Ўзбекистон Республикаси Вазирлар Маҳкамасининг 2013 йил 19 апрелдаги 108-сон «Вазирлар Маҳкамасининг «Маҳсулотларни сертификатлаштириш тартиботини соддалаштиришга доир қўшимча чора-тадбирлар тўғрисида» 2004 йил 6 июлдаги 318-сон қарорига ўзгартиришлар киритиш ҳақида»ги қарори (Ўзбекистон Республикаси қонун ҳужжатлари тўплами, 2013 йил, 17-сон, 225-модда) ижросини таъминлаш мақсадида буюраман:
1. Ўзбекистон Республикаси Миллий сертификатлаштириш тизимида ишлар ва хизматларга ҳақ тўлаш қоидалари иловага мувофиқ тасдиқлансин.
2. Ўзбекистон давлат стандартлаштириш, метрология ва сертификатлаштириш маркази томонидан 1999 йил 28 апрелда тасдиқланган Ишларга ҳақ тўлаш тартиби (рўйхат рақами 722, 1999 йил 11 май) ўз кучини йўқотган деб ҳисоблансин.
Ўзбекистон давлат стандартлаштириш, метрология ва сертификатлаштириш агентлиги бош директорининг 2013 йил 18 сентябрдаги 439-сон буйруғига
ИЛОВА
ИЛОВА
Ушбу Қоидалар «Маҳсулотлар ва хизматларни сертификатлаштириш тўғрисида»ги Ўзбекистон Республикасининг Қонуни (Ўзбекистон Республикаси Олий Кенгашининг Ахборотномаси, 1994 й., 2-сон, 50-модда), Ўзбекистон Республикаси Вазирлар Маҳкамасининг 2004 йил 5 августдаги 373-сон «Ўзбекистон давлат стандартлаштириш, метрология ва сертификатлаштириш агентлиги тузилмасини такомиллаштириш ва унинг фаолиятини ташкил этиш тўғрисида»ги (Ўзбекистон Республикаси қонун ҳужжатлари тўплами, 2004 й., 31-сон, 357-модда), 2011 йил 28 апрелдаги 122-сон «Сертификатлаштириш тартиботларини ва сифат менежменти тизимларини жорий этишни такомиллаштиришга доир қўшимча чора-тадбирлар тўғрисида»ги (Ўзбекистон Республикаси қонун ҳужжатлари тўплами, 2011 й., 18-сон, 178-модда) ва 2013 йил 19 апрелдаги 108-сон «Вазирлар Маҳкамасининг «Маҳсулотларни сертификатлаштириш тартиботини соддалаштиришга доир қўшимча чора-тадбирлар тўғрисида» 2004 йил 6 июлдаги 318-сон қарорига ўзгартиришлар киритиш ҳақида»ги (Ўзбекистон Республикаси қонун ҳужжатлари тўплами, 2013 й., 17-сон, 225-модда) қарорларига мувофиқ, аккредитация қилиш, назорат йўсинидаги текширув, сертификатлаштириш, хорижий мувофиқлик сертификатларини тан олиш ҳамда декларациялаш бўйича ишлар ва хизматлар учун тўловларни, шунингдек мувофиқлик белгисидан фойдаланганлик учун бир марталик тўловларни тўлаш тартибини белгилайди.
Кейинги таҳрирга қаранг.
Олдинги таҳрирга қаранг.
1. Маҳсулотларни сертификатлаштириш органлари, синов (ўлчаш) лабораториялари (марказлар), сертификатлаштириш соҳасидаги текширув органлари, метрология хизматлари ва сифат бўйича эксперт-аудиторлар ўз фаолиятларини аккредитация қилинганлик тўғрисидаги гувоҳномалар асосида амалга оширадилар.
(1-банд Ўзбекистон стандартлаштириш, метрология ва сертификатлаштириш агентлиги бош директорининг 2015 йил 7 майдаги 191-сонли буйруғи (рўйхат рақами 2516-1, 12.05.2015 й.) таҳририда — ЎР ҚҲТ, 2015 й., 19-сон, 238-модда)
Кейинги таҳрирга қаранг.
