O‘zbekiston Respublikasi Prezidentining 2017-yil 18-apreldagi PQ-2896-sonli “Ichki ishlar organlarining huquqbuzarliklar profilaktikasi bo‘linmalari faoliyatini tubdan takomillashtirish chora-tadbirlari to‘g‘risida”gi qaroriga muvofiq buyuraman:
1. Ichki ishlar organlari tayanch punktlari profilaktika inspektorlarining hisobotini fuqarolar yig‘inlarida eshitish tartibi to‘g‘risidagi nizom ilovaga muvofiq tasdiqlansin.
1. Mazkur Nizom ichki ishlar organlarining tayanch punktlari profilaktika inspektorlarining (bundan buyon matnda profilaktika inspektorlari deb yuritiladi) huquqbuzarliklar profilaktikasi va huquqbuzarliklarni oldini olish holati to‘g‘risidagi hisobotini fuqarolar yig‘inlarida eshitish tartibini belgilaydi.
2. Profilaktika inspektorlari o‘zlariga biriktirilgan ma’muriy hudud bo‘yicha tegishli fuqarolar yig‘inlarida har oy yakuni bo‘yicha hisobot beradi.
3. Profilaktika inspektorining hisobotini eshitish fuqarolar yig‘ini raisi (oqsoqoli), uning maslahatchilari, ta’lim muassasalari, oilaviy poliklinikalar, qishloq vrachlik punktlari vakillari, fuqarolar yig‘inidagi xonadonlarda, ko‘p qavatli uylarda istiqomat qiluvchi aholi, ichki ishlar organining ushbu hududga mas’ul etib biriktirilgan rahbari ishtirokida amalga oshiriladi.
4. Profilaktika inspektorining hisobotini eshitish kuni fuqarolar yig‘ini kengashi tomonidan ichki ishlar organining ushbu hududga mas’ul etib biriktirilgan rahbari bilan kelishilgan holda belgilanadi. Yig‘in o‘tkazilishidan uch kun oldin bu haqda fuqarolar yig‘inida ko‘rinarli joyga e’lon osib qo‘yiladi hamda aholiga yetkazish choralari ko‘riladi.
5. Profilaktika inspektorining hisobotini eshitish bo‘yicha o‘tkaziladigan yig‘in fuqarolar yig‘ini raisi (oqsoqoli) tomonidan olib boriladi. Yig‘in bayonnomasi fuqarolar yig‘ini raisi (oqsoqoli), fuqarolar yig‘ini mas’ul kotibi, ichki ishlar organining ushbu hududga mas’ul etib biriktirilgan rahbari tomonidan imzolanadi.
6. Huquqbuzarliklar profilaktikasini bevosita amalga oshiruvchi va unda ishtirok etuvchi organ va muassasalar vakillari profilaktika inspektorlarining hisobotini eshitish bo‘yicha o‘tkaziladigan yig‘inga fuqarolar yig‘ini tomonidan taklif etiladi.
huquqbuzarliklar profilaktikasini, ayniqsa voyaga yetmaganlar va yoshlar o‘rtasida tashkil etish, huquqbuzarliklarning sodir etilishi sabablarini, ularga imkon beruvchi shart-sharoitlarni aniqlash, o‘rganish va bartaraf etish;
voyaga yetmaganlar va yoshlar bilan ularni Vatanga muhabbat, vatanparvarlik, milliy va umuminsoniy qadriyatlarga hurmat ruhida tarbiyalashga, yosh avlodni terrorizm, diniy ekstremizm, zo‘ravonlik va shafqatsizlik g‘oyalaridan himoyalashga yo‘naltirilgan ishlarni bevosita amalga oshirish;
huquqbuzarliklar profilaktikasi, fuqarolarning huquqiy madaniyatini oshirish masalalari bo‘yicha ichki ishlar organlarining boshqa bo‘linmalari, davlat organlari, tashkilotlar, fuqarolarning o‘zini-o‘zi boshqarish organlari bilan o‘zaro hamkorlikni amalga oshirish;
huquqbuzarliklarni aniqlash va ularga chek qo‘yish, huquqbuzarliklarning sodir etilishi sabablari va ularga imkon beruvchi shart-sharoitlarni bartaraf etish bo‘yicha maxsus profilaktik chora-tadbirlarni, shuningdek, huquqbuzarliklarni sodir etishga moyil shaxslar bilan profilaktika ishlarini amalga oshirish;
o‘quvchilarining ta’lim muassasalaridagi davomatini nazorat qilish, ijtimoiy xavfli holatda bo‘lgan va ta’lim muassasalariga qatnamaydigan voyaga yetmaganlar va yoshlar, shuningdek, ushbu toifadagi shaxslarning ota-onalari bilan profilaktika ishlarini olib borish.
