boʻyicha dasturlar ishlab chiqadi;
mintaqaviy va tarmoq markazlari faoliyatini muvofiqlashtiradi, oliy taʼlim muassasalarining rahbar xodimlari malakasini oshirish kurslarini tashkil qiladi va oʻtkazadi;
v) mintaqaviy markazlar:
taʼlim sohalari: gumanitar fanlar, matematika, tabiiy fanlar, sotsiologiya va psixologiya, jurnalistika va axborot, shuningdek ijtimoiy-gumanitar va tabiiy-matematika bloklarining boshqa fanlari boʻyicha qayta tayyorlash va malaka oshirishni amalga oshiradilar hamda zamonaviy metodik, axborot-maʼlumotnoma bazasini yaratadilar;
oliy taʼlimning dolzarb masalalari, Internet global tarmogʻidan foydalangan holda oʻquv jarayoniga zamonaviy pedagogika, axborot texnologiyalarini joriy etish, pedagogik mahorat, maʼnaviyat asoslari hamda pedagoglarning tahliliy va ijodiy fikrlashini ragʻbatlantirishga yoʻnaltirilgan boshqa maxsus kurslar boʻyicha malaka oshirishning maqsadli kurslarini tashkil qiladilar;
malaka oshirish va qayta tayyorlash muassasalarining taʼlim jarayoniga oliy taʼlim muassasalari oʻqituvchilarining kasbiy oʻsishiga yoʻnaltirilgan ilgʻor pedagogik texnologiyalar, amaliy oʻqitishning interaktiv usullari sohasidagi ilmiy yutuqlar natijalarini oʻz vaqtida joriy etish mexanizmlarini amalga oshiradilar;
oʻrta maxsus, kasb-hunar taʼlimi va oliy taʼlimning ijtimoiy-gumanitar va tabiiy-matematika bloklari fanlari taʼlim dasturlarining uzluksizligini va izchilligini taʼminlashni hisobga olgan holda oliy taʼlim muassasalari pedagog kadrlarini qayta tayyorlash va ularning malakasini oshirishning oʻquv rejalari va dasturlarini ishlab chiqadilar;
oliy taʼlimning tegishli yoʻnalishlari boʻyicha fanlarning umumkasbiy va maxsus bloklari boʻyicha qayta tayyorlash va malaka oshirishni amalga oshiradilar hamda ular boʻyicha zamonaviy metodik, axborot-maʼlumotnoma bazasini yaratadilar;
xorijiy mutaxassislarni shartnoma asosida, shuningdek mahalliy konstruktorlik-texnologik muassasalar va respublikadagi yirik korxonalar rahbarlarini taklif etgan holda, eng avvalo, yuqori va innovatsiya texnologiyalari sohasida oliy taʼlim muassasalari pedagog kadrlarini qayta tayyorlash va ularning malakasini oshirish taʼlim dasturlarini amalga oshiradilar;
taʼlimning ishlab chiqarish bilan samarali oʻzaro hamkorligini, oliy taʼlim muassasalari pedagog kadrlarini qayta tayyorlash va ularning malakasini oshirish jarayoniga koʻchma mashgʻulotlar, zamonaviy texnika va texnologiyalar bilan jihozlangan korxonalarga tashriflar joriy etilishini taʼminlaydilar;
tarmoq markazlarida, shu jumladan ishlab chiqarish, tadqiqot, loyihalash-qidiruv tuzilmalarining moddiy-texnikaviy bazasidan foydalangan holda mashgʻulotlar oʻtkazish uchun zarur oʻquv va moddiy-texnikaviy bazani yaratadilar;
oliy taʼlim muassasalari pedagog kadrlarini qayta tayyorlash va ularning malakasini oshirishning, innovatsion ilmiy yutuqlarni, zamonaviy pedagogik va axborot-kommunikatsiya texnologiyalarini qoʻllashni, masofadan oʻqitishni, mustaqil taʼlim olishni kengaytirishni nazarda tutuvchi texnika va texnologiyalarning istiqbolda rivojlanishini hisobga oluvchi dasturlarini ishlab chiqadilar va joriy etadilar.
