Oldingi tahrirga qarang.
O‘zbekiston Respublikasi Vazirlar Mahkamasining 2017-yil 31-avgustdagi 683-son “Avtomototransport vositalarini davlat ro‘yxatidan o‘tkazish va ularga ro‘yxatdan o‘tkazish davlat raqami belgilarini berish tartibini takomillashtirish to‘g‘risida” va 2007-yil 27-iyundagi 131-sonli “Avtomototransport vositalari uchun ro‘yxatdan o‘tkazish davlat raqami belgilarining yangi namunalarini joriy etish chora-tadbirlari to‘g‘risida”gi (O‘zbekiston Respublikasi qonun hujjatlari to‘plami, 2007-y., 25-26-son, 264-modda) qarorlariga muvofiq buyuraman:
(muqaddima O‘zbekiston Respublikasi ichki ishlar vazirining 2017-yil 1-dekabrdagi 259-sonli (ro‘yxat raqami 2050-1, 10.01.2018-y.) buyrug‘i tahririda — Qonun hujjatlari ma’lumotlari milliy bazasi, 10.01.2018-y., 10/18/2050-1/0538-son)
1. Avtomototransport vositalarini qayta ro‘yxatdan o‘tkazishni (qayd etishni) tashkil etish va amalga oshirish tartibi to‘g‘risidagi yo‘riqnoma ilovaga muvofiq tasdiqlansin.
2. Mazkur buyruq O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.
O‘zbekiston Respublikasi Ichki ishlar vazirligining 2009-yil 13-oktabrdagi 107-sonli buyrug‘iga
ILOVA
ILOVA
Oldingi tahrirga qarang.
Ushbu Yo‘riqnoma O‘zbekiston Respublikasi Vazirlar Mahkamasining 2017-yil 31-avgustdagi 683-son “Avtomototransport vositalarini davlat ro‘yxatidan o‘tkazish va ularga ro‘yxatdan o‘tkazish davlat raqami belgilarini berish tartibini takomillashtirish to‘g‘risida” hamda 2007-yil 27-iyundagi 131-sonli “Avtomototransport vositalari uchun ro‘yxatdan o‘tkazish davlat raqami belgilarining yangi namunalarini joriy etish chora-tadbirlari to‘g‘risida”gi (O‘zbekiston Respublikasi qonun hujjatlari to‘plami, 2007-y., 25-26-son, 264-modda) qarorlariga muvofiq avtomototransport vositalarini (tirkamalarini, yarim tirkamalarini) (bundan keyingi o‘rinlarda transport vositasi deb yuritiladi) qayta ro‘yxatdan o‘tkazish (qayd etish), shuningdek, ularning yaroqsiz holga kelib qolgan, shikastlangan yoki buzilgan ro‘yxatdan o‘tkazish davlat raqami belgilarini qayta ta’mirlash va almashtirish tartibini belgilaydi.
(muqaddima O‘zbekiston Respublikasi ichki ishlar vazirining 2017-yil 1-dekabrdagi 259-sonli (ro‘yxat raqami 2050-1, 10.01.2018-y.) buyrug‘i tahririda — Qonun hujjatlari ma’lumotlari milliy bazasi, 10.01.2018-y., 10/18/2050-1/0538-son)
Oldingi tahrirga qarang.
transport vositasining egasi (vakili) — transport vositasining mulkdori yoki qonunchilik hujjatlarida belgilangan asoslar va doirada transport vositasiga egalik qiluvchi yoki undan foydalanuvchi yoxud uni tasarruf etuvchi jismoniy yoki yuridik shaxs;
(1-bandning ikkinchi xatboshisi O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
yaroqsiz holga kelib qolgan, shikastlangan yoki buzilgan ro‘yxatdan o‘tkazish davlat raqami belgilari — mexanik ravishda deformatsiyalanganligi, kimyoviy reagentlar ta’siri ostida bo‘lganligi yoki yuqori haroratda (termik) ishlov berilganligi oqibatida tashqi ko‘rinishini aniqlay olmaslik darajasida o‘zgargan ro‘yxatdan o‘tkazish davlat raqami belgilari.
qayta ro‘yxatdan o‘tkazish (qayd etish) — tegishli yuridik asoslar mavjud bo‘lganida transport vositalarini hisobga olishga doir ma’lumotlar va hujjatlarga o‘zgartirishlar hamda qo‘shimchalar kiritish.
