LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 9 мартдаги 126-сонли «Озон қатламини бузувчи моддалардан фойдаланишни тўхтатиш бўйича миллий дастурни тасдиқлаш тўғрисида»ги қарорига асосан 2021 йил 11 июндан ўз кучини йўқотади.
Озон қатламини ҳимоя қилиш тўғрисидаги 1985 йилги Вена конвенциясига (кейинги ўринларда Вена конвенцияси деб аталади) ва Озон қатламини бузувчи моддалар бўйича 1987 йилги Монреаль протоколига (кейинги ўринларда Монреаль протоколи деб аталади) биноан Ўзбекистон Республикасининг мажбуриятлари бажарилишини таъминлаш ҳамда озонни бузувчи моддаларни чиқариб ташлашни тартибга солиш чора-тадбирларини амалга ошириш мақсадида Вазирлар Маҳкамаси қарор қилади:
1. Ўзбекистон Республикаси Давлат табиатни муҳофаза қилиш қўмитаси томонидан Ўзбекистон Республикаси Макроиқтисодиёт ва статистика вазирлиги, Ташқи иқтисодий алоқалар вазирлиги, Давлат божхона қўмитаси билан биргаликда ишлаб чиқилган Озонни бузувчи моддалардан фойдаланишни тўхтатиш миллий дастури (кейинги ўринларда Миллий дастур деб аталади) 1-иловага* мувофиқ маъқуллансин.
* 1-сон илова рус тилидаги матнда берилган.
2. Миллий дастурда назарда тутилган лойиҳалар бўйича харажатларни маблағ билан таъминлаш асосан Глобал экологик жамғарма грантлари ҳисобига амалга оширилиши маълумот учун қабул қилинсин.
3. Ўзбекистон Республикаси Экология ва атроф муҳитни муҳофаза қилиш давлат қўмитаси раисига Миллий дастурда назарда тутилган лойиҳаларни амалга оширишга оид ҳужжатларни имзолаш ҳуқуқи берилсин.
(3-банд Ўзбекистон Республикаси Вазирлар Маҳкамасининг 2017 йил 14 ноябрдаги 915-сонли қарори таҳририда — Қонун ҳужжатлари маълумотлари миллий базаси, 15.11.2017 й., 09/17/915/0259-сон)
4. Миллий дастурни амалга ошириш билан боғлиқ ишларни мувофиқлаштириш Ўзбекистон Республикаси Экология ва атроф муҳитни муҳофаза қилиш давлат қўмитасига юклатилсин.
(4-банд Ўзбекистон Республикаси Вазирлар Маҳкамасининг 2017 йил 14 ноябрдаги 915-сонли қарори таҳририда — Қонун ҳужжатлари маълумотлари миллий базаси, 15.11.2017 й., 09/17/915/0259-сон)
Олдинги таҳрирга қаранг.
(5-банд Ўзбекистон Республикаси Вазирлар Маҳкамасининг 2018 йил 9 январдаги 17-сонли қарорига асосан 2018 йил 13 апрелдан ўз кучини йўқотади — Қонун ҳужжатлари маълумотлари миллий базаси, 12.01.2018 й., 09/18/17/0552-сон)
Озонни бузувчи моддаларни ва таркибида улар бўлган маҳсулотларни олиб кириш ва олиб чиқиш тартиби тўғрисидаги Низомни бир ой муддатда ишлаб чиқсин ва белгиланган тартибда Вазирлар Маҳкамасига киритсин;
Ўзбекистон Республикаси Молия вазирлиги билан биргаликда корхоналар ва ташкилотларнинг озонни бузувчи моддалардан фойдаланишни тўхтатишга қаратилган ҳаракатларини рағбатлантириш чора-тадбирларини ишлаб чиқсин;
Ўзбекистон Республикаси Макроиқтисодиёт ва статистика вазирлиги билан келишган ҳолда хўжалик юритувчи субъектларнинг озонни бузувчи моддаларга бўлган эҳтиёжи ва улардан фойдаланиши тўғрисидаги идоравий статистика ҳисоботини 2000 йил 1 январдан бошлаб жорий этсин.
7. Ўзбекистон Республикаси Фан ва техника давлат қўмитаси, Экология ва атроф муҳитни муҳофаза қилиш давлат қўмитаси ҳамда бошқа манфаатдор вазирликлар ва идоралар озонни бузувчи моддаларнинг ўрнини босувчи моддалардан фойдаланишга ўтиш соҳасида, айниқса маҳаллий ресурслардан фойдаланган ҳолда, истиқболли илмий-тадқиқот ва тажриба-конструкторлик ишланмалари ишлаб чиқилиши ва жорий этилишини ҳар томонлама қўллаб-қувватласинлар.
(7-банд Ўзбекистон Республикаси Вазирлар Маҳкамасининг 2017 йил 14 ноябрдаги 915-сонли қарори таҳририда — Қонун ҳужжатлари маълумотлари миллий базаси, 15.11.2017 й., 09/17/915/0259-сон)
8. «Ўзтелерадио» компанияси, Ўзбекистон Республикаси Давлат матбуот қўмитаси, Давлат табиатни муҳофаза қилиш қўмитаси оммавий ахборот воситаларида Миллий дастур мақсад ва вазифалари тушунтирилишини таъминласинлар, озонни бузувчи моддаларни сиқиб чиқариш ва уларни озон учун хавфсиз моддалар билан алмаштириш ишларининг боришини ёритсинлар.
9. Ўзбекистон Республикаси Вазирлар Маҳкамасининг «Ўзбекистон Республикасида ташқи савдо фаолиятини эркинлаштириш бўйича қўшимча чора-тадбирлар тўғрисида» 1998 йил 31 мартдаги 137-сон қарори билан тасдиқланган Ўзбекистон Республикасининг ваколатли органлари томонидан бериладиган рухсатномалар бўйича экспорт ва импорт қилинадиган махсус товарлар (ишлар ва хизматлар) рўйхати 5-иловага* мувофиқ тўлдирилсин.
* 5-сон илова рус тилидаги матнда берилган.
Олдинги таҳрирга қаранг.