№ | Tovarlar guruhi | Soliq imtiyozlari joriy etiladigan tovarlar nomi |
1. | Bolalarga mo‘ljallangan tovarlar | Bolalarga mo‘ljallangan tovarlar ro‘yxati Vazirlar Mahkamasining 1999-yil 14-iyuldagi 327-f-son farmoyishi bilan tasdiqlangan. |
2. | Maishiy kimyo va mayda qadoqlangan tovarlar | Silliqlovchi, yelimlovchi, yuvuvchi sintetik vositalar, vannalar uchun ko‘pikli kir yuvish vositalari, yog‘larni kyetkazuvchi va suvni yumshatuvchi vositalar, buyumlar va gazlamalarni oqartirish, sinkalash va kraxmallash vositalari, dog‘ni kyetkazuvchi va tozalovchi vositalar. |
3. | Madaniy-maishiy va xo‘jalik maqsadidagi tovarlar | Maishiy elektr mashinalari va priborlar, shu jumladan go‘sht maydalagichlar va elektr go‘sht maydalagichlar, sharbat siqqichlar, oshxona kombaynlari, elektr mikserlar, sochni quritish uchun fen, kofe yanchgichlar, elektr drellar, tosterlar, isituvchi koloriferlar, mikroto‘lqinli pechlar, elektr dazmollar, idish-tovoq va oshxona priborlari, shu jumladan turmushda foydalaniladigan har xil oshxona anjomlari, qoshiqlar, pichoqlar, vilkalar, metallarning barcha turlaridan yasalgan likopchalar, har xil kurakchalar (baliq, blin, yog‘ uchun kurakchalar va boshqalar), metallar va qotishmalarning har xil turlaridan yasalgan ro‘zg‘orda ishlatiladigan metall idishlar, musiqa asboblari, gugurt, barcha turdagi bolalar o‘yinchoqlari, shu jumladan yumshoq o‘yinchoqlar, gramplastinkalar, kompakt va lazer disklari, audio- va video kassetalar, soqol olish priborlari, tish cho‘tkalari, ko‘zoynaklar uchun g‘iloflar, tugmalar (plastmassa, metall, yog‘och tugmalar va boshqalar), bolalar vannachalari, suv va axlat uchun chelak. |
4. | Murakkab maishiy texnika va radioelektron apparatlar | Barcha turdagi maishiy kir yuvish mashinalari (kir qo‘lda siqiladigan, yarim avtomatik, avtomatik). Barcha turdagi maishiy sovutgichlar va muzlatgichlar. Oq-qora va rangli tasvirli televizorlar, radio to‘lqini qabul qilish qurilmalari: radiopriyomniklar, radiolalar, magnitoradiolalar, magnitolalar, radiokomplekslar va musiqali markazlar, magnitofonlar, barcha turdagi qo‘shimcha magnitofonlar, ko‘zi ojiz nogironlar uchun ovoz chiqaradigan kitoblarni eshittirish magnitofon qurilmalari, diktofonlar, oq-qora va rangli tasvirli videomagnitofonlar va qo‘shimcha videomagnitofonlar, videoproigrivatellar, ovoz chiqarish kolonkalari, elektron eshitish apparatlari, maishiy videomagnitofonlar uchun video-telekameralar. |
5. | Kir sovun va atir sovun, kir yuvish poroshogi | Yuvish uchun va ro‘zg‘orda ishlatiladigan, tarkibida yog‘ bo‘lgan kir yuvish vositalari (atir sovun va kir sovun, kir yuvish poroshogi, kir yuvishda ishlatiladigan paraxa). |
6. | Pardoz-andoz buyumlari, tish pastasi | Odekolonlar, atirlar, kremlar, soch, teri, tishni parvarish qilish vositalari, upa, ziynat baxsh etadigan pardoz-andoz buyumlari, losonlar, tana uchun badbo‘y hidni yo‘qotuvchi vositalar, oftobda qorayish vositalari, chivinga qarshi vositalar. |
