Hujjat kuchini yo‘qotgan " " 10.05.2022
Hujjat 14.09.2010 00 sanasi holatiga
Amaldagi versiyaga o‘tish
PDF-faylidagi rasmiy manba
OʻZBEKISTON MATBUOT VA AXBOROT AGENTLIGI BOSh DIREKTORINING
buyrugʻi
Noshirlik va matbaa korxonalari tomonidan Oʻzbekiston Yozuvchilar uyushmasi huzuridagi “Ijod” fondiga ajratmalar toʻlash tartibi toʻgʻrisidagi nizomni tasdiqlash haqida
[Oʻzbekiston Respublikasi Adliya vazirligi tomonidan 2010-yil 4-sentabrda roʻyxatdan oʻtkazildi, roʻyxat raqami 2139]
 LexUZ sharhi
Mazkur buyruq Oʻzbekiston Respublikasi adliya vazirining 2022-yil 10-maydagi 11-mh-sonli “Ayrim idoraviy normativ-huquqiy hujjatlarni Idoraviy normativ-huquqiy hujjatlarning davlat reyestridan chiqarish toʻgʻrisida”gi buyrugʻiga (roʻyxat raqami 3366, 10.05.2022-y.) asosan davlat reyestridan chiqarilgan.
Oʻzbekiston Respublikasi Prezidentining 2010-yil 26-fevraldagi “Oʻzbekiston Yozuvchilar uyushmasi huzurida “Ijod” fondini tashkil etish toʻgʻrisida”gi PQ-1292-sonli qaroriga asoslanib buyuraman:
1. Noshirlik va matbaa korxonalari tomonidan Oʻzbekiston Yozuvchilar uyushmasi huzuridagi “Ijod” fondiga ajratmalar toʻlash tartibi toʻgʻrisidagi nizom ilovaga muvofiq tasdiqlansin.
2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.
Bosh direktor B.Sh. ALIMOV
Toshkent sh.,
2010-yil 26-avgust,
7-yu/b-son
Oʻzbekiston matbuot va axborot agentligi bosh direktorining 2010-yil 26-avgustdagi 7-yu/b-sonli buyrugʻiga
ILOVA
Noshirlik va matbaa korxonalari tomonidan Oʻzbekiston Yozuvchilar uyushmasi huzuridagi “Ijod” fondiga ajratmalarni toʻlash tartibi toʻgʻrisidagi
NIZOM
Ushbu Nizom Oʻzbekiston Respublikasi Prezidentining 2010-yil 26-fevraldagi “Oʻzbekiston Yozuvchilar uyushmasi huzurida “Ijod” fondini tashkil etish toʻgʻrisida”gi PQ-1292-son qaroriga muvofiq noshirlik va matbaa korxonalari tomonidan Oʻzbekiston Yozuvchilar uyushmasi huzuridagi “Ijod” fondiga bosma mahsulotlarini realizatsiya qilishdan, shuningdek, bosma mahsulotlarni ishlab chiqarish va realizatsiya qilish bilan bogʻliq tahrir, matbaa va noshirlik xizmatlari koʻrsatishdan tushgan tushumlardan 2 foizli ajratmalar (keyingi oʻrinlarda majburiy ajratmalar deb ataladi) toʻlash tartibini belgilaydi.
Keyingi tahrirga qarang.
I. Umumiy qoidalar
1. Oʻzbekiston Respublikasi Prezidentining 2010-yil 26-fevraldagi “Oʻzbekiston Yozuvchilar uyushmasi huzurida “Ijod” fondini tashkil etish toʻgʻrisida”gi PQ-1292-son qaroriga muvofiq noshirlik va matbaa korxonalarining (keyingi oʻrinlarda ajratma toʻlovchilar deb ataladi) bosma mahsulotlarini realizatsiya qilishdan, shuningdek, bosma mahsulotlarni ishlab chiqarish va realizatsiya qilish bilan bogʻliq tahrir, matbaa va noshirlik xizmatlari koʻrsatishdan tushgan tushumning 2 foizi miqdoridagi majburiy ajratmalar Oʻzbekiston Yozuvchilar uyushmasi huzuridagi “Ijod” fondi (keyingi oʻrinlarda Fond deb ataladi) mablagʻlarini shakllantirish manbalaridan biri etib belgilangan.
Keyingi tahrirga qarang.
