LexUZ шарҳи
Мазкур Фармон Ўзбекистон Республикаси Президентининг 2022 йил 11 февралдаги ПФ-67-сонли «Ўзбекистон Республикаси Президентининг айрим ҳужжатларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида»ги Фармонига асосан ўз кучини йўқотган.
Фитосанитария бўйича аҳволни тубдан яхшилаш ва хавфсизликни таъминлаш, Ўзбекистон Республикаси ҳудудларини карантиндаги ва бошқа зарар етказувчи хавфли организмлардан ҳимоя қилиш ишларини ташкил этишни такомиллаштириш, ўсимликларнинг ички ва ташқи карантини борасидаги давлат тадбирлари тизими самарадорлигини ошириш, давлат фитосанитария назоратини кучайтириш ҳамда карантин хизмати тизимини янада ривожлантириш мақсадида:
1. Ўзбекистон Республикаси Қишлоқ ва сув хўжалиги вазирлиги ҳузуридаги Ўсимликлар карантини бош давлат инспекцияси Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекцияси (кейинги ўринларда — Инспекция деб аталади) этиб қайта ташкил қилинсин.
биринчи, ўсимликлар карантини соҳасида ягона давлат сиёсатини юритиш, ўсимликлар карантини тўғрисидаги қонунчиликнинг амалга оширилишини таъминлаш, давлат ва хўжалик бошқаруви органлари, маҳаллий давлат ҳокимияти органларининг ушбу соҳадаги ўзаро ҳамкорлигини мувофиқлаштириш;
учинчи, иқтисодиёт тармоқларига катта зарар етказиши мумкин бўлган карантиндаги ва бошқа хавфли зараркунандаларнинг, ўсимликлар касалликлари ва бегона ўтларнинг хорижий мамлакатлардан кириб келишидан республика ҳудудларини ҳимоя қилиш;
тўртинчи, карантиндаги ва бошқа хавфли зараркунандаларни, ўсимликлар касалликлари ва бегона ўтларни ўз вақтида аниқлаш, уларнинг ўчоқлари кенгайишига йўл қўймаслик ва уларни йўқ қилиш, шунингдек, республиканинг улар мавжуд бўлмаган туманлари ҳудудларига кириб келишининг олдини олиш;
бешинчи, қишлоқ хўжалиги ва бошқа ўсимликлар маҳсулотларини ишлаб чиқариш, тайёрлаш, ташиш, сақлаш, қайта ишлаш, сотиш ва фойдаланишда ўсимликлар карантини бўйича тадбирларни амалга оширишда белгиланган қоидаларга риоя этиш юзасидан давлат назоратини олиб бориш;
олтинчи, ўсимликлар карантини соҳасида илмий, услубий ва таълим салоҳиятини ҳар томонлама ривожлантириш, илмий тадқиқотлар йўналишларини белгилаш, фитосанитария амалиётига фундаментал ва амалий тадқиқотлар натижаларини, инновация ишланмаларини татбиқ этишни мувофиқлаштириш;
еттинчи, халқаро ҳамкорликни кенгайтириш ва илғор технологиялар ва иш услубларини карантин хизмати фаолиятларига татбиқ этиш;
саккизинчи, кадрларни қайта тайёрлаш ва уларнинг малакасини оширишни тизимли ташкил этиш, раҳбарлар ва мутахассисларнинг иш тартиби ва усулларини такомиллаштириш, зиммаларига юкланган вазифаларни ўз вақтида ва сифатли адо этишда уларнинг масъулиятини ошириш.
Инспекция бошлиғига Ўсимликлар карантини давлат инспекцияси зиммасига юклатилган вазифалар ва фаолият йўналишларини сифатли ва тўлақонли амалга ошириш юзасидан шахсий жавобгарлик юклансин.
LexUZ шарҳи
Олдинги таҳрирга қаранг.
(3-банднинг иккинчи хатбошиси Ўзбекистон Республикаси Президентининг йил 30 апрелдаги ПФ-6218-сонли Фармонига асосан чиқарилган — Қонунчилик маълумотлари миллий базаси, 30.04.2021 й., 06/21/6218/0398-сон)
Инспекция ва унинг бўлинмалари ўсимликлар карантини соҳасида Ўзбекистон Республикаси давлат назорати органларининг ягона тизимини ташкил этади;
Инспекция бошлиғи мақоми бўйича вазирнинг биринчи ўринбосарига, бошлиқ ўринбосари эса вазир ўринбосарига тенглаштирилади;
ўсимликлар карантини бўйича ҳудудий инспекция раҳбарлари тегишли равишда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари тақдимномаси асосида Инспекция бошлиғи томонидан лавозимга тайинланади ва лавозимдан озод этилади.
Инспекция Ўзбекистон Республикаси Қишлоқ ва сув хўжалиги вазирлиги ҳузуридаги Ўсимликлар карантини бош давлат инспекциясининг ҳуқуқлари ва мажбуриятлари бўйича ҳуқуқий вориси ҳисобланади;
Инспекция ўз фаолиятини Ўзбекистон Республикаси ҳудудини карантиндаги ва бошқа хавфли зарарли организмлардан ҳимоя қилиш ишларини ташкил этиш масалалари бўйича давлат ва хўжалик бошқаруви органлари, маҳаллий давлат хокимияти органлари, фуқароларнинг ўзини ўзи бошқариш органлари ва бошқа ташкилотлар билан ҳамкорликда амалга оширади;
Инспекциянинг ўз ваколатлари доирасида қабул қилган қарорлари давлат ва хўжалик бошқаруви органлари, маҳаллий давлат ҳокимияти органлари, бошқа ташкилотлар, мансабдор шахслар ва фуқаролар томонидан бажарилиши мажбурийдир;
Инспекция ва унинг бўлинмалари Ўзбекистон Республикаси Давлат бюджети маблағлари ва қонунчиликда тақиқланмаган бошқа манбалар ҳисобидан таъминланади.
Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекцияси фаолиятини ташкил этиш тўғрисида Ўзбекистон Республикаси Президентининг қарори лойиҳасини бир ҳафта муддатда, белгиланган тартибда киритсин;
«Ўзбекистон Республикасининг «Ўсимликлар карантини тўғрисида»ги Қонунига ўзгартиш ва қўшимчалар киритиш тўғрисида»ги Ўзбекистон Республикаси Қонуни лойиҳасини бир ой муддатда Ўзбекистон Республикаси Олий Мажлиси Қонунчилик палатасига киритсин.
6. Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекцияси Ўзбекистон Республикаси Адлия вазирлиги, бошқа манфаатдор вазирликлар ва идоралар билан биргаликда қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига икки ой муддатда таклифлар киритсин.
7. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Бош вазирининг ўринбосари — қишлоқ ва сув хўжалиги вазири З.Т. Мирзаев зиммасига юклансин.