Hujjat kuchini yo‘qotgan " " 22.02.2021
Oʻzbekiston Respublikasi Vazirlar Mahkamasining
qarori
TOShGUZAR—BOYSUN—QUMQOʻRGʻON YaNGI TEMIR YOʻLI QURILIShINI JADALLAShTIRIShGA DOIR QOʻShIMChA ChORA-TADBIRLAR TOʻGʻRISIDA
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Transport tarmogʻini rivojlantirish ishlarini muvofiqlashtirishni jadallashtirish, Toshguzar—Boysun—Qumqoʻrgʻon yangi temir yoʻlini jadal qurish maqsadida Vazirlar Mahkamasi qaror qiladi:
1. “Oʻzbekiston temir yoʻllari” davlat-aksiyadorlik kompaniyasining “Koʻprikqurilish” trestini kompaniya tarkibiga berish toʻgʻrisidagi taklifi qabul qilinsin.
2. “Oʻzbekiston temir yoʻllari” davlat-aksiyadorlik kompaniyasi “Koʻprikqurilish” tresti 2004-yil 1-oktabrdagi holatiga koʻra qabul qilinishi-topshirilishini tashkil etsin, trest tuzilmasini, professional kadrlar tarkibini, pudrat ishlarini bajarishga tuzilgan shartnomalarni qayta koʻrib chiqsin va trest faoliyati dasturini qattiq nazorat ostiga olsin.
Amalga oshirilgan ishlarning natijalari toʻgʻrisida bir oy muddatda Vazirlar Mahkamasiga axborot berilsin.
3. “Oʻzbekiston temir yoʻllari” davlat-aksiyadorlik kompaniyasi Oʻzbekiston Respublikasi Davlat mulki qoʻmitasi bilan birgalikda “Koʻprikqurilish” tresti kompaniya tarkibiga berilishi munosabati bilan ikki hafta muddatda kompaniya ustav fondining miqdori va tarkibini qayta koʻrib chiqsin.
Belgilab qoʻyilsinki, “Oʻzbekiston temir yoʻllari” davlat-aksiyadorlik kompaniyasining ustav fondiga bepul berilayotgan “Koʻprikqurilish” trestining asosiy vositalari va boshqa mol-mulki qiymati daromad (foyda) soligʻini hisoblab chiqishda soliq solish obyekti hisoblanmaydi.
4. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2004-yil 21-oktabr,
489-son