[
OKOZ:
1.
02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.12.00 Hududlarni rivojlantirish]
[
TSZ:
1.
Ijtimoiy-madaniy masalalar / Homiylik]
O‘zbekiston Respublikasi Vazirlar Mahkamasining
qarori
Qoraqalpog‘iston Respublikasi Vazirlar Kengashining Mo‘ynoq tumanini rivojlantirish jamg‘armasi faoliyatini tashkil etish va mablag‘laridan foydalanish tartibi to‘g‘risidagi nizomni tasdiqlash haqida
Qoraqalpog‘iston Respublikasi Mo‘ynoq tumanini kompleks ijtimoiy-iqtisodiy rivojlantirishda loyihalarni moliyaviy qo‘llab-quvvatlash maqsadida Vazirlar Mahkamasi qaror qiladi:
1. O‘zbekiston Respublikasi Vazirlar Mahkamasining “Qoraqalpog‘iston Respublikasining Mo‘ynoq tumanini kompleks ijtimoiy-iqtisodiy rivojlantirish chora-tadbirlari to‘g‘risida” 2019-yil 16-yanvardagi 37-son qarorining
9-bandiga
muvofiq Qoraqalpog‘iston Respublikasi Vazirlar Kengashida Mo‘ynoq tumanini rivojlantirish jamg‘armasi tashkil etilganligi ma’lumot uchun qabul qilinsin.
2. Qoraqalpog‘iston Respublikasi Vazirlar Kengashining Mo‘ynoq tumanini rivojlantirish jamg‘armasi faoliyatini tashkil etish va mablag‘laridan foydalanish tartibi to‘g‘risida nizom
ilovaga
muvofiq tasdiqlansin.
3. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari — transport vaziri A.J. Ramatov va Qoraqalpog‘iston Respublikasi Vazirlar Kengashining Raisi Q.R. Sariyev zimmasiga yuklansin.
O‘zbekiston Respublikasining Bosh vaziri A. ARIPOV
Toshkent sh.,
2019-yil 12-mart,
211-son
Vazirlar Mahkamasining 2019-yil 12-martdagi 211-son
qaroriga
ILOVA
Qoraqalpog‘iston Respublikasi Vazirlar Kengashining Mo‘ynoq tumanini rivojlantirish jamg‘armasi faoliyatini tashkil etish va mablag‘laridan foydalanish tartibi to‘g‘risida
NIZOM
1-bob. Umumiy qoidalar
1. Mazkur Nizom Qoraqalpog‘iston Respublikasi Vazirlar Kengashining Mo‘ynoq tumanini rivojlantirish jamg‘armasi (keyingi o‘rinlarda Jamg‘arma deb ataladi) faoliyatini tashkil etish va mablag‘laridan foydalanish tartibini belgilaydi.
2. Jamg‘arma yuridik shaxs hisoblanmaydi hamda Qoraqalpog‘iston Respublikasi Vazirlar Kengashida tashkil etiladi.
3. Jamg‘arma O‘zbekiston Respublikasi Prezidenti va Hukumati qarorlari bilan qabul qilingan dastur hamda belgilangan topshiriqlar (keyingi o‘rinlarda dasturlar deb ataladi) asosida Mo‘ynoq tumanini rivojlantirish bo‘yicha nazarda tutilgan tadbirlarni moliyalashtirish maqsadida tashkil etiladi.
4. Jamg‘arma uchun shaxsiy g‘azna hisobvaraqlari belgilangan tartibda ochiladi.
5. Qoraqalpog‘iston Respublikasi Vazirlar Kengashi Jamg‘arma mablag‘larini tasarruf etuvchi hisoblanadi.
2-bob. Jamg‘arma mablag‘larini shakllantirish va ulardan foydalanish tartibi
6. Quyidagilar jamg‘arma mablag‘larini shakllantirish manbalari hisoblanadi:
O‘zbekiston Respublikasi Davlat budjetining maqsadli mablag‘lari, shu jumladan markazlashtirilgan investitsiyalar;
xalqaro moliya institutlari va boshqa xorijiy donorlarning imtiyozli kreditlari (qarzlari);
Qoraqalpog‘iston Respublikasi budjeti mablag‘lari;
Qoraqalpog‘iston Respublikasi respublika va Mo‘ynoq tumani budjeti zaxira jamg‘armalari mablag‘lari;
Qoraqalpog‘iston Respublikasi respublika budjetining qo‘shimcha manbalari;
jismoniy va yuridik shaxslarning homiylik xayriyalari;
xayriya jamg‘armalarining grantlari, xorijiy donorlarning mablag‘lari;
Jamg‘armaning vaqtincha bo‘sh mablag‘larini joylashtirishdan tushadigan daromadlar;
Oldingi
tahrirga qarang.
qonunchilik hujjatlarida taqiqlanmagan boshqa manbalar.
