Ўзбекистон Республикаси Ҳукумати ва Беларусь Республикаси Ҳукумати, кейинги ўринларда «Томонлар» деб аталувчилар,
1883 йил 20 мартда имзоланган, 1967 йил 14 июлда Стокгольмда қайта кўриб чиқилган, 1979 йил 2 октябрда ўзгартиришлар киритилган Саноат мулкини муҳофаза қилиш бўйича Париж Конвенцияси (кейинги ўринларда — Париж Конвенцияси) қоидаларига амал қилиб,
иқтисодиёт, савдо, маданият, фан ва техника соҳасида икки давлат ўртасидаги ўзаро манфаатли ҳамкорликни ривожлантириш учун саноат мулкини самарали муҳофаза қилишнинг муҳимлигини англаган ҳолда,
саноат мулки объектларини самарали ва мувофиқ равишда муҳофаза қилиш бундай ҳамкорликни ривожлантиришнинг зарурий шарти ҳисобланишини эътироф этиб,
тенглик ва ўзаро манфаат принциплари асосида саноат мулки объектларига бўлган ҳуқуқларни муҳофаза қилиш соҳасида ҳамкорликни ривожлантириш зарурлигини англаган ҳолда ва бундай ҳамкорлик учун қулай шарт-шароитлар яратиш истагида,
Мазкур Битим мақсадлари учун «саноат мулки» тушунчаси Париж конвенциясининг 1-моддасида кўрсатилган маънода тушунилади.
саноат мулки объектларини муҳофаза қилиш ва улардан фойдаланиш билан боғлиқ масалаларни мувофиқлаштириш;
саноат мулки объектларини муҳофаза қилиш ва ушбу йўналишда ривожланиш стратегиясини ишлаб чиқиш соҳасида норматив-ҳуқуқий базани такомиллаштириш бўйича ахборот алмашиш;
саноат мулки объектларини муҳофаза қилиш соҳасидаги ўқув, услубий ва махсус адабиётлар билан алмашиш;
саноат мулки объектларини муҳофаза қилиш соҳасида кадрларни тайёрлаш ва уларнинг касбий малакасини ошириш;
саноат мулки объектларини муҳофаза қилиш бўйича кўп томонлама халқаро шартномаларда Томонларнинг иштироки ва бундай шартномалар билан боғлиқ мажбуриятларни бажариш тўғрисидаги маълумотлар ва халқаро ҳамкорлик тажрибаси билан алмашиш;
саноат мулки объектларини муҳофаза қилиш масалалари бўйича қўшма семинарлар, конференциялар ўтказиш ва кўргазмалар ташкил этиш;
Саноат мулки объектларини муҳофаза қилиш соҳасида бир Томон давлатининг жисмоний ва юридик шахслари бошқа Томон давлатининг ҳудудида ушбу бошқа Томон давлатининг ўз жисмоний ва юридик шахсларига қонунчилик билан ҳозирда берилган ёки бериладиган ҳуқуқ ва устунликларга, худди шундай асослар ва ҳажмларда ҳуқуқий муҳофаза қилиш воситаларидан фойдаланган ҳолда, эга бўладилар.
Шу билан бирга, мазкур Битимда тартибга солинмаган масалалар бўйича Томонлар Париж конвенциясининг қоидаларини қўллайдилар.
Бир Томон давлатининг жисмоний ва юридик шахслари бошқа Томон давлати ҳудудида унинг жисмоний ва юридик шахсларга берилган шартлар асосида саноат мулки объектларига тааллуқли патент фондлари, кутубхоналар, маълумотлар базаларидан фойдаланадилар.
Ҳар бир Томон бошқа Томон давлатининг жисмоний ва юридик шахсларига саноат мулки соҳасидаги ахборотни рус тилида мавжуд бўлган очиқ манбалардан олиш ҳуқуқини таъминлайди.
Мазкур Битимни амалга ошириш бўйича масъул давлат органларининг ҳамкорлиги тартиби ва шартлари улар ўртасидаги махсус битимлар билан аниқланади.
Ваколатли органлар ўзгарган тақдирда Томонлар бу тўғрисида 30-кунлик муддатда бир-бирларини дипломатик каналлар орқали хабардор қиладилар.
Зарурат бўлган ҳолларда Томонлар улар ўртасида тузиладиган иқтисодиёт, саноат, фан, техника ва бошқа соҳаларда ҳамкорлик тўғрисидаги битимларга саноат мулки объектларини муҳофаза қилиш бўйича қоидаларни киритадилар.
Мазкур Битимни амалга оширишда Томонлар бир-бирига жўнатадиган барча ҳужжатлар рус тилида тақдим этилади.
Мазкур Битимнинг қоидаларини қўллаш ва талқин қилишга тааллуқли низо ва келишмовчиликлар Томонлар вакиллари ўртасида музокаралар ва маслаҳатлашувлар орқали ҳал қилинади.
Мазкур Битим Томонларнинг бошқа давлатлар билан саноат мулкини муҳофаза қилиш соҳасида икки томонлама ва кўп томонлама ҳамкорлик қилишига тўсқинлик қилмайди.
Мазкур Битимга Томонларнинг ўзаро розилигига кўра алоҳида баённомалар билан расмийлаштириладиган, мазкур Битимнинг ажралмас қисми ҳисобланадиган ҳамда мазкур Битимнинг 12-моддасида белгиланган тартибда кучга кирадиган ўзгартириш ва қўшимчалар киритилиши мумкин, башарти баённомаларда ўзгача тартиб назарда тутилмаган бўлса.
Мазкур Битим беш йил муддатга тузилади ва имзоланган кундан кучга киради. Башарти Томонлардан бири мазкур Битимнинг амал қилишини тугатиш нияти тўғрисида кўрсатилган муддат тугашидан камида олти ой аввал дипломатик каналлар орқали бошқа Томонни ёзма равишда хабардор этмаса, унинг амал қилиши навбатдаги беш йиллик муддатларга ўз-ўзидан узаяверади.
Мазкур Битим амал қилишининг тугатилиши мазкур Битим амал қилиш даврида топширилган талабномалар бўйича Томонлар давлатларининг жисмоний ва юридик шахсларига берилган ёки берилиши мумкин бўлган муҳофаза ҳужжатларининг амал қилишига дахл қилмайди.
Тошкент шаҳрида 2018 йил 13 сентябрда икки нусхада, ҳар бири ўзбек, беларус ва рус тилларида тузилди, бунда барча матнлар бир хил кучга эга.