Кейинги таҳрирга қаранг.
2. Ўзбекистон Республикаси Миллий сертификатлаштириш тизимидаги ишлар ва хизматлар нархи шартнома асосида аниқланади.
Бунда аккредитация қилиш, назорат йўсинидаги текширув, сертификатлаштириш, хорижий мувофиқлик сертификатларини тан олиш ва декларациялаш бўйича ишлар ва хизматларнинг нархини шакллантиришда харажатлар таркибини аниқлаш Ўзбекистон Республикаси Вазирлар Маҳкамасининг 1999 йил 5 февралдаги 54-сон «Маҳсулот (ишлар, хизматлар)ни ишлаб чиқариш ва сотиш харажатлари таркиби ҳамда молиявий натижаларни шакллантириш тартиби тўғрисидаги низомни тасдиқлаш ҳақида»ги қарорига (Ўзбекистон Республикаси Ҳукумати қарорларининг тўплами, 1999 й., 2-сон, 9-модда) мувофиқ амалга оширилади.
Кейинги таҳрирга қаранг.
3. Монополист корхоналар ва табиий монополия субъектларининг аккредитация қилиш, назорат йўсинидаги текширув, сертификатлаштириш, хорижий мувофиқлик сертификатларини тан олиш ва декларациялаш бўйича ишлар ва хизматларининг нархи Ўзбекистон Республикаси Вазирлар Маҳкамасининг 2010 йил 28 октябрдаги 239-сон қарори (Ўзбекистон Республикаси қонун ҳужжатлари тўплами, 2010 й., 42-43-сон, 364-модда) билан тасдиқланган Товарлар (ишлар, хизматлар)га тартибга солинадиган нархлар (тарифлар)ни шакллантириш, декларация қилиш (тасдиқлаш) ва белгилаш ҳамда уларнинг қўлланилишини давлат томонидан назорат қилиш тартиби тўғрисида низомга мувофиқ аниқланади.
Кейинги таҳрирга қаранг.
Кейинги таҳрирга қаранг.
Олдинги таҳрирга қаранг.
4. Маҳсулотларни сертификатлаштириш органлари, синов (ўлчаш) лабораторияларини (марказларини), сертификатлаштириш соҳасидаги текширув органларини, метрология хизматлари ва сифат бўйича эксперт-аудиторларни аккредитация қилиш қоидаларининг (рўйхат рақами 1596, 2006 йил 17 июль) (Ўзбекистон Республикаси қонун ҳужжатлари тўплами, 2006 й., 28-29-сон, 283-модда) 9-бандига мувофиқ аккредитация қилиш бўйича ишларнинг тўлови аризачи томонидан ҳар бир босқич бўйича алоҳида амалга оширилади.
(4-банд Ўзбекистон стандартлаштириш, метрология ва сертификатлаштириш агентлиги бош директорининг 2015 йил 7 майдаги 191-сонли буйруғи (рўйхат рақами 2516-1, 12.05.2015 й.) таҳририда — ЎР ҚҲТ, 2015 й., 19-сон, 238-модда)
Кейинги таҳрирга қаранг.
5. Натижаларидан қатъи назар, аккредитация қилиш бўйича ишларни бажариш билан боғлиқ бўлган барча харажатлар тўланиши лозим.
Олдинги таҳрирга қаранг.
6. «Маҳсулотлар ва хизматларни сертификатлаштириш тўғрисида»ги Ўзбекистон Республикаси Қонунининг 5-моддасига мувофиқ Ўзбекистон стандартлаштириш, метрология ва сертификатлаштириш агентлиги (бундан буён матнда «Ўзстандарт» агентлиги деб юритилади) ўз вазифаларининг бир қисмини маҳсулотларни сертификатлаштириш органларига ва синов лабораторияларига (марказларига) (бундан буён матнда аккредитация объекти деб юритилади) ўтказишга ҳақлидир.