(6-bandning o‘ninchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli
qarori
tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
7. Markazlashtirilgan manbalar hisobidan amalga oshirilishi nazarda tutilgan loyihalar O‘zbekiston Respublikasi Davlat budjetida ushbu maqsadlar uchun rejalashtirilgan mablag‘lar doirasida, amaldagi tartib asosida moliyalashtiriladi hamda ularning hisobi Jamg‘arma orqali sarflanadigan mablag‘lar bilan birgalikda Qoraqalpog‘iston Respublikasi Vazirlar Kengashi tomonidan olib boriladi.
Oldingi
tahrirga qarang.
8. Qoraqalpog‘iston Respublikasi respublika budjetining hamda Mo‘ynoq tumani budjetining zaxira jamg‘armalari mablag‘lari, Qoraqalpog‘iston Respublikasi respublika budjetining qo‘shimcha manbalari hisobidan ajratiladigan mablag‘lar, xalqaro moliya institutlari va boshqa xorijiy donorlarning imtiyozli kreditlari (qarzlari), jismoniy va yuridik shaxslarning homiylik xayriyalari, xayriya jamg‘armalarining grantlari, xorijiy donorlarning mablag‘lari hamda qonunchilik hujjatlarida taqiqlanmagan boshqa manbalar hisobidan mablag‘lar belgilangan tartibda Jamg‘armaning shaxsiy g‘azna hisobvarag‘iga tushadi.
(8-bandning birinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli
qarori
tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Xalqaro moliya institutlarining va boshqa xorijiy donorlarning tartibotlari yoki xorijiy kreditlar va grantlarni berishning shartlarida boshqacha tartib belgilangan holatlar bundan mustasno.
9. Jamg‘arma mablag‘lari:
dasturlar asosida Mo‘ynoq tumanini rivojlantirish bo‘yicha belgilangan tadbirlarni moliyalashtirishga;
Mo‘ynoq tumani infratuzilmasini yaxshilashga, qishloqlarni obodonlashtirishga va ko‘kalamzorlashtirish hamda mahalliy ichki yo‘llarni ta’mirlashga;
Mo‘ynoq tumani uy-joy fondining ko‘p kvartirali uylaridagi umumiy foydalaniladigan va uylar ichidagi muhandislik kommunikatsiyalarini ta’mirlashga, shuningdek, bolalar maydonchalari barpo etgan holda uylarga yondash hududlarni obodonlashtirishga;
mahallalar hududida kutubxonalar tashkil etishga va ularni badiiy adabiyotlar bilan ta’minlashga;
kam ta’minlangan va yosh oilalarga imtiyozli kreditlar olinishida boshlang‘ich badalni qisman yoki to‘liq qoplashga hamda maishiy texnika vositalariga bo‘lgan birlamchi ehtiyojni qondirishga;
qishloq va chekka hududlarda joylashgan ta’lim va tibbiyot muassasalarida ishlash uchun yuborilgan xodimlarni xizmat joylari bilan ta’minlashga;
Mo‘ynoq tumani aholisining turmush sharoitlari va sifatini yaxshilash bo‘yicha boshqa tadbirlarga sarflanadi.
3-bob. Jamg‘arma mablag‘larini boshqarish
10. Jamg‘armaning Kuzatuv kengashi Jamg‘armani boshqarishning yuqori organi hisoblanadi, uning tarkibi va nizomi Qoraqalpog‘iston Respublikasi Jo‘qorg‘i Kengesi tomonidan tasdiqlanadi.