7. | Ayollar gigiyenasi buyumlari | Ayollar gigiyenasi buyumlari ro‘yxati Vazirlar Mahkamasining 1999-yil 14-iyuldagi 327-f-son farmoyishi bilan tasdiqlangan. |
8. | Tikuv, trikotaj, paypoq buyumlar, to‘qimachilik attorligi | Ustki kiyim: ayollar, erkaklar, o‘smirlar va bolalar paltolari, kurtkalari, kostyumlari; ayollar ko‘ylagi, qiz bolalar ko‘ylagi va yaslida kiyiladigan ko‘ylaklar; erkaklar va bolalar ko‘ylaklari. Choyshab buyumlari: ko‘rpa-to‘shak jildlari, choyshab, yostiq jildlari, ko‘rpa jildlari, pastga solinadigan choyshab, ayollar va bolalarning tungi ko‘ylaklari, erkaklar va bolalar pijamalari; jun, yarim jun, ip gazlama va momiq adyollar, shu jumladan qalin jun ro‘mol; ichki va ustki trikotaj kiyimlar, paypoqlar, qo‘lqoplar, boshmaldoq qo‘lqop, bosh kiyimlari. Ip gazlamadan tayyorlangan sintetik, yarim junli va kalavaning boshqa turlaridan tayyorlangan tibbiyot buyumlari (bintlar, cho‘ltoqlar uchun g‘ilof, tizzaband, tirsakband, boldirband, bog‘ich va boshqalar). Pardabop to‘rlar, to‘r (krujeva), sharflar, dastro‘mollar va ro‘mollar, ro‘molchalar, galstuklar, manjetlar, ensiz yoqa, poyondozlar, salfetkalar, dasturxonlar, yopqichlar (nakidki), o‘rin yopinchig‘i, darpardalar, gilamchalar, soyabonlar va soyabonlar uchun g‘iloflar, gazlamadan yasalgan abajurlar, to‘qilgan xo‘jalik sumkalari, bolalar sumkalari, to‘r belanchaklar va to‘r xaltalar, lentalar, uqa (jiyak), bog‘ichlar, rezinali bog‘ichlar, shokilali buyumlar va to‘qimachilik attorligining boshqa buyumlari. |
9. | Charm, charm-attorlik va mo‘yna buyumlar | Portfellar, papkalar, safar xaltalar, karmonlar, sumkalar, portmone, hamyonlar, muqovalar, g‘iloflar, nesesserlar, portsigarlar, qo‘lqoplar, ish qo‘lqoplari, kamarlar, chemodanlar, sakvoyajlar, qoplar, g‘iloflar, sport-ov buyumlari, to‘plar. Mo‘ynali va qo‘y terisidan yasalgan po‘stin, mo‘ynali bosh kiyimlari, yoqa, mo‘yna, yopqichlar (plastina), skroi, ayollarning mo‘ynali bosh kiyimlari, ish qo‘lqoplari va mo‘ynali qo‘lqoplar va qo‘y terisidan yasalgan po‘stin, mo‘ynali va qo‘y terisidan yasalgan boshqa buyumlar — paypoqlar, gilamlar, esdalik sovg‘alar, bezaklar, shippaklar. |
10. | Bosh kiyimlari | Barcha turdagi bosh kiyimlari, shu jumladan fetr bosh kiyimlar (shlyapalar, beretlar, qalpoqlar), tikilgan va mo‘ynali, pat va tivi�dan yasalgan tikilgan va mo‘ynali bosh kiyimlar. |
11. | Poyabzal (shu jumladan rezina poyabzal) | Kundalik, modelli, sport, uyda kiyiladigan, ortopedik, yengil, milliy, shu jumladan yuqori qismi tabiiy, sun’iy va sintetik teridan, gazlama va noto‘qima materiallar va trikotaj polotnodan qilingan, shuningdek yuqori qismi har xil narsalardan qilingan, tagcharmi charmdan va terining o‘rnini bosuvchi materiallardan, polimer materiallardan yasalgan poyabzal. |