(6-банд Ўзбекистон стандартлаштириш, метрология ва сертификатлаштириш агентлиги бош директорининг 2015 йил 7 майдаги 191-сонли буйруғи (рўйхат рақами 2516-1, 12.05.2015 й.) таҳририда — ЎР ҚҲТ, 2015 й., 19-сон, 238-модда)
Кейинги таҳрирга қаранг.
7. Аккредитация объекти аккредитация қилинганида ва унга «Ўзстандарт» агентлиги ўз вазифаларининг бир қисмини (аккредитация қилиш соҳасини инобатга олган ҳолда) ўтказганда «Ўзстандарт» агентлиги ва аккредитация объекти ўртасида битим тузилади ҳамда унга мувофиқ аккредитация объекти «Ўзстандарт» агентлигига бажарилган ишлар ва хизматлар ҳажмидан ажратмаларни амалга оширади.
Аккредитация объектларининг ажратмалар миқдори «Ўзстандарт» агентлиги томонидан ўтказилган ишлар ва хизматларнинг ҳажми ва турига боғлиқ бўлади ҳамда умумий тушум ҳажмининг 5 фоизидан ошмаслиги керак.
Кейинги таҳрирга қаранг.
8. Аккредитация объектларининг фаолияти устидан назорат йўсинидаги текширув ўтказиш учун тўлов «Ўзстандарт» агентлиги ва аккредитация объекти ўртасида тузилган битимга асосан ҳақиқий сарфларни ҳисобга олган ҳолда амалга оширилади.
Кейинги таҳрирга қаранг.
9. Маҳсулотлар, хизматлар ва сифат тизимларини сертификатлаштиришда ҳақиқий сарфларни ҳисобга олган ҳолда Маҳсулотларни сертификатлаш қоидаларининг (рўйхат рақами 1458, 2005 йил 18 март) (Ўзбекистон Республикаси қонун ҳужжатлари тўплами, 2005 й., 10-11-сон, 86-модда) 8-бандида кўзда тутилган сертификатлаштириш босқичлари тўланиши лозим.
10. Натижаларидан қатъи назар, сертификатлаштириш бўйича ишлар ва хизматларни ўтказиш билан боғлиқ бўлган барча харажатлар тўланиши керак.
11. Сертификатланган маҳсулот ва сифат тизимининг назорат йўсинидаги текширувини ўтказиш бўйича ишлар ва хизматларнинг тўлови, ҳақиқий сарфлардан келиб чиқиб, мувофиқлик белгисини ишлатиш ҳуқуқи бўйича битим асосида амалга оширилади.
Кейинги таҳрирга қаранг.
12. Хорижий мувофиқлик сертификатларини тан олиш бўйича ишлар ва хизматларнинг тўлови Вазирлар Маҳкамасининг 2011 йил 28 апрелдаги 122-сон қарори билан тасдиқланган Ўзбекистон Республикаси ҳудудига олиб кириладиган технологик ускуналар ва уларнинг қисмларига хорижий мамлакатларнинг аккредитация қилинган сертификатлаштириш органлари томонидан берилган мувофиқлик сертификатларини тан олиш тартиби тўғрисида низом ва Маҳсулотларни сертификатлаш қоидаларига (рўйхат рақами 1458, 2005 йил 18 март) мувофиқ тан олиш жараёнини амалга ошириш бўйича ҳақиқий сарфлардан келиб чиқиб амалга оширилади.
Кейинги таҳрирга қаранг.
13. Декларациялаш йўли билан маҳсулотларнинг белгиланган талабларга мувофиқлигини тасдиқлаш бўйича ишлар ва хизматлар тўлови Маҳсулотнинг хавфсизлик талабларига мувофиқлигини декларациялаш тартиби тўғрисида низомга (рўйхат рақами 1465, 2005 йил 6 апрель) (Ўзбекистон Республикаси қонун ҳужжатлари тўплами, 2005 й., 14-сон, 107-модда) мувофиқ декларациялаш йўли билан маҳсулотларнинг белгиланган талабларга мувофиқлигини тасдиқлаш жараёнини амалга ошириш бўйича ҳақиқий сарфлардан келиб чиқиб амалга оширилади.
