Hujjat 18.08.2009 00 sanasi holatiga
Amaldagi versiyaga o‘tish
PDF-faylidagi rasmiy manba
Oʻzbekiston Respublikasi Vazirlar Mahkamasining
qarori
ILMIY XODIMLAR MEHNATINI YaNADA RAGʻBATLANTIRISh ChORA-TADBIRLARI TOʻGʻRISIDA
Ilmiy xodimlarning ilmiy tadqiqotlarni ishlab chiqishga va olingan natijalarni amaliyotga joriy etishga qoʻshgan ilmiy va mehnat hissasiga qarab ularni moddiy ragʻbatlantirishni kuchaytirish, shuningdek Oʻzbekiston Respublikasi Prezidentining “Oʻzbekiston Respublikasining 2009-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida” 2008-yil 29-dekabrdagi PQ-1024-son qarorini bajarish yuzasidan Vazirlar Mahkamasi qaror qiladi:
1. Budjet mablagʻlari hisobiga fundamental, amaliy tadqiqotlar va innovatsion ishlarning ilmiy-texnika dasturlarini amalga oshirishda qatnashuvchi ilmiy-tadqiqot muassasalari ilmiy va rahbar xodimlarining bazaviy lavozim maoshlari miqdorlari ilovaga muvofiq tasdiqlansin.
Keyingi tahrirga qarang.
2. Oʻzbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi, Fanlar akademiyasi hamda ilmiy-texnika dasturlarini bajaruvchi boshqa vazirliklar va idoralar, ilmiy-tadqiqot va taʼlim muassasalari, tashkilotlar:
Keyingi tahrirga qarang.
oʻzlariga ilmiy-tadqiqot ishlanmalarini bajarish uchun ajratiladigan budjet mablagʻlarini hisoblash va taqsimlashda ilmiy va rahbar xodimlar bazaviy lavozim maoshlarining ushbu qaror bilan tasdiqlangan miqdorlariga qatʼiy amal qilsinlar;
ilmiy xodimlarni moddiy ragʻbatlantirishni, shu jumladan iqtisodiyot tarmoqlarida ilmiy-tadqiqot ishlari natijalarini joriy etish samaradorligini oshirish, budjet mablagʻlarini tejash va xoʻjalik hisobidagi faoliyatni amalga oshirishdan olinadigan budjetdan tashqari daromadlarni koʻpaytirish hisobiga yanada kuchaytirish boʻyicha tizimli asosda chora-tadbirlar koʻrsinlar.
3. Oʻzbekiston Respublikasi Moliya vazirligi hamda Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasining ilmiy-tadqiqot muassasalari hamda ilmiy-texnika dasturlarini bajaruvchi tashkilotlar tomonidan mehnatga haq toʻlash fondining 5 foizi miqdorida ilmiy xodimlarni moddiy ragʻbatlantirishning maxsus jamgʻarmalarini tashkil etish toʻgʻrisidagi taklifi qabul qilinsin.
Keyingi tahrirga qarang.
Shunday tartib belgilansinki, unga muvofiq:
tashkil etilayotgan jamgʻarmalar mablagʻlari hisobiga alohida oʻrnak koʻrsatgan, ilmiy-texnika dasturlarini amalga oshirishga aniq mehnat va ilmiy hissa qoʻshgan ilmiy xodimlar moddiy ragʻbatlantiriladi;
Keyingi tahrirga qarang.
ilmiy xodimlarni moddiy ragʻbatlantirish ular uchun yiliga 2 tadan 5 tagacha bazaviy lavozim maoshlari miqdorida biryoʻla toʻlanadigan mukofotlar belgilash yoʻli bilan Ilmiy-tadqiqot va taʼlim muassasalari huzuridagi ilmiy kengash qarorlariga binoan amalga oshiriladi.
Keyingi tahrirga qarang.
4. Oʻzbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi, Moliya vazirligi, Mehnat va aholini ijtimoiy muhofaza qilish vazirligi ikki hafta muddatda Ilmiy xodimlarni moddiy ragʻbatlantirish jamgʻarmasini shakllantirish va uning mablagʻlaridan foydalanish tartibini tasdiqlasinlar, unda ilmiy xodimlarni mukofotlashning ilmiy-texnika dasturlarini ishlab chiqishga, shuningdek tadqiqotlar natijalaridan iqtisodiyot tarmoqlarida foydalanishga ular qoʻshgan aniq hissa darajasini hisobga oladigan asosiy mezonlar belgilanishini nazarda tutsinlar.
5. Oʻzbekiston Respublikasi Moliya vazirligi, Adliya vazirligi manfaatdor vazirliklar va idoralar bilan birgalikda bir oy muddatda idoraviy normativ hujjatlarni ushbu qarorga muvofiqlashtirsinlar.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2009-yil 18-avgust,
233-son
Vazirlar Mahkamasining 2009-yil 18-avgustdagi 233-son qaroriga
ILOVA
Budjet mablagʻlari hisobiga fundamental, amaliy tadqiqotlar va innovatsion ishlarning ilmiy-texnika dasturlarini amalga oshirishda qatnashuvchi ilmiy-tadqiqot muassasalari ilmiy va rahbar xodimlarining bazaviy lavozim maoshlari
miqdorlari
Keyingi tahrirga qarang.
