Ўзбекистон Республикаси Ҳукумати билан Ҳиндистон Республикаси Ҳукумати, бундан кейин «Томонлар» деб аталувчилар,
Ўзбекистон Республикаси Ҳукумати билан Ҳиндистон Республикаси Ҳукумати ўртасида маданият соҳасида ҳамкорлик тўғрисида Деҳли шаҳрида 1994 йил 5 январда имзоланган Битимга асосланиб,
Ўзбекистон Давлат консерваторияси ва Ҳиндистон маданий алоқалар кенгаши ўзбек ҳамда ҳинд мумтоз мусиқасидан таҳсил бериш мақсадида ўқитувчилар ва мутахассислар алмашинувин амалга оширадилар.
Ҳинд томони Миллий Бал Бхаван орқали рассомчилик асарлари ва чизмаларини Ўзбекистон Бадиий академияси томонидан ташкил этиладиган Камолиддин Беҳзод хотирасига бағишланган халқаро болалар рассомчилик конкурсига юборади.
Ўзбек томони рассомчилик асарлари, чизмалари, аннотациялари ва бошқа материалларни Ўзбекистон Бадиий академияси орқали Ҳиндистон болалар рассомчилик қўмитаси томонидан Ҳиндистонда ташкил этиладиган Шанкар халқаро болалар конкурсига юборади.
Ўзбекистон Бадиий академиясининг замонавий санъат маркази ва Ҳиндистон замонавий санъат асарлари миллий галереяси биргаликда бошқа давлатда ўзларининг таниқли миллий рассомлари ҳамда санъаткорларининг жамоа кўргазмаларини ташкил қиладилар.
Сангит Натак академияси 2005—2007 йилларда Ўзбекистонда ўтказиладиган «Шарқ тароналари» V ва VI халқаро мусиқа фестивалида ушбу тадбир шартларига мувофиқ равишда қатнашади ҳамда Ўзбекистоннинг мусиқа гуруҳлари ва гастролларини қабул қилади.
Томонлар ҳар икки мамлакат кутубхоналарида мавжуд бўлган ноёб қўлёзмаларни номинализация қилиш бўйича мутахассислар алмашинувини амалга оширадилар.
Алишер Навоий номидаги ўзбек Миллий кутубхонаси ва Ҳиндистоннинг Колката миллий кутубхонаси ўзаро ҳамкорликни олиб бориш мақсадида китоблар ҳамда бошқа тегишли материаллар алмашинувини амалга оширадилар.
Иккала кутубхона Ўзбекистон ва Ҳиндистонда китоблар ҳамда электрон ахборот материаллар кўргазмасини ташкил этадилар.
Ҳиндистон Маданий алоқалар кенгаши ҳар йили ўзаро келишилган вақтларда 12—16 кишидан иборат амалий санъат гуруҳларини ўзаро ташрифларини ташкил этади.
Ўзбекистон Археология институти Ҳиндистон Археологик тадқиқотлар идораси билан биргаликда санъат, археология ва архитектура соҳаларида ҳамда уч ойгача бўлган давр мобайнида мазкур соҳаларнинг икки мутахассисини алмашишда ҳамкорлик қиладилар.
Ўзбекистон Давлат санъат музейи Ҳинд Миллий музейи билан биргаликда музей кўргазмаларини асраб-авайлаш бўйича икки мутахассисни алмашишни амалга оширадилар.
Ўзбекистон Маданият ва спорт ишлари вазирлиги Саҳитя Академияси билан биргаликда маданият, санъат ва спорт соҳаларида нашрлар, адабиёт ҳамда тадқиқот материалларини алмашадилар.
Томонлар спорт ташкилотлари ўртасидаги икки томонлама муносабатларни, шу жумладан спортчилар, мураббийларни алмашиш ишларини қўллаб-қувватлайдилар.
Томонлар 2006 йил августда Деҳли шаҳрида ўтказиладиган учрашувда ушбу Дастурни амалга ошириш жараёнини кўриб чиқадилар.
Деҳли шаҳрида 2005 йил 5 апрелда икки нусхада, ҳар бири ўзбек, ҳинд ва инглиз тилларида тузилди, бунда барча матнлар аутентикдир. Келишмовчиликлар юзага келган ҳолда, инглиз тилидаги матн устувор ҳисобланади.
(a) Ҳар бир Томон делегация/индивидуал вакилларнинг тахмин этилаётган келиш санасидан камида икки ой илгари ҳамда агар ижрочи гуруҳлар ва кўргазмалар бораётган бўлса, келишидан камида тўрт ой илгари ушбу Дастур бўйича ажратиб олинган таржимаи ҳолга доир маълумотларни ва таклиф этилаётган ташриф дастурини бошқа Томон мамлакатига жўнатади.
(b) Қабул қилувчи Томон таклифнома қабул қилингани тўғрисида хабардор қилиши лозим, акс ҳолда таклифнома бир ой ўтгач ўз кучини йўқотади.
(c) Тасдиқ жавоби олингандан сўнг юборувчи Томон камида уч ҳафта илгари қабул қилувчи Томонни вакил/вакилларнинг келиши тўғрисидаги аниқ усул (транспорт кўриниши)ни ва вақтини хабардор қилиши лозим.
2. Иккала Томон юборувчи Томоннинг делегациялари ва индивидуал вакиллари учун қабул қилувчи Томоннинг маданияти ва ҳаёт тарзи билан танишиш мақсадида шарт-шароитларни яратадилар.
3. Томонлар ўз экспертларига қабул қилувчи Томон давлатида бўлган даври учун соғлиқ ва ҳаётни суғурталаш лозимлиги тўғрисида маслаҳат берадилар.
Иккала Томон ушбу дастур бўйича қуйидаги шартларга мувофиқ якка вакиллар ва делегацияларни алмашадилар:
I) халқаро транспортнинг келиш жойигача ва ундан кейинги харажатларини қоплайди. Ташриф дастури бошланадиган жой келиш жойи ҳисобланади;
IV) қабул қилувчи ташкилот рухсати асосида мамлакат ичида ҳаракатланиш ва маҳаллий транспорт воситаларидан фойдаланиш харажатлари ушбу дастурга киритилади.
Ушбу Дастурда кўзда тутилган нашрлар, журналлар ва бошқа материаллар алмашинуви билан бўлган барча харажатлар юборувчи давлат ташкилотлари томонидан қопланади.
I) Юборувчи Томон кўргазма очилган биринчи жойдан якуний жойига қадар транспорт харажатларини қоплайди, ва
с) Юборувчи томоннинг битта эксперти кўргазмага ҳамроҳлик қилади. Эксперт билан боғлиқ харажатлар ушбу дастурнинг молиявий шартларни тартибга солиш бандига асосан қопланади. Экспертнинг сафар муддати ўзаро келишув асосида белгиланади.
d) Кўргазмага зарар етказилган тақдирда қабул қилувчи томон тегишли суғурта агентлиги орқали зарарни қоплаш ишларини олиб бориш учун юборувчи томонга етказилган зарар билан боғлиқ бўлган барча ҳужжатларни юборади.
Юқоридаги шартлар ушбу Дастур имзоланган вақтдан бошлаб кучга киради. Томонлар зарур бўлганда ўзаро маслаҳатлашувлар орқали молиявий харажатлар билан боғлиқ ушбу қоидаларни қайта кўриб чиқадилар.