12. | Chinni, fayans va keramika buyumlari, qoliplangan alyuminiy idishlar, shisha idishlar | Turmushda ishlatiladigan sortli idishlar (shisha va billur idishlar). Turmushda ishlatiladigan chinni-fayans idishlar (shu jumladan yarim chinni va sirlangan sopol idishlar). Kerosin shisha lampa, lampa shisha, sopol idish. Qoliplangan alyuminiy idishlar, shu jumladan qoshiqlar, vilkalar, likopchalar va boshqalar. Issiqqa chidamli shishadan yasalgan oshxona idishlari. Shisha buyumlar va mebel sanoati uchun oyna, shisha idishlar, shu jumladan murabbo va tuzlangan narsalar uchun butilka, banka, bochkachalar. |
13. | Oq qog‘oz, qog‘ozdan yasalgan buyumlar, bosma mahsulotlar va idora ashyolari hamda maktab anjomlari | Blok-daftarlar, chizmachilik va rasm solish uchun bloklar va albomlar, qayd etish, eskizlar, notalar, chizmachilik va rasm solish uchun qog‘ozlar (shu jumladan ko‘zi ojizlar uchun), yozuv qog‘ozi, yozuv mashinkasi uchun mo‘ljallangan qog‘oz, maktab kundalik daftarlari, maktab daftarlari, harfli va predmetli alifbo, harflar, bo‘g‘inlar, raqamlar kassasi, chizgichlar (shu jumladan logarifmik chizgichlar), savod kitoblari, har xil plyonkalardan yasalgan qog‘ozlar uchun papka, chizmachilik va rasm solish uchun qog‘oz va kartondan yasalgan papkalar, qalamdonlar, barcha turdagi ruchkalar, flomasterlar, idora qog‘oz qisqichlari, transportirlar, harfli va raqamli trafaretlar, uchburchak chizgichlar, siyohdonlar, gotovalni, barcha turdagi qalamlar (shu jumladan mexanik qalamlar), perolar, o‘chirgichlar, qog‘ozdan yasalgan sanitariya-gigiyena buyumlari, qaydlar uchun kundalik daftarlar, rasm solish, notalar, so‘zlarni yozish, eskizlar uchun daftar�ar, umumiy va texnik daftarlar, shaxmat taxtalari (qog‘ozdan va kartondan yasalgan), qog‘ozning texnik sortlari — jilo berilgan, nuqradek oppoq qog‘oz, rasm solish uchun qog‘oz (rulonlarda), yozuv mashinkalari uchun millimetrli, nusxa ko‘paytiruvchi qog‘oz, chizmachilikda ishlatiladigan qog‘oz. |
14. | Mebel, mebel aksessuarlari | Turmushda foydalaniladigan mebel: oshxona mebeli: ish javon-stollari, osma javonlar, oshxona stollari, kursilar, bufet, yumshoq va qattiq oshxona uchburchak mebeli, stullar; yotoqxona mebeli: kiyim uchun javon, ichki kiyimlar uchun javon, karavotlar, ikki tomonlama yumshoq matraslar, karavot yonida turadigan tagkursi, kiyim-kechak turadigan yashikli javon, uch tabaqali toshoyna, tik toshoyna, ziyofat javoni; korpusli mebel: ko‘p vazifali javonlar, kitob javonlari, idish javonlari, servantlar, yozuv stoli, bari bor javonlar, kitob tokchalari, televizor ostiga qo‘yiladigan taglik, radio apparatlar ostiga qo‘yiladigan taglik, sandiqlar; yumshoq mebel: divanlar, kreslolar, yig‘ma divanlar, tebranma kreslo, kreslo-karavotlar; bolalar mebeli: karavotlar, o‘yinchoqlar uchun javon, kiyim-kechak uchun javon, ichki kiyimlar uchun javon, yozuv stollari, kompyuter uchun stollar, bolalarga mo‘ljallangan yumshoq mebel (kreslo, divan); turmushda ishlatiladigan boshqa mebel: shu jumladan gigiyenik qoplamali, metall karkasli mebel. Brezent qoplangan, dala hovlida ishlatiladigan yig‘ma mebel (stollar, stullar, kreslolar, karavotlar va hokazolar). Mebel aksessuarlari: yog‘och tutqichlar, plastmassa tutqichlar, to‘rtta sharnirli oshiq-moshiqlar, eksentrik tortgichlar, tokcha tutgichlar, shisha tutgichlar, oyna tutgichlar, poynak, burchakli tortgichlar, uchburchaklar, shtanga tutqichlar, vintlar, gaykalar, ilgaklar, qog‘ozqisqichlar, shaybalar, shkantlar, yog‘och yig‘ma karavotlar, yog‘och shtangalar, yog‘och silliqlagichlar. |