Oldingi tahrirga qarang.
8. Profilaktika inspektorlari hisobot berish jarayonida qonunchilik hujjatlariga muvofiq qo‘riqlanadigan davlat va xizmat sirlarini himoya qilishi hamda insonlarning shaxsiy va oilaviy sirlarining daxlsizligini ta’minlashi lozim.
(8-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
9. Profilaktika inspektorlarining fuqarolar yig‘inlarida hisobot berishi muayyan sabablarga ko‘ra mumkin bo‘lmay qolgan hollarda (profilaktika inspektori vaqtincha mehnatga layoqatsiz bo‘lganda, boshqa lavozimga o‘tganda, nafaqaga chiqqanda) ushbu hududga mas’ul etib biriktirilgan ichki ishlar organi rahbari fuqarolar yig‘ini raisi bilan kelishilgan holda hisobot berish uchun boshqa kunni belgilaydi.
10. Hududga xizmat ko‘rsatuvchi profilaktika inspektori lavozimiga yangi xodim tayinlansa, ushbu hududga mas’ul etib biriktirilgan ichki ishlar organi rahbari fuqarolar yig‘ini raisi (oqsoqol) ishtirokida aholiga profilaktika inspektori lavozimiga yangi tayinlangan xodimni tanishtiradi.
11. Profilaktika inspektori lavozimga tayinlangan kundan boshlab amalga oshirgan ishlari yuzasidan fuqarolar yig‘inida hisobot beradi.
12. Profilaktika inspektorlari faoliyatiga aholi tomonidan haqqoniy baho berilishini ta’minlash maqsadida fuqarolar yig‘ini raisi hududdagi hovlilar, uylar, ko‘chalar va mahallalardagi aholi (ularning vakillari) qatnashishini ta’minlaydi. O‘tkaziladigan yig‘inga fuqarolarni turli sabablar bilan qatnashishini taqiqlashga yo‘l qo‘yilmaydi.
13. Profilaktika inspektorlarining hisobotlarini eshitish yakunlariga ko‘ra ular zimmasiga yuklatilgan vazifalarning bajarilishi yuzasidan ko‘rilayotgan choralar va ish natijalari tanqidiy muhokama qilinadi, ular faoliyatining samaradorligiga alohida baho beriladi hamda egallab turgan lavozimiga loyiq yoki noloyiqligi haqida tavsiyalar qabul qilinadi hamda ichki ishlar organi boshlig‘iga taqdim etiladi.
14. Profilaktika inspektorining faoliyatiga baho berish yig‘in qarori bilan belgilanadi. Fuqarolar yig‘ini unda qatnashish huquqiga ega bo‘lgan barcha aholining yarmidan ko‘prog‘i hozir bo‘lgan taqdirda vakolatli.
15. Fuqarolar yig‘inini chaqirishning imkoni bo‘lmaganda fuqarolar vakillarining yig‘ilishi o‘tkaziladi. Fuqarolar vakillarining yig‘ilishi unda fuqarolarning hovlilar, uylar, ko‘chalar va mahallalardagi vakillarining kamida uchdan ikki qismi hozir bo‘lgan taqdirda vakolatli.
16. Fuqarolar yig‘inida (fuqarolar vakillarining yig‘ilishida) qaror unda qatnashganlarning ko‘pchilik ovozi bilan qabul qilinadi. Ovozlar teng bo‘lgan taqdirda yig‘inni olib boruvchi mas’ullarning ovozi hal qiluvchi hisoblanadi.
17. Profilaktika inspektorlari hisobot berishga tayyorgarlik ko‘rish jarayonida o‘zlariga biriktirilgan ma’muriy hududdagi huquqbuzarliklar profilaktikasini bevosita amalga oshiruvchi va unda ishtirok etuvchi organ va muassasalardan huquqbuzarliklar profilaktikasi sohasida amalga oshirilgan ishlar yuzasidan ma’lumotlarni oladi.
Oldingi tahrirga qarang.
(18-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
19. Mazkur Nizom Fuqarolarning o‘zini o‘zi boshqarish organlari faoliyatini muvofiqlashtirish bo‘yicha respublika kengashi bilan kelishilgan.