Oʻzbekiston Respublikasi fuqarolarini Toshkent shahri va Toshkent viloyatida doimiy propiska qilish va turgan joyi boʻyicha hisobga olish, chet el fuqarolari hamda fuqaroligi boʻlmagan shaxslarni doimiy va vaqtincha propiska qilish tartibini takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq baʼzi qarorlari oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Vazirlar Mahkamasining “Oʻzbekiston Respublikasida davlat uy-joy fondini xususiylashtirishni davom ettirish toʻgʻrisida” 1993-yil 1-martdagi 114-son qaroriga 2-ilova 22-bandining oltinchi xatboshiga “qonun hujjatlarida uy-joy sotib olish va propiska qilishda alohida holatlar belgilangan Toshkent shahri va Toshkent viloyati bundan mustasno)” soʻzlari qoʻshilsin.

2. Vazirlar Mahkamasining “Davlat uy-joy fondini xususiylashtirish toʻgʻrisida” Oʻzbekiston Respublikasi Qonunining qabul qilinishi munosabati bilan normativ hujjatlarni tasdiqlash toʻgʻrisida” 1994-yil 4-apreldagi 180-son qaroriga (Oʻzbekiston Respublikasi QT, 1994-y., 4-son, 20-modda) 1-ilovada:

a) 4-banddagi “Oʻzbekiston Respublikasi fuqarolari va boshqa davlatlarning fuqarolari, shu jumladan MDH qatnashchilari boʻlgan davlatlarning fuqarolari va” soʻzlari “Oʻzbekiston Respublikasi fuqarolari, chet el fuqarolari va” soʻzlari bilan almashtirilsin;

b) 7-band quyidagi tahrirda bayon qilinsin:

“7. Oʻzbekiston Respublikasining boshqa mintaqalarida yashovchi fuqarolar tomonidan Toshkent shahri va Toshkent viloyatidagi xususiylashtirilgan kvartiralarni (kvartiralarning bir qismini), uylarni (uylarning bir qismini) sotib olish qonun hujjatlarida belgilangan tartibda amalga oshiriladi.

Oʻzbekiston Respublikasi Vazirlar Mahkamasining “Xorijiy fuqarolar va fuqaroligi boʻlmagan shaxslar tomonidan Oʻzbekiston Respublikasida uy-joy sotib olinishini hamda doimiy yashash uchun Toshkent shahriga kelishni tartibga solish toʻgʻrisida” 1999-yil 27-fevraldagi 92-son qarorining 4-bandida koʻrsatilgan shaxslardan tashqari, Oʻzbekiston Respublikasida yashash guvohnomasiga ega boʻlgan chet el fuqarolari va fuqaroligi boʻlmagan shaxslar, belgilangan tartibda Toshkent shahri va Toshkent viloyatida doimiy propiska olishgandan keyin,Toshkent shahri va Toshkent viloyatidagi xususiylashtirilgan kvartiralarni (kvartiralarning bir qismini), uylarni (uylarning bir qismini) sotib olishlari mumkin”.

3. Vazirlar Mahkamasining 1994-yil 3-noyabrdagi 533-son qarori (Oʻzbekiston Respublikasi QT, 1994-y., 11-son, 49-modda) bilan tasdiqlangan Davlat boji stavkalarining 7-bandida:

“b” kichik bandiga “shuningdek turgan joyi boʻyicha hisobga qoʻyish uchun” soʻzlari qoʻshilsin;

“v” kichik bandidagi “shu jumladan MDH qatnashchilari boʻlgan davlatlar fuqarolari” soʻzlari chiqarib tashlansin.

