Hujjat 21.09.2018 00 sanasi holatiga
Amaldagi versiyaga o‘tish

PDF-faylidagi rasmiy manba

Oʻzbekiston Respublikasi Vazirlar Mahkamasining

HAVO KEMALARINING XALQARO PARVOZLARI UChUN OʻZBEKISTON RESPUBLIKASI FUQARO AVIATSIYASI AEROPORTLARI (AERODROMLARI)NI OChISh TARTIBI TOʻGʻRISIDAGI NIZOMNI TASDIQLASh HAQIDA

Oʻzbekiston Respublikasi Havo kodeksining 77-moddasiga muvofiq Vazirlar Mahkamasi qaror qiladi:

1. Havo kemalarining xalqaro parvozlari uchun Oʻzbekiston Respublikasi fuqaro aviatsiyasi aeroportlari (aerodromlari)ni ochish tartibi toʻgʻrisidagi Nizom ilovaga muvofiq tasdiqlansin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.A.Xoʻjayev zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

2009-yil 29-oktabr,

Vazirlar Mahkamasining 2009-yil 29-oktabrdagi 289-son qaroriga
ILOVA

Havo kemalarining xalqaro parvozlari uchun Oʻzbekiston Respublikasi fuqaro aviatsiyasi aeroportlari (aerodromlari)ni ochish tartibi toʻgʻrisida

I. Umumiy qoidalar

1. Ushbu Nizom Oʻzbekiston Respublikasining Havo kodeksiga muvofiq havo kemalarining xalqaro parvozlari uchun Oʻzbekiston Respublikasi fuqaro aviatsiyasi aeroportlari (aerodromlari)ni ochish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

aeroport — havo kemalarini qabul qilish va joʻnatish, havo kemalaridagi tashuvlarga xizmat koʻrsatish uchun moʻljallangan hamda ushbu maqsadlar uchun aerodrom, aerovokzal, boshqa inshootlar, shuningdek zarur asbob-uskunalarga ega boʻlgan inshootlar kompleksi;

aerodrom — yer yoki suv yuzasidagi maxsus jihozlangan uchastka, ushbu yuzada joylashgan havo kemalarining kelishi, ularni joʻnatish va harakatlanishi uchun toʻliq yoki qisman moʻljallangan binolar, inshootlar va asbob-uskunalar;

aeroport (aerodrom)dan foydalanuvchi — ijara shartnomasi yoki Oʻzbekiston Respublikasining qonun hujjatlarida nazarda tutilgan boshqa asoslar boʻyicha mulkchilik huquqida mazkur aeroport Oʻzbekiston Respublikasining xalqaro shartnomalariga muvofiq oʻziga tegishli boʻlgan Oʻzbekiston Respublikasining, shuningdek boshqa davlatning aerodromning muvofiqlik sertifikatiga ega boʻlgan yuridik shaxsi yoki fuqarosi.

Keyingi tahrirga qarang.

3. Xalqaro parvozlar uchun fuqaro aviatsiyasi aeroportlari (aerodromlari)ni ochish Oʻzbekiston Respublikasi Parvozlar xavfsizligini nazorat qilish davlat inspeksiyasi (keyingi oʻrinlarda “Davavianazorat” inspeksiyasi deb ataladi) taklifi asosida qabul qilinadigan Oʻzbekiston Respublikasi Vazirlar Mahkamasining qarori bilan amalga oshiriladi.

Keyingi tahrirga qarang.

4. Oʻzbekiston Respublikasi Vazirlar Mahkamasining xalqaro parvozlar uchun aeroport (aerodrom) ochish toʻgʻrisidagi qarori aeroportga (aerodromga) “xalqaro” maqomi berilishini anglatadi.

II. Xalqaro parvozlar uchun Oʻzbekiston Respublikasi fuqaro aviatsiyasi aeroporti (aerodromi)ni ochish tartibi

5. Aeroport (aerodrom)dan foydalanuvchi havo kemalarining xalqaro parvozlari uchun aeroport (aerodrom) ochish yuzasidan “Davavianazorat” inspeksiyasiga buyurtmanoma beradi.

Keyingi tahrirga qarang.

Buyurtmanomaga quyidagilar ilova qilinadi:

1) aeroportlar uchun:

aeroportning tuzilmasi;

aeroportdagi xizmatlar toʻgʻrisidagi nizomlar nusxalari;

aeroportning shtat jadvali va uning xodimlar bilan taʼminlanganligi;

aerodromning muvofiqlik sertifikati nusxasi;

Oldingi tahrirga qarang.