14. Сертификатлаштириш ишлар ва хизматларининг нархини шакллантиришда «Ўзстандарт» агентлигининг рентабеллик меъёри «Ўзстандарт» агентлиги томонидан белгиланади ҳамда 20 фоиздан ошмаслиги лозим.
Кейинги таҳрирга қаранг.
Олдинги таҳрирга қаранг.
15. Мувофиқлик белгисидан фойдаланишни назарда тутувчи схемалар бўйича амалга оширилган сертификатлаштиришнинг натижалари ижобий бўлганда, маҳсулотларни сертификатлаштириш органи билан ишлаб чиқарувчи корхона (сертификацияга номзод) ўртасида битим тузилади, унга кўра битимда белгиланган муддатларда ишлаб чиқарувчи корхона мувофиқлик белгисидан фойдаланганлик учун сертификатлаштириш органига бир марталик тўловни тўлайди.
(15-банд Ўзбекистон стандартлаштириш, метрология ва сертификатлаштириш агентлиги бош директорининг 2015 йил 7 майдаги 191-сонли буйруғи (рўйхат рақами 2516-1, 12.05.2015 й.) таҳририда — ЎР ҚҲТ, 2015 й., 19-сон, 238-модда)
Кейинги таҳрирга қаранг.
16. Бир марталик тўлов сертификатлаштирилган маҳсулотларни сотишдан қўшилган қиймат ва акциз солиқларини чегириб режалаштирилган тушумлардан келиб чиққан ҳолда, мувофиқлик сертификатини расмийлаштириш кунидаги республикада белгиланган энг кам иш ҳақидан келиб чиқиб, ушбу Қоидаларнинг иловасида кўрсатиб ўтилган миқдор асосида ҳисобланади.
Кейинги таҳрирга қаранг.
17. Сертификатлаштирилган маҳсулотларни сотишдан режалаштирилган тушум миқдорининг тасдиғи бўлиб, сертификатлаштирилган маҳсулотларни ишлаб чиқариш ускунасининг қуввати кўрсатилган ҳолда, ишлаб чиқарувчи корхонанинг раҳбарлик вазифаларини ва бухгалтерия ҳисоби ва молиявий бошқариш вазифаларини амалга оширувчи шахслари, шунингдек режалаштириш бўлими бошлиғи (штатлар жадвалида кўзда тутилган бўлса) имзолари ва муҳр билан тасдиқланган ёзма аризаси ҳисобланади.
Кейинги таҳрирга қаранг.
18. Ишлар ва хизматларнинг ҳаққоний сермашаққатлилигини аниқлашда жавобгарлик, аккредитация ва назорат йўсинидаги текширув бўйича — «Ўзстандарт» агентлигига, сертификатлаштириш, хорижий мувофиқлик сертификатларини тан олиш ҳамда декларациялаш бўйича — сертификатлаштириш органи раҳбарлари зиммасига юклатилади.
Кейинги таҳрирга қаранг.
19. Мазкур Қоидалар талабларига риоя қилиш устидан давлат назоратини «Ўзстандарт» агентлиги амалга оширади.
Кейинги таҳрирга қаранг.
Ўзбекистон Республикаси Миллий сертификатлаш тизимида ишлар ва хизматларга ҳақ тўлаш қоидаларига
ИЛОВА
ИЛОВА
Т/р | Мувофиқлик белгисидан фойдаланганлик | Энг кам иш ҳақининг каррали |
1. | 10 000 дан кўп бўлмаган | 0,05 |
2. | 10 000 дан юқори | 0,025 |
Кейинги таҳрирга қаранг.