Давлат ва хўжалик бошқаруви органлари, маҳаллий давлат ҳокимияти органлари бинолари ва хоналарига киритиш режимини такомиллаштириш ва кучайтириш, кўрсатиб ўтилган органлар ходимларининг хизмат гувоҳномаларини тайёрлаш, ҳисобга олиш, сақлаш, бериш ва улардан фойдаланишни тартибга солиш мақсадида Вазирлар Маҳкамаси қарор қилади:
1. Давлат ва хўжалик бошқаруви органлари, маҳаллий давлат ҳокимияти органлари ходимларининг хизмат гувоҳномаси тўғрисидаги Намунавий низом иловага мувофиқ тасдиқлансин.
2. Давлат ва хўжалик бошқаруви органлари раҳбарлари, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари:
тасдиқланган Намунавий низом асосида хизмат гувоҳномаси тўғрисидаги тегишли низомларни бир ой муддатда ишлаб чиқсинлар ва тасдиқласинлар;
Намунавий низом талабларига мувофиқ янги намунадаги хизмат гувоҳномаларининг 2012 йил 1 апрелдан бошлаб амалга киритилишини таъминласинлар.
Олдинги таҳрирга қаранг.
3. Белгилансинки, хизмат гувоҳномаларининг бланкалари ва муқовалари фақат Ўзбекистон Республикаси Марказий банки ҳузуридаги «Давлат белгиси» давлат-ишлаб чиқариш бирлашмаси, «Шарқ» нашриёт-матбаа акциядорлик компанияси ҳамда Ахборот ва оммавий коммуникациялар агентлиги корхоналарида тайёрланади.
(3-банднинг биринчи хатбошиси Ўзбекистон Республикаси Вазирлар Маҳкамасининг 2019 йил 3 июндаги 457-сонли қарори таҳририда — Қонун ҳужжатлари маълумотлари миллий базаси, 04.06.2019 й., 09/19/457/3235-сон)
Олдинги таҳрирга қаранг.
Ўзбекистон Республикаси Марказий банки ҳузуридаги «Давлат белгиси» давлат-ишлаб чиқариш бирлашмаси, «Шарқ» нашриёт-матбаа акциядорлик компанияси ҳамда Ахборот ва оммавий коммуникациялар агентлиги Намунавий низом талабларига риоя қилган ҳолда янги намунадаги хизмат гувоҳномалари бланкалари ва муқоваларининг давлат ва хўжалик бошқаруви органлари, маҳаллий давлат ҳокимияти органларининг буюртманомаларига биноан сифатли тайёрланишини таъминласинлар.
(3-банднинг иккинчи хатбошиси Ўзбекистон Республикаси Вазирлар Маҳкамасининг 2019 йил 3 июндаги 457-сонли қарори таҳририда — Қонун ҳужжатлари маълумотлари миллий базаси, 04.06.2019 й., 09/19/457/3235-сон)
Олдинги таҳрирга қаранг.
(4-банднинг биринчи хатбошиси Ўзбекистон Республикаси Вазирлар Маҳкамасининг 2019 йил 3 июндаги 457-сонли қарори таҳририда — Қонун ҳужжатлари маълумотлари миллий базаси, 04.06.2019 й., 09/19/457/3235-сон)
бир ой муддатда хизмат гувоҳномаларини тайёрлаш бўйича зонал матбаа корхоналарини белгиласин ва ушбу Намунавий низом талабларини уларнинг эътиборига етказсин;
гувоҳномалар (муқовалар, бланкалар, голографик белгилар, муҳрлар ва шу кабилар) тайёрлаш учун фойдаланиладиган маҳсулотларни ишлаб чиқарувчи ва сотувчи матбаа корхоналари фаолияти юзасидан қатъий назорат ўрнатсин.
5. Ўзбекистон Республикаси Ички ишлар вазирлиги давлат ва хўжалик бошқаруви органлари, маҳаллий давлат ҳокимияти органлари биноларини қўриқлашни таъминлайдиган хизматларнинг ходимларига белгиланган киритиш режимига қатъий риоя қилиниши, фойдаланиладиган хизмат гувоҳномаларининг Намунавий низом талабларига мувофиқлигини текшириш юзасидан талабларни кучайтирсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари ва Ўзбекистон Республикаси Вазирлар Маҳкамаси Ижро этувчи аппарати бошқарувчиси С.Х. Бекенов зиммасига юклансин.