(5-bandning 1 kichik bandi oltinchi xatboshisi Oʻzbekiston Respublikasi Vazirlar Mahkamasining 2012-yil 1-noyabrdagi 313-sonli qaroriga asosan chiqarilgan — OʻR QHT, 2012-y., 44-son, 507-modda)

chegara, bojxona, immigratsiya, sanitariya, karantin va veterinariya nazoratini amalga oshirish uchun tegishli xizmatlarni, shuningdek roʻyxatdan oʻtkazish zallarini (joylarini), aviachiptalar sotish kassalarini, maʼlumotlar byurosini, yuk saqlash kameralarini, ona va bola xonalarini, doʻkonlar (kioskalar)ni, valyutalar almashtirish punktlarini, dorixonani, tibbiyot punktlarini, pochta va telegraf aloqasi, xalqaro va shaharlararo aloqa xizmatlarini joylashtirish rejasi;

2) aerodromlar uchun:

aerodromning tuzilmasi;

aerodromdagi xizmatlar toʻgʻrisidagi nizomlar nusxalari;

aerodromning shtat jadvali va uning xodimlar bilan taʼminlanganligi;

aerodromning muvofiqlik sertifikati nusxasi;

Oldingi tahrirga qarang.

(5-bandning 2 kichik bandi oltinchi xatboshisi Oʻzbekiston Respublikasi Vazirlar Mahkamasining 2012-yil 1-noyabrdagi 313-sonli qaroriga asosan chiqarilgan — OʻR QHT, 2012-y., 44-son, 507-modda)

chegara, bojxona, immigratsiya, sanitariya, karantin va veterinariya nazoratini amalga oshirish uchun tegishli xizmatlarni joylashtirish rejasi.

6. Buyurtmanoma u “Davavianazorat” inspeksiyasida roʻyxatdan oʻtkazilgan kundan boshlab bir oy mobaynida koʻrib chiqiladi. “Davavianazorat” inspeksiyasi mazkur oy mobaynida arizachiga buyurtmanoma qabul qilinganligi yoki rad etilganligi toʻgʻrisida yozma shaklda xabar beradi.

Keyingi tahrirga qarang.

7. Xalqaro parvozlar uchun ochish yuzasidan arizada koʻrsatilgan fuqaro aviatsiyasi aeroporti quyidagi talablarga javob berishi kerak:

Oldingi tahrirga qarang.

Oʻzbekiston Respublikasi Davlat xavfsizlik xizmatining Chegara qoʻshinlari, Ichki ishlar vazirligi, Davlat bojxona qoʻmitasi, Tashqi ishlar vazirligi, Sogʻliqni saqlash vazirligi, Qishloq va suv xoʻjaligi vazirligi tegishli boʻlinmalarining samarali faoliyat koʻrsatishi uchun zarur shart-sharoitlarning mavjudligi;

(7-bandning ikkinchi xatboshisi Oʻzbekiston Respublikasi Vazirlar Mahkamasining 2018-yil 20-sentabrdagi 748-sonli qarori tahririda — Qonun hujjatlari maʼlumotlari milliy bazasi, 21.09.2018-y., 09/18/748/2024-son)

Keyingi tahrirga qarang.

xalqaro havo tashuvlariga xizmat koʻrsatish uchun tayyorgarlikka ega boʻlgan aeroport xodimlarining mavjudligi;

xalqaro yuk tashuvlarini amalga oshirish uchun yuk kompleksining mavjudligi:

xalqaro yoʻlovchilar tashuvlarini amalga oshirish uchun roʻyxatdan oʻtkazish zallari (joylari), aviachiptalar sotish kassalari, maʼlumotlar byurosi, yuk saqlash kameralari, ona va bola xonalari, doʻkonlar (kioskalar), valyuta almashtirish punktlari, dorixonalar, tibbiyot punktlari, pochta va telegraf aloqasi, xalqaro va shaharlararo aloqa xizmatlarining mavjudligi.

8. Xalqaro parvozlar uchun ochish yuzasidan arizada koʻrsatilgan fuqaro aviatsiyasi aerodromi quyidagi talablarga javob berishi kerak:

Oldingi tahrirga qarang.

