Hujjat kuchini yo‘qotgan " " 22.02.2021
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI MOLIYA VAZIRLIGINING SUGʻURTA NAZORATChILARI XALQARO UYuShMASIGA KIRIShI TOʻGʻRISIDA
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Sugʻurta xizmatlari bozorini yanada isloh qilish va rivojlantirish chora-tadbirlari toʻgʻrisida” 2007-yil 10-apreldagi PQ-618-son qarorini ijro etish yuzasidan hamda sugʻurta faoliyatini nazorat qilish va tartibga solish sohasida xalqaro hamkorlikni kengaytirish va mustahkamlash maqsadida Vazirlar Mahkamasi qaror qiladi:
1. Oʻzbekiston Respublikasi Moliya vazirligining Vazirlikning Sugʻurta nazoratchilari xalqaro uyushmasiga (SNXU) kirishi toʻgʻrisidagi taklifiga rozilik berilsin.
2. Oʻzbekiston Respublikasi Moliya vazirligi Tashqi ishlar vazirligi bilan birgalikda Oʻzbekiston Respublikasi Moliya vazirligining Sugʻurta nazoratchilari xalqaro uyushmasiga kirishi bilan bogʻliq zarur tartib-qoidalarni belgilangan tartibda amalga oshirsin.
3. Belgilansinki, Sugʻurta nazoratchilari xalqaro uyushmasiga yillik badallar toʻlash boʻyicha sarf-xarajatlar har yili Oʻzbekiston Respublikasi Moliya vazirligining xarajatlar smetasida nazarda tutiladigan budjet mablagʻlari hisobiga amalga oshiriladi.
4. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.
Oʻzbekiston Respublikasi Prezidenti I. KARIMOV
Toshkent sh.,
2008-yil 8-sentabr,
202-son
(Oʻzbekiston Respublikasi qonun hujjatlari toʻplami, 2008-y., 37-38-son, 372-modda)