LexUZ шарҳи
Мазкур қарор Ўзбекистон Республикаси Вазирлар Маҳкамасининг 2018 йил 18 июлдаги 553-сонли «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш ҳамда баъзиларини ўз кучини йўқотган деб ҳисоблаш ҳақида (Ўзбекистон Республикаси Президентининг «Ўзбекистон Республикаси Давлат божхона хизмати органлари фаолиятини тубдан такомиллаштириш чора-тадбирлари тўғрисида» 2018 йил 12 апрелдаги ПФ-5414-сон Фармони, Ўзбекистон Республикаси Президентининг «Ўзбекистон Республикаси Давлат божхона хизмати органларининг фаолиятини ташкил этиш тўғрисида» 2018 йил 12 апрелдаги ПҚ-3665-сон қарори)»ги қарорига асосан ўз кучини йўқотган.
Хорижий автомобилда юк ташувчилар автотранспорт воситаларининг Ўзбекистон Республикаси ҳудудида ҳаракатланишини тартибга солиш ва назорат қилишни кучайтириш, экспорт қилинадиган юкларни ташиш учун улардан оқилона ва самарали фойдаланиш мақсадида Вазирлар Маҳкамаси қарор қилади:
1. Ўзбекистон Республикаси Давлат божхона қўмитасининг хорижий автомобилда юк ташувчилар автотранспорт воситаларининг Ўзбекистон Республикаси ҳудудида ҳаракатланиш йўналишларини ўзгартириш тизимини жорий этиш тўғрисидаги таклифи қабул қилинсин.
2. Белгилаб қўйилсинки, хорижий автомобилда юк ташувчилар автотранспорт воситаларининг Ўзбекистон Республикаси ҳудудида ҳаракатланиш йўналишларидаги ўзгартиришлар қатъий равишда Ўзбекистон Республикаси Давлат божхона қўмитасининг ҳудудий бошқармаси томонидан бериладиган рухсатномаларга мувофиқ амалга оширилади.
3. Хорижий автомобилда юк ташувчилар автотранспорт воситаларининг Ўзбекистон Республикаси ҳудудида ҳаракатланиш йўналишларини ўзгартиришга рухсатнома бериш тартиби тўғрисидаги низом иловага мувофиқ тасдиқлансин.
4. Ўзбекистон Республикаси Ташқи ишлар вазирлиги дипломатик каналлар орқали хорижий давлатларнинг манфаатдор элчихоналари, консулликлари ва ваколатхоналарини хорижий автомобилда юк ташувчилар автотранспорт воситаларининг ҳаракатланиш тартибини такомиллаштириш юзасидан ушбу қарорда назарда тутилган чора-тадбирлар тўғрисида хабардор қилсин.
5. Ўзбекистон Республикаси Ички ишлар вазирлиги, Давлат божхона қўмитаси хорижий автомобилда юк ташувчилар томонидан республика ҳудудида белгиланган ҳаракатланиш йўналишларига қатъий риоя қилинишини таъминласинлар.
6. Ўзбекистон Республикаси Давлат божхона қўмитаси, Адлия вазирлиги манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқувчи ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсинлар.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.
1. Мазкур Низом Ўзбекистон Республикаси ҳудудидан хорижий автомобилда юк ташувчиларнинг автотранспорт воситаларида товарлар олиб чиқишни тартибга солиш мақсадида ишлаб чиқилган ҳамда хорижий автомобилда юк ташувчилар автотранспорт воситаларининг Ўзбекистон Республикаси ҳудудида ҳаракатланиш йўналишларини ўзгартиришга 1-иловага мувофиқ рухсатнома бериш тартибини белгилайди.
Мазкур Низомнинг амал қилиши Ўзбекистон Республикасининг автомобилда юк ташувчиларига нисбатан ушбу Низомга ўхшаш рухсат бериш тартиботини қўлламаётган давлатлар хорижий автомобилда юк ташувчиларнинг автотранспорт воситаларига татбиқ этилмайди.
(1-банднинг иккинчи, учинчи ва тўртинчи хатбошилари Ўзбекистон Республикаси Вазирлар Маҳкамасининг 2007 йил 28 сентябрдаги 205-сонли қарори асосида иккинчи хатбоши билан алмаштирилган — ЎР ҚҲТ, 2007 й., 40-сон, 416-модда)
2. Ўзбекистон Республикаси резиденти — транспорт-экспедиторлик ташкилотлари ёки транспорт ташкилотлари (кейинги ўринларда «ариза берувчи» деб аталади) хорижий давлатнинг транспорт-экспедиторлик ташкилоти билан унга тегишли автотранспорт воситаларидан фойдаланиш юзасидан шартнома тузади.
Ариза берувчи юк жўнатувчи — экспорт қилувчи билан экспорт қилинадиган маҳсулотни Ўзбекистон Республикаси ҳудудидан олиб чиқиш учун хорижий автомобилда юк ташувчилардан фойдаланилиши тўғрисида шартнома тузади.
Ариза берувчи экспорт қилинадиган маҳсулотни олиб чиқиш учун хорижий автомобилда юк ташувчининг ҳаракатланиш йўналишини ўзгартирган ҳолда хорижий автомобилда юк ташувчилардан фойдаланишни мўлжаллаётганлиги тўғрисида Ўзбекистон Республикаси Давлат божхона қўмитасига ёзма равишда мурожаат қилади.
3. Давлат божхона қўмитаси Ўзбекистон Республикаси Давлат божхона қўмитасининг ҳудудий бошқармасини ариза берувчининг экспорт қилинадиган маҳсулотни олиб чиқиш учун Ўзбекистон Республикаси ҳудудида ҳаракатланиш йўналишини ўзгартирган ҳолда хорижий автомобилда юк ташувчилардан фойдаланишни мўлжаллаётганлиги ҳамда ариза берувчи муайян хорижий автомобилда юк ташувчининг ҳаракатланиш йўналишини ўзгартириш тўғрисида мурожаат қилган тақдирда бир марталик рухсатнома бериш ҳақида хабардор қилади.
Олдинги таҳрирга қаранг.
4. Хорижий автомобилда юк ташувчи Ўзбекистон Республикасига импорт юк билан киришда божхона