T/r Lavozimlarning nomi Bazaviy lavozim maoshlarining miqdori, soʻm
1. Institut direktori
professor 416 030
fan doktori 399 129
fan nomzodi 382 319
2. Direktorning ilmiy ishlar boʻyicha oʻrinbosari, institut va boshqa ilmiy muassasalar filialining direktori
professor 382 319
fan doktori 368 736
fan nomzodi 352 239
3. Institutning ilmiy kotibi, Ilmiy-tadqiqot laboratoriyasi (boʻlimi) mudiri
fan doktori yoki professor 368 736
katta ilmiy xodim yoki dotsent ilmiy unvoniga ega boʻlgan fan nomzodi 352 239
ilmiy unvonga ega boʻlmagan fan nomzodi 338 747
4. Filial va boshqa ilmiy muassasalar direktorining ilmiy ishlar boʻyicha oʻrinbosari
fan doktori yoki professor 352 239
katta ilmiy xodim yoki dotsent ilmiy unvoniga ega boʻlgan fan nomzodi 338 747
ilmiy unvonga ega boʻlmagan fan nomzodi 325 181
5. Bosh ilmiy xodim
professor ilmiy unvoniga ega boʻlgan fan doktori 352 239
katta ilmiy xodim yoki dotsent ilmiy unvoniga ega boʻlgan fan doktori 338 747
ilmiy unvonga ega boʻlmagan fan doktori 325 181
6. Etakchi ilmiy xodim
ilmiy unvonga ega boʻlgan fan doktori 338 747
ilmiy unvonga ega boʻlmagan fan doktori 325 181
ilmiy unvonga ega boʻlgan fan nomzodi 309 132
7. Katta ilmiy xodim
ilmiy unvonga ega boʻlgan fan nomzodi 309 132
ilmiy unvonga ega boʻlmagan fan nomzodi 293 266
ilmiy darajaga ega boʻlmagan 277 754
8. Kichik ilmiy xodim
fan nomzodi 293 266
ilmiy darajaga ega boʻlmagan (2 yildan ortiq ilmiy faoliyat tajribasiga ega boʻlgan) 277 754
ilmiy darajaga ega boʻlmagan (2 yilgacha ilmiy faoliyat tajribasiga ega boʻlgan) 262 371
9. Tajriba orttiruvchi tadqiqotchi 231 492
Izohlar:
Institut va boshqa ilmiy muassasalar filialining ilmiy darajaga ega boʻlmagan direktoriga bazaviy lavozim maoshi fan nomzodi darajasida belgilanadi.
Professor ilmiy unvoni boʻlgan fan nomzodi ilmiy darajasiga ega boʻlgan bosh va yetakchi ilmiy xodimlarga maosh katta ilmiy xodim unvoniga ega boʻlgan fan doktorining bazaviy lavozim maoshi darajasida belgilanadi.
Professor ilmiy unvoniga ega boʻlgan bosh va yetakchi ilmiy xodimlarga maosh katta ilmiy xodim unvoniga ega boʻlmagan fan doktorining bazaviy lavozim maoshi darajasida belgilanadi.
Ilmiy-tadqiqot laboratoriyalari (boʻlimlari) mudirlari oʻrinbosarlariga bazaviy lavozim maoshi ularga berilgan ilmiy darajalarga va unvonlarga muvofiq ilmiy-tadqiqot laboratoriyalari (boʻlimlari) mudirlari maoshiga nisbatan 5 foizga kamaytirilgan miqdorda belgilanadi.
Oʻzbekiston Respublikasi Prezidentining yoki Vazirlar Mahkamasining qarorlarida loyihalar rahbarlari lavozimlari yoki shunga oʻxshash lavozimlar nazarda tutilgan hollarda ushbu lavozimlarga boʻlimlar mudirlarining bazaviy lavozim maoshlari belgilanadi.
Ilmiy-tadqiqot ishlanmalarini amalga oshirishga xarajatlar qiymati kalkulatsiyasini shakllantirishda ilmiy va rahbar xodimlarning mehnatiga haq toʻlash fondi Oʻzbekiston Respublikasi Prezidentining 2009-yil 29-dekabrdagi PQ-1024-son qaroriga muvofiq 2009-yil 1-yanvardan boshlab bazaviy lavozim maoshlarining tasdiqlanadigan miqdorlari asosida hisoblab chiqiladi.
Oʻzbekiston Respublikasi Prezidentining eng kam oylik ish haqi miqdorini oshirish toʻgʻrisidagi Farmonlari qabul qilinishi munosabati bilan bazaviy lavozim maoshlari oʻzgargan taqdirda Oʻzbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi, Mehnat va aholini ijtimoiy muhofaza qilish vazirligining ilmiy va rahbar xodimlarning bazaviy lavozim maoshlari miqdorlarini oʻzgartirish toʻgʻrisidagi qarori chiqariladi.
Keyingi tahrirga qarang.

(Oʻzbekiston Respublikasi qonun hujjatlari toʻplami, 2009-y., 34-son, 370-modda, 43-son, 459-modda; 2012-y., 1-son, 10-modda, 37-son, 432-modda; 2013-y., 6-son, 76-modda; 2014-y., 2-son, 29-modda, 38-son, 486-modda, 52-son, 644-modda; 2015-y., 41-son, 530-modda; Qonun hujjatlari maʼlumotlari milliy bazasi, 22.02.2018-y., 10/18/2974/0800-son, 16.08.2018-y., 09/18/662/1764-son, 18.01.2019-y., 10/19/3122/2503-son, 03.10.2019-y., 10/19/3186/3847-son; 02.11.2020-y., 10/20/3284/1447-son; Qonunchilik maʼlumotlari milliy bazasi, 28.08.2021-y., 09/21/545/0832-son)