LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 17 июндаги 377-сонли «Ўзбекистон Республикаси Давлат солиқ қўмитаси ҳузуридаги Фискал институт ва солиқ техникумлари фаолиятини ташкил этишга доир қўшимча чора-тадбирлар тўғрисида»ги қарорига асосан ўз кучини йўқотган.
Солиқ иши мутахассисларини ихтисосли тайёрлаш тизимини такомиллаштириш ҳамда Ўзбекистон Республикаси давлат солиқ хизматини малакали кадрлар билан таъминлаш мақсадида Вазирлар Маҳкамаси қарор қилади:
Олдинги таҳрирга қаранг.
(1-банднинг учинчи хатбоши Ўзбекистон Республикаси Вазирлар Маҳкамасининг 2003 йил 22 майдаги 229-сонли қарори таҳририда— ЎР ҚҲТ, 2003 й., 9-10-сон, 77-модда)
коллежда ўқиш муддати 3 йил ва 1 йил солиқ хизмати органларида амалий ишда синов. 11 йиллик умумий ўрта таълимга эга бўлган абитуриентлар учун (тўққиз йиллик умумий ўрта таълим давлат таълим стандартлари жорий этилгунча) ўқиш муддати тегишлича — 2 ва 1 йил;
Олдинги таҳрирга қаранг.
(1-банднинг олтинчи хатбоши Ўзбекистон Республикаси Вазирлар Маҳкамасининг 2003 йил 22 майдаги 229-сонли қарори билан чиқариб ташланган— ЎР ҚҲТ, 2003 й., 9-10-сон, 77-модда)
Олдинги таҳрирга қаранг.
Солиқ коллежининг маъмурий ва ўқитувчилар таркибига Давлат солиқ қўмитаси ходимлари тегишли тоифалари учун хизматни ўташ шартлари татбиқ этилади.
(1-банднинг еттинчи хатбоши Ўзбекистон Республикаси Вазирлар Маҳкамасининг 2003 йил 22 майдаги 229-сонли қарори таҳририда — ЎР ҚҲТ, 2003 й., 9-10-сон, 77-модда)
Ўзбекистон Республикаси давлат солиқ хизматининг малакали ўрта бўғин кадрларига бўлган эҳтиёжини қондириш;
таълим олувчиларнинг касб-ҳунар малака ва кўникмаларини чуқур ривожлантириш, улар томонидан иқтисодий ва ҳуқуқий билимлар, солиқ ҳақидаги қонунлар, солиқ хизмати органларининг назорат функцияларини амалга ошириш услубияти чуқур ўзлаштирилишини таъминлаш;
давлат таълим стандартлари доирасида таълим олувчиларнинг интеллектуал ривожланишини, амалий фаолият кўникмалари ва ижодий қобилиятлари шаклланишини таъминловчи умумтаълим ва касб-ҳунар дастурларини амалга ошириш;
Ўзбекистон солиқ хизматининг анъаналарини мустаҳкамлаш ва ривожлантириш, кадрлар тайёрлаш ва тарбиялашда хорижий ижобий тажрибани ўрганиш ва ўзлаштириш;
абитуриентларнинг сифатли контингентини шакллантириш мақсадида умумий ўрта таълим муассасалари билан доимий алоқани таъминлаш;
республика солиқ хизмати ходимларини ўқитиш ва малакасини ошириш тизимини ривожлантириш, давлат солиқ хизмати органлари учун кадрлар тайёрлаш соҳасида халқаро ҳамкорликни амалга ошириш.
Олдинги таҳрирга қаранг.
3. Солиқ коллежи маъмурий ва ўқитувчилар таркибининг штатлар сони қонун ҳужжатларига мувофиқ белгиланади.
(3-банд Ўзбекистон Республикаси Вазирлар Маҳкамасининг 2003 йил 22 майдаги 229-сонли қарори таҳририда — ЎР ҚҲТ, 2003 й., 9-10-сон, 77-модда)
4. Ўзбекистон Республикаси Давлат солиқ қўмитаси, Олий ва ўрта махсус таълим вазирлиги, Мудофаа вазирлиги, Адлия вазирлиги ва Молия вазирлиги билан биргаликда ўн кун муддатда коллеж тўғрисидаги низомни ишлаб чиқсинлар ва белгиланган тартибда тасдиқласинлар.