2. Noshirlik korxonasi deganda qonun hujjatlarida belgilangan tartibda davlat roʻyxatidan oʻtgan va noshirlik faoliyati uchun litsenziyaga ega boʻlgan yuridik shaxslar tushuniladi.
Keyingi tahrirga qarang.
3. Matbaa korxonalari deb qonun hujjatlarida belgilangan tartibda davlat roʻyxatidan oʻtib, Oʻzbekiston matbuot va axborot agentligidan guvohnoma olgan va Ichki ishlar vazirligining hududiy organlarida hisobga qoʻyilgan yuridik shaxslar tushuniladi.
Keyingi tahrirga qarang.
4. Oʻzbekiston matbuot va axborot agentligi yangi yoki qayta tashkil etilgan noshirlik va matbaa korxonalariga tegishligicha litsenziya va guvohnoma berilgan (yoki bekor qilingan) vaqtdan boshlab bir hafta muddatda ushbu korxonalar yuzasidan maʼlumotlarni Fondga taqdim etadi.
Keyingi tahrirga qarang.
II. Majburiy ajratmalarni hisoblab chiqarish, hisob-kitoblarni taqdim etish va toʻlash
5. Majburiy ajratmalar summasi ajratma toʻlovchilar tomonidan mustaqil ravishda, buxgalteriya hisobi toʻgʻrisidagi qonun hujjatlariga muvofiq, bosma mahsulotlarini realizatsiya qilishdan, shuningdek, bosma mahsulotlarni ishlab chiqarish va realizatsiya qilish bilan bogʻliq tahrir, matbaa va noshirlik xizmatlari koʻrsatishdan tushgan tushumning 2 foizi miqdorida hisoblab chiqariladi.
Keyingi tahrirga qarang.
6. Yuridik shaxslardan olinadigan foyda soligʻi, yagona soliq toʻlovi hamda davlat maqsadli jamgʻarmalariga va budjetdan tashqari Maktab taʼlimi jamgʻarmasiga majburiy ajratmalarni hisoblab chiqarishda soliq solinadigan baza Fondga oʻtkaziladigan majburiy ajratmalar summasiga kamaytiriladi (shartli misol 1-ilovada keltirilgan).
Keyingi tahrirga qarang.
7. Ajratma toʻlovchilar soliq boʻyicha hisobga olish joyidagi davlat soliq xizmati organlariga va Fondga yilning har choragida, hisobot choragidan keyingi oyning 25-kunidan kechiktirmay, hisoblangan majburiy ajratmalar toʻgʻrisidagi maʼlumotlarni ushbu Nizomning 2-ilovasiga muvofiq oʻsib boruvchi yakun bilan taqdim etib boradi.
Keyingi tahrirga qarang.
8. Fondga majburiy ajratmalarni toʻlash har oyda hisobot davridan keyingi oyning 5-kunidan kechiktirmay amalga oshiriladi.
Keyingi tahrirga qarang.
9. Majburiy ajratmalarni toʻlash muddati buzilishi toʻlovning belgilangan muddatidan keyingi kundan eʼtiboran muddati oʻtkazib yuborilgan har bir kun uchun (toʻlov kuni ham shunga kiradi) Fond hisobiga 0,05 foiz miqdorda penya hisoblanishiga sabab boʻladi.
Keyingi tahrirga qarang.
10. Fondga ortiqcha toʻlangan majburiy ajratmalar summasi mazkur majburiy ajratmalar boʻyicha kelgusi toʻlovlar hisobiga hisobga olinadi yoki Fond mablagʻlaridan ajratma toʻlovchining yozma arizasi asosida, Fond tomonidan ariza berilgan sanadan eʼtiboran 30 ish kuni ichida ajratma toʻlovchining bankdagi hisobvaragʻiga pul mablagʻlarini oʻtkazish orqali qaytariladi.
Ortiqcha toʻlangan majburiy ajratmalar summasi boshqa ajratma toʻlovchilarning qarzini uzish hisobiga hisobga olinishi mumkin emas.
III. Yakuniy qoidalar