11. Jamg‘armaning Kuzatuv kengashi raisi — Qoraqalpog‘iston Respublikasi Jo‘qorg‘i Kengesi Raisining o‘rinbosari, uning a’zolari — Qoraqalpog‘iston Respublikasi Vazirlar Kengashining Raisi, vazirlik va idoralar rahbarlari, shuningdek, tegishli nodavlat notijorat tashkilotlari vakillaridan iborat bo‘ladi.
12. Jamg‘armaning Kuzatuv kengashi:
Jamg‘arma faoliyatining asosiy yo‘nalishlarini belgilaydi;
Jamg‘arma mablag‘larining tushumi va ulardan foydalanish prognozlarini ko‘rib chiqadi va ularni navbatdagi yil uchun tasdiqlaydi;
Jamg‘arma mablag‘larining maqsadli yo‘naltirilganligini nazorat qiladi;
Jamg‘arma mablag‘larini tasarruf etuvchi faoliyatini nazorat qiladi;
dasturlarga kiritilmagan qo‘shimcha loyihalarni ko‘rib chiqadi va ularni tasdiqlaydi;
zarur hollarda tasdiqlangan daromadlar va xarajatlar smetalariga tegishli o‘zgartirishlar kiritadi;
Jamg‘arma mablag‘larini shakllantirish va ulardan foydalanish bilan bog‘liq boshqa vakolatlarni amalga oshiradi.
13. Kuzatuv kengashi majlisi zaruratga ko‘ra, biroq har chorakda kamida bir marta o‘tkaziladi.
Kuzatuv kengashi majlisi a’zolarning yarmidan ko‘pi qatnashgan taqdirda vakolatli hisoblanadi. Ko‘rib chiqilayotgan masalalar bo‘yicha qarorlar oddiy ko‘pchilik ovoz bilan qabul qilinadi. Qabul qilingan qaror bayonnoma shaklida rasmiylashtiriladi.
14. Jamg‘arma mablag‘larini tasarruf etuvchi:
Jamg‘armaning daromadlari va xarajatlari smetasini tuzadi hamda tasdiqlash uchun Kuzatuv kengashiga taqdim etadi;
Jamg‘armaga xalqaro moliya institutlari va boshqa xorijiy donorlarning imtiyozli kreditlari (qarzlari), jismoniy va yuridik shaxslarning homiylik xayriyalari, xayriya jamg‘armalarining grantlari, xorijiy donorlarning mablag‘lari jalb etilishini ta’minlaydi;
dasturlarga kiritilgan hamda Kuzatuv kengashi tomonidan tasdiqlangan loyihalarni moliyalashtiradi;
dasturlar doirasida ajratilgan mablag‘larning maqsadli yo‘naltirilishi monitoringini tizimli asosda olib boradi;
Jamg‘arma daromadlari va xarajatlari ijrosi to‘g‘risidagi choraklik va har yilgi hisobotlarni tuzadi va ko‘rib chiqish uchun Jamg‘armaning Kuzatuv kengashiga kiritadi;
Jamg‘arma mablag‘larining shakllantirilishi va maqsadli ishlatilishi yuzasidan tegishli ma’lumotlarni ommaviy axborot vositalari, ijtimoiy tarmoqlar va boshqa targ‘ibot tadbirlari orqali keng yoritib boradi;
Jamg‘arma mablag‘laridan maqsadli va samarali foydalanilishini nazorat qiladi;
Jamg‘arma mablag‘larini shakllantirish va ulardan foydalanish bilan bog‘liq boshqa vakolatlarni amalga oshiradi.
4-bob. Yakunlovchi qoidalar
15. Jamg‘arma mablag‘laridan maqsadli foydalanilishi bo‘yicha nazorat Qoraqalpog‘iston Respublikasi Moliya vazirligining Davlat moliyaviy nazorati boshqarmasi tomonidan amalga oshiriladi.
Oldingi
tahrirga qarang.
16. Ushbu Nizom talablari buzilishida aybdor bo‘lgan shaxslar qonunchilik hujjatlarida belgilangan tartibda javob beradilar.
(16-band O‘zbekiston Respublikasi Vazirlar Mahkamasining 2022-yil 4-apreldagi 153-sonli
qarori
tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
(Qonun hujjatlari ma’lumotlari milliy bazasi, 12.03.2019-y., 09/19/211/2758-son; Qonunchilik ma’lumotlari milliy bazasi, 05.04.2022-y., 09/22/153/0266-son)