Ўзбекистон Республикаси Олий ва ўрта махсус таълим вазирлиги билан биргаликда 1998 йил 1 сентябргача коллежга профессор-ўқитувчилар таркибини танлаб олиш ва уларни тайёрлаш тизимини ишлаб чиқсин;
Давлат тест маркази билан биргаликда тест синовлари натижалари бўйича абитуриентларни белгиланган тартибда 1998/99 ўқув йилида Ўзбекистон Республикаси ўрта махсус, касб-ҳунар таълими муассасаларида ўқитиш учун белгиланган давлат грантлари доирасида холисона, сифатли танлаб олсин;
Ўзбекистон Республикаси Халқ таълими вазирлиги ҳамда Олий ва ўрта махсус таълим вазирлиги билан биргаликда 1998 йил 1 сентябргача Солиқ коллежи ўқув режалари ва дастурлари ишлаб чиқилиши ва жорий этилишини таъминласин, уларни 1998/99 ўқув йилида тажриба тариқасида синовдан ўтказсин;
дарсликлар, ўқув қўлланмалари, дидактик материаллар ишлаб чиқиш бўйича танлов асосида муаллифлар жамоаларини ташкил этсин.
6. Давлат солиқ қўмитаси Олий ва ўрта махсус таълим вазирлиги билан биргаликда тажриба синови натижалари бўйича 1999 йил 1 августгача:
солиқ иши соҳасида ўрта махсус, касб-ҳунар таълими давлат таълим стандартини ишлаб чиқсин ва Ўзбекистон Республикаси Вазирлар Маҳкамасига тасдиқлаш учун тақдим этсин, бунда:
7. Ўзбекистон Республикаси Молия вазирлиги 1999 йилдан бошлаб Солиқ коллежи харажатларига белгиланган тартибда зарур бюджетдан ажратиладиган маблағлар ажратишни назарда тутсин.
(7-банднинг биринчи хатбошиси Ўзбекистон Республикаси Вазирлар Маҳкамасининг 2016 йил 26 апрелдаги 122-сонли қарори таҳририда — ЎР ҚҲТ, 2016 й., 17-сон, 176-модда)
1998 йилда коллежнинг жорий харажатлари Ўзбекистон Республикаси Давлат солиқ қўмитасининг ижтимоий ривожлантириш ва моддий-техника таъминоти жамғармаси маблағлари ҳисобига амалга оширилсин.
Белгилансинки, коллеж бинолари ва иншоотлари қурилиши, уларни реконструкция қилиш ва тузатиш кўрсатиб ўтилган жамғарма маблағлари ҳисобига амалга оширилади.
8. Ўзбекистон Республикаси Давлат солиқ қўмитаси 1998/99 ўқув йили бошланишига қадар коллеж бинолари ва иншоотлари тузатилишини, профессор-ўқитувчилар таркиби бутланишини, коллеж ходимлари ва курсантлари учун зарур моддий ва санитария-маиший шарт-шароитлар яратилишини таъминласин.
9. Солиқ коллежини жойлаштириш учун «Ўзбексавдо» компанияси «Ўзбилимсавдо» масъулияти чекланган жамиятнинг Тошкент шаҳар, Акмал Икромов тумани, Собир Юсупов кўчаси, 3-уйдаги биноси белгиланган тартибда Ўзбекистон Республикаси Давлат солиқ қўмитаси балансига берилсин.
Ўзбекистон Республикаси Давлат солиқ қўмитаси, бинони мукаммал тузатиш бўйича бажарилган ишлар юзасидан қарздорликни ҳисобга олган ҳолда, берилаётган мол-мулк қийматини «Ўзбилимсавдо» жамиятига белгиланган тартибда тўласин.
10. Ўзбекистон Республикаси Адлия вазирлиги, Давлат солиқ қўмитаси, Мудофаа вазирлиги билан биргаликда бир ой муддатда Ўзбекистон Республикасининг амалдаги қонун ҳужжатларига мазкур қарордан келиб чиқиб киритиладиган ўзгартиришлар тўғрисида таклифлар тайёрласинлар.
11. Мазкур қарорнинг бажарилишини назорат қилиш ўзбекистон Республикаси Бош вазирининг биринчи ўринбосари И. Жўрабеков зиммасига юклансин.
Олдинги таҳрирга қаранг.
(1-илова Ўзбекистон Республикаси Вазирлар Маҳкамасининг 2003 йил 22 майдаги 229-сонли қарорига мувофиқ ўз кучини йўқотган— ЎР ҚҲТ, 2003 й., 9-10-сон, 77-модда)
Олдинги таҳрирга қаранг.
(2-илова Ўзбекистон Республикаси Вазирлар Маҳкамасининг 2003 йил 22 майдаги 229-сонли қарорига мувофиқ ўз кучини йўқотган— ЎР ҚҲТ, 2003 й., 9-10-сон, 77-модда)