Hujjat kuchini yo‘qotgan " " 22.02.2021

Oʻzbekiston Respublikasi Vazirlar Mahkamasining

BUXORO DAVLAT UNIVERSITETI HAMDA BUXORO OZIQ-OVQAT VA YENGIL SANOAT TEXNOLOGIYA INSTITUTI HUZURIDA IQTIDORLI BOLALAR UChUN IXTISOSLAShTIRILGAN MAKTAB-INTERNATLAR BAZASIDA AKADEMIK LITSEYLAR TAShKIL ETISh TOʻGʻRISIDA

LexUZ sharhi

Mazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.

Buxoro viloyati yoshlarining sifatli, chuqurlashtirilgan, kasbiy yoʻnaltirilgan taʼlim olishga boʻlgan ehtiyojini taʼminlash maqsadida Vazirlar Mahkamasi qaror qiladi:

1. Buxoro viloyati hokimligi, Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi hamda Xalq taʼlimi vazirligining 2009/2010 oʻquv yilidan boshlab:

Buxoro davlat universiteti huzurida — Qorakoʻl tumanidagi 1-son iqtidorli bolalar uchun ixtisoslashtirilgan maktab-internat bazasida;

Buxoro oziq-ovqat va yengil sanoat texnologiya instituti huzurida — Qorovulbozor tumanidagi 8-son iqtidorli bolalar uchun ixtisoslashtirilgan maktab-internat bazasida akademik litseylar tashkil etish toʻgʻrisidagi taklifiga rozilik berilsin.

2. Oʻzbekiston Respublikasi Xalq taʼlimi vazirligi, Davlat mulki qoʻmitasi va Buxoro viloyati hokimligi bir oy muddatda ularning bazasida akademik litseylar tashkil etilayotgan iqtidorli bolalar uchun ixtisoslashtirilgan maktab-internatlarning bino va inshootlari, moddiy-texnika vositalari, oʻquv uskunalari va boshqa mol-mulki belgilangan tartibda tekin asosda Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi balansiga berilishini taʼminlasinlar.

3. Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi:

akademik litseylar yuqori malakali pedagog kadrlar bilan butlanishini taʼminlasin;

akademik litseylar oʻqituvchilar tarkibining belgilangan tartibda malakasi oshirilishi va ularning qayta tayyorlanishini tashkil etsin;

akademik litseylarda taʼlim yoʻnalishlari taqdimotlarini, shuningdek “Ochiq eshiklar kunlari”ni tashkil etsin.

4. Oʻzbekiston Respublikasi Xalq taʼlimi vazirligi ularning bazasida akademik litseylar tashkil etilayotgan iqtidorli bolalar uchun ixtisoslashtirilgan maktab-internatlar oʻquvchilari yaqinda joylashgan boshqa umumtaʼlim maktablariga qayta taqsimlanishini taʼminlasin.

5. Oʻzbekiston Respublikasi Moliya vazirligi 2009-yil uchun tasdiqlangan Davlat budjeti parametrlariga ushbu qarordan kelib chiqadigan tegishli oʻzgartirishlar kiritsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S.Qosimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

2009-yil 21-avgust,