LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasiga xorijiy investitsiyalarni jalb etish uchun qulay shart-sharoitlar yaratish maqsadida Vazirlar Mahkamasi qaror qiladi:
1. O‘zbekiston Respublikasi Moliya vazirligining O‘zbekiston Respublikasi Tashqi iqtisodiy faoliyat milliy bankining ustav sarmoyasini 4 mlrd. so‘mgacha va 400 mln. AQSh dollarigacha ko‘paytirish to‘g‘risidagi taklifi qabul qilinsin.
2. Belgilab qo‘yilsinki, ustav sarmoyasi miqdorining ko‘rsatib o‘tilgan ko‘paytirilishi 1996 moliya yili tugagach O‘zbekiston Respublikasi Tashqi iqtisodiy faoliyat milliy bankining foydasini, shuningdek 1997-1998-yillar foydasini ushbu maqsad uchun yo‘naltirish yo‘li bilan amalga oshiriladi.
3. O‘zbekiston Respublikasi Tashqi iqtisodiy faoliyat milliy bankining Ustaviga ilovaga muvofiq tegishli o‘zgartirish va qo‘shimchalar kiritilsin.
Keyingi tahrirga qarang.
4. O‘zbekiston Respublikasi Tashqi iqtisodiy faoliyat milliy banki kiritilgan o‘zgartirishlar va qo‘shimchalarni hisobga olgan holda qonunchilik hujjatlarida belgilangan tartibda Ustavni O‘zbekiston Respublikasi Markaziy bankida qayta ro‘yxatdan o‘tkazsin.
5. Ushbu qarorning bajarilishini nazorat qilish O‘zbekiston Respublikasi Bosh vazirining o‘rinbosari B.S. Hamidov hamda O‘zbekiston Respublikasi Markaziy bankining raisi F.M. Mullajonov zimmasiga yuklansin.
O‘zbekiston Respublikasi Tashqi iqtisodiy faoliyat milliy banki Ustaviga kiritiladigan o‘zgartirish va qo‘shimchalar
“13. Bankning ustav sarmoyasi 4,000,000,000.00 (to‘rt milliard) so‘mni va 400,000,000.00 (to‘rt yuz million) AQSh dollarini tashkil etadi, bular O‘zbekiston Respublikasi Hukumati tomonidan to‘langan mablag‘lar hisobiga ustav sarmoyasini ko‘paytirish uchun mablag‘larni hisoblab o‘tkazish va O‘zbekiston Respublikasi Tashqi iqtisodiy faoliyat milliy bankining foydalarini sarmoyaga aylantirish kunidagi Markaziy bankning kursi bo‘yicha so‘mlarga tengdir”.
“O‘zbekiston Respublikasi Tashqi iqtisodiy faoliyat milliy banki Toshkent shahar, Oxunboboyev ko‘chasi, 23-uyda joylashgan”.
5. Ustav matni bo‘yicha “ustav jamg‘armasi” so‘zlari “ustav sarmoyasi” so‘zlari bilan almashtirilsin.
Keyingi tahrirga qarang.