2. Vazirlar Mahkamasining 2003-yil 13-fevraldagi 75-son qarori (Oʻzbekiston Respublikasi QT, 2003-y., 2-son, 15-modda) bilan tasdiqlangan Oʻzbekiston Respublikasida chakana savdo qoidalarida:

a) quyidagi mazmundagi 4-1-band qoʻshilsin:

“4-1. Tovarlarning olib kirilishini va bojxona bojlari amalda toʻlanganligini tasdiqlaydigan bojxona deklaratsiyasi rasmiylashtirilgan sanadan boshlab 12 oy oʻtgandan keyin ushbu Qoidalarga 3-ilovaga muvofiq roʻyxat boʻyicha tayyor import isteʼmol tovarlarini sotuvga qoʻyish va chakana sotishga yoʻl qoʻyilmaydi”;

b) 189-bandga quyidagi mazmundagi xatboshi qoʻshilsin:

“tovarlarning olib kirilishini va bojxona bojlari amalda toʻlanganligini tasdiqlaydigan bojxona deklaratsiyasi rasmiylashtirilgan sanadan boshlab 12 oy oʻtgandan keyin ushbu Qoidalarga 3-ilovaga muvofiq roʻyxat boʻyicha tayyor import isteʼmol tovarlarini sotuvga qoʻyish va chakana sotish”;

v) quyidagi mazmundagi 3-ilova qoʻshilsin:

“Oʻzbekiston Respublikasida chakana savdo qoidalariga
3-ILOVA

Tovarlarning olib kirilishini va bojxona bojlari amalda toʻlanganligini tasdiqlaydigan bojxona deklaratsiyasi rasmiylashtirilgan sanadan boshlab 12 oy oʻtgandan keyin sotuvga qoʻyilishiga va chakana savdoda sotilishiga yoʻl qoʻyilmaydigan tayyor import isteʼmol tovarlari

ROʻYXATI

T/r	Tovarning qisqacha nomi	TIF TN kodi
I. Tikuvchilik buyumlari, ustki trikotaj, ichki trikotaj, sport trikotaji, paypoqlar
1.	Palto, yarimpalto, yopqichlar, plashlar, kalta kamzullar (shu jumladan changʻi kamzullari), vetrovkalar, suv oʻtkazmaydigan maxsus kiyimlar va shunga oʻxshash buyumlar	6101, 6102, 6201, 6202
2.	Kostyumlar, komplektlar, pidjaklar, bleyzerlar, shimlar, koʻkrakka tutiladigan fartukli va lyamka (yelka tasma)li kombinezonlar, jaketlar, koʻylaklar, yubkalar, yubka-shimlar, bridjilar va kalta shimlar (choʻmilishda kiyiladigan kalta shimlardan tashqari)	6103, 6104, 6203, 6204
3.	Erkaklar yoki oʻgʻil bolalar uchun koʻylaklar	6105, 6205
4.	Ayollar yoki qizlar uchun bluzkalar, bluzlar va bluzonlar	6106, 6206
5.	Kalsonlar, trusilar, tungi koʻylaklar, pijamalar, yuvinish xalatlari, uy xalatlari hamda erkaklar va oʻgʻil bolalar uchun shunga oʻxshash buyumlar	6107, 6207
6.	Kombinatsiyalar, pastki yubkalar, trusilar, pantalonlar, tungi koʻylaklar, pijamalar, penyuarlar, yuvinish xalatlari, uy xalatlari va ayollar yoki qizlar uchun shunga oʻxshash trikotaj buyumlar	6108, 6208
7.	Maykalar va boshqa ichki fufaykalar	6109, 6207 91 000 0, 6207 99 000 0, 6208 91 000 0, 6208 92 000 0, 6208 99 000 0
8.	Sviterlar, puloverlar, kardiganlar, nimchalar va shunga oʻxshash trikotaj buyumlar	6110
9.	Bolalar trikotaj kiyimlari va bolalar kiyimlari uchun anjomlar	6111, 6209
10.	Sport, changʻi va yuvinish kostyumlari. Boshqa kiyim-kechak buyumlari (trikotaj kiyimlardan tashqari)	6112, 6211
11.	5903, 5906 yoki 5907 TIF TN tovar pozitsiyali trikotaj polotnodan tikilgan kiyim-kechak buyumlari	6113 00
12.	Boshqa trikotaj kiyim-kechak buyumlari	6114
13.	Kolgotkalar, chulkilar, golflar, paypoqlar va pataklar hamda boshqa paypoqlar, shu jumladan bosim taqsimlangan kompression paypoqlar va tagcharmsiz trikotaj poyabzal	6115
14.	Qoʻlqoplar va trikotaj mitenkilar	6116
15.	Kiyimlar uchun boshqa tayyor anjomlar	6117 10 000 0 — 6117 80, 6217 10 000 0
16.	Byustgalterlar, kamarlar, korsetlar, shimni koʻtarib turadigan ikki yelkaga osiladigan tasmalar, paypoq bogʻichlari va shunga oʻxshash buyumlar va ularning qismlari	6212
17.	Roʻmollar	6213
18.	Sholroʻmollar, shar�lar, kashnelar (sharflar), mantilyalar, vuallar (shlyapaning yuzni bekitib turadigan toʻri) va shunga oʻxshash buyumlar	6214
19.	Galstuklar, kapalaknusxa galstuklar va boʻyinbogʻlar	6215
20.	Qoʻlqoplar va mitenkilar	6216 00 000 0
II. Tyul-gardin polotnosi va undan tikilgan buyumlar
1.	Trikotaj tyul-gardin polotnosi. Pardalar (shu jumladan eshik va deraza pardalari) va ichki darpardalar, eshik yoki deraza pardasining ustki bezakli qismlari yoki krovatlar uchun toʻr hoshiyalar	6005 31 100 0, 6005 32 100 0, 6005 33 100 0, 6005 34 100 0, 6006 31 100 0, 6006 32 100 0, 6006 33 100 0, 6006 34 100 0, 6303
III. Koʻrpa-toʻshak gʻiloflari, paxmoq sochiqlar, choyshablar
1.	Koʻrpa-toʻshak, oshxona, hojatxona gʻiloflari	6302
IV. Charm poyabzal
1.	Rezina, plastmassa tagcharmli, toza charmdan yoki turli materiallardan tikilgan poyabzal, ustki qismi toza charmdan tikilgan poyabzal	6403
V. Televizorlar
1.	Televizorlar, televizion aloqani qabul qilish uchun apparatlar	8528 72 — 8528 73 000 0
VI. Sovutgichlar
1.	Maishiy sovutgichlar-muzlatgichlar	841810
2.	Sovutgichlar	8418 21 — 8418 29 000 0
VII. Konditsionerlar
1.	Konditsionerlar	8415 10, 8415 20 000 9, 8415 81 009 0, 8415 82 000 9
VIII. Elektr dazmollar
1.	Elektr dazmollar	8516 40