11. Fond hisob raqamiga mablagʻlarning toʻliq tushishi ustidan nazorat Fondning ijro etuvchi direksiyasi tomonidan amalga oshiriladi.
12. Fondga kelib tushgan majburiy ajratmalarning hisobi va hisoboti yuritilishi hamda maqsadli ishlatilishi uchun Fondning ijro etuvchi direksiyasi amaldagi qonun hujjatlariga muvofiq javob beradi.
Keyingi tahrirga qarang.
Keyingi tahrirga qarang.
13. Majburiy ajratmalarning toʻgʻri hisoblanishi va ushbu Nizomning 6-bandida nazarda tutilgan soliq imtiyozlari toʻgʻri qoʻllanilishi ustidan nazorat davlat soliq xizmati organlari tomonidan amalga oshiriladi.
14. Ushbu Nizom Oʻzbekiston Respublikasi Moliya vazirligi, Davlat soliq qoʻmitasi, Savdo-sanoat palatasi va Oʻzbekiston Yozuvchilar uyushmasi huzuridagi “Ijod” fondi ijro etuvchi direksiyasi bilan kelishilgan.
Moliya vaziri R. AZIMOV
2010-yil 23-avgust
Davlat soliq qoʻmitasi raisi B. PARPIYEV
2010-yil 23-avgust
Savdo-sanoat palatasi raisi A. ShAYXOV
2010-yil 23-avgust
Oʻzbekiston Yozuvchilar uyushmasi huzuridagi “Ijod” fondi ijro etuvchi direktori Oʻ. JOʻRAYEV
2010-yil 23-avgust
Noshirlik va matbaa korxonalari tomonidan Oʻzbekiston Yozuvchilar uyushmasi huzuridagi “Ijod” fondiga ajratmalarni toʻlash tartibi toʻgʻrisidagi nizomga
1-ILOVA
Soliq solinadigan bazani Fondga oʻtkaziladigan ajratmalar summasiga kamaytirilishiga doir
ShARTLI MISOL
Yagona soliq toʻlovchi yuridik shaxsning matbaa faoliyatidan tushumi:
yanvar oyida 10 000 ming soʻmni;
fevral oyida 8 000 ming soʻmni;
mart oyida 6 000 ming soʻmni tashkil etgan.
Jami birinchi chorakda ushbu faoliyat turidan tushgan tushum 24 000 ming soʻm hisoblangan.
Yuqoridagi tushumdan Fondga quyidagicha ajratmalar hisoblanadi:
Yanvar oyida — 200 ming soʻmni;
Keyingi tahrirga qarang.
Fevral oyida — 160 ming soʻmni;
Keyingi tahrirga qarang.
Mart oyida — 120 ming soʻmni tashkil etgan.
Keyingi tahrirga qarang.
Jami birinchi chorak uchun Fondga 480 ming soʻm ajratmalar hisoblanadi.
Keyingi tahrirga qarang.
Yagona soliq toʻlovi toʻlovchisi boʻlgan yuridik shaxs davlat soliq xizmati organlariga hisob-kitoblarni taqdim etishda soliq solinadigan baza 480 ming soʻmga kamaytiriladi, yaʼni yagona soliq toʻlovi hisob-kitobining “soliq solinadigan yalpi tushumni kamaytirish” 0502-satrida hisobga olinadi.
Keyingi tahrirga qarang.
Xuddi shunday tartib umumbelgilangan tartibda soliq (foyda soligʻi) toʻlovchi yuridik shaxslarga ham qoʻllaniladi. Ular (yagona soliq toʻlovi toʻlovchilardan farqli ravishda) soliq hisoboti shakllarini toʻldirishda:
budjetdan tashqari maqsadli jamgʻarmalarga majburiy ajratmalarni hisoblab chiqarishda sof tushum summasini kamaytirib hisoblaydi;
Keyingi tahrirga qarang.
foyda soligʻini hisoblab chiqarishda “Ijod” fondiga oʻtkazilgan ajratmalar summasi chegiriladigan xarajatlarga olib boradi.
Noshirlik va matbaa korxonalari tomonidan Oʻzbekiston Yozuvchilar uyushmasi huzuridagi “Ijod” fondiga ajratmalarni toʻlash tartibi toʻgʻrisidagi nizomga
2-ILOVA
‎ ‎ ‎ ‎ ‎ ‎ ‎ ‎ ‎