1. Ушбу Намунавий низом давлат ва хўжалик бошқаруви органлари, маҳаллий давлат ҳокимияти органлари ходимларининг хизмат гувоҳномаларини тайёрлаш, бериш, алмаштириш, ҳисобга олиш ва сақлашни ташкил этишга нисбатан ягона талабларни белгилайди, улардан фойдаланиш тартибини, шунингдек уларнинг йўқотилганлиги, шикастланганлиги ва эҳтиёт қилиб сақланмаганлиги учун жавобгарликни белгилайди.
Олдинги таҳрирга қаранг.
2. Ушбу Намунавий низомнинг амал қилиши Ўзбекистон Республикаси Президенти Администрацияси ва Ўзбекистон Республикаси Олий Мажлиси палаталари томонидан бериладиган давлат бошқаруви органлари раҳбарлари хизмат гувоҳномаларига жорий этилмайди.
(2-банд Ўзбекистон Республикаси Вазирлар Маҳкамасининг 2019 йил 13 майдаги 397-сонли қарори таҳририда — Қонун ҳужжатлари маълумотлари миллий базаси, 14.05.2019 й., 09/19/397/3123-сон)
Олдинги таҳрирга қаранг.
3. Ҳуқуқни муҳофаза қилиш органлари, ҳарбийлаштирилган тузилмалар, Ўзбекистон Республикаси Ташқи ишлар вазирлиги, Электрон технологияларини ривожлантириш маркази, Ўзбекистон Республикаси Экология ва атроф муҳитни муҳофаза қилиш давлат қўмитаси, Давлат божхона қўмитаси ва Давлат солиқ қўмитаси хизмат гувоҳномаси тўғрисидаги ўз низомларини ўз фаолияти хусусиятларини ҳисобга олган ҳолда тасдиқлайдилар ҳамда хизмат гувоҳномаларини тайёрлаш, бериш, алмаштириш, ҳисобга олиш ва сақлашни ташкил этиш тартибига нисбатан ушбу Намунавий низомдагидан ўзгача талабларни назарда тутишга ҳақлидирлар.
(3-банд Ўзбекистон Республикаси Вазирлар Маҳкамасининг 2020 йил 10 июндаги 370-сонли қарори таҳририда — Қонун ҳужжатлари маълумотлари миллий базаси, 11.06.2020 й., 09/20/370/0746-сон)
4. Давлат ва хўжалик бошқаруви органлари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ушбу Намунавий низом асосида хизмат гувоҳномаси тўғрисидаги ўз низомларини тасдиқлайдилар.
5. Хизмат гувоҳномаси давлат ва хўжалик бошқаруви органлари, маҳаллий давлат ҳокимияти органлари ходимларига берилади ҳамда ходимнинг шахси ва лавозимини тасдиқлайдиган ҳужжат ҳисобланади.
6. Хизмат гувоҳномаси ишга қабул қилиш тўғрисидаги буйруқ асосида биринчи раҳбарнинг қарори билан белгиланадиган кадрлар билан ишлаш хизматлари ёки бошқа хизматлар томонидан берилади.
7. Хизмат гувоҳномаси муайян муддатга, бироқ 3 йилдан ортиқ бўлмаган муддатга берилади ва қуйидаги ҳолларда:
Ҳужжат йўқотиб қўйилганда хизмат текшируви ўтказилади ва биринчи раҳбарнинг қарори билан янги гувоҳнома берилади.
Олдинги таҳрирга қаранг.
8. Берилган хизмат гувоҳномасининг сақланиши учун жавобгарлик унинг эгасига юкланади. Хизмат гувоҳномаси йўқотиб қўйилганлиги, яроқсизланганлиги ва эҳтиётлаб сақланмаганлиги учун айбдор шахслар қонунчиликда белгиланган тартибда интизомий ёки бошқача жавобгарликка тортиладилар.
(8-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Олдинги таҳрирга қаранг.
