|
Hujjat kuchini yo‘qotgan " " 22.02.2021
|
Oʻzbekiston Respublikasi Vazirlar Mahkamasining
qarori
TOShKENT ShAHRIDAGI TURIN POLITEXNIKA UNIVERSITETIGA 2009/2010 OʻQUV YILI UChUN OʻQUVChILAR QABUL QILISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Toshkent shahridagi Turin politexnika universitetida sanoatning yuqori texnologiyali tarmoqlari, sanoat va xoʻjalik obyektlarini loyihalash va qurish uchun oliy maʼlumotli mutaxassislar tayyorlashni taʼminlash maqsadida Vazirlar Mahkamasi qaror qiladi:
1. Toshkent shahridagi Turin politexnika universitetiga 2009/2010 oʻquv yili uchun oʻquvchilar qabul qilish kvotasi toʻlov-kontrakt asosida 200 nafar, shu jumladan:
“Mashinasozlik texnologiyasi” mutaxassisligi boʻyicha — 50 nafar;
“Avtomobil injiniringi” mutaxassisligi boʻyicha — 50 nafar;
“Sanoat va xoʻjalik qurilishi injiniringi” mutaxassisligi boʻyicha — 25 nafar;
“Arxitektura va sanoat dizayni” mutaxassisligi boʻyicha — 25 nafar;
“Axborot texnologiyasi va sanoatda ABT” mutaxassisligi boʻyicha — 25 nafar;
“Energetika” mutaxassisligi boʻyicha — 25 nafar etib belgilansin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari R.S. Qosimov va U.U. Rozuqulov zimmasiga yuklansin.
Oʻzbekiston Respublikasi Bosh vaziri Sh. MIRZIYOYEV
Toshkent sh.,
2009-yil 9-iyul,
192-son
(Oʻzbekiston Respublikasi qonun hujjatlari toʻplami, 2009-y., 29-son, 333-modda)
