Hujjat 27.08.2020 00 sanasi holatiga
Amaldagi versiyaga o‘tish
PDF-faylidagi rasmiy manba
Oʻzbekiston Respublikasi Vazirlar Mahkamasining
qarori
Oʻzbekiston Respublikasi adliya organlari va muassasalari xodimlarining martaba darajalari toʻgʻrisidagi nizomni tasdiqlash haqida
Oldingi tahrirga qarang.
Oʻzbekiston Respublikasining “Adliya organlari va muassasalari faoliyati takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” 2010-yil 14-sentabrdagi OʻRQ-255-son Qonuniga, shuningdek Oʻzbekiston Respublikasi adliya organlari va muassasalari xodimlariga maxsus unvonlar — martaba darajalari berish tartibini takomillashtirish maqsadida Vazirlar Mahkamasi qaror qiladi:
(muqaddima Oʻzbekiston Respublikasi Vazirlar Mahkamasining 2017-yil 16-avgustdagi 639-sonli qarori tahririda — OʻR QHT, 2017-y., 33-son, 864-modda)
1. Oʻzbekiston Respublikasi adliya organlari va muassasalari xodimlarining martaba darajalari toʻgʻrisidagi nizom ilovaga muvofiq tasdiqlansin.
2. Vazirlar Mahkamasining “Oʻzbekiston Respublikasi Adliya vazirligi faoliyatini takomillashtirish masalalari toʻgʻrisida” 1992-yil 12-noyabrdagi 523-son qarorining (Oʻzbekiston Respublikasi QT, 1992-y., 11-son, 32-modda) 4-bandi va unga 4-ilova oʻz kuchini yoʻqotgan deb hisoblansin.
Keyingi tahrirga qarang.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi adliya vaziri R.A. Muhitdinov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2011-yil 29-mart,
93-son
Vazirlar Mahkamasining 2011-yil 29-martdagi 93-son qaroriga
ILOVA
Oʻzbekiston Respublikasi adliya organlari va muassasalari xodimlarining martaba darajalari toʻgʻrisida
NIZOM
1. Mazkur Nizom Oʻzbekiston Respublikasi adliya organlari va muassasalari xodimlariga maxsus unvonlar — martaba darajalari berish tartibini belgilaydi.
2. Oʻzbekiston Respublikasi adliya organlari va muassasalari xodimlarining maxsus unvonlari quyidagi martaba darajalaridan iborat boʻladi:
Oʻzbekiston Respublikasi Haqiqiy davlat adliya maslahatchisi;
1-darajali davlat adliya maslahatchisi;
2-darajali davlat adliya maslahatchisi;
3-darajali davlat adliya maslahatchisi;
1-darajali adliya maslahatchisi;
2-darajali adliya maslahatchisi;
3-darajali adliya maslahatchisi;
1-darajali yurist;
2-darajali yurist;
3-darajali yurist.
3. Oʻzbekiston Respublikasi adliya organlari va muassasalari xodimlariga martaba darajalari ijobiy attestatsiya, malakasiga muvofiq oliy yuridik maʼlumot yoki boshqa oliy maʼlumot mavjud boʻlgan taqdirda, egallab turgan lavozimi va ish stajiga, shuningdek, oldingi ish yoki xizmat joyida berilgan maxsus unvonlarni hisobga olgan holda izchil tartibda beriladi.
Oldingi tahrirga qarang.
(3-bandning ikkinchi xatboshisi Oʻzbekiston Respublikasi Vazirlar Mahkamasining 2017-yil 16-avgustdagi 639-sonli qaroriga asosan chiqarilgan — OʻR QHT, 2017-y., 33-son, 864-modda)
Keyingi tahrirga qarang.
Oldingi tahrirga qarang.
4. Oʻzbekiston Respublikasi adliya organlari va muassasalari xodimlariga tegishli lavozimlarga muvofiq quyidagi martaba darajalari beriladi:

Oʻzbekiston Respublikasi Haqiqiy davlat adliya maslahatchisi

—

Oʻzbekiston Respublikasi adliya vaziriga

1-darajali davlat adliya maslahatchisi

—

Oʻzbekiston Respublikasi adliya vazirining birinchi oʻrinbosariga

2-darajali davlat adliya maslahatchisi

—

Oʻzbekiston Respublikasi adliya vazirining oʻrinbosarlariga; Davlat xizmatlari agentligi direktoriga