10. Хизмат гувоҳномалари бланкалари қатъий ҳисобот бериладиган ҳужжатлар ҳисобланади, давлат ва хўжалик бошқаруви органлари, маҳаллий давлат ҳокимияти органларининг буюртманомалари асосида фақат «Давлат белгиси» давлат-ишлаб чиқариш бирлашмаси, «Шарқ» нашриёт-матбаа акциядорлик компанияси ҳамда Ахборот ва оммавий коммуникациялар агентлиги корхоналарида ушбу Намунавий низомга 1-иловага мувофиқ тавсифга биноан, қалбакилаштиришга қарши ҳимоя элементларига эга бўлган махсус қоғозда тайёрланади.
(10-банд Ўзбекистон Республикаси Вазирлар Маҳкамасининг 2019 йил 3 июндаги 457-сон қарори таҳририда — Қонун ҳужжатлари маълумотлари миллий базаси, 04.06.2019 й., 09/19/457/3235-сон)
Олдинги таҳрирга қаранг.
11. Хизмат гувоҳномалари бланкаларини ҳисобга олиш хизмат гувоҳномаларини бериш ва қайтариш ҳисобга олиб бориладиган махсус дафтарларда юритилади. Бланкалар етишмаган, йўқолган ёки ўғирланган ҳолларда хизмат текшируви ўтказилади ва айбдор шахслар қонунчиликда белгиланган интизомий ёки бошқача жавобгарликка тортиладилар.
(11-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
13. Гувоҳномалар бланкалари кирими, сарфи ва мавжуд қолдиғи ҳисобот даври охирида бунга ваколатли шахслар томонидан текширилади ва далолатномалар билан расмийлаштирилади.
Олдинги таҳрирга қаранг.
14. Хизмат гувоҳномаларининг муқовалари ушбу Намунавий низомга 2-иловага мувофиқ белгиланган талабларга жавоб бериши керак ҳамда давлат ва хўжалик бошқаруви органлари, маҳаллий давлат ҳокимияти органларининг буюртманомалари бўйича фақат «Шарқ» нашриёт-матбаа акциядорлик компанияси ҳамда Ахборот ва оммавий коммуникациялар агентлиги корхоналарида тайёрланади.
(14-банд Ўзбекистон Республикаси Вазирлар Маҳкамасининг 2019 йил 3 июндаги 457-сон қарори таҳририда — Қонун ҳужжатлари маълумотлари миллий базаси, 04.06.2019 й., 09/19/457/3235-сон)
Олдинги таҳрирга қаранг.
15. Хизмат гувоҳномаларини тайёрлашда давлат рамзларидан (герб, байроқ), голографик белгилар, муҳрлар ва шу кабилардан фойдаланишга амалдаги қонунчиликка қатъий мувофиқ ҳолда рухсат берилади.
(15-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
16. Хизмат гувоҳномалари бланкалари компьютердан фойдаланган ҳолда, ходимни ишга қабул қилиш тўғрисидаги буйруқ ва унинг паспорти асосида тўлдирилади. Зарур маълумотлар киритилгандан кейин гувоҳномалар бланкаларига уларнинг эгалари фотосуратлари ёпиштирилади, у органнинг биринчи раҳбари томонидан имзоланади, давлат органининг гербли муҳри (хўжалик бошқаруви органининг муҳри), зарурият бўлганда — голографик белги билан тасдиқланади ва пластик плёнка билан ҳимоя қилинади.
17. Хизмат гувоҳномаларини бериш ва қайтариш махсус дафтарларда рўйхатдан ўтказилади. Уларда гувоҳноманинг эгаси, гувоҳноманинг, бланканинг тартиб рақами, гувоҳнома берилган сана, унинг амал қилиш муддати, у берилганлиги ва йўқ қилинганлиги тўғрисидаги (4-илова) маълумотлар бўлиши керак.
18. Ходимларнинг хизмат гувоҳномалари амал қилиш муддати тамом бўлган, амал қилиш муддати тамом бўлгунгача ишдан бўшаган ҳолларда ва бошқа ҳолларда уни берган органга қайтарилиши шарт. Ходимларнинг хизмат гувоҳномалари қайтарилиши юзасидан жавобгарлик тегишли органларнинг шахсан биринчи раҳбарлари зиммасига юкланади.