Oʻzbekiston Yozuvchilar uyushmasi ‎

‎ ‎ ‎ ‎ ‎ ‎ ‎ ‎ ‎

huzuridagi Ijod fondiga‎

‎ ‎ ‎ ‎ ‎ ‎ ‎ nusxasi: ____________ viloyat, __________ tuman ‎
‎ ‎ ‎ ‎ ‎ ‎ ‎ ‎ ‎

‎davlat soliq inspeksiyasiga

‎Ajratma toʻlovchining maʼlumotlari:
‎‎STIR ‎ ‎ ‎ ‎ ‎ ‎ ‎ ‎ ‎ ‎‎

Toʻliq nomi ________________________________________________________
‎__________________________________________________________________‎‎

‎Joylashgan manzili ________________________________________________

‎Faoliyat koʻrsatish joyi _____________________________________________

Pochta manzili _____________________________________________________
‎
Telefon kodi:‎‎ ‎ ‎ ‎ ‎ ‎ ‎ raqami: ‎ ‎ ‎ ‎ ‎ ‎ ‎ ‎ ‎ ‎

Bosma mahsulotlarni realizatsiya qilishdan, shuningdek, bosma mahsulotlarni ishlab chiqarish va realizatsiya qilish bilan bogʻliq tahrir, matbaa va noshirlik xizmatlari koʻrsatishdan tushgan tushumlar boʻyicha hisoblangan ajratmalar toʻgʻrisida 20__ yil ____ chorak uchun

MAʼLUMOTLAR

(oʻsib boruvchi yakun bilan toʻldiriladi)

№‎ Taalluqli nomlanishi Satr kodi Summa (soʻm)

1.

Bosma mahsulotlarni realizatsiya qilishdan, shuningdek bosma mahsulotlarni ishlab chiqarish va realizatsiya qilish bilan bogʻliq tahrir, matbaa va noshirlik xizmatlari koʻrsatishdan tushgan tushum

 010‎ x‎

hisobot choragining birinchi oyi uchun

 011‎ ‎

hisobot choragining ikkinchi oyi uchun‎

 012‎ ‎
‎

hisobot choragining uchinchi oyi uchun‎

 013‎ ‎

2.

Ajratma miqdori %‎

 020‎ 2 %‎

3.

‎‎Majburiy ajratmalarning hisoblangan summasi ‎

 030‎ x

hisobot choragining birinchi oyi uchun (011-satr x 020-satr) / 100%‎

 031‎ ‎
‎

hisobot choragining ikkinchi oyi uchun (012-satr x 020-satr) / 100%‎

 032‎ ‎

hisobot choragining uchinchi oyi uchun (013-satr x 020-satr) / 100%‎

 033‎ ‎


‎Rahbar


‎_______________


‎_______________________

‎‎ ‎

(F.I.O)

(imzo)

‎‎‎Bosh buxgalter

_______________

_______________________‎‎

‎ ‎

(F.I.O)

(imzo)

‎

M.Oʻ.‎

 ‎ ‎
Keyingi tahrirga qarang.
(Oʻzbekiston Respublikasi qonun hujjatlari toʻplami, 2010-y., 35-36-son, 309-modda; 2011-y., 12-13-son, 127-modda; 2012-y., 29-son, 344-modda; 2013-y., 9-son, 119-modda; 2014-y., 15-son, 172-modda; Qonunchilik maʼlumotlari milliy bazasi, 28.07.2021-y., 10/21/3313/0724-son)