3. Quyidagilar:
Oliy taʼlim muassasalari pedagog va rahbar kadrlarini qayta tayyorlash va ularning malakasini oshirish tizimining tashkiliy tuzilmasi 2-ilovaga muvofiq;
Oʻzbekiston Respublikasi Oliy va oʻrta maxsus taʼlim vazirligi huzuridagi Oliy taʼlim tizimi pedagog va rahbar kadrlarini qayta tayyorlash hamda ularning malakasini oshirishni tashkil etish bosh ilmiy-metodik markazi tuzilmasi 3-ilovaga muvofiq;
oliy taʼlim muassasalari pedagog kadrlarini qayta tayyorlash va ularning malakasini oshirish mintaqaviy va tarmoq markazlarining namunaviy tuzilmalari 4 va 5-ilovalarga muvofiq;
Bosh ilmiy-metodik, mintaqaviy va tarmoq markazlari oʻqituvchilari va tinglovchilari sonining bir nafar oʻqituvchi hisobiga nisbatining cheklangan normativlari taʼlimning tegishli yoʻnalishlari boʻyicha oliy taʼlim muassasalarida belgilangan bir nafar oʻqituvchi hisobiga talabalar soni nisbatining cheklangan normativlaridan 25 foiz past etib tasdiqlansin.
4. Oʻzbekiston Respublikasi Oliy va oʻrta maxsus taʼlim vazirligi tasarrufida oliy taʼlim muassasalari boʻlgan vazirliklar va idoralar bilan birgalikda:
bir oy muddatda — Bosh ilmiy-metodik, mintaqaviy va tarmoq markazlari faoliyatini tashkil etish boʻyicha chora-tadbirlar kompleksini ishlab chiqish va tasdiqlashni;
bir oy muddatda — Pedagog kadrlarni qayta tayyorlash va ularning malakasini oshirish bosh ilmiy-metodik, mintaqaviy va tarmoq markazlari toʻgʻrisidagi nizomlarni ishlab chiqish va tasdiqlashni;
mintaqaviy va tarmoq markazlarini ular tashkil etiladigan oliy taʼlim muassasalarida bepul joylashtirishni hamda taʼlim jarayonini samarali tashkil etish maqsadida markazlar tomonidan oʻz faoliyatida oliy taʼlim muassasalarining oʻquv va moddiy-texnikaviy bazasidan foydalanish uchun zarur shart-sharoitlar yaratishni;
qayta tayyorlash va malaka oshirish davrida Bosh ilmiy-metodik, mintaqaviy va tarmoq markazlarining boshqa joylardan kelgan tinglovchilariga oliy taʼlim muassasalari yotoqxonalarida yashash joylari berish chora-tadbirlarini koʻrishni;
Kadrlarni qayta tayyorlash va ularning malakasini oshirishga qoʻyiladigan davlat talablariga muvofiq yoʻnalishlar boʻyicha, pedagog kadrlar tomonidan uch yilda kamida bir marta malaka oshirish kurslaridan oʻtishning davriyligiga rioya qilgan holda, Bosh ilmiy-metodik, mintaqaviy va tarmoq markazlarida oliy taʼlim muassasalarining pedagog va rahbar kadrlarini qayta tayyorlash hamda ularning malakasini oshirish parametrlarini har yili aniqlash va belgilangan tartibda tasdiqlashni taʼminlasin.
5. Quyidagilar Bosh ilmiy-metodik markazning, mintaqaviy va tarmoq markazlarining faoliyatini moliyalashtirish manbalari etib belgilansin:
markazlarni joriy taʼminlashga hamda belgilangan davriyligini hisobga olgan holda oliy taʼlim muassasalari rahbar kadrlarini qayta tayyorlash va ularning malakasini oshirishni oʻtkazishga ajratiladigan Oʻzbekiston Respublikasi Davlat budjeti mablagʻlari;
xoʻjalik faoliyatidan va shartnomaviy asosda xizmatlar koʻrsatishdan tushumlar;
jismoniy va yuridik shaxslarning xayriya ehsonlari va maqsadli badallari;
qayta tayyorlash va malaka oshirishning tasdiqlangan jadvaliga kiritilgan hamda Bosh ilmiy-metodik, mintaqaviy va tarmoq markazlariga oʻqishga yuborilgan tinglovchilar uchun ularning ishdan boʻshagan holdagi butun oʻqish davrida asosiy ish joyi boʻyicha oʻrtacha ish haqi saqlanib qoladi;
ishdan boʻshagan holda qayta tayyorlash va malaka oshirish uchun Bosh ilmiy-metodik, mintaqaviy va tarmoq markazlariga boshqa joylardan yuborilgan tinglovchilarga qonun hujjatlarida belgilangan tartibda sutkalik mablagʻlar toʻlanadi hamda oʻqish joyiga borish va undan qaytish boʻyicha bir martalik yoʻl haqi xarajatlari ularni yuboradigan tomon hisobidan qoplanadi.