15. | Gilam va gilambop buyumlar | Gilam va gilambop buyumlar (shu jumladan poyondozlar, o‘lchamli parcha gilam). |
16. | Ip gazlama, ipak, jun, sintetik va kimyoviy tolalardan tayyorlangan tayyor gazlamalar | Ip gazlama, shu jumladan tabiiy, s�ntetik, kimyoviy tolalardan va kimyoviy (shtapel) tolalardan tayyorlangan momiq, jun, ipak gazlamalar. |
17. | Qurilish materiallari | Vannalar, rakovina (chanoq)lar, unitazlar, gulqog‘ozlar. |
O‘zbekiston Respublikasi Vazirlar Mahkamasining qarori, 13.11.2002 yildagi 390-son
Kuchga kirish sanasi
13.11.2002
Рус
Ўзб
O’zb
O‘zb|Рус
Yuqori sifatli, raqobatbardoshli iste’mol tovarlari ishlab chiqarishni ko‘paytirishni va ularning assortimentini kengaytirishni rag‘batlantirish, ichki iste’mol bozorini ular bilan yuqori darajada to‘ldirish, shuningdek respublikaning ishlab chiqaruvchi korxonalari bilan savdo tashkilotlari o‘rtasidagi o‘zaro munosabatlar mexanizmini takomillashtirish maqsadida Vazirlar Mahkamasi qaror qiladi:
iste’mol tovarlari ishlab chiqaruvchi korxonalar iste’mol tovarlari ishlab chiqarishdan olingan daromadlardan daromad (foyda) solig‘ini amaldagi stavkadan 20 foizga kamaytirilgan stavka bo‘yicha to‘laydilar;
bolalar uchun tovarlar ishlab chiqaruvchi korxonalar bolalar uchun tovarlar ishlab chiqarishdan olingan daromadlardan daromad (foyda) solig‘ini 7 foizli stavka bo‘yicha to‘laydilar. Bolalar uchun tovarlar guruhiga kiruvchi tovarlarni aniqlashda Vazirlar Mahkamasining 1999-yil 14-iyuldagi 327-f-son farmoyishiga va Statistika davlat departamenti tomonidan tasdiqlangan sanoat mahsuloti nomenklaturasiga 1997-yil 17-iyuldagi 8-1/3-8-son Tushuntirishga amal qilinsin;
Oldingi tahrirga qarang.
mikrofirmalar va kichik korxonalar iste’mol tovarlari ishlab chiqarishdan olingan tushumdan yagona soliq to‘lovini amaldagi stavkadan 25 foizga kamaytirilgan stavka bo‘yicha to‘laydilar;
(1-bandning to‘rtinchi xatboshisi O‘zbekiston Respublikasi Vazirlar Mahkamasining 2005-yil 15-avgustdagi 198-son qarori tahririda — O‘zbekiston Respublikasi Qonun hujjatlari to‘plami, 2005-y., 32-33-son, 253-modda)
Oldingi tahrirga qarang.
ishlab chiqarish korxonalarining iste’mol tovarlari ishlab chiqarish fizik hajmlarini ko‘paytirish hisobiga olingan daromadlari (foydasi) daromad (foyda) solig‘i va yagona soliq to‘lovi to‘lashdan ozod qilinadi:
(1-bandning beshinchi xatboshisi O‘zbekiston Respublikasi Vazirlar Mahkamasining 2005-yil 15-avgustdagi 198-son qarori tahririda — O‘zbekiston Respublikasi Qonun hujjatlari to‘plami, 2005-y., 32-33-son, 253-modda)
Oldingi tahrirga qarang.