4. Vazirlar Mahkamasining “Xorijiy fuqarolarning va fuqaroligi boʻlmagan shaxslarning Oʻzbekiston Respublikasiga kelishlari, ketishlari, bu yerda boʻlishlari va tranzit oʻtishlari tartibi toʻgʻrisida” 1996-yil 21-noyabrdagi 408-son qarorida:

a) 1-ilovaning 1-bandidagi “shu jumladan MDH qatnashchilari boʻlgan davlatlar fuqarolari” soʻzlari chiqarib tashlansin;

b) 2-ilovada:

1-banddagi “shu jumladan MDH qatnashchilari boʻlgan davlatlar fuqarolari” soʻzlari chiqarib tashlansin;

31-bandga quyidagi mazmundagi xatboshi qoʻshilsin:

“Oʻzbekiston Respublikasida yashash guvohnomasiga ega boʻlgan chet el fuqarolarini Toshkent shahri va Toshkent viloyatida doimiy va vaqtincha propiska qilish, shuningdek boshqa davlatlardan kelayotgan chet el fuqarolari tomonidan doimiy yashashga ruxsatnoma olish qonun hujjatlarida belgilangan tartibda amalga oshiriladi”.

5. Vazirlar Mahkamasining “Xorijiy fuqarolar va fuqaroligi boʻlmagan shaxslar tomonidan Oʻzbekiston Respublikasida uy-joy sotib olinishini hamda doimiy yashash uchun Toshkent shahriga va Toshkent viloyatiga kelishni tartibga solish toʻgʻrisida” 1999-yil 27-fevraldagi 92-son qarorida:

a) qarorning nomi va kirish qismi quyidagi tahrirda bayon qilinsin:

Chet el fuqarolari va fuqaroligi boʻlmagan shaxslar tomonidan Oʻzbekiston Respublikasida uy-joy sotib olish jarayonlarini tartibga solish maqsadida Vazirlar Mahkamasi qaror qiladi”;

b) 1-bandning ikkinchi, uchinchi va toʻrtinchi xatboshilaridagi “shu jumladan MDH qatnashchilari boʻlgan davlatlar fuqarolari” soʻzlari chiqarib tashlansin;

v) 2, 2¹, 3-bandlar, 4-bandning toʻrtinchi va beshinchi xatboshilari oʻz kuchini yoʻqotgan deb hisoblansin.

6. Vazirlar Mahkamasining “Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi Maxsus komissiyalar toʻgʻrisidagi namunaviy nizomni tasdiqlash haqida” 1999-yil 16-apreldagi 178-son qarorida (Oʻzbekiston Respublikasi QT, 1999-y., 4-son, 20-modda):

a) qarorning nomi quyidagi tahrirda bayon qilinsin:

b) qarorning nomiga quyidagi tahrirdagi iqtibos qoʻshilsin:

“* Oʻzbekiston Respublikasi Prezidentining “Toshkent shahri va Toshkent viloyatida pasport tizimi qoidalarini takomillashtirish chora-tadbirlari toʻgʻrisida” 2011-yil 22-sentabrdagi PF-4364-son Farmoni bilan Toshkent shahri va Toshkent viloyati hokimliklari huzuridagi maxsus komissiyalar tugatilgan”;

v) 1, 2 va 3-bandlardagi “va Toshkent shahar” hamda “shu jumladan MDH qatnashchilari boʻlgan davlatlar fuqarolari” soʻzlari chiqarib tashlansin;

g) 1-ilovada:

ilovaning nomidagi va 1-banddagi “va Toshkent shahar” hamda “shu jumladan MDH qatnashchilari boʻlgan davlatlar fuqarolari” soʻzlari chiqarib tashlansin;

2-bandning ikkinchi va uchinchi xatboshilaridagi “va Toshkent shahri” hamda “Toshkent shahar IIBB boshligʻi” soʻzlari chiqarib tashlansin;

3-bandda:

ikkinchi va beshinchi xatboshilardagi “MDH qatnashchilari boʻlgan davlatlar fuqarolariga” hamda “MDH qatnashchilari boʻlgan davlatlar fuqarolari” soʻzlari chiqarib tashlansin;

yettinchi xatboshi chiqarib tashlansin;

6 va 7-bandlardagi “va Toshkent shahar ichki ishlar bosh boshqarmasi” soʻzlari chiqarib tashlansin;

Namunaviy nizomdagi III-boʻlim va 3, 3a, 4, 4a-ilovalar oʻz kuchini yoʻqotgan deb hisoblansin.

