LexUZ sharhi
Mazkur qaror O‘zbekiston Respublikasi Vazirlar Mahkamasining 2003-yil 21-avgustdagi 361-sonli “O‘zavtoyo‘l” davlat-aksiyadorlik kompaniyasi va O‘zbekiston Respublikasi Moliya vazirligi huzuridagi respublika yo‘l jamg‘armasi faoliyatini tashkil etish masalalari to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasining umumiy foydalanishdagi avtomobil yo‘llari tarmog‘ini yanada rivojlantirish va takomillashtirish, shuningdek yo‘l ishlarini mablag‘ bilan ta’minlashni yaxshilash maqsadida Vazirlar Mahkamasi qaror qiladi:
1. O‘zbekiston Respublikasi Vazirlar Mahkamasining “Respublika yo‘l jamg‘armasini tashkil etish to‘g‘risida” 1993-yil 5-iyuldagi 334-son qarorining 3-bandi “a” kichik bandiga quyidagi o‘zgartirishlar va qo‘shimchalar kiritilsin:
“umumiy foydalanishdagi avtomobil yo‘llarini tuzatish hamda saqlashga, mulkchilik shakllaridan qat’i nazar, korxonalar va tashkilotlar, shu jumladan xorijiy investitsiyalar ishtirokidagi korxonalar va tashkilotlar tomonidan amalga oshiriladigan mablag‘lar ajratish quyidagi miqdorlarda:
sanoat, transport, qishloq, xo‘jaligi va boshqa korxonalar, birlashmalar va tashkilotlar, shu jumladan xorijiy investitsiyalar ishtirokidagi korxonalar va tashkilotlar tomonidan — hisobot yilida bajarilgan ishlar va xizmatlarning, shu jumladan ekspertning haqiqiy jamg‘armalaridan — 1,2 foiz miqdorida;
qurilish, qurilish-montaj, tuzatish-qurilish, ishga tushirish sozlash, loyiha-qidiruv va ilmiy tashkilotlar tomonidan — hisobot yilida bajarilgan ishlar va xizmatlar hajmidan — 1,2 foiz miqdorida;
tayyorlov, vositachilik, savdo, shu jumladan umumiy ovqatlanish korxonalari, ta’minot-sotish tashkilotlari va korxonalari tomonidan — hisobot yilidagi haqiqiy tovar oborotidan — 0,4 foiz miqdorida;
banklar (Markaziy bank muassasalari bundan mustasno), sug‘urta tashkilotlari (Davlat sug‘urta tashkilotlari bundan mustasno) va ularning bo‘linmalari tomonidan — hisobot yilidagi haqiqiy daromaddan — 1,2 foiz miqdorida;
videosalonlar (videoko‘rsatuv punktlari), kimoshdi savdolari, kazinolar, video va audiokasettalarni ko‘paytirish, ijaraga berishdan, pul yutug‘i bo‘lgan o‘yin avtomobillaridan foydalanishdan, lotereya o‘yinlari, ommaviy konsert-tomosha tadbirlarini o‘tkazishdan daromad oladigan korxonalar tomonidan — hisobot yilidagi haqiqiy daromaddan — 1,2 foiz miqdorida”;
“sotib olingan transport vositalari qiymatidan yig‘imlar yengil avtomobillarni sotish qiymatidan 5 foiz miqdorida va yuk avtomobillari hamda avtobuslarni, shu jumladan maxsus va texnologik maqsaddagi avtomobillarni sotish qiymatidan 15 foiz miqdorida”.
Keyingi tahrirga qarang.
“Qoraqalpog‘iston Respublikasi Vazirlar Kengashi, viloyatlar, shaharlar va tumanlar hokimliklari yo‘l organlariga yo‘l jamg‘armasi mablag‘larini yig‘ishda hamma joyda yordam ko‘rsatsinlar. Bunda yo‘l jamg‘armasi mablag‘laridan umumiy foydalanishdagi avtomobil yo‘llariga taalluqli bo‘lmagan maqsadlarga ajratish man etilsin”.
3. Vazirlar Mahkamasining ko‘rsatib o‘tilgan qarori bilan tasdiqlangan Respublika yo‘l jamg‘armasi mablag‘larini shakllantirish va ulardan foydalanish to‘g‘risida Nizomga quyidagi o‘zgartirishlar kiritilsin:
“qurilish, sanoat, transport, tayyorlov korxonalari, shu jumladan xorijiy investitsiyalar ishtirokidagi korxonalar tomonidan, ta’minot-sotish va boshqa tashkilotlar, umumiy ovqatlanish korxonalari, banklar (Markaziy bank muassasalaridan tashqari), sug‘urta tashkilotlari va ularning bo‘linmalari (Davlat sug‘urta tashkilotlaridan tashqari) tomonidan Vazirlar Mahkamasi belgilangan miqdorlarda”;
v) 19 bandda yuk, maxsus avtomobillar va avtobuslarning ro‘yxatdan o‘tkazilishi va qayta ro‘yxatdan o‘tkazilishi uchun yig‘im miqdori ular narxining 10 foiz miqdoridan 15 foizga o‘zgartsin.
Keyingi tahrirga qarang.
O‘zbekiston Respublikasi Vazirlar Mahkamasining 1993-yil 29-iyuldagi 261-f-son farmoyishi 1-bandi oltinchi xatboshining yo‘llarni saqlash va qurishga yig‘imlar to‘lashdan ozod etish bo‘yicha imtiyozlarga doir qismi;
O‘zbekiston Respublikasi Vazirlar Mahkamasining “Davlat tasarrufidan chiqarish va xususiylashtirish jarayonining samarali tashkil etilishini ta’minlash bo‘yicha qo‘shimcha chora-tadbirlar to‘g‘risida” 1993-yil 11-avgustdagi 402-son qaroriga 7-ilovaning 5-bandi;