T/p | Жойнинг ҳозирги номи | Жойнинг янги номи | Изоҳ |
1. | «Истиқлол» санъат саройи | Халқлар Дўстлиги саройи | Саройнинг аввалги номини тиклаш мақсадида. Чилонзор тумани |
2. | «Истиқлол» санъат саройи олд майдони | Халқлар Дўстлиги майдони | Майдон номини сарой номи билан уйғунлаштириш мақсадида. Чилонзор тумани |
3. | «Бунёдкор» метро бекати | Халқлар Дўстлиги метро бекати | Метро бекатининг аввалги номини тиклаш мақсадида. Чилонзор ва Шайхонтохур тумани |
4. | Тошкўча кўчаси | Шоаҳмад Шомаҳмудов кўчаси | Иккинчи жаҳон уруши даврида юксак инсоний фазилатларни намоён этган шахс. Кўчанинг аввалги номини тиклаш мақсадида. Шайхонтоҳур тумани, «Обиназир» ва «Жарариқ» маҳалласи |
5. | Янги Байналминал кўчаси | Сеул кўчаси | Вазирлар Маҳкамасининг 2018 йил 2 февралдаги 01-05/121-1-сонли йиғилиш баёни асосида. Чилонзор тумани |
Халқ депутатлари Тошкент шаҳар Кенгашининг Қарори, 03.05.2018 йилдаги 309/36-5-сон
Дата вступления в силу
23.05.2018
Рус
Ўзб
O’zb
Ўзб|Рус
«Географик объектларнинг номлари тўғрисида»ги Ўзбекистон Республикаси Қонунининг 10-моддаси («Ўзбекистон Республикаси қонун ҳужжатлари тўплами», 2011 й, 41-сон, 448-модда), Ўзбекистон Республикаси Вазирлар Маҳкамасининг 2012 йил 16 октябрдаги ««Географик объектларнинг номлари тўғрисида»ги Ўзбекистон Республикаси қонунига мувофиқ географик объектларнинг номлари соҳасидаги ишларни тартибга солиш чора-тадбирлари ҳақида»ги 295-сонли («Ўзбекистон Республикаси қонун ҳужжатлари тўплами», 2012 й, 41-42-сон, 483-модда) қарори, Тошкент шаҳар ҳокимининг 2012 йил 24 октябрдаги 845-сонли қарори, Ўзбекистон Республикаси Президентининг 2018 йил 26 апрель куни бўлиб ўтган видеоселектор йиғилишида берган таклифлари, Ўзбекистон Республикаси Вазирлар Маҳкамасининг 2018 йил 2 февралдаги 01-05/121-1-сонли йиғилиш баёнига мувофиқ, Географик объектларни номлаш ва қайта номлаш масалалари бўйича Тошкент шаҳар комиссиясининг хулосасига асосан, халқ депутатлари Тошкент шаҳар Кенгаши қарор қилади:
1. Географик объектларни номлаш ва қайта номлаш масалалари бўйича шаҳар комиссиясининг баъзи географик объектлар номларини тартибга келтириш тўғрисидаги таклифлари маъқуллансин.
2. Ном берилган ва номлари ўзгарган Тошкент шаҳридаги баъзи географик объектлар рўйхати иловага мувофиқ тасдиқлансин.
3. Ер ресурслари ва давлат кадастри бошқармаси (Г. Расулов), Ободонлаштириш бош бошқармаси (А. Каримов), Ички ишлар бош бошқармаси (Р. Жўраев), туман ҳокимликлари, ҳокимлик тизимидаги бошқарма, ташкилот ва муассасалар:
Баъзи географик объектларга янги номлар берилиши ва номлари ўзгартирилиши муносабати билан тегишли ишларни амалга ошириш юзасидан бир ойлик муддатда белгиланган тартибда зарур чоралар кўрилсин ҳамда ҳужжатларга тегишли ўзгартиришлар киритилсин.
4. «Тошкент оқшоми» ва «Вечерний Ташкент» газеталари таҳририяти (А. Акромов), Тошкент шаҳар ҳокимлиги Ахборот хизмати (Х. Эргашев), «Компьютерлаштириш маркази» ДУК (М. Асомов), мазкур қарор расмий эълон қилинишини ва www.toshkent.uz веб-сайтига жойлаштирилишини таъминласин.
6. Ушбу қарорнинг ижросини назорат қилиш халқ депутатлари Тошкент шаҳар Кенгашининг ижтимоий-маданий ривожланиш масалалари бўйича доимий комиссияси зиммасига юклатилсин.