19. Хизмат гувоҳномаларини ҳисобга олиш уларнинг эгалари, амал қилиш муддати, йўқотиб қўйилганлиги, бекор қилингани тўғрисида тизимли ва тезкор маълумот олишни таъминлаш ҳамда ушбу маълумотларни биноларни қўриқлашни таъминлайдиган хизматларга бериш ҳисобга олинган ҳолда юритилади.
20. Зарур ҳолларда давлат ва хўжалик бошқаруви органлари, маҳаллий давлат ҳокимияти органларида хизмат гувоҳномаларини тайёрлаш, бериш, уларнинг ҳисобини юритиш ва сақланишини таъминлаш ишларининг ҳолати Ўзбекистон Республикаси Вазирлар Маҳкамаси томонидан ўрганилади.
21. Хизмат гувоҳномаларидан фойдаланиш ҳуқуқи ушбу Намунавий низомга 3-иловага мувофиқ рўйхат бўйича давлат ва хўжалик бошқаруви органлари, маҳаллий давлат ҳокимияти органларининг раҳбар ходимлари ва мутахассисларига берилади.
22. Давлат ва хўжалик бошқаруви органлари, маҳаллий давлат ҳокимияти органлари томонидан бериладиган хизмат гувоҳномалари кўрсатиб ўтилган органлар биноларига (хоналарига) кириш ҳуқуқини тасдиқлайдиган ҳужжат ҳисобланади.
Олдинги таҳрирга қаранг.
Ўзбекистон Республикаси Президенти Администрацияси, Ўзбекистон Республикаси Олий Мажлисининг Сенати ва Қонунчилик палатаси, Ўзбекистон Республикаси Вазирлар Маҳкамаси, Ўзбекистон Республикаси Давлат хавфсизлик хизмати, Электрон технологияларини ривожлантириш маркази, Бош прокуратурасининг масъул мансабдор шахслари давлат ва хўжалик бошқаруви органлари, маҳаллий давлат ҳокимияти органлари биносига қўшимча талабларсиз, хизмат гувоҳномасини кўрсатган ҳолда кириш ҳуқуқига эга.
(22-банднинг иккинчи хатбошиси Ўзбекистон Республикаси Вазирлар Маҳкамасининг 2020 йил 10 июндаги 370-сонли қарори таҳририда — Қонун ҳужжатлари маълумотлари миллий базаси, 11.06.2020 й., 09/20/370/0746-сон)
Алоҳида тартиб ўрнатилган давлат органларида бинога кириш махсус рухсатнома берилган ҳолда, ушбу орган учун амал қилувчи норматив-ҳуқуқий ҳужжатга мувофиқ амалга оширилади.
Олдинги таҳрирга қаранг.
23. Хизмат гувоҳномаси текшириш ҳуқуқини берадиган ҳужжат ҳисобланмайди, амалдаги қонунчиликка мувофиқ бундай ҳуқуққа эга органлар томонидан берилган хизмат гувоҳномаси бундан мустасно.
(23-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
24. Амал қилиш муддати тугаган ёки яроқсиз ҳолга келган хизмат гувоҳномалари ҳақиқий эмас деб ҳисобланади ва йўқ қилинади.
Олиб қўйилган ва қайтарилган хизмат гувоҳномаларини йўқ қилиш ҳар йили, улардан бундан кейин фойдаланишни истисно этадиган талабларга риоя қилган ҳолда амалга оширилади ва далолатнома билан расмийлаштирилади.
25. Хизмат гувоҳномаларини йўқ қилиш далолатномалари тегишли органнинг биринчи раҳбари томонидан тасдиқланади ва камида 5 йил сақланади.
Давлат ва хўжалик бошқаруви органлари, маҳаллий давлат ҳокимияти органлари ходимларининг хизмат гувоҳномаси тўғрисидаги Намунавий низомга
1-ИЛОВА
1-ИЛОВА
Хизмат гувоҳномалари бланкалари (намуна илова қилинмоқда)* 60 х 85 мм ўлчамга эга бўлган, ҳар бир ярми (ёзувли қисми) бўйича саккиз қирра шаклида сув қоғоз белгили байроқнинг кўк ва зангори рангига бўялган Ўзбекистон Республикаси давлат байроғига ўхшаш бўёқнинг ҳимоя тўрига эга бўлади.