7. Vazirlar Mahkamasining “Oʻzbekiston Respublikasining 16 yoshga toʻlmagan fuqarosi guvohnomasini rasmiylashtirish va berish tartibi toʻgʻrisidagi Nizomni tasdiqlash haqida” 2000-yil 30-dekabrdagi 519-son qarorida (Oʻzbekiston Respublikasi QT, 2000-y., 12-son, 84-modda):

a) 5-band quyidagi tahrirda bayon qilinsin:

“5. Oʻzbekiston Respublikasining 16 yoshga toʻlmagan fuqarolarining chet elga chiqishlari masalalarini koʻrib chiqish va hal etish Oʻzbekiston Respublikasi Prezidentining 1999-yil 26-fevraldagi PF-2240-son* Farmoni bilan tashkil etilgan Qoraqalpogʻiston Respublikasi Vazirlar Kengashi, viloyatlar hokimliklari huzuridagi maxsus komissiyalarga yuklansin”;

b) 5-bandga quyidagi mazmundagi iqtibos qoʻshilsin:

“* Oʻzbekiston Respublikasi Prezidentining “Toshkent shahri va Toshkent viloyatida pasport tizimi qoidalarini takomillashtirish chora-tadbirlari toʻgʻrisida” 2011-yil 22-sentabrdagi PF-4364-son Farmoni bilan Toshkent shahri va Toshkent viloyati hokimliklari huzuridagi maxsus komissiyalar tugatilgan”;

v) 7-banddagi “Toshkent shahri” soʻzlari chiqarib tashlansin;

g) 1-ilovaning 2-bandida:

birinchi xatboshidagi “va Toshkent shahri” soʻzlari chiqarib tashlansin;

ikkinchi xatboshidagi “va Toshkent shahar IIBB” soʻzlari chiqarib tashlansin.

8. Vazirlar Mahkamasining “Vaqtinchalik bir martalik ish bilan taʼminlash markazlarini tashkil etish toʻgʻrisida” 2001-yil 18-maydagi 223-son qaroriga (Oʻzbekiston Respublikasi QT, 2001-y., 5-son, 28-modda) 1-ilovaning 11-bandiga quyidagi mazmundagi xatboshi qoʻshilsin:

“Toshkent shahri va Toshkent viloyatiga respublikaning boshqa mintaqalaridan kelayotgan va bir martalik vaqtincha ishlarga yollanayotgan fuqarolar fuqaroning shaxsini tasdiqlovchi hujjatga turgan joyi boʻyicha hisobga olish toʻgʻrisidagi qayd varagʻini taqdim qilishi kerak”.

9. Vazirlar Mahkamasining “Vazirliklar va idoralarning budjetdan tashqari jamgʻarmalariga mablagʻ ajratishni tartibga solish chora-tadbirlari toʻgʻrisida” 2010-yil 2-apreldagi 62-son qaroriga (Oʻzbekiston Respublikasi QT, 2010-y., 4-son, 14-modda) 1-ilovaning 9-bandidagi “vaqtincha propiska” soʻzlaridan keyin “va turgan joyi boʻyicha hisobga olinganligi” soʻzlari qoʻshilsin.

1. Vazirlar Mahkamasining “Toshkent shahrida uy-joy sotib olishni tartibga solishga doir qoʻshimcha chora-tadbirlar toʻgʻrisida” 2004-yil 16-dekabrdagi 586-son qarori.

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2010-yil 12-iyuldagi 145-son qarori (Oʻzbekiston Respublikasi QT, 2010-y., 7-son, 36-modda).