LexUZ шарҳи
Мазкур тушунтириш Ўзбекистон Республикаси Молия вазирлиги ва Давлат солиқ қўмитасининг 2008 йил 21 январдаги 2, 2008-04-сонли «Ўзбекистон Республикаси Молия вазирлиги ва Давлат солиқ қўмитасининг айрим норматив-ҳуқуқий ҳужжатларини ўз кучини йўқотган деб топиш тўғрисида»ги қарори (рўйхат рақами 1761, 21.01.2008 й.) билан ўз кучини йўқотган.
Ўзбекистон Республикасининг 1998 йил 25 декабрдаги «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» Қонуни, Ўзбекистон Республикасининг Солиқ кодексига мувофиқ ва «Давлат солиқ хизмати тўғрисида»ги Ўзбекистон Республикаси Қонунининг 7-моддасига асосан Молия вазирлиги ва Давлат солиқ қўмитаси унинг импорт қилинган товарлар (ишлар, хизматларга оид қўшилган қиймат солиғи суммаларини ҳисобга олиш тартибини тушунтирадилар.
Ўзбекистон Республикасининг 1998 йил 25 декабрдаги «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги Қонунига биноан Ўзбекистон Республикаси Солиқ кодексининг 74 ва 75-моддалари ўзгартирилиши муносабати билан 1999 йилнинг 17 январидан бошлаб бюджетга бадал сифатида киритилиши лозим бўлган ҚҚС суммаси солиққа тортиладиган оборотлар асосида ҳисобланган ҚҚС суммаси билан ҳисобот даври мобайнида ҳақиқатда келиб тушган товарлар (ишлар, хизматлар), шу жумладан, ноль ставкаси бўйича оборот билан биргаликда солиқ солинадиган оборот учун фойдаланиладиган, импорт қилинган товарлар, (ишлар, хизматлар) учун олинган ҳисобварақ-фактуралар бўйича тўланиши лозим бўлган ҚҚС суммаси ўртасидаги фарқ кўринишида белгиланади.
Ўзбекистон Республикаси Молия вазирлиги ва Давлат солиқ қўмитасининг Адлия вазирлигида 1997 йил 27 декабрда 383-сон билан рўйхатга олинган «Ишлаб чиқариладиган ва сотиладиган товарлар (ишлар, хизматлар) бўйича қўшилган қиймат солиғини ҳисоблаш ва тўлаш тартиби тўғрисида»ги йўриқномасига мувофиқ импорт қилинган товарлар (ишлар, хизматлар) бўйича ҳисобга олиш учун қуйидагилар асос бўлиб ҳисобланади:
Бунда 1999 йилда божхона қонунчилиги ва ҳукумат қарорларига мувофиқ таркибига қўшилган қиймат солиғи ҳам кирувчи божхона тўловларини тўлаш муддатларининг узайтирилиши ва бўлиб-бўлиб тўланиши тақдим этилган ҳолларда, ушбу импорт қилинган товарларга оид ҚҚС суммаси 19-ҳисобварақда (тегишли илова ҳисобварагида) ҳисобга олинади ва қўшилган қиймат солиғининг ҳақиқатда тўланишига қараб ҳисобга олиб борилади.