Vazirlar Mahkamasi qaror qiladi:

1. “Jamoat birlashmalari toʻgʻrisida”gi SSJI Qonuniga binoan hamda jamoat birlashmalari bilan aloqalarni taʼminlash, ularning ustavlarini roʻyxatdan oʻtkazish va ana shu ustavlarga rioya qilinishi ustidan nazorat olib borish ishlarini tashkil etish maqsadida Oʻzbekiston SSJ Adliya vazirligiga mazkur vazirlikning markaziy apparatida jamoat birlashmalari boʻyicha Boshqarma, Qoraqalpogʻiston MSSJ Adliya vazirligi, viloyat ijroiya qoʻmitalari va Toshkent shahar ijroiya qoʻmitasi adliya boshqarmalarida tegishli boʻlimlar tuzilib, OʻzSSJ Adliya vazirligi boshqaruv sistemasi apparati xodimlarining sonini 60 kishiga, shu jumladan, Vazirlik markaziy apparatining sonini 20 kishiga koʻpaytirishga ruxsat etilsin.

Belgilansinki, Oʻzbekiston SSJ Adliya vazirligining jamoat birlashmalari boʻyicha boshqarmasiga Vazir oʻrinbosari — Boshqarma boshligʻi boshchilik qiladi. Shu munosabat bilan OʻzSSJ Adliya vaziri oʻrinbosarlari soni 1 kishiga koʻpaytirilsin va kollegiya tarkibi 9 kishidan iborat boʻlishiga ruxsat berilsin.

OʻzSSJ Moliya vazirligi OʻzSSJ Adliya vazirligi sistemasi apparati xodimlarining yillik ish haqi fondini va uni saqlash xarajatlarining eng yuqori summasini aniqlasin. Vazirlik markaziy apparati uchun qoʻshimcha ravishda bitta yengil avtomashinaga limit va tegishli mablagʻlar ajratsin.

OʻzSSJ Iqtisodiyot qoʻmitasi, OʻzSSJ Davlat moddiy-texnika taʼminoti qoʻmitasi, OʻzSSJ Savdo vazirligi, Qoraqalpogʻiston MSSJ Vazirlar Kengashi, viloyat ijroiya qoʻmitalari va Toshkent shahar ijroiya qoʻmitasi adliya organlarining talabnomalariga koʻra shu yilning I choragida tuzilayotgan xizmatlarni joylashtirish, tashkiliy-texnika vositalari va asbob-uskunalar bilan taʼminlashga bogʻliq masalalarni hal qilsinlar.

2. OʻzSSJ Adliya vazirligi bir oy muddat ichida:

jamoat birlashmalari boʻyicha Boshqarma (boʻlim) toʻgʻrisidagi Nizomni ishlab chiqsin va mazkur boʻlinmalarni yuqori malakali kadrlar bilan toʻldirishni taʼminlasin;

OʻzSSJ Moliya vazirligi bilan birgalikda jamoat birlashmalarining ustavlarini roʻyxatga olish Qoidalarini, shuningdek ustavlarni roʻyxatga olganlik uchun yigʻimlar olish tartibini hamda miqdorlarini tayyorlasin va Vazirlar Mahkamasiga tasdiqlash uchun taqdim etsin.

3. Oʻzbekiston SSR Ministrlar Sovetining 1988-yil 28-noyabrdagi 443-son qarorining 1-punkti quyidagi soʻzlar bilan toʻldirilsin: “shuningdek, Oʻzbekiston SSJ hududida faoliyat koʻrsatuvchi jumhuriyat, jumhuriyatlararo va xalqaro jamoat birlashmalarining ustavlarini roʻyxatga olishni va ushbu ustavlarga rioya etilishi ustidan nazorat qilishni”.

4. Korxonalarga, muassasalarga, tashkilotlarga, ijara jamoalariga, kooperativlarga, boshqa yuridik shaxslar va fuqarolarga huquqiy yordam koʻrsatish, shartnoma va eʼtiroz-daʼvo ishlarini yaxshilashga yordam berish, huquqiy umumtaʼlimni amalga oshirish maqsadida OʻzSSJ Adliya vazirligining Vazirlik huzurida xoʻjalik hisobidagi korxonalarga, muassasalarga, tashkilotlarga, kooperativlarga, boshqa yuridik shaxslarga va fuqarolarga huquqiy yordam koʻrsatish Markazini tuzish haqidagi taklifi qabul qilinsin.

OʻzSSJ Iqtisodiyot qoʻmitasi va OʻzSSJ Davlat moddiy-texnika taʼminoti qoʻmitasi Markaz mablagʻlari hisobidan zarur moddiy-texnika resurslari va avtotransport ajratish toʻgʻrisidagi masalani hal qilsinlar.

OʻzSSJ Aloqa vazirligi belgilangan tartibda Markaz binosida telefon va teletayp aloqasini taʼminlasin.

Xoʻjalik hisobidagi Markazga noshirlik faoliyati uchun ruxsat berilsin. Oʻzbekiston SSJ Davlat matbuot qoʻmitasi bu ishda zarur metodik va amaliy yordam koʻrsatsin.

5. Toshkent shahar ijroiya qoʻmitasi OʻzSSJ Adliya vazirligi bilan birgalikda bir oy muddat ichida mazkur Vazirlikning jamoat birlashmalari boʻyicha Boshqarmasi va xoʻjalik hisobidagi Markazini joylashtirish masalasini koʻrib chiqsin.

6. OʻzSSJ Adliya vazirligi markaziy apparatining va uning boʻlinmalarining ishlashi uchun qulay sharoitlar yaratish maqsadida:

OʻzSSJ Oliy va oʻrta maxsus taʼlim vazirligi K. Marks koʻchasi, 32-uydagi binoni OʻzSSJ Adliya vazirligining balansiga oʻtkazsin;

OʻzSSJ Adliya vazirligi, Toshkent shahar ijroiya qoʻmitasi Krenkel koʻchasi, 5-uydagi binoni va Proletar koʻchasidagi Toshkent shahar ijroqoʻmining adliya boshqarmasi joylashgan 4-uydagi binoni OʻzSSJ Oliy va oʻrta maxsus taʼlim vazirligiga uning boʻlinmalarini joylashtirish uchun bersinlar;

OʻzSSJ Iqtisodiyot qoʻmitasi, OʻzSSJ Moliya vazirligi va Oʻzbekiston SSJ Davlat moddiy-texnika taʼminoti qoʻmitasi markaziy apparat binosiga xizmat koʻrsatish uchun budjetdan ajratmalar limitini va shtatlarni, kapital remont va telefonlashtirish uchun zarur moddiy-texnika resurslarini belgilangan tartibda OʻzSSJ Adliya vazirligiga ajratish masalasini koʻrib chiqsinlar va ajratsinlar;

OʻzSSJ Ichki ishlar vazirligi OʻzSSJ Adliya vazirligi uchun ajratiladigan binoda qoʻriqlash-kirish-chiqish tartibini tashkil etish haqidagi masalani belgilangan tartibda koʻrib chiqsin.

7. Oʻzbekiston SSR Ministrlar Sovetining “V. I. Lenin nomidagi Toshkent davlat universitetining moddiy-texnika bazasini mustahkamlash yuzasidan qoʻshimcha tadbirlar toʻgʻrisida” 1990-yil 13-fevraldagi 89-son qarorining 6-punkti uchinchi abzatsidagi: “Romanovskiy va K. Marks koʻchalaridagi” soʻzlar oʻzgartirilib, “Romanovskiy koʻchasidagi” soʻzlar bilan almashtirilsin.