Бланканинг чап томонидаги юқори бурчагида оқ рангли ўн икки юлдузчали ярим ой тасвири жойлаштирилади. Ўнг томонининг чап қисмида 3 х 4 см ўлчамли фотосурат учун рамка жойлаштирилади, ёнидаги ўнг томонида оқ фонда Ўзбекистон Республикаси герби тасвири бўлади.
Хизмат гувоҳномалари бланкаларини тайёрлашда айрим ҳолларда давлат ва хўжалик бошқаруви органлари, маҳаллий давлат ҳокимияти органларининг расман тасдиқланган рамзлари тасвиридан фойдаланишга йўл қўйилади.
Зарурият бўлганда, техник имкониятлар ҳисобга олинган ҳолда, хизмат гувоҳномалари бланкалари ҳимоянинг қўшимча даражаси билан тайёрланиши мумкин.
Хизмат гувоҳномаси бланкасини тўлдиришда давлат ва хўжалик бошқаруви органи, маҳаллий давлат ҳокимияти органининг номи, гувоҳнома эгасининг фамилияси, исми ва отасининг исми, таркибий бўлинма номи, ҳисобга олиш рақами, амал қилиш муддати, гувоҳномани имзолаган раҳбарнинг лавозими, фамилияси ҳамда исми ва отасининг исми бош ҳарфлари ва «лавозимдан бўшаганда қайтарилиши керак» деган огоҳлантирувчи ёзув мавжуд бўлиши мажбурий талаб ҳисобланади. Матн горизонтал ҳолатда жойлаштирилади.
Хизмат гувоҳномалари бланкалари компьютердан фойдаланган ҳолда, лавозимга тайинлаш тўғрисидаги тегишли қарор (фармойиш, буйруқ ва шу кабилар) ва ходимнинг паспорти асосида тўлдирилади.
Гувоҳномаларнинг асосий реквизитларини (вазирликлар, идоралар, ташкилотлар, муассасалар номи, раҳбарнинг лавозими, огоҳлантирувчи ёзув ва шу кабиларни) бланкани матбаа усулида тайёрлаш жараёнида киритишга рухсат берилади.
Хизмат гувоҳномаларининг матни махсус биноларда ҳимояланган компьютерда босилади. Ахборот базаси масъул шахсда сақланади ва бино ташқарисига чиқарилмайди.
Зарур маълумотлар киритилгандан кейин гувоҳномалар бланкаларига уларнинг эгалари фотосуратлари елимланади, биринчи раҳбар томонидан имзоланади ва давлат органининг гербли муҳри (хўжалик бошқаруви органи муҳри) билан тасдиқланади.
Хизмат гувоҳномалари раҳбарнинг имзолаши учун фақат уни тайёрлаш учун масъул бўлган шахс томонидан тақдим этилади.
Гувоҳномаларни тасдиқлаш учун фойдаланиладиган муҳр тегишли хизмат раҳбарида сақланади ва ундан фақат унинг иштирокида фойдаланилади.
Қалбакилаштиришни истисно этиш мақсадида хизмат гувоҳномасига қўшимча равишда голографик белги қўйилиши мумкин ва пластик плёнка билан ҳимояланади.
Давлат ва хўжалик бошқаруви органлари, маҳаллий давлат ҳокимияти органлари ходимларининг хизмат гувоҳномаси тўғрисидаги Намунавий низомга
2-ИЛОВА
2-ИЛОВА
Хизмат гувоҳномалари муқовалари чармдан ёки унинг ўрнини босадиган материаллардан тайёрланади. Ҳар бир томондаги ички фойдали майдонининг ўлчами 60 х 85 мм бўлади.