3-darajali davlat adliya maslahatchisi

—

Qonunchilik bosh boshqarmasi boshligʻiga, Oʻzbekiston Respublikasi Adliya vazirligi hayʼati aʼzolari boʻlgan boshqarma boshliqlariga; Qoraqalpogʻiston Respublikasi adliya vaziriga, viloyatlar va Toshkent shahar adliya boshqarmalari boshliqlariga; Davlat xizmatlari agentligi direktori oʻrinbosariga

1-darajali adliya maslahatchisi

—

Oʻzbekiston Respublikasi Adliya vazirligi boshqarmalari va mustaqil boʻlimlari boshliqlariga; Davlat xizmatlari agentligi boshqarmalari boshliqlariga; Qoraqalpogʻiston Respublikasi adliya vaziri hamda viloyatlar va Toshkent shahar adliya boshqarmalari boshliqlarining birinchi oʻrinbosarlariga; X. Sulaymonova nomidagi Respublika sud ekspertiza markazi direktoriga; Respublika yuristlar malakasini oshirish markazi direktoriga; Huquqiy siyosat tadqiqoti instituti direktoriga, Toshkent davlat yuridik universiteti prorektorlariga

2-darajali adliya maslahatchisi

—

Oʻzbekiston Respublikasi Adliya vazirligi va Davlat xizmatlari agentligi boshqarma boshliqlarining oʻrinbosarlariga, boshqarmalar boʻlimlari boshliqlariga; Qoraqalpogʻiston Respublikasi Adliya vazirining hamda viloyatlar va Toshkent shahar adliya boshqarmalari boshliqlarining oʻrinbosarlariga; Toshkent davlat yuridik universiteti huzuridagi akademik litsey direktoriga; X. Sulaymonova nomidagi Respublika sud ekspertiza markazi direktorining oʻrinbosariga; Respublika yuristlar malakasini oshirish markazi direktorining oʻrinbosarlariga; Huquqiy siyosat tadqiqoti instituti direktori oʻrinbosariga; “Adliya organlari va muassasalarida axborot-kommunikatsiya texnologiyalarini rivojlantirish markazi” DUK direktoriga; “Adolat” huquqiy axborot markazi” DUK direktoriga; “Inson va qonun” gazetasi tahririyati DUK bosh muharririga

3-darajali adliya maslahatchisi

—

Oʻzbekiston Respublikasi Adliya vazirligi va Davlat xizmatlari agentligining bosh maslahatchilariga; Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari boʻlim boshliqlariga; Davlat xizmatlari agentligining hududiy boshqarmalarining boʻlim boshliqlariga, FHDY boʻlimlari va nikoh uylari mudirlariga; davlat notarial idoralarining katta notariuslariga; Yuridik texnikum direktorining oʻrinbosariga; Toshkent davlat yuridik universiteti huzuridagi akademik litsey direktorining oʻrinbosariga

1-darajali yurist

—

Oʻzbekiston Respublikasi Adliya vazirligi va Davlat xizmatlari agentligining yetakchi maslahatchilariga; Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalarining bosh maslahatchilariga; Davlat xizmatlari agentligining hududiy boshqarmalarining bosh maslahatchilariga; tuman (shahar) adliya boʻlimlarining boshliqlariga; davlat xizmatlari markazlari direktorlariga; davlat notarial idoralarining katta notariuslari oʻrinbosarlariga; idoraviy notarial arxivlar mudirlariga; FHDY arxivlari mudirlariga

2-darajali yurist

—

Oʻzbekiston Respublikasi Adliya vazirligi va Davlat xizmatlari agentligi katta maslahatchilariga; Qoraqalpogʻiston Respublikasi Adliya vazirligi hamda viloyatlar va Toshkent shahar adliya boshqarmalarining yetakchi maslahatchilariga; Davlat xizmatlari agentligining hududiy boshqarmalarining yetakchi maslahatchilariga, tuman (shahar) adliya boʻlimlarining bosh maslahatchilariga, davlat xizmatlari markazlari boʻlim boshliqlari va bosh maslahatchilariga, davlat notarial idoralarining notariuslariga; FHDY organlarining 1-toifali inspektorlariga

3-darajali yurist

—

Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalarining katta maslahatchilari va maslahatchilariga; Davlat xizmatlari agentligining hududiy boshqarmalarining katta maslahatchilariga; tuman (shahar) adliya boʻlimlarining yetakchi va katta maslahatchilariga; notariuslar yordamchilariga; FHDY organlarining 2-toifali inspektorlariga