Oʻzbekiston Respublikasi Davlat budjeti parametrlarida Bosh ilmiy-metodik, mintaqaviy va tarmoq markazlari taʼminoti uchun “Taʼlim” sohasi boʻyicha ajratiladigan mablagʻlar doirasida zarur mablagʻlarni belgilangan tartibda nazarda tutsin;
Bosh ilmiy-metodik markaz uchun 1 ta xizmat yengil avtomobilini saqlashga limit belgilasin.
8. Oʻzbekiston Respublikasi Oliy va oʻrta maxsus taʼlim vazirligi:
Davlat test markazi bilan birgalikda ikki oy muddatda oliy taʼlim muassasalaridagi taʼlim dasturlari fanlari boʻyicha oʻqitish sifatining har yilgi monitoringini olib borish tartibi toʻgʻrisidagi nizomni ishlab chiqsin va tasdiqlasin, unda talabalar bilimlari darajasini, shu jumladan oʻqituvchilar malakasini oshirish natijalariga bogʻliq holda baholash mezonlarini, test vazifalarining maʼlumotlar banki yaratilishini nazarda tutsin;
Oʻzbekiston Respublikasi Mehnat va aholini ijtimoiy muhofaza qilish vazirligi hamda Moliya vazirligi bilan kelishgan holda ikki hafta muddatda Bosh ilmiy-metodik markaz, mintaqaviy va tarmoq markazlari xodimlari mehnatiga haq toʻlash razryadlari va shartlarini belgilangan tartibda ishlab chiqsin va tasdiqlasin;
Oʻzbekiston Respublikasi Adliya vazirligi, boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin;
Bosh ilmiy-metodik markazni Toshkent shahri, Olmazor tumani, Ziyo koʻchasi, 3-uyga ijara haqi undirmasdan joylashtirsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2012-yil 26-sentabr,
278-son
Vazirlar Mahkamasining 2012-yil 26-sentabrdagi 278-son qaroriga 1-ILOVA
Oliy taʼlim muassasalari pedagog kadrlarini qayta tayyorlash va ularning malakasini oshirish mintaqaviy va tarmoq markazlari
ROʻYXATI
T/r
Mintaqaviy va tarmoq markazi nomi
Qayta tayyorlash va malaka oshirish yoʻnalishlari*
Vazirliklar va idoralarga mansubligi
Pedagog kadrlarni qayta tayyorlash va ularning malakasini oshirish mintaqaviy markazlari
1.
Qoraqalpogʻiston davlat universiteti huzuridagi pedagog kadrlarni qayta tayyorlash va ularning malakasini oshirish mintaqaviy markazi
Gumanitar fanlar; matematika; tabiiy fanlar; sotsiologiya va psixologiya; huquq; atrof muhitni muhofaza qilish; ijtimoiy-gumanitar va tabiiy-matematika bloklari fanlari. Oliy taʼlimning normativ-huquqiy asoslari, kasbiy koʻnikmalar va pedagogik mahorat, maʼnaviyat asoslari boʻyicha malaka oshirish kurslari va boshqa maxsus kurslar. Asosiy yoʻnalish: qoraqalpoq filologiyasi.
Oliy va oʻrta maxsus taʼlim vazirligi
2.
Buxoro davlat universiteti huzuridagi pedagog kadrlarni qayta tayyorlash va ularning malakasini oshirish mintaqaviy markazi
Gumanitar fanlar; matematika; tabiiy fanlar; sotsiologiya va psixologiya; huquq; atrof muhitni muhofaza qilish; ijtimoiy-gumanitar va tabiiy-matematika bloklari fanlari. Oliy taʼlimning normativ-huquqiy asoslari, kasbiy koʻnikmalar va pedagogik mahorat, maʼnaviyat asoslari boʻyicha malaka oshirish kurslari va boshqa maxsus kurslar. Asosiy yoʻnalishlar: kimyo va biologiya.
