LexUZ sharhi
O‘zbekiston Respublikasi mazkur Konvensiyaga O‘zbekiston Respublikasi Oliy Majlisining 1997-yil 30-avgustdagi 501-I-sonli “Xotin-qizlarning siyosiy huquqlari to‘g‘risidagi Konvensiyaga qo‘shilish haqida”gi qaroriga asosan qo‘shilgan.
Ahdlashuvchi tomonlar,
Birlashgan Millatlar Tashkiloti Nizomida e’lon qilingan erkaklar va ayollar o‘rtasida tenglik tamoyilini amalga oshirishni istagan holda, Birlashgan Millatlar Tashkiloti Nizomi va Inson huquqlari umumjahon deklaratsiyasiga muvofiq ayollar va erkaklarning siyosiy huquqlardan foydalanishdagi maqomini tenglashtirishni istagan holda,
Ayollar barcha saylovlarda, hech qanday kamsitishlarsiz, erkaklar bilan teng sharoitlarda ovoz berish huquqiga ega.
Ayollar milliy qonunchilikda belgilangan tartibda, hech qanday kamsitishlarsiz, erkaklar bilan teng sharoitlarda saylanish huquqiga ega.
Ayollar erkaklar bilan teng sharoitlarda, hech qanday kamsitishlarsiz, milliy qonunchilikda belgilangan tartibda barcha davlat va jamoat xizmati lavozimlarini egallash va ularni amalga oshirish huquqiga ega.
1. Ushbu Konvensiya Birlashgan Millatlar Tashkilotining har qanday a’zolari, shuningdek Bosh Assambleyadan taklifnoma olgan boshqa davlatlar tomonidan imzolanishi uchun ochiqdir.
2. Ushbu Konvensiya ratifikatsiya qilinishi va ratifikatsiya hujjatlari Birlashgan Millatlar Tashkilotining Bosh kotibiga topshirilishi kerak.
1. Ushbu Konvensiya IV moddaning 1-bandida ko‘rsatilgan barcha davlatlarning qo‘shilishi uchun ochiqdir.
2. Konvensiyaga qo‘shilish Birlashgan Millatlar Tashkilotining Bosh kotibiga qo‘shilish to‘g‘risidagi deklaratsiyani topshirish orqali amalga oshiriladi.
1. Ushbu Konvensiya oltinchi ratifikatsiya hujjati yoki qo‘shilish deklaratsiyasi topshirilishining to‘qsoninchi kunidan kuchga kiradi.
2. Ushbu Konvensiyaning ratifikatsiya hujjati yoki qo‘shilish deklaratsiyasi uni ratifikatsiya qiluvchi yoki unga qo‘shiluvchi har bir davlat uchun oltinchi ratifikatsiya hujjatini yoki qo‘shilish deklaratsiyasini topshirgandan keyingi to‘qsoninchi kuni kuchga kiradi.
Davlat imzolash, ratifikatsiya qilish yoki qo‘shilish paytida ushbu Konvensiyaning moddasiga qo‘shimcha shart kiritgan taqdirda, Bosh kotib ushbu qo‘shimcha shart matnini ushbu Konvensiyaning ishtirokchisi bo‘lgan yoki ishtirok etishi mumkin bo‘lgan barcha davlatlarga yetkazadi. Ushbu qo‘shimcha shartga qarshi bo‘lgan har qanday davlat, ushbu xabar yuborilgan kundan boshlab to‘qson kun ichida (yoki u Konvensiya ishtirokchisi bo‘lgan kundan boshlab) Bosh kotibga buni qabul qilmasligi to‘g‘risida xabar berishi mumkin. Bunday holatda Konvensiya ushbu davlat va qo‘shimcha shart kiritgan davlat o‘rtasida kuchga kirmaydi.
1. Har qanday davlat Birlashgan Millatlar Tashkilotining Bosh kotibiga yozma ravishda xabar berish orqali ushbu Konvensiyani bekor qilishi mumkin. Denonsatsiya Bosh kotib ushbu bildirishnomani olgan kundan bir yil o‘tgandan keyin kuchga kiradi.
2. Ushbu Konvensiya ishtirokchilari soni oltitadan kam bo‘lib qolgan taqdirda denonsatsiya kuchga kirgan kundan to‘xtaydi, o‘z kuchini yo‘qotadi.
Ushbu Konvensiyani talqin qilish yoki qo‘llash bo‘yicha har qanday ikki yoki undan ortiq Ahdlashuvchi davlatlar o‘rtasida kelib chiqadigan, muzokaralar yo‘li bilan hal qilinmaydigan har qanday nizo, ushbu nizo tomonlaridan birining iltimosiga binoan, agar ular yarashuvning boshqa biror tartibi to‘g‘risida kelishmasa, Xalqaro sud tomonidan hal qilinadi.
Birlashgan Millatlar Tashkilotining Bosh kotibi Birlashgan Millatlar Tashkilotining barcha a’zolarini va ushbu Konvensiyaning IV moddasi 1-bandida ko‘rsatilgan a’zo bo‘lmagan davlatlarni quyidagilardan xabardor qilishi lozim:
1. Xitoy, ingliz, fransuz, rus va ispan tilidagi matnlari bir xil kuchga ega bo‘lgan ushbu Konvensiya Birlashgan Millatlar Tashkilotining arxivida saqlanadi.