(4-band Oʻzbekiston Respublikasi Vazirlar Mahkamasining 2020-yil 26-avgustdagi 514-sonli qarori tahririda — Qonun hujjatlari maʼlumotlari milliy bazasi, 27.08.2020-y., 09/20/514/1243-son)
Keyingi tahrirga qarang.
5. Oʻzbekiston Respublikasi Haqiqiy davlat adliya maslahatchisi, 3, 2 va 1-darajali davlat adliya maslahatchilarining martaba darajalari Oʻzbekiston Respublikasi Prezidenti tomonidan beriladi.
3, 2 va 1-darajali adliya maslahatchisi, shuningdek, 3, 2 va 1-darajali yurist martaba darajalari Oʻzbekiston Respublikasi adliya vaziri tomonidan beriladi.
Oʻzbekiston Respublikasi adliya vaziri Oʻzbekiston Respublikasi adliya organlari va muassasalarining ushbu Nizomning 4-bandida koʻrsatilmagan lavozimlarini 1-darajali adliya maslahatchisi va ungacha boʻlgan martaba unvonlarini berish maqsadida mavjud lavozimlarga tenglashtirishga haqlidir.
Oldingi tahrirga qarang.
Qonun hujjatlarida belgilangan tartibda martaba darajalari quyidagilarga ham beriladi:
Keyingi tahrirga qarang.
Oldingi tahrirga qarang.
Oʻzbekiston Respublikasi adliya organlari va muassasalaridan ishga oʻtgan Oʻzbekiston Respublikasi Prezidenti Administratsiyasi boshqaruv xodimlariga;
(5-bandning beshinchi xatboshisi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)
Oldingi tahrirga qarang.
Oʻzbekiston Respublikasi Oliy Majlisi Qonunchilik palatasi va Senati, Oʻzbekiston Respublikasi Prezidenti Administratsiyasi hamda Oʻzbekiston Respublikasi Vazirlar Mahkamasi yuridik xizmatlari xodimlariga, shuningdek Oʻzbekiston Respublikasi Vazirlar Mahkamasi apparati boshqaruvchisining huquqiy ekspertiza masalalari boʻyicha oʻrinbosariga va uning apparati bosh mutaxassisiga.
(5-bandning oltinchi xatboshisi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)
(5-band Oʻzbekiston Respublikasi Vazirlar Mahkamasining 2017-yil 22-iyundagi 412-sonli qaroriga asosan xatboshilar bilan toʻldirilgan — OʻR QHT, 2017-y., 25-son, 551-modda)
Keyingi tahrirga qarang.
Keyingi tahrirga qarang.
Oldingi tahrirga qarang.
Oʻzbekiston Respublikasi Vazirlar Mahkamasining Oʻzbekiston Respublikasi Oliy Majlisidagi vakolatli vakiliga va uning apparati bosh mutaxassisiga ilgarigi ish joyida martaba darajalari berilgan boʻlsa navbatdagi martaba darajalari qonun hujjatlarida belgilangan tartibda beriladi.
(5-bandning yettinchi xatboshisi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)
Keyingi tahrirga qarang.
6. Har bir martaba darajasida boʻlish muddati:
3, 2, 1-darajali yuristlar uchun — 2,5 yilni;
3, 2, 1-darajali adliya maslahatchilari uchun — 4 yilni tashkil etadi.
3, 2, 1-darajali davlat adliya maslahatchisi martabasida boʻlish muddati belgilanmaydi.
Keyingi tahrirga qarang.
7. Mazkur Nizomning 5-bandiga muvofiq Oʻzbekiston Respublikasi adliya organlari va muassasalari idoralari hamda davlat notariati xodimlariga 1-darajali davlat adliya maslahatchisigacha va 1-darajali davlat adliya maslahatchisi martabasini egallab turgan lavozimiga qaramasdan izchillikka va martabada boʻlish muddatiga rioya qilmagan holda martaba darajasi berishga yoʻl qoʻyiladi.
Keyingi tahrirga qarang.
8. Oʻzbekiston Respublikasi adliya vaziri:
a) ishda alohida oʻrnak koʻrsatganligi yoki xizmat burchini namunali ijro etganligi uchun oldingi martaba darajasida xizmat qilishning belgilangan muddati tamom boʻlgunga qadar martaba darajasi berishga;
