O‘zbekiston Respublikasi Vazirlar Mahkamasining 2018-yil 18-iyuldagi 547-son “Tusi o‘zgartirilgan (qoraytirilgan) oynali yengil avtotransport vositalaridan foydalanishni tartibga solish chora-tadbirlari to‘g‘risida”gi qaroriga muvofiq O‘zbekiston Respublikasi Ichki ishlar vazirligi, Davlat bojxona qo‘mitasi, Moliya vazirligi va Davlat xavfsizlik xizmati qaror qiladi:
1. Xorijiy davlatlarning oynalari tusi o‘zgartirilgan (qoraytirilgan) yengil avtotransport vositalarining O‘zbekiston Respublikasi hududiga vaqtincha kirishi va tranzit harakatlanishi uchun majburiy yig‘imlarni undirish tartibi to‘g‘risidagi nizom ilovaga muvofiq tasdiqlansin.
O‘zbekiston Respublikasi Ichki ishlar vazirligi, Davlat bojxona qo‘mitasi, Moliya vazirligi va Davlat xavfsizlik xizmatining 2018-yil 6-noyabrdagi 72, 01-02/12-65, 139, 11-son qaroriga
ILOVA
ILOVA
Mazkur Nizom O‘zbekiston Respublikasi Vazirlar Mahkamasining 2018-yil 18-iyuldagi 547-son “Tusi o‘zgartirilgan (qoraytirilgan) oynali yengil avtotransport vositalaridan foydalanishni tartibga solish chora-tadbirlari to‘g‘risida”gi qaroriga muvofiq xorijiy davlatlarning oynalari tusi o‘zgartirilgan (qoraytirilgan) yengil avtotransport vositalarining O‘zbekiston Respublikasi hududiga vaqtincha kirishi va tranzit harakatlanishi uchun majburiy yig‘imlarni undirish tartibini belgilaydi.
1. Xorijiy davlatlarning oynalari tusi o‘zgartirilgan (qoraytirilgan) yengil avtotransport vositalari deganda, xorijiy davlatlarning ro‘yxatga olish idoralarida ro‘yxatda turgan, yo‘lovchilarni tashish uchun foydalaniladigan, haydovchining o‘rindig‘idan tashqari o‘rindiqlar soni sakkiztadan oshmaydigan, to‘la vazni 3,5 tonnagacha bo‘lgan, old, yon va orqa oynalaridan biri yoki bir nechtasining (tomidagi lyuk oynasi bundan mustasno) tusi o‘zgartirilgan (qoraytirilgan) avtotransport vositalari tushuniladi.
2. Mazkur Nizom O‘zbekiston Respublikasi hududiga vaqtinchalik kirgan yoki tranzit harakatlanishida bo‘lgan chet el rasmiy delegatsiyalarining oynalari tusi o‘zgartirilgan (qoraytirilgan) yengil avtotransport vositalariga nisbatan tatbiq etilmaydi.
3. Xorijiy davlatlarning oynalari tusi o‘zgartirilgan (qoraytirilgan) yengil avtotransport vositalarining O‘zbekiston Respublikasi hududiga vaqtincha kirishi va tranzit harakatlanishi uchun O‘zbekiston Respublikasi Davlat budjetiga tushadigan 15 AQSh dollari miqdorida yig‘im undiriladi.
4. Xorijiy davlatlarning oynalari tusi o‘zgartirilgan (qoraytirilgan) yengil avtotransport vositalari haydovchilaridan yig‘imlarni undirish O‘zbekiston Respublikasi Markaziy bankining to‘lov kunidagi kursi bo‘yicha milliy valyutada amalga oshiriladi.
5. O‘zbekiston Respublikasi Davlat bojxona qo‘mitasining chegara bojxona posti xodimlari tomonidan O‘zbekiston Respublikasi hududiga vaqtincha kirish va tranzit harakatlanish uchun chegara bojxona postidan o‘tayotgan xorijiy davlatlarning oynalari tusi o‘zgartirilgan (qoraytirilgan) yengil avtotransport vositalari haydovchilari majburiy yig‘imlarni to‘lashi lozimligi haqida ogohlantiriladi.
6. To‘lovni amalga oshiruvchi xorijiy davlatlarning oynalari tusi o‘zgartirilgan (qoraytirilgan) yengil avtotransport vositalarining haydovchilari majburiy yig‘imlarni chegara bojxona postidagi bank kassalari orqali amalga oshiradilar.
xorijiy davlatlarning oynalari tusi o‘zgartirilgan (qoraytirilgan) yengil avtotransport vositalari haydovchilaridan majburiy yig‘imlarni qabul qiladi;
majburiy yig‘im qabul qilinganligi haqida xorijiy davlatlarning oynalari tusi o‘zgartirilgan (qoraytirilgan) yengil avtotransport vositasining ro‘yxatdan o‘tkazish davlat raqami belgisini ko‘rsatgan holda kvitansiya rasmiylashtiradi va uning bir nusxasini haydovchiga beradi.
8. O‘zbekiston Respublikasi Ichki ishlar vazirligi Davlat yo‘l harakati xavfsizligi xizmatining yo‘l-patrul xizmati:
O‘zbekiston Respublikasi hududiga vaqtincha kirgan va tranzit harakatlanayotgan xorijiy davlatlarning oynalari tusi o‘zgartirilgan (qoraytirilgan) yengil avtotransport vositalari haydovchilaridan majburiy yig‘imlar undirilganligini nazorat tartibida tekshirish uchun kvitansiya nusxasini ko‘radi;
O‘zbekiston Respublikasi hududiga vaqtincha kirgan va tranzit harakatlanayotgan xorijiy davlatlarning oynalari tusi o‘zgartirilgan (qoraytirilgan) yengil avtotransport vositalari haydovchilari tomonidan majburiy yig‘imlar to‘lanmaganligi aniqlanganda, ularga nisbatan O‘zbekiston Respublikasining Ma’muriy javobgarlik to‘g‘risidagi kodeksiga muvofiq ma’muriy bayonnoma rasmiylashtiradi.
9. Xorijiy davlatlarning oynalari tusi o‘zgartirilgan (qoraytirilgan) yengil avtotransport vositalari haydovchilaridan undirilgan yig‘im mablag‘lari tijorat banklari orqali O‘zbekiston Respublikasi Davlat budjetiga yo‘naltiriladi.
10. O‘zbekiston Respublikasi Moliya vazirligi xorijiy davlatlarning oynalari tusi o‘zgartirilgan (qoraytirilgan) yengil avtotransport vositalarining O‘zbekiston Respublikasi hududiga vaqtincha kirishi va tranzit harakatlanishi uchun undirilgan majburiy yig‘im mablag‘larining ijtimoiy loyihalarni amalga oshirishga maqsadli yo‘naltirilishini ta’minlaydi.
11. Chegara bojxona postlaridagi bank kassalari tomonidan berilgan majburiy yig‘imlar qabul qilinganligi haqidagi kvitansiya xorijiy davlatlarning oynalari tusi o‘zgartirilgan (qoraytirilgan) yengil avtotransport vositalarining O‘zbekiston Respublikasi hududiga vaqtincha kirishi va tranzit harakatlanishi imkonini beradi.
Oldingi tahrirga qarang.
12. Mazkur Nizom talablari buzilishida aybdor bo‘lgan shaxslar qonunchilik hujjatlariga muvofiq javobgar bo‘ladilar.
(12-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)