Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi (Oʻzbekiston Respublikasi Oliy Majlisining Axborotnomasi, 1995-yil, № 12, 247-modda) va “Qimmatli qogʻozlar bozori toʻgʻrisida”gi (Oʻzbekiston Respublikasi qonun hujjatlari toʻplami, 2008-yil, 29-30-son, 278-modda) qonunlariga muvofiq Oʻzbekiston Respublikasining Markaziy banki Boshqaruvi qaror qiladi:

1. Oʻzbekiston Respublikasi Markaziy banki Boshqaruvining 2008-yil 14-avgustdagi 17/2-sonli qarori (roʻyxat raqami 1859, 2008-yil 24-sentabr) (Oʻzbekiston Respublikasi qonun hujjatlari toʻplami, 2008-yil, 39-son, 400-modda) bilan tasdiqlangan “Banklarning depozit (omonat) sertifikatlarini chiqarish va muomalada boʻlish tartibi toʻgʻrisida”gi nizomga ilovaga muvofiq qoʻshimcha va oʻzgartirishlar kiritilsin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

1. 1-band “noemissiyaviy” degan soʻzidan keyin “egasining nomi yozilgan” degan soʻzlar bilan toʻldirilsin.

2. 4, 23, 60-bandlar va 2-ilova oʻz kuchini yoʻqotgan deb hisoblansin.

3. 9-bandning “l” kichik banddagi, 10-bandning birinchi xatboshisidagi, 24, 26, 27, 59, 61 va 62-bandlardagi “egasining nomi yozilgan” degan soʻzlar chiqarib tashlansin.

4. 18-band quyidagi tahrirda bayon etilsin:

“Depozit (omonat) sertifikati blankalari, shuningdek sertifikatlarga qoʻshimcha varaqlar (ilovalar) faqat qimmatli qogʻozlar blankalarini ishlab chiqarish huquqini beruvchi litsenziyaga ega boʻlgan korxonalar tomonidan tayyorlanadi. Sertifikatga qoʻshimcha varaqlar (ilovalar) sertifikat blankasi bilan bir vaqtda tayyorlanadi”.

5. Mazkur qoʻshimcha va oʻzgartirishlar Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi bilan kelishilgan.