Oliy va oʻrta maxsus taʼlim vazirligi
3.
Samarqand davlat universiteti huzuridagi pedagog kadrlarni qayta tayyorlash va ularning malakasini oshirish mintaqaviy markazi
Gumanitar fanlar; matematika; tabiiy fanlar; sotsiologiya va psixologiya; huquq; atrof muhitni muhofaza qilish; ijtimoiy-gumanitar va tabiiy-matematika bloklari fanlari. Oliy taʼlimning normativ-huquqiy asoslari, kasbiy koʻnikmalar va pedagogik mahorat, maʼnaviyat asoslari boʻyicha malaka oshirish kurslari va boshqa maxsus kurslar. Asosiy yoʻnalishlar: tarix va falsafa.
Oliy va oʻrta maxsus taʼlim vazirligi
4.
Fargʻona davlat universiteti huzuridagi pedagog kadrlarni qayta tayyorlash va ularning malakasini oshirish mintaqaviy markazi
Gumanitar fanlar; matematika; tabiiy fanlar; sotsiologiya va psixologiya; huquq; atrof muhitni muhofaza qilish; ijtimoiy-gumanitar va tabiiy-matematika bloklari fanlari. Oliy taʼlimning normativ-huquqiy asoslari, kasbiy koʻnikmalar va pedagogik mahorat, maʼnaviyat asoslari boʻyicha malaka oshirish kurslari va boshqa maxsus kurslar. Asosiy yoʻnalishlar: filologiya va maʼnaviyat asoslari.
Oliy va oʻrta maxsus taʼlim vazirligi
5.
Oʻzbekiston milliy universiteti huzuridagi pedagog kadrlarni qayta tayyorlash va ularning malakasini oshirish mintaqaviy markazi
Gumanitar fanlar; matematika; tabiiy fanlar; sotsiologiya va psixologiya; huquq; jurnalistika va axborot; atrof muhitni muhofaza qilish; ijtimoiy-gumanitar va tabiiy-matematika bloklari fanlari. Oliy taʼlimning normativ-huquqiy asoslari, kasbiy koʻnikmalar va pedagogik mahorat, maʼnaviyat asoslari boʻyicha malaka oshirish kurslari va boshqa maxsus kurslar. Asosiy yoʻnalishlar: matematika va fizika.
Oliy va oʻrta maxsus taʼlim vazirligi
Pedagog kadrlarni qayta tayyorlash va ularning malakasini oshirish tarmoq markazlari
1.
Toshkent davlat iqtisodiyot universiteti huzuridagi pedagog kadrlarni qayta tayyorlash va ularning malakasini oshirish tarmoq markazi
Iqtisodiyot, menejment, marketing, xorijiy davlatlar iqtisodiyoti va mamlakatshunoslik, jahon iqtisodiyoti va xalqaro iqtisodiy munosabatlar, statistika, bojxona ishi, mehnat iqtisodiyoti va sotsiologiyasi, xizmatlar sohasi, mehmonxona xoʻjaligini tashkil etish va boshqarish, turizm, moliya, bank ishi, soliqlar va soliq solish, buxgalteriya hisobi va audit, pensiya ishi, baholash ishi va sugʻurta ishi.
Oliy va oʻrta maxsus taʼlim vazirligi
2.
Toshkent davlat texnika universiteti huzuridagi pedagog kadrlarni qayta tayyorlash va ularning malakasini oshirish tarmoq markazi
Muhandislik ishi, sanoat, energetika, kon ishi, geologiya, neft-gaz ishi, kimyo texnologiyalari, zamonaviy ishlab chiqarishlar texnologiyasi, transport, hayot faoliyati xavfsizligi, xizmatlar koʻrsatish texnikasi va texnologiyasi, ekologiya
Oliy va oʻrta maxsus taʼlim vazirligi
3.
Toshkent arxitektura-qurilish instituti huzuridagi pedagog kadrlarni qayta tayyorlash va ularning malakasini oshirish tarmoq markazi
Qurilish, arxitektura, kommunal xoʻjaligi
Oliy va oʻrta maxsus taʼlim vazirligi
4.
