Oʻzbekiston Respublikasi Prezidentining “Jismoniy shaxslarning naqd xorijiy valyutani olib kelishi va olib chiqib ketishini tartibga solish chora-tadbirlari toʻgʻrisida” Oʻzbekiston Respublikasi Prezidentining 1998-yil 20-martdagi PF-1979-son Farmoniga oʻzgartirishlar kiritish haqida” 2003-yil 28-iyuldagi PF-3284-son Farmoniga muvofiq Vazirlar Mahkamasi qaror qiladi:

1. Vazirlar Mahkamasining 1996-yil 31-oktabrdagi 376-son qarori bilan tasdiqlangan Oʻzbekiston Respublikasi bojxona chegaralari orqali jismoniy shaxslar tomonidan naqd xorijiy valyutani olib kirish va olib chiqib ketish tartibining 2.2-bandidagi “1500 AQSh dollari qiymatidagi” soʻzlari “2000 AQSh dollariga teng miqdorda” soʻzlari bilan almashtirilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.