Муқованинг юқори қисми ўртасида Ўзбекистон Республикасининг олтин суви юритилган 25 мм диаметрли Давлат герби жойлаштирилади. Ўзбекистон Республикаси Давлат гербининг остида давлат бошқаруви органи, маҳаллий давлат ҳокимияти органининг давлат тилидаги тўлиқ номи жойлаштирилади (хўжалик бошқаруви органлари томонидан бериладиган хизмат гувоҳномалари муқоваларида Ўзбекистон Республикаси Давлат гербини жойлаштиришга йўл қўйилмайди). Шрифтнинг ўлчами тегишли органнинг тўлиқ номидан келиб чиққан ҳолда танланади. Ёзувда зарҳалдан фойдаланилади.
Давлат ва хўжалик бошқаруви органлари, маҳаллий давлат ҳокимияти органлари ходимларининг хизмат гувоҳномаси тўғрисидаги Намунавий низомга
3-ИЛОВА
3-ИЛОВА
Олдинги таҳрирга қаранг.
Ўзбекистон Республикаси Бош вазири котибиятининг ва Бош вазир ўринбосарлари котибиятларининг ходимлари;
(1-банднинг иккинчи хатбошиси Ўзбекистон Республикаси Вазирлар Маҳкамасининг 2023 йил 8 апрелдаги 147-сонли қарори таҳририда — Қонунчилик маълумотлари миллий базаси, 10.04.2023 й., 09/23/147/0203-сон)
тайинланиши ва тасдиқланиши Вазирлар Маҳкамасининг тегишли қарорлари билан ёки Вазирлар Маҳкамаси билан келишган ҳолда амалга ошириладиган вазирликлар, идоралар, давлат ва хўжалик бошқаруви бошқа органлари, Вазирлар Маҳкамаси ҳузуридаги ташкилотлар ва муассасалар раҳбарлари.
Олдинги таҳрирга қаранг.
(3-банд Ўзбекистон Республикаси Вазирлар Маҳкамасининг 2023 йил 8 апрелдаги 147-сонли қарорига асосан ўз кучини йўқотган — Қонунчилик маълумотлари миллий базаси, 10.04.2023 й., 09/23/147/0203-сон)
марказий аппарат таркибий бўлинмаларининг, минтақавий инспекциялар ва идоравий мансуб ташкилотлар раҳбарлари ва мутахассислари.
Олдинги таҳрирга қаранг.
(10-банд Ўзбекистон Республикаси Вазирлар Маҳкамасининг 2018 йил 21 июлдаги 563-сонли қарори таҳририда — Қонун ҳужжатлари маълумотлари миллий базаси, 24.07.2018 й., 09/18/563/1558-сон)
Олдинги таҳрирга қаранг.
(101-банд Ўзбекистон Республикаси Вазирлар Маҳкамасининг 2018 йил 21 июлдаги 563-сонли қарорига асосан киритилган — Қонун ҳужжатлари маълумотлари миллий базаси, 24.07.2018 й., 09/18/563/1558-сон)
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, вилоят бўйсунишидаги шаҳарлар ва туманлар раҳбарлари ва мутахассислари.
Олдинги таҳрирга қаранг.
(изоҳнинг 1-банди Ўзбекистон Республикаси Вазирлар Маҳкамасининг 2018 йил 11 июлдаги 525-сонли қарори таҳририда — Қонун ҳужжатлари маълумотлари миллий базаси, 13.07.2018 й., 09/18/525/1493-сон)
Давлат ва хўжалик бошқаруви органлари, маҳаллий давлат ҳокимияти органлари ходимларининг хизмат гувоҳномаси тўғрисидаги Намунавий низомга
4-ИЛОВА
4-ИЛОВА
Хизмат гувоҳномаларини бериш ва қайтаришни ҳисобга олиш | |||||||
__________________________________________________________________________________________________ | |||||||
(давлат ва хўжалик бошқаруви органи, маҳаллий давлат ҳокимияти органи номи, бошлаш ва тугатиш санаси) | |||||||
Т/р | Гувоҳнома ва бланканинг тартиб рақами | Эгаси ва имзолаган шахснинг Ф.И.О. | Амал қилиш муддати | Эгасининг расми | Олинганлиги тўғрисида имзо, сана | Қайтариш санаси, олган шахснинг Ф.И.О., лавозими, имзоси | Йўқ қилиш тўғрисида белги (далолатнома санаси ва тартиб рақами) |