Keyingi tahrirga qarang.

3. Vazirlar Mahkamasining 2003-yil 28-iyuldagi 330-son qarori (Oʻzbekiston Respublikasi QT, 2003-y., 7-son, 68-modda) bilan tasdiqlangan Oʻzbekiston Respublikasida bozorlarda savdo faoliyatini tashkil etish qoidalarining 41-bandi quyidagi tahrirda bayon qilinsin:

“41. Bozorlar maʼmuriyati tomonidan bir martalik yigʻimlar va ijara haqi toʻlovlarini qabul qilish majburiy tartibda fiskal xotiraga ega boʻlgan nazorat-kassa mashinalarini qoʻllagan holda amalga oshiriladi.

100 va undan ortiq turgʻun savdo shoxobchalari va savdo oʻrinlariga ega boʻlgan bozorlar va ularning filiallarida bir martalik yigʻimlar va ijara haqi toʻlovlari faqat avtomatlashtirilgan tarzda bank tizimi orqali hisobga olish yoʻli bilan, toʻlovning toʻliqligi davlat soliq xizmati organlari xodimlari tomonidan har kuni tekshirilgan holda undiriladi”.

Keyingi tahrirga qarang.

4. Vazirlar Mahkamasining 2010-yil 5-apreldagi 63-son qarori (Oʻzbekiston Respublikasi QT, 2010-y., 4-son, 15-modda) bilan tasdiqlangan Avtotransport vositalarini vaqtincha saqlash boʻyicha pulli xizmatlar koʻrsatish faoliyatini amalga oshirish tartibi toʻgʻrisidagi Nizomning 11-bandiga quyidagi mazmundagi xatboshi qoʻshilsin:

“300 va undan ortiq turgʻun savdo shoxobchalari va savdo oʻrinlariga ega boʻlgan bozorlar va savdo komplekslarida avtotransport vositalarini vaqtincha saqlash boʻyicha xizmatlar koʻrsatilgan hollarda majburiy tartibda avtotransport vositalari kirib kelgan va chiqib ketgan vaqtni qayd etish funksiyasiga ega boʻlgan elektron hisoblagichlar oʻrnatiladi”.

(Oʻzbekiston Respublikasi qonun hujjatlari toʻplami, 2010-y., 23-son, 186-modda; 2011-y., 47-son, 488-modda; 2012-y., 35-son, 403-modda; Qonunchilik maʼlumotlari milliy bazasi, 16.09.2021-y., 06/21/6314/0876-son)