2. Mazkur Yo‘riqnoma talablari O‘zbekiston Respublikasi Vazirlar Mahkamasining 2007-yil 27-iyundagi 131-sonli qarori bilan joriy etilgan ro‘yxatdan o‘tkazish davlat raqami belgilarining yangi namunalariga tatbiq etiladi.
Oldingi tahrirga qarang.
Mazkur Yo‘riqnoma O‘zbekiston Respublikasi Mudofaa vazirligi, Davlat xavfsizlik xizmati va Ichki ishlar vazirligiga tegishli harbiy transport vositalari, yuridik va jismoniy shaxslarga tegishli traktorlar, traktor tirkamalari va o‘ziyurar mexanizmlar, umumfoydalanish yo‘llarida ishlatilmaydigan avtomobillar, shuningdek, tramvay, trolleybuslarning ro‘yxatdan o‘tkazish davlat raqami belgilariga nisbatan qo‘llanilmaydi.
(2-bandning ikkinchi xatboshisi O‘zbekiston Respublikasi ichki ishlar vazirining 2019-yil 15-iyuldagi 184-sonli buyrug‘i (ro‘yxat raqami 2050-2, 24.07.2019-y.) tahririda — Qonun hujjatlari ma’lumotlari milliy bazasi, 24.07.2019-y., 10/19/2050-2/3473-son)
Oldingi tahrirga qarang.
mulkdor-jismoniy shaxsning familiyasi, ismi, otasining ismi o‘zgarganda, shuningdek mulkdor-yuridik shaxs qayta tashkil etilganda yoki nomlanishi o‘zgarganda;
avtomototransport vositalarini ro‘yxatdan o‘tkazish joyini o‘zgartirishni talab qilmagan holda avtomototransport vositasi egasining yashash (turar) joyi yoki joylashgan joyi (pochta manzili) o‘zgarganda;
yuridik shaxslarga tegishli yuk avtomototransport vositalarining, avtobus va mikroavtobuslarning saqlab turiladigan joyi o‘zgarganda;
avtomototransport vositasini ro‘yxatdan o‘tkazish guvohnomasi yoki ro‘yxatdan o‘tkazish davlat raqam belgisi yaroqsiz holga kelganda, shikastlanganda yoki yo‘qolganda.
(3-band O‘zbekiston Respublikasi ichki ishlar vazirining 2017-yil 1-dekabrdagi 259-sonli (ro‘yxat raqami 2050-1, 10.01.2018-y.) buyrug‘i tahririda — Qonun hujjatlari ma’lumotlari milliy bazasi, 10.01.2018-y., 10/18/2050-1/0538-son)
4. Transport vositalarini qayta ro‘yxatdan o‘tkazish (qayd etish) Qoraqalpog‘iston Respublikasi Ichki ishlar vazirligi, Toshkent shahar ichki ishlar bosh boshqarmasi va viloyatlar ichki ishlar boshqarmalari Davlat yo‘l harakati xavfsizligi xizmatlarining ro‘yxatlash va imtihon olish bo‘limlari yoki tumanlararo ro‘yxatlash va imtihon olish bo‘linmalari (bundan keyingi o‘rinlarda RIB (TRIB) deb yuritiladi) tomonidan amalga oshiriladi.
5. Mazkur Yo‘riqnomaning 3-bandida ko‘rsatilgan holatlar mavjud bo‘lganda, transport vositasining texnik holatidan qat’i nazar, yuridik va jismoniy shaxslar o‘n kun mobaynida RIB (TRIB)larga murojaat etishlari shart.
6. Transport vositalarining yaroqsiz holga kelib qolgan, shikastlangan yoki buzilgan ro‘yxatdan o‘tkazish davlat raqami belgilarini qayta tiklash, shuningdek, ularni boshqasiga almashtirish RIB (TRIB)lar tomonidan amalga oshiriladi.
7. Yaroqsiz holga kelib qolgan, shikastlangan yoki buzilgan ro‘yxatdan o‘tkazish davlat raqami belgilari ta’mirlanmaydi.
Yo‘qotilgan (o‘g‘irlangan), foydalanish jarayonida standart talablariga rioya etilmasdan buzilgan yoki qasddan buzilgan ro‘yxatdan o‘tkazish davlat raqami belgilari qayta tiklanmaydi. Ularning o‘rniga yangi ro‘yxatdan o‘tkazish davlat raqami belgilari beriladi.