nooziq-ovqat iste’mol tovarlari (tamaki mahsulotlari va zargarlik buyumlaridan, kir sovun va atir sovun, shuningdek benzindan tashqari) ishlab chiqaruvchi korxonalar, bo‘shaydigan mablag‘lar ishlab chiqarishni ko‘paytirishga, ishlab chiqarilayotgan iste’mol tovarlarining assortimentini kengaytirishga va raqobatbardoshliligini oshirishga maqsadli yo‘naltirilgan taqdirda, budjetga aksiz solig‘i to‘lashdan ozod qilinadilar;
(1-bandi oltinchi xatboshisi O‘zbekiston Respublikasi Vazirlar Mahkamasining 2002-yil 30-dekabrdagi 455-son qarori tahririda — O‘zbekiston Respublikasi Qonun hujjatlari to‘plami, 2002-y., 24-son, 200-modda)
iste’mol tovarlari ishlab chiqaruvchi korxonalarga amortizatsiya ajratmalarining yillik hisobdan chiqarish miqdorlarini asosiy vositalar xizmatining foydali muddatidan kelib chiqqan holda mustaqil ravishda belgilash huquqi beriladi. Bunda soliqqa tortish maqsadidagi amortizatsiya ajratmalarining yillik miqdori O‘zbekiston Respublikasi Soliq kodeksida belgilangan normalardan oshmasligi kerak;
korxonalarning o‘zi ishlab chiqargan iste’mol tovarlari reklamasiga xarajatlari daromad (foyda) solig‘ini hisoblab chiqishda soliqqa tortiladigan bazadan to‘liq hajmda chiqarib tashlanadi.
2. Belgilansinki, iste’mol tovarlari ishlab chiqarishga ixtisoslashayotgan (iste’mol tovarlari hajmi ishlab chiqariladigan tovarlar umumiy hajmida kamida 60 foizni tashkil qiladigan) korxonalar 2003—2005-yillarda:
iste’mol tovarlari ishlab chiqarish uchun o‘z ishlab chiqarishida foydalaniladigan xomashyo, materiallar va butlovchi buyumlar importi bo‘yicha bojxonada rasmiylashtirishdan keyin 60 kundan kechiktirmay, mikrofirmalar va kichik korxonalar uchun esa 90 kundan kechiktirmay bojxona to‘lovlari (bojxonada rasmiylashtirish uchun yig‘imlardan tashqari) to‘laydilar. Bunda ulush qo‘shish asosida (tolling bo‘yicha) iste’mol tovarlari ishlab chiqarish uchun keltiriladigan xomashyo bojxona to‘lovlaridan ozod qilinadi, bojxonada rasmiylashtirish uchun yig‘imlar bundan mustasno;
yer solig‘ini belgilangan tartibda amaldagi stavkalar bo‘yicha, lekin tegishli shaharlar va shaharchalarning o‘rta zonasi uchun belgilangan stavkadan ortiq bo‘lmagan stavkalar bo‘yicha to‘laydilar;
mulk solig‘ini iste’mol tovarlari ishlab chiqarish uchun kreditlar hisobiga, kreditni qoplash muddatida, lekin 7 yildan ortiq bo‘lmagan muddatda sotib olingan asbob-uskunalar qiymatiga kamaytirilgan soliqqa tortiladigan bazadan kelib chiqqan holda to‘laydilar;
valyuta tushumini iste’mol tovarlarini eksport qilishdan olingan, o‘z ishlab chiqarishi ehtiyojlari uchun import qilingan xomashyo, materiallar va butlovchi buyumlar qiymatiga kamaytirilgan miqdorda majburiy ravishda sotadilar.
3. Belgilab qo‘yilsinki, ushbu qarorning 1 va 2-bandlarida nazarda tutilgan imtiyozlar berilishi munosabati bilan bo‘shaydigan mablag‘lar korxonalar tomonidan faqat ishlab chiqarish hajmlarini ko‘paytirish, ishlab chiqarilayotgan iste’mol tovarlarining assortimentini kengaytirish va raqobatbardoshliligini oshirish bilan bog‘liq tadbirlarga yo‘naltiriladi.
Oldingi tahrirga qarang.
