Oʻzbekiston Respublikasining “Lizing toʻgʻrisida”gi Qonuniga muvofiq hamda iqtisodiyot tarmoqlarini, xususan kichik biznesni zamonaviy texnologiya uskunalari bilan jihozlashda, shuningdek mamlakatimizning ishlab chiqaruvchilari tomonidan tayyorlab chiqarilgan asbob-uskuna va texnikani sotishda lizing faoliyati rolini oshirish maqsadida:

1. 2002-yilning 1-sentabridan boshlab:

lizing toʻlovlari — qoʻshilgan qiymat soligʻidan:

lizingga berish uchun Oʻzbekiston Respublikasi hududiga belgilangan tartibda tasdiqlanadigan roʻyxatga muvofiq olib kelinadigan texnologik uskunalar, shuningdek texnologik uskunalar yetkazib berish kontrakti shartlarida butlovchi buyumlar va ehtiyot qismlar yetkazib berish nazarda tutilgan taqdirda, bojxona toʻlovi va qoʻshilgan qiymat soligʻidan ozod qilinsin.

2. Belgilab qoʻyilsinki, 2002-yilning 1-sentabridan boshlab:

lizing oladigan xoʻjalik yurituvchi subyektlar lizingga berilgan mulkka soliq toʻlashdan lizing shartnomasi amal qiladigan muddatgacha ozod qilinadilar;

lizing beruvchini soliqqa tortish chogʻida u lizingga berish uchun mulk xarid qilishga olgan kreditlar foizi hamda belgilangan boshqa toʻlovlarning summasi uning jami daromadidan chegirib tashlanadi.

3. Oʻzbekiston Respublikasi Adliya vazirligi bir oy muddatda:

Oʻzbekiston Respublikasi Davlat bojxona qoʻmitasi, Davlat soliq qoʻmitasi va Moliya vazirligi bilan birga amaldagi qonunchilikka ushbu Farmondan kelib chiqadigan oʻzgartirish va qoʻshimchalar kiritish toʻgʻrisidagi takliflarni Vazirlar Mahkamasiga taqdim etsin:

Oʻzbekiston Respublikasi Moliya vazirligi bilan kelishilgan holda agar lizing oluvchi lizing shartnomasi boʻyicha majburiyatlarini jiddiy ravishda buzgan taqdirda lizing beruvchining lizing oluvchidan lizing obyektini olib qoʻyish tartibiga oid takliflarni ishlab chiqib, Vazirlar Mahkamasiga kiritsin.

4. Oʻzbekiston Respublikasi Moliya vazirligi, Davlat soliq qoʻmitasi, Davlat bojxona qoʻmitasi bir hafta muddatda tegishli normativ hujjatlarga mazkur Farmondan kelib chiqadigan oʻzgartirish va qoʻshimchalarni belgilangan tartibda kiritsinlar.

5. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

6. Ushbu Farmon matbuotda eʼlon qilinsin.