8. Ro‘yxatdan o‘tkazish davlat raqami belgilarini qayta tiklash, shuningdek, ularni boshqasiga almashtirish uchun transport vositalarining egalari yozma ravishda RIB (TRIB)larga murojaat qiladilar.
Oldingi tahrirga qarang.
9. RIB (TRIB) tomonidan jismoniy va yuridik shaxslarning yaroqsiz holga kelib qolgan, shikastlangan yoki buzilgan ro‘yxatdan o‘tkazish davlat raqami belgilarini qayta tiklash bo‘yicha murojaatlari umumlashtiriladi hamda bir oyda bir marta Ichki ishlar vazirligi Yo‘l harakati xavfsizligi bosh boshqarmasiga (bundan keyingi o‘rinlarda IIV YHXBB deb yuritiladi) buyurtma rasmiylashtiriladi.
(9-band O‘zbekiston Respublikasi ichki ishlar vazirining 2017-yil 1-dekabrdagi 259-sonli (ro‘yxat raqami 2050-1, 10.01.2018-y.) buyrug‘i tahririda — Qonun hujjatlari ma’lumotlari milliy bazasi, 10.01.2018-y., 10/18/2050-1/0538-son)
yaroqsiz xolga kelib qolgan, shikastlangan yoki buzilgan ro‘yxatdan o‘tkazish davlat raqami belgilari;
Oldingi tahrirga qarang.
11. Buyurtmalar asosida yaroqsiz holga kelib qolgan, shikastlangan yoki buzilgan ro‘yxatdan o‘tkazish davlat raqami belgilari IIV YHXBB qoshidagi “Uzavtomotobelgi” Davlat unitar korxonasida (bundan keyingi o‘rinlarda Davlat unitar korxona deb yuritiladi) qayta ishlab chiqariladi. Buyurtmalar Davlat unitar korxonaga kelib tushgandan keyin RIB (TRIB)larning vakili ishtirokida mazkur Yo‘riqnomaning 10-bandida ko‘rsatilgan ro‘yxatdan o‘tkazish davlat raqami belgilari hamda hujjatlar tekshiriladi. Taqdim etilgan ro‘yxatdan o‘tkazish davlat raqami belgilari namunasining haqiqiy holati ko‘rib chiqiladi. Yaroqsiz holga kelib qolgan, shikastlangan yoki buzilgan ro‘yxatdan o‘tkazish davlat raqami belgilari yo‘q qilinadi va bu haqda tegishli dalolatnoma tuziladi.
(11-band O‘zbekiston Respublikasi ichki ishlar vazirining 2017-yil 1-dekabrdagi 259-sonli (ro‘yxat raqami 2050-1, 10.01.2018-y.) buyrug‘i tahririda — Qonun hujjatlari ma’lumotlari milliy bazasi, 10.01.2018-y., 10/18/2050-1/0538-son)
Oldingi tahrirga qarang.
12. Davlat unitar korxonasi tomonidan ro‘yxatdan o‘tkazish davlat raqami belgilarini qayta tiklash o‘ttiz kun mobaynida amalga oshiriladi.
(12-band O‘zbekiston Respublikasi ichki ishlar vazirining 2017-yil 1-dekabrdagi 259-sonli (ro‘yxat raqami 2050-1, 10.01.2018-y.) buyrug‘i tahririda — Qonun hujjatlari ma’lumotlari milliy bazasi, 10.01.2018-y., 10/18/2050-1/0538-son)
13. Ro‘yxatdan o‘tkazish davlat raqami belgilari qayta tiklangandan so‘ng, ular RIB (TRIB)larga taqdim etiladi va bu haqda foydalanishda bo‘lib shikastlangan va yaroqsiz holga kelib qolgan ro‘yxatga olish davlat raqami belgilarini qayd etish kitobiga yozib qo‘yiladi.
Oldingi tahrirga qarang.
14. Avtomototransport vositalarining har bir qayta tiklangan ro‘yxatdan o‘tkazish davlat raqami belgilari haqidagi ma’lumot IIV YHXBB va Tezkor-ma’lumotlar boshqarmasi elektron hisob bazasiga kiritiladi.