Toshkent davlat pedagogika universiteti huzuridagi pedagog kadrlarni qayta tayyorlash va ularning malakasini oshirish tarmoq markazi
Pedagogika
Oliy va oʻrta maxsus taʼlim vazirligi
5.
Toshkent toʻqimachilik va yengil sanoat instituti huzuridagi pedagog kadrlarni qayta tayyorlash va ularning malakasini oshirish tarmoq markazi
Toʻqimachilik va yengil sanoat
Oliy va oʻrta maxsus taʼlim vazirligi
6.
Toshkent tibbiyot akademiyasi huzuridagi pedagog kadrlarni qayta tayyorlash va ularning malakasini oshirish tarmoq markazi
Sogʻliqni saqlash
Sogʻliqni saqlash vazirligi
7.
Oʻzbekiston davlat jismoniy tarbiya instituti huzuridagi pedagog kadrlarni qayta tayyorlash va ularning malakasini oshirish tarmoq markazi
Jismoniy tarbiya, sport faoliyati
Madaniyat va sport ishlari vazirligi
8.
Oʻzbekiston davlat sanʼat va madaniyat instituti huzuridagi pedagog kadrlarni qayta tayyorlash va ularning malakasini oshirish tarmoq markazi
Sanʼat va madaniyat
Madaniyat va sport ishlari vazirligi
9.
Toshkent davlat agrar universiteti huzuridagi pedagog kadrlarni qayta tayyorlash va ularning malakasini oshirish tarmoq markazi
Qishloq, oʻrmon va baliqchilik xoʻjaligi, fermer xoʻjaligini boshqarish va yuritish, qishloq xoʻjaligi texnikasi, veterinariya, irrigatsiya va melioratsiya
Qishloq va suv xoʻjaligi vazirligi
10.
Toshkent axborot texnologiyalari universiteti huzuridagi pedagog kadrlarni qayta tayyorlash va ularning malakasini oshirish tarmoq markazi
Kompyuter texnologiyalari va informatika; radioelektron asbob-uskunalar va tizimlar; televideniye, radioaloqa va radioeshittirish, telekommunikatsiyalar, aloqaning mobil tizimlari
Oʻzbekiston aloqa va axborotlashtirish agentligi
* Zarurat boʻlganda Oliy va oʻrta maxsus taʼlim vazirligi tomonidan tegishli vazirliklar va idoralar bilan kelishgan holda mintaqaviy markazlar hamda tarmoq markazlarida qayta tayyorlash va malaka oshirish yoʻnalishlariga oʻzgartirish va qoʻshimchalar kiritilishi mumkin.
Vazirlar Mahkamasining 2012-yil 26-sentabrdagi 278-son qaroriga 3-ILOVA
Oʻzbekiston Respublikasi Oliy va oʻrta maxsus taʼlim vazirligi huzuridagi Oliy taʼlim tizimi pedagog va rahbar kadrlarini qayta tayyorlash hamda ularning malakasini oshirishni tashkil etish bosh ilmiy-metodik markazi
TUZILMASI
Xodimlarning cheklangan soni (professor-oʻqituvchilar tarkibi va yordamchi xodimlardan tashqari) — 21 kishi, shu jumladan boshqaruv xodimlari — 11 kishi.
Vazirlar Mahkamasining 2012-yil 26-sentabrdagi 278-son qaroriga 4-ILOVA
Oliy taʼlim muassasalari pedagog kadrlarini qayta tayyorlash va ularning malakasini oshirish mintaqaviy markazining
NAMUNAVIY TUZILMASI
Xodimlarning cheklangan soni (professor-oʻqituvchilar tarkibi va yordamchi xodimlardan tashqari) — 6 kishi, shu jumladan boshqaruv xodimlari — 4 kishi.
Vazirlar Mahkamasining 2012-yil 26-sentabrdagi 278-son qaroriga 5-ILOVA
Oliy taʼlim muassasalari pedagog kadrlarini qayta tayyorlash va ularning malakasini oshirish mintaqaviy markazining
NAMUNAVIY TUZILMASI
Xodimlarning cheklangan soni (professor-oʻqituvchilar tarkibi va yordamchi xodimlardan tashqari) — 7 kishi, shu jumladan boshqaruv xodimlari — 4 kishi.
