Ўзбекистон Республикаси ҳамда Ливия Араб Халқ Социалистик Буюк Жамоҳирияси икки мамлакат халқларининг манфаатлари ва иродаларидан келиб чиққан ҳолда, ўзаро дўстлик ва ҳамкорлик муносабатларини ривожлантириш истагида, Дипломатия муносабатлари тўғрисида 1961 йил 18 апрелдаги Вена конвенцияси ҳамда Консуллик муносабатлари тўғрисида 1963 йил 24 апрелдаги Вена конвенцияси қоидаларига мувофиқ Ўзбекистон Республикаси билан Ливия Араб Халқ Социалистик Буюк Жамоҳирияси ўртасида ушбу Қўшма Коммюнике имзоланган кундан эътиборан дипломатик муносабатлар ўрнатишга қарор қилдилар.
Ўзаро дипломатик муносбатларни ўрнатар экан, Ўзбекистон Республикаси ҳамда Ливия Араб Халқ Социалистик Буюк Жамоҳирияси Бирлашган миллатлар ташкилоти Низоми ҳамда халкаро ҳукуқ нормаларида акс эттирилган тамойиллар ва мақсадлар асосида икки давлат ўртасида дўстона муносабатлар ва ҳамкорликни ривожлантиришга аҳдлашдилар.
Ушбуни тасдиқлаб қуйида имзо чекувчилар тегишли ваколатга эга ҳолда мазкур Қўшма Коммюникени имзоладилар.