(14-band O‘zbekiston Respublikasi ichki ishlar vazirining 2020-yil 28-avgustdagi 220-sonli buyrug‘i (ro‘yxat raqami 2050-3, 03.09.2020-y.) tahririda — Qonun hujjatlari ma’lumotlari milliy bazasi, 03.09.2020-y., 10/20/2050-3/1250-son)
15. Transport vositalari ro‘yxatga olingan kundan boshlab o‘ttiz kun ichida ishlab chiqarish kamchiligi oqibatida ro‘yxatdan o‘tkazish davlat raqami belgilari yaroqsiz holga kelsa, bunday ro‘yxatdan o‘tkazish davlat raqami belgilarini qayta tiklash to‘lovlarsiz amalga oshiriladi.
16. Ro‘yxatdan o‘tkazish davlat raqami belgilarini qayta tiklash davrida transport vositalariga ilgari foydalanishda bo‘lgan yaroqli ro‘yxatdan o‘tkazish davlat raqami belgilari vaqtincha foydalanishga beriladi. Bu haqda Vaqtincha hisobga olishni qayd etish kitobiga belgi kiritiladi. Transport vositasini qayd etish guvohnomasiga vaqtincha foydalanishga berilayotgan ro‘yxatdan o‘tkazish davlat raqami belgilarining raqamlari, seriyasi hamda uning amal qilish muddati to‘g‘risida tegishli yozuv kiritiladi hamda RIB (TRIB) muhri bilan tasdiqlanadi. Ro‘yxatdan o‘tkazish davlat raqami belgilari vaqtincha foydalanishga berilganda to‘lov undirilmaydi.
17. Qayta tiklangan ro‘yxatdan o‘tkazish davlat raqami belgilarini qabul qilib olish vaqtida transport vositalari egalari vaqtincha foydalanishga berilgan ro‘yxatdan o‘tkazish davlat raqami belgilarini qaytaradilar. Ular RIB (TRIB)lar tomonidan belgilangan tartibda yo‘q qilinadi.
Oldingi tahrirga qarang.
171. Ro‘yxatdan o‘tkazish davlat raqami belgisini qisqa muddatda qayta tiklash zaruriyati paydo bo‘lganda jismoniy va yuridik shaxslar IIV YHXBBga ariza bilan murojaat etishlari mumkin.
172. IIV YHXBB tomonidan uch ish kuni ichida ariza va unga ilova qilingan hujjatlar o‘rganilib, transport vositasi ko‘rikdan o‘tkaziladi. Hujjatlarda kamchiliklar aniqlanmagan taqdirda Toshkent shahar Ichki ishlar bosh boshqarmasi Yo‘l harakati xavfsizligi boshqarmasiga hamda Davlat unitar korxonasiga tegishli topshiriq yuboriladi.
Toshkent shahar Ichki ishlar bosh boshqarmasi Yo‘l harakati xavfsizligi boshqarmasi shu kunning o‘zida yaroqsiz yoki shikastlangan ro‘yxatdan o‘tkazish davlat raqami belgilarini qabul qiladi hamda qayta tiklash davrida ilgari foydalanishda bo‘lgan ro‘yxatdan o‘tkazish davlat raqami belgilarini vaqtincha foydalanishga beradi.
Qayta tiklangan ro‘yxatdan o‘tkazish davlat raqami belgilari besh ish kuni ichida Toshkent shahar Ichki ishlar bosh boshqarmasi Yo‘l harakati xavfsizligi boshqarmasi tomonidan beriladi.
(171 va 172-bandlar O‘zbekiston Respublikasi ichki ishlar vazirining 2017-yil 1-dekabrdagi 259-sonli (ro‘yxat raqami 2050-1, 10.01.2018-y.) buyrug‘iga asosan kiritilgan — Qonun hujjatlari ma’lumotlari milliy bazasi, 10.01.2018-y., 10/18/2050-1/0538-son)
Oldingi tahrirga qarang.
18. Ushbu Yo‘riqnoma talablarini buzganlikda aybdor bo‘lgan shaxslar qonunchilik hujjatlarida belgilangan tartibda javobgar bo‘ladilar.
(18-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)