Soliqqa tortishdan bo‘shagan mablag‘lardan boshqa maqsadlarda foydalanilgan hollarda ushbu mablag‘lar, amaldagi qonunchilikda nazarda tutilgan jarima jazolarini hisobga olgan holda, to‘liq hajmda budjetga o‘tkaziladi.
(3-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
respublika mintaqalarida, shu jumladan savdo komplekslarida firma ulgurji-chakana savdo do‘konlari shoxobchalarini rivojlantirish tavsiya qilinsin.
(4-bandning uchinchi xatboshisi O‘zbekiston Respublikasi Vazirlar Mahkamasining 2012-yil 28-avgustdagi 253-sonli qarori tahririda— O‘R QHT, 2012-y., 35-son, 403-modda)
Oldingi tahrirga qarang.
5. Iste’mol tovarlari ishlab chiqaruvchi, O‘zbekiston Respublikasi Davlat budjetidan va davlat maqsadli jamg‘armalaridan qarzi bo‘lmagan korxonalarga ishlab chiqarayotgan tovarlarini o‘z rasmiy distribyutorlariga va ulgurji savdo korxonalariga 90 kundan ortiq bo‘lmagan muddat bilan konsignatsiya shartnomalari bo‘yicha, shuningdek vositachilik shartnomalari va topshiriqnomalar bo‘yicha sotishga ruxsat berilsin.
(5-band O‘zbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — O‘R QHT, 2016-y., 17-son, 176-modda)
6. Tijorat banklariga xalq iste’mol tovarlari ishlab chiqarish bo‘yicha yangi quvvatlarni barpo etish va ishlayotganlarini kengaytirish uchun belgilangan tartibda milliy va xorijiy valyutada kreditlar berish tavsiya qilinsin.
7. Sut, jun, qoramol va mayda mollar terisi, meva-sabzavot va poliz mahsulotlarini qayta ishlash hamda mollarni go‘shtga so‘yish bilan shug‘ullanuvchi korxonalarga mazkur qishloq xo‘jaligi mahsulotlarini bevosita ishlab chiqaruvchilardan — aholidan, dehqon va fermer xo‘jaliklaridan naqd pul bilan hisob-kitob qilgan holda o‘z ehtiyojlari uchun tayyorlash huquqi berilsin.
Oldingi tahrirga qarang.
(7-bandning ikkinchi-uchinchi xatboshilari O‘zbekiston Respublikasi Vazirlar Mahkamasining 2005-yil 6-oktabrdagi 222-son qarori bilan o‘z kuchini yo‘qotgan — O‘zbekiston Respublikasi Qonun hujjatlari to‘plami, 2005-y., 40-son, 307-modda)
Oldingi tahrirga qarang.
8. Mazkur qarorning 1 va 2-bandlarida nazarda tutilgan soliq imtiyozlari ilovaga muvofiq iste’mol tovarlari ishlab chiqaruvchi ishlab chiqarish korxonalariga joriy etiladi.
9. O‘zbekiston Respublikasi Adliya vazirligi O‘zbekiston Respublikasi Moliya vazirligi, Davlat soliq qo‘mitasi hamda boshqa manfaatdor vazirliklar va idoralar bilan birgalikda bir oy muddatda:
amaldagi qonun hujjatlariga ushbu qarordan kelib chiqadigan o‘zgartirish va qo‘shimchalar kiritish to‘g‘risida Vazirlar Mahkamasiga takliflar kiritsin:
10. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.Azimov va M.Usmonov zimmasiga yuklansin.
(Qaror O‘zbekiston Respublikasi Vazirlar Mahkamasining 2003-yil 31-martdagi 164-son qaroriga muvofiq 8-band bilan to‘ldirilgan, 8 va 9-bandlarning tartib raqamlari 9 va 10 o‘zgartirilgan — O‘zbekiston Respublikasi Qonun hujjatlari to‘plami, 2003-y., 5-6-son, 56-modda)
Oldingi tahrirga qarang.
(jadval O‘zbekiston Respublikasi Vazirlar Mahkamasining 2003-yil 1-dekabrdagi 536-son qarori tahririda —O‘zbekiston Respublikasi Qonun hujjatlari to‘plami, 2003-y., 23-son, 231-modda)