LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Maktab o‘qituvchilari va bolalar uylari tarbiyachilarining ijtimoiy-maishiy va moddiy sharoitini yaxshilash, ular mehnatini rag‘batlantirishni kuchaytirish maqsadida quyidagi tadbirlar amalga oshirilsin:
1. 1991-yilining 1-yanvaridan yuqori (V—XI) sinflar o‘qituvchilarining ish haqi dars soatlarini haftasiga 18 soatdan 16 soatga kamaytirish hisobiga oyiga o‘rta hisobda 15 foizgacha oshirilsin.
Keyingi tahrirga qarang.
2. “Xalq o‘qituvchisi”, “Xizmat ko‘rsatgan xalq ta’limi xodimi” faxriy unvonlari uchun pedagogik maoshlariga va mansab okladlariga har oyda to‘lanadigan qo‘shimcha haq ikki baravar ko‘paytirilsin hamda tegishli ravishda ular 100 va 60 so‘m qilib belgilansin.
Keyingi tahrirga qarang.
3. Qoraqalpog‘iston MSSJ Vazirlar Kengashi, xalq deputatlari viloyat va Toshkent shahar Sovetlari ijroiya qo‘mitalari, vazirliklar va idoralar, korxonalar va tashkilotlar:
maktab o‘qituvchilari va bolalar uylarining tarbiyachilariga ular yashab turgan davlat hamda idoralarga qarashli uylar va kvartiralarni shaxsiy mulk sifatida bepul bersinlar;
Oldingi tahrirga qarang.
(3-bandining uchinchi xatboshisi O‘zbekiston Respublikasi Prezidentining 2001-yil 17-apreldagi PF-2832-son Farmoni bilan kuchini yo‘qotgan — Oliy Majlis Axborotnomasi, 2001-y., 4-son, 69-modda)
maktab o‘qituvchilari va bolalar uylarining tarbiyachilari uchun birinchi navbatda yer uchastkalari ajratish va yakka tartibda uy qurish uchun binokorlik materiallari sotib olishi belgilansin.
Ushbu bandda ko‘zda tutilgan imtiyozlar kamida 10 yil pedagoglik ish stajiga ega maktab o‘qituvchilari va bolalar uylari tarbiyachilari bo‘lgan pensionyerlarga joriy etilsin.
4. O‘zbekiston SSJ Moliya vazirligi, Qoraqalpog‘iston MSSJ Vazirlar Kengashi, xalq deputatlari viloyat va Toshkent shahar Sovetlari ijroiya qo‘mitalari ushbu Farmonni ro‘yobga chiqarish bilan bog‘liq xarajatlarni jumhuriyat va mahalliy budjetlar mablag‘i hisobiga amalga oshirsinlar.
5. O‘qituvchilar va bolalar uylari tarbiyachilarining turmush sharoitini yaxshilash to‘g‘risida doimiy g‘amxo‘rlik qilish, yosh avlodning uyg‘un kamol topishi uchun zarur shart-sharoit yaratish vazirliklar, idoralar, korxonalar, tashkilotlar, kolxozlar va sovxozlar rahbarlarining asosiy burchi deb hisoblansin.