b) izchillikka rioya qilmagan holda, lekin xodim yuqori lavozimga koʻtarilayotganda ega boʻlgan martabadan ikki daraja yuqori boʻlmagan martaba darajasi berishga;
v) birinchi marta attestatsiyadan oʻtayotgan xodimlarga ular egallab turgan lavozim boʻyicha nazarda tutilganidan bir daraja past martaba darajalari berishga haqlidir.
Keyingi tahrirga qarang.
9. Tegishli malaka boʻyicha ish tajribasiga ega boʻlmagan shaxslarga martaba darajasi lavozimga tayinlangandan keyin kamida 6 oy oʻtgach beriladi.
10. Oʻzbekiston Respublikasi adliya organlari va muassasalarining bir martaba darajasi belgilangan muddatda xizmat qilgan, lekin xizmat faoliyatida yoki xulq-atvorida jiddiy kamchiliklarga ega boʻlgan xodimlariga navbatdagi martaba darajasi berilmaydi.
11. Martaba darajalari berilgan xodimlar ularda umrlarining oxirigacha boʻladilar hamda faqat Oʻzbekiston Respublikasi adliya organlari va muassasalarida ishlash bilan muvofiq kelmaydigan xatti-harakatlari uchun ishdan boʻshatilgan taqdirda ulardan mahrum qilinishi mumkin.
12. Xizmat burchini qoʻpol ravishda buzganligi, badnom qiluvchi nojoʻya ish qilganligi yoki xizmat vazifalarini muntazam ravishda yetarlicha bajarmaganligi uchun xodimlarning martabasi pasaytirilishi mumkin, lekin ular ega boʻlgan martaba darajasidan ikki daraja past boʻlishi mumkin emas.
13. Martaba darajasidan mahrum qilish yoki uni pasaytirish martaba darajasi berish huquqiga ega boʻlgan tegishli mansabdor shaxslar tomonidan amalga oshiriladi.
14. Oʻzbekiston Respublikasi adliya organlari va muassasalari xodimlarini martaba darajalari boʻyicha attestatsiyadan oʻtkazish tartibi Oʻzbekiston Respublikasi Adliya vazirligi hayʼati tomonidan belgilanadi.
15. Adliya organlari va muassasalarining martaba darajalariga ega boʻlgan xodimlarining lavozim maoshlariga Oʻzbekiston Respublikasi Vazirlar Mahkamasi tomonidan belgilanadigan miqdorlarda qoʻshimcha haq toʻlanadi.
Oldingi tahrirga qarang.
Adliya organlari va muassasalari xodimlarining lavozim maoshlariga qoʻshimcha haq budjetdan tashqari Adliya organlari va muassasalarini rivojlantirish jamgʻarmasi mablagʻlari, shuningdek ularning faoliyatini moliyalashtirish uchun nazarda tutilgan boshqa manbalar hisobiga amalga oshiriladi.
(15-bandning ikkinchi xatboshisi Oʻzbekiston Respublikasi Vazirlar Mahkamasining 2017-yil 25-oktabrdagi 873-sonli qarori tahririda — Qonun hujjatlari maʼlumotlari milliy bazasi, 26.10.2017-y., 09/17/873/0180-son)
Oldingi tahrirga qarang.
(16-band Oʻzbekiston Respublikasi Vazirlar Mahkamasining 2017-yil 16-avgustdagi 639-sonli qaroriga asosan oʻz kuchini yoʻqotgan — OʻR QHT, 2017-y., 33-son, 864-modda)

(Oʻzbekiston Respublikasi qonun hujjatlari toʻplami, 2011-y., 14-son, 134-modda; 2012-y., 37-son, 429-modda; 2013-y., 34-son, 453-modda; 2015-y., 6-son, 67-modda; 2017-y., 25-son, 551-modda, 33-son, 864-modda; Qonun hujjatlari maʼlumotlari milliy bazasi, 26.10.2017-y., 09/17/873/0180-son, 01.02.2018-y., 09/18/67/0636-son, 11.08.2018-y., 09/18/638/1690-son, 26.09.2018-y., 09/18/767/1966-son, 14.05.2019-y., 09/19/397/3123-son; 20.05.2020-y., 06/20/5997/0634-son; 27.08.2020-y., 09/20/514/1243-son; 31.10.2020-y., 09/20/678/1442-son; 22.02.2021-y., 09/21/87/0134-son; Qonunchilik maʼlumotlari milliy bazasi, 05.04.2022-y., 09/22/153/0266-son, 29.09.2022-y., 09/22/540/0858-son, 28.10.2022-y., 09/22/623/0970-son; 10.04.2023-y., 09/23/147/0203-son; 03.03.2025-y., 09/25/135/0208-son; 19.03.2025-y., 09/25/171/0258-son)