Oʻzbekiston Respublikasi Davlat xavfsizlik xizmatining Chegara qoʻshinlari, Ichki ishlar vazirligi, Davlat bojxona qoʻmitasi, Tashqi ishlar vazirligi, Sogʻliqni saqlash vazirligi, Qishloq va suv xoʻjaligi vazirligi tegishli boʻlinmalarining samarali faoliyat koʻrsatishi uchun zarur shart-sharoitlarning mavjudligi;

(8-bandning ikkinchi xatboshisi Oʻzbekiston Respublikasi Vazirlar Mahkamasining 2018-yil 20-sentabrdagi 748-sonli qarori tahririda — Qonun hujjatlari maʼlumotlari milliy bazasi, 21.09.2018-y., 09/18/748/2024-son)

Keyingi tahrirga qarang.

xalqaro yuk tashuvlariga xizmat koʻrsatish uchun tayyorgarlikka ega boʻlgan aerodrom xodimlarining mavjudligi;

xalqaro yuk tashuvlarini amalga oshirish uchun yuk kompleksining mavjudligi.

9. Taqdim etilgan hujjatlar asosida “Davavianazorat” inspeksiyasi aeroport (aerodrom)ni tekshirib koʻradi va tegishli dalolatnoma tuzadi.

Keyingi tahrirga qarang.

Oʻtkazilgan tekshirishlar natijalariga koʻra aeroport ushbu Nizomning 7-bandi talablariga va aerodrom 8-bandi talablariga muvofiq boʻlgan taqdirda “Davavianazorat” inspeksiyasi Oʻzbekiston Respublikasi Vazirlar Mahkamasining xalqaro parvozlar uchun Oʻzbekiston Respublikasi fuqaro aviatsiyasi aeroporti (aerodromi)ni ochish toʻgʻrisidagi qarori loyihasini tayyorlaydi.

Keyingi tahrirga qarang.

10. Aeroport (aerodrom) xalqaro parvozlarni bajarish uchun havo kemalarini qabul qilish va chiqarishni Oʻzbekiston Respublikasi Vazirlar Mahkamasining qarori qabul qilingandan keyin amalga oshiradi.

11. Aeroport ushbu Nizomning 7-bandi talablariga, aerodrom esa 8-bandi talablariga muvofiq boʻlmagan taqdirda “Davavianazorat” inspeksiyasi arizachiga, aniqlangan barcha nomuvofiqliklarni koʻrsatgan holda, asoslangan rad etish xabarini yuboradi. Nomuvofiqliklar bartaraf etilgandan keyin aeroport (aerodrom)dan foydalanuvchi buyurtmanomani takroran berishga haqlidir.

Keyingi tahrirga qarang.

III. Yakuniy qoidalar

12. “Xalqaro” maqomini olgan aeroport (aerodrom)dan foydalanuvchi aeroport (aerodrom)ning ushbu Nizom va boshqa qonun hujjatlari talablariga muvofiqligi yuzasidan javob beradi.

Keyingi tahrirga qarang.

13. Aeroport (aerodrom)dan foydalanuvchi tomonidan ushbu Nizom talablarining bajarilishi yuzasidan nazoratni “Davavianazorat” inspeksiyasi amalga oshiradi, u quyidagi vakolatlarga ega:

Keyingi tahrirga qarang.

aeroport (aerodrom)larni ulardan foydalanish jarayonida belgilangan tartibda tekshirish;

belgilangan talablarga nomuvofiqliklar aniqlangan taqdirda aeroport (aerodrom)dan foydalanuvchiga ularni bartaraf etish muddatlarini koʻrsatgan holda topshiriqnoma yuborish;

qonun hujjatlari talablarining buzilishlari aniqlangan taqdirda Oʻzbekiston Respublikasi Vazirlar Mahkamasiga xalqaro parvozlar uchun aeroport (aerodrom)ni yopish toʻgʻrisida takliflar kiritish.

Keyingi tahrirga qarang.

14. Xalqaro parvozlarni bajarish uchun aeroport (aerodrom)ni yopish Oʻzbekiston Respublikasi Vazirlar Mahkamasining qarori asosida amalga oshiriladi.

(Oʻzbekiston Respublikasi qonun hujjatlari toʻplami, 2009-y., 45-son, 482-modda; 2012-y., 44-son, 507-modda; Qonun hujjatlari maʼlumotlari milliy bazasi, 01.06.2018-y., 09/18/396/1287-son, 21.09.2018-y., 09/18/748/2024-son; 10.12.2018-y., 09/18/995/2287-son, 28.06.2019-y., 09/19/532/3344-son; 08.05.2020-y., 09/20/271/0565-son; Qonunchilik maʼlumotlari milliy bazasi, 16.12.2021-y., 09/21/752/1166-son; 05.04.2022-y., 09/22/153/0266-son)