O‘zbekiston Respublikasi Prezidentining “Xususiy mulk, kichik biznes va xususiy tadbirkorlikni ishonchli himoya qilishni ta’minlash, ularni jadal rivojlantirish yo‘lidagi to‘siqlarni bartaraf etish chora-tadbirlari to‘g‘risida” 2015-yil 15-maydagi PF-4725-son Farmonini bajarish yuzasidan, shuningdek tashqi iqtisodiy faoliyatni amalga oshirishga doir tartib-tamoyillarni soddalashtirish maqsadida Vazirlar Mahkamasi qaror qiladi:
1. Eksport-import operatsiyalarini amalga oshirishda davlat bojxona xizmati organlariga taqdim etiladigan hujjatlar ro‘yxati ilovaga muvofiq tasdiqlansin.
2. Tadbirkorlik subyektlari tomonidan tashqi iqtisodiy faoliyatni amalga oshirishda davlat bojxona xizmati organlari tomonidan:
davlat bojxona xizmati organlari yoki davlatning boshqa organlari va davlat xizmatlari ko‘rsatuvchi boshqa tashkilotlar tasarrufidagi qo‘shimcha hujjatlarni talab etish taqiqlanadi.
3. Vazirliklar va idoralar bir oy ichida o‘z idoraviy normativ-huquqiy hujjatlarini ushbu qarorga muvofiqlashtirsinlar.
4. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.
1. Kontrakt (shartnoma, bitim), tegishli vakolatli organlarda ro‘yxatdan o‘tkazilgan birja kontraktlari bundan mustasno.
Keyingi tahrirga qarang.
2. Bojxona yuk deklaratsiyasi, qonun hujjatlarida belgilangan tartibda yo‘lovchi bojxona deklaratsiyasini to‘ldirish yo‘li bilan tovarlarni deklaratsiyalash hollari bundan mustasno.
Keyingi tahrirga qarang.
3. Transport hujjatlari (transport turiga qarab yukxati) va tovarga ilova qilinadigan hujjatlar (invoys).
Keyingi tahrirga qarang.
1. Bojxona yuk deklaratsiyasi, qonun hujjatlarida belgilangan tartibda yo‘lovchi bojxona deklaratsiyasini to‘ldirish yo‘li bilan tovarlarni deklaratsiyalash hollari bundan mustasno.
Keyingi tahrirga qarang.
2. Vazirlar Mahkamasining 2013-yil 22-maydagi 139-son qarori bilan tasdiqlangan Tadbirkorlik subyektlari — importyorlar tomonidan O‘zbekiston Respublikasining bojxona hududiga boj to‘lovlari bo‘yicha imtiyozlar qo‘llangan holda olib kiriladigan tovarlarning bojxona qiymatini tasdiqlash tartibi to‘g‘risidagi nizomga muvofiq tadbirkorlik subyektlari — importyorlar tomonidan O‘zbekiston Respublikasining bojxona hududiga boj to‘lovlari bo‘yicha imtiyozlar qo‘llangan holda olib kiriladigan import qilinadigan tovarlarning bojxona qiymatini tasdiqlash uchun eksport bojxona yuk deklaratsiyasi yoki uning o‘rnini bosadigan hujjat va boshqa hujjatlar.
Keyingi tahrirga qarang.
3. Transport hujjatlari (transport turiga qarab yukxati) va tovarga ilova qilinadigan hujjatlar (invoys).
Keyingi tahrirga qarang.
4. Tovarlarning kelib chiqishi sertifikati (manfaatdor shaxsning xohishi bo‘yicha va uning zarurligi O‘zbekiston Respublikasining xalqaro shartnomalarida nazarda tutilgan hollarda).
Keyingi tahrirga qarang.
1. Tovarlarning elektron shakldagi bojxona rasmiylashtiruvi Vazirlar Mahkamasining 2014-yil 31-dekabrdagi 376-son qarori bilan tasdiqlangan Tovarlarning elektron shakldagi bojxona deklaratsiyalanishi tartibi to‘g‘risidagi nizomga muvofiq amalga oshiriladi.
Keyingi tahrirga qarang.
2. Eksport qiluvchi mamlakatning eksport bojxona yuk deklaratsiyasi taqdim etilgan taqdirda O‘zbekiston Respublikasi hududiga olib kirishda import bojxona bojidan va qo‘shilgan qiymat solig‘idan ozod qilinadigan texnologik asbob-uskunalar ro‘yxatiga (2013-yil 20-mart ro‘yxatdan o‘tkazish raqami 2436) kiritilgan tovarlarning bojxonada rasmiylashtiruvi davlat bojxona xizmati organlari tomonidan bir ish kuni mobaynida amalga oshiriladi. Bojxona deklaratsiyasi taqdim etilmagan taqdirda bojxona rasmiylashtiruvi umumiy belgilangan tartibda amalga oshiriladi.