O‘zbekiston Respublikasi Tashqi iqtisodiy aloqalar, investitsiyalar va savdo vazirligi va Pokiston Islom Respublikasi savdoni rivojlantirish agentligi (bundan keyin yakka tartibda “Tomon”, birgalikda “Tomonlar” deb ataluvchilar),
O‘zbekiston Respublikasi Hukumati bilan Pokiston Islom Respublikasi Hukumati o‘rtasida iqtisod va savdo hamkorligi to‘g‘risida 1992-yil 27-iyunda imzolangan Bitim qoidalariga amal qilib,
O‘zbekiston va Pokiston o‘rtasida savdo-iqtisodiy hamkorlik sohasidagi ikki tomonlama munosabatlarni yanada kengaytirish va mustahkamlashga muhim ahamiyat qaratib,
ikki tomonlama savdo aloqalarining yanada rivojlanishini ta’minlash uchun qulay sharoitlar yaratish muhimligini e’tirof etib,
Tomonlar o‘z davlatlari milliy qonunchiligiga muvofiq hamda tenglik va o‘zaro manfaatdorlik prinsiplari asosida ikki tomonlama amaliy hamkorlikni kengaytirish va mustahkamlash orqali o‘z mamlakatlari o‘rtasida savdo aloqalarini yanada rivojlanishi va o‘zaro savdoning barqaror o‘sishini ta’minlashga ko‘maklashadilar.
Tomonlar o‘z vakolatlari doirasida o‘zaro hamkorlikni quyidagilar orqali jadallashtirish to‘g‘risida kelishib oldilar:
o‘zaro tashriflarni tashkillashtirish, qo‘shma biznes-forumlar, prezentatsiyalar, davra suhbatlari va boshqa amaliy tadbirlarni o‘tkazishga ko‘maklashish, shuningdek ularni O‘zbekiston va Pokistonda o‘tkaziladigan xalqaro ko‘rgazma-yarmarka tadbirlari ishida ishtirok etishga jalb etish;
bevosita va uzoq muddatli hamkorlik aloqalarini o‘rnatish, keng nomenklaturali sanoat mahsulotlarini to‘g‘ridan to‘g‘ri va tizimli yetkazib berishni tashkillashtirish bo‘yicha tashqi savdo shartnomalarini tuzish va ularni amalga oshirish;
b) o‘zaro savdoning o‘sishi uchun qulay sharoitlarni yaratish borasidagi masalalar va takliflarni ko‘rib chiqish;
v) savdo uylari va tarmoq vakolatxonalarini tashkil etish, shuningdek ikki Tomon davlatlarida sanoat ko‘rgazmalarini o‘tkazish;
g) savdo aloqalarini rivojlantirish, tarif va notarif tartibga solinishi, bojxona boshqaruvi, soliq rejimi va tashqi iqtisodiy faoliyatni amalga oshirish bilan bog‘liq boshqa masalalar bo‘yicha qonun hujjatlari to‘g‘risida ma’lumotlarni almashish;
Ushbu Memorandumning samarali amalga oshirilishini ta’minlash maqsadida Tomonlar ikki tomonlama maslahatlashuvlarni, shuningdek Savdo-iqtisodiy va ilmiy-texnikaviy hamkorlik bo‘yicha hukumatlararo Qo‘shma komissiyaning doimiy yig‘ilishlari doirasida ikki davlat manfaatdor vazirlik, idora va tashkilotlar vakillarini jalb etish orqali o‘tkazishlari mumkin.
Ushbu Memorandum Tomonlar davlatlari ishtirokchisi bo‘lgan boshqa amaldagi xalqaro shartnomalardan kelib chiqadigan ularning huquq va majburiyatlariga daxl qilmaydi.
Tomonlar ushbu Memorandum doirasida almashinilgan hujjatlar, ma’lumotlar va boshqa materiallarning maxfiyligini ta’minlaydilar hamda ularni taqdim etuvchi Tomonning avvaldan olingan yozma roziligisiz uchinchi tomonga hech qanday shaklda bermaydilar.
Ushbu Memorandum qoidalarini qo‘llash yoki talqin qilishda kelib chiqadigan barcha nizolar Tomonlar o‘rtasida o‘zaro do‘stona muzokara va maslahatlashuvlar orqali hal qilinadi.
Zarur hollarda Tomonlarning o‘zaro kelishuvi asosida ushbu Memorandumga uning ajralmas qismi hisoblangan alohida bayonnomalar bilan rasmiylashtiriladigan o‘zgartish va qo‘shimchalar kiritilishi mumkin. Bayonnoma ushbu Memorandumning 8-moddasi 1-bandida belgilangan tartibda kuchga kiradi.
1. Ushbu Memorandum imzolangan sanadan boshlab kuchga kiradi va uch (3) yil davomida amal qiladi hamda tugatilmaguniga qadar o‘z-o‘zidan shunday uch yillik muddatlarga uzayaveradi.
2. Tomonlardan biri ushbu Memorandumning amal qilishini tugatish niyati to‘g‘risida boshqa Tomonni dastlabki yoki yangilangan uch yillik muddatlar tugashidan uch (3) oy oldin xabardor qilish orqali ushbu Memorandumning amal qilishini tugatishi mumkin.
3. Ushbu Memorandum amal qilishi davomida bajarilayotgan dasturlar, agar Tomonlar o‘rtasida boshqacha kelishuv bo‘lmasa, ularning tugatilishiga qadar davom ettiriladi.
4. Tomonlar o‘rtasida boshqacha kelishuv bo‘lmasa, mazkur Memorandumning 5-modda qoidalari uning kuchi tugatilganidan so‘ng ham uch (3) yil muddat davomida amal qiladi.