1-modda. O‘zbekiston Respublikasining 1999-yil 19-avgustda qabul qilingan “Yo‘l harakati xavfsizligi to‘g‘risida”gi 818-I-sonli Qonuniga (O‘zbekiston Respublikasi Oliy Majlisining Axborotnomasi, 1999-yil, № 9, 215-modda; O‘zbekiston Respublikasi Oliy Majlisi palatalarining Axborotnomasi, 2006-yil, № 4, 157-modda) quyidagi o‘zgartishlar kiritilsin:

1) 4-modda ikkinchi qismining uchinchi va to‘rtinchi xatboshilari quyidagi tahrirda bayon etilsin:

“Avtomobil yo‘llari qurish va foydalanish davlat-aksiyadorlik kompaniyasi;

O‘zbekiston Respublikasi Ichki ishlar vazirligi Davlat yo‘l harakati xavfsizligi xizmati”;

2) 8-moddaning:

nomidagi “O‘zbekiston avtomobil yo‘llari qurish va ulardan foydalanish davlat-aksiyadorlik konsernining” degan so‘zlar “Avtomobil yo‘llari qurish va foydalanish davlat-aksiyadorlik kompaniyasining” degan so‘zlar bilan almashtirilsin;

birinchi qismidagi “O‘zbekiston avtomobil yo‘llari qurish va ulardan foydalanish davlat-aksiyadorlik konserni” degan so‘zlar “Avtomobil yo‘llari qurish va foydalanish davlat-aksiyadorlik kompaniyasi” degan so‘zlar bilan almashtirilsin;

3) 9-moddaning:

nomidagi “Davlat avtomobil nazorati inspeksiyasining” degan so‘zlar “Davlat yo‘l harakati xavfsizligi xizmatining” degan so‘zlar bilan almashtirilsin;

birinchi qismidagi “Davlat avtomobil nazorati inspeksiyasi” degan so‘zlar “Davlat yo‘l harakati xavfsizligi xizmati” degan so‘zlar bilan almashtirilsin;

4) 15-moddaning uchinchi qismidagi “Davlat avtomobil nazorati inspeksiyasining” degan so‘zlar “Davlat yo‘l harakati xavfsizligi xizmatining” degan so‘zlar bilan almashtirilsin;

5) 21-moddaning uchinchi qismi quyidagi tahrirda bayon etilsin:

“Tegishli toifalardagi transport vositalari haydovchilarini tayyorlashning yagona dasturlari O‘zbekiston Respublikasi Vazirlar Mahkamasi tomonidan belgilangan tartibda tasdiqlanadi”.

2-modda. Ushbu Qonun rasmiy e’lon qilingan kundan e’tiboran kuchga kiradi.