Profilaktika katta inspektori (Maskan rahbari) | |||||||||||||||||||||||||||||||||||||||||||||||||||||||||||
Kunlik xizmatni bevosita tashkil etuvchi mas’ul xodimlar | Xizmatni hamkorlikda tashkil etishda qatnashuvchi davlat organlari mas’ullari | Xizmatni tashkil etishga ko‘maklashuvchi ichki ishlar organlari mas’ul xizmatlari | |||||||||||||||||||||||||||||||||||||||||||||||||||||||||
↓ | ↓ | ↓ | |||||||||||||||||||||||||||||||||||||||||||||||||||||||||
Profilaktika inspektori | Hududda jamoat tartibini saqlash va huquqbuzarliklar profilaktikasiga ko‘maklashish uchun yuborilgan Milliy gvardiya bo‘linmasi, boshqa vakolatli davlat organlarining xodimlari va jamoat tuzilmalarining vakillari | Patrul-post xizmati xodimi | |||||||||||||||||||||||||||||||||||||||||||||||||||||||||
Voyaga yetmaganlar bo‘yicha inspektor-psixolog | Xotin-qizlar masalalari bo‘yicha inspektor | ||||||||||||||||||||||||||||||||||||||||||||||||||||||||||
Profilaktika inspektorining jamoat tartibini saqlash bo‘yicha yordamchisi | Tezkor vakil | ||||||||||||||||||||||||||||||||||||||||||||||||||||||||||
“Fidokor yoshla�” jamoatchilik guruhi a’zolari | Probatsiya inspektori | ||||||||||||||||||||||||||||||||||||||||||||||||||||||||||
O‘zbekiston Respublikasi Vazirlar Mahkamasining qarori, 23.06.2022 yildagi 343-son
Kuchga kirish sanasi
23.06.2022
Рус
Ўзб
O’zb
O‘zb|Рус
O‘zbekiston Respublikasi Prezidentining “O‘zbekiston Respublikasi jamoat xavfsizligi konsepsiyasini tasdiqlash va uni amalga oshirish chora-tadbirlari to‘g‘risida” 2021-yil 29-noyabrdagi PF-27-son Farmoni ijrosini ta’minlash, shuningdek, mahalla huquq-tartibot maskanlari faoliyatini yanada takomillashtirish maqsadida, Vazirlar Mahkamasi qaror qiladi:
1. O‘zbekiston Respublikasi Prezidentining “Ichki ishlar organlarining jamoat xavfsizligini ta’minlash va jinoyatchilikka qarshi kurashish sohasidagi faoliyatini yanada takomillashtirish bo‘yicha qo‘shimcha tashkiliy chora-tadbirlar to‘g‘risida” 2021-yil 2-apreldagi PQ-5050-son qaroriga muvofiq ichki ishlar organlarining quyi bo‘g‘inidagi tarkibiy tuzilmasi hisoblanadigan mahalla huquq-tartibot maskanlari (keyingi o‘rinlarda — maskanlar) tashkil etilganligi ma’lumot uchun qabul qilinsin.
2. Belgilansinki, maskanlar mahallalarda jamoat tartibini saqlash, huquqbuzarliklarning oldini olish hamda ichki ishlar organlari, boshqa huquq-tartibot organlari va jamoat tuzilmalarining faoliyatini muvofiqlashtirish maqsadida Toshkent shahri tumanlarida, Qoraqalpog‘iston Respublikasi va viloyatlar markazlarida hamda yirik tuman va shaharlarda har beshta mahalladan bittasidagi ichki ishlar organlari tayanch punktlari negizida, shuningdek, mavjud bo‘sh turgan binolardan samarali foydalangan holda tashkil etiladi va ichki ishlar organlariga tegishli bo‘ladi.
4. Qoraqalpog‘iston Respublikasi Vazirlar Kengashi, Toshkent shahar hamda viloyatlar hokimliklari Ichki ishlar vazirligi bilan birgalikda ikki oy muddatda mahalliy budjet mablag‘lari hisobidan maskanlarni 2023 — 2025-yillarda tashkil etish va joylashtirish, ularni ta’mirlash, mukammal ta’mirlash va mebel bilan jihozlash dasturini tasdiqlasin va ijrosini ta’minlasin.
5. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi Ichki ishlar vazirligi tomonidan kiritiladigan ro‘yxatga muvofiq bino bilan ta’minlangan maskanlarni belgilangan tartibda Internet jahon axborot tarmog‘iga ulash choralarini ko‘rsin.
6. O‘zbekiston Respublikasi Ichki ishlar vazirligi manfaatdor vazirliklar va idoralar bilan birgalikda bir oy muddatda:
mahalla huquq-tartibot maskanlarida ichki ishlar organlarining boshqa huquqni muhofaza qiluvchi organlar hamda jamoat tuzilmalari bilan mahallalar bo‘yicha birgalikda faoliyat olib borishi tartibini tasdiqlasin;
7. Mazkur qarorning bajarilishini nazorat qilish ichki ishlar vaziri P.R. Bobojonov zimmasiga yuklansin.
1. Mahalla huquq-tartibot maskani (keyingi o‘rinlarda-maskan) o‘zi joylashgan fuqarolar yig‘inidagi ichki ishlar organlari tayanch punkti yoxud kamida yetti xonadan iborat alohida binoda tashkil etiladi.
a) maskanga kirishda uning foye (kamida to‘rt kishiga mo‘ljallangan, divan yoki stullar bilan jihozlangan kutish joyi) qismi;
b) onlayn sud majlislari o‘tkaziladigan xona (kamida sakkiz kishi uchun stul, videokonferensaloqa seansini o‘tkazish uchun mo‘ljallangan qurilmalar bilan ta’minlangan bo‘lishi lozim);
v) profilaktika (katta) inspektori xizmat xonasi (tezkor yig‘ilish o‘tkazish uchun kamida olti kishilik stol va stullar bilan jihozlangan, shuningdek, profilaktik tadbirlarni o‘tkazish uchun kelgan shaxslarga mo‘ljallangan kamida to‘rtga stul, xizmat stoli, bir dona kreslo hamda divan, hujjatlar va kiyim shkaflari hamda seyf bilan jihozlangan bo‘lishi lozim);
g) xotin-qizlar masalalari bo‘yicha inspektor hamda voyaga yetmaganlar masalalari bo‘yicha inspektor-psixolog xizmat xonasi (profilaktik tadbirlarni o‘tkazish uchun kelgan shaxslarga mo‘ljallangan kamida to‘rtta stul, xizmat stoli, bir dona kreslo va divan, hujjatlar saqlanadigan javon bilan jihozlangan bo‘lishi lozim);
d) ichki ishlar organlarining sohaviy xizmatlari xodimlari tomonidan olib kelingan shaxslarga nisbatan tergovga qadar tekshiruvni amalga oshirish uchun mo‘ljallangan tezkor vakil va surishtiruvchi xonasi (tergovga qadar tekshiruvlarni o‘tkazish uchun kelgan shaxslarga mo‘ljallangan kamida to‘rtta stul, ikkitadan xizmat stoli va kreslo, hujjatlar saqlanadigan javon bilan jihozlangan bo‘lishi lozim);
e) probatsiya inspektori hamda profilaktika (katta) inspektorining yordamchisi xizmat xonasi (belgilangan tadbirlarni o‘tkazish maqsadida chaqirtirilgan shaxslarga mo‘ljallangan to‘rtta stul, ikkitadan xizmat stoli va kreslo, hujjatlar saqlanadigan javon bilan jihozlangan bo‘lishi lozim);
j) dam olish xonasi (kamida to‘rt kishiga mo‘ljallangan divan va ovqatlanish uchun stol hamda stullardan iborat bo‘lgan, televizor, sovitkich, mikroto‘lqinli pech bilan ta’minlangan bo‘lishi lozim) hamda hojatxona.
3. Maskan zamonaviy kompyuter to‘plami, mebel jihozlari (televizor, divan, stol-stul, kitob javoni, hujjatlar saqlanadigan javon) va temir seyflar bilan jihozlangan, shuningdek, telefon aloqasi va Internet jahon axborot tarmog‘iga ulangan hamda tegishli aloqa vositalari bilan ta’minlangan bo‘lishi shart.
4. Maskan xizmat ko‘rsatadigan hududning chegaralari tuman (shahar) ichki ishlar organlari boshlig‘i tomonidan mazkur tuman (shahar) hokimi bilan kelishgan holda chegara hududi uzviy bir-biri bilan bog‘liq bo‘lgan beshta mahalla (qishloq, ovul)ning hududi miqyosida belgilanib, O‘zbekiston Respublikasi Ichki ishlar vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimligining qarori bilan tasdiqlanadi hamda ularning tartib raqami mazkur qaror bilan belgilanadi.
5. Maskanda ichki ishlar organlarining sohaviy xizmatlari tomonidan biriktirilgan xodimlar belgilangan tartibda xizmat olib boradi. Hududda xizmat olib borishga biriktirilgan xodimlar belgilangan tartibda maskanda yuritiladigan daftarda qayddan o‘tadi.
6. Maskanning kirish joyida ushbu namunaviy loyihaga ilovaga muvofiq tuman (shahar) bo‘yicha bir xil namunadagi balandligi 80 sm, eni 60 sm o‘lchamda, to‘q ko‘k fonga oq rangda yozilgan peshlavha o‘rnatiladi.
7. Peshlavhada ichki ishlar organi nomi, maskan raqami, xizmat ko‘rsatadigan mahalla (qishloq, ovul)lar nomlari, profilaktika (katta) inspektorlari va hududiy ichki ishlar organi navbatchilik qismi telefonlarini aks ettiruvchi yozuv bo‘ladi.
8. Maskan foyesida fuqarolar uchun ariza, shikoyat va takliflar yozish namunalari, profilaktika (katta) inspektorlarining faoliyatini tartibga soluvchi qonunchilik hujjatlari normalaridan ko‘chirmalar, davlat ramzlariga, huquqbuzarliklar profilaktikasiga oid plakatlar va eslatmalar joylashtiriladi.
9. Maskanda profilaktika inspektorining xizmat xonasi devoriga ma’muriy hududning 130 sm x 200 sm o‘lchamli xaritasi osib qo‘yiladi.
Ushbu xaritada korxonalar, tashkilotlar va muassasalar joylashgan binolar, shuningdek, ko‘chalar, mavzelar, bozorlar, internet-kafelar, umumiy ovqatlanish shoxobchalari, tungi ko‘ngilochar (dam olish) joylar, ta’lim, madaniy-ko‘ngilochar, sport-sog‘lomlashtirish muassasalari, ommaviy tadbirlar o‘tkaziladigan joylar, turar joy binolari raqamlari maxsus belgilar bilan aks ettiriladi.
10. Maskan O‘zbekiston Respublikasi Ichki ishlar vazirligi tomonidan belgilangan tartibda aloqa vositalari, videokuzatuv kameralari uchun monitor, Ichki ishlar vazirligi Huquqiy statistika va tezkor hisob ma’lumotlar markazi bilan bevosita aloqa qilish imkonini beradigan ma’lumotlar bazasining dasturiy ta’minoti, kompyuter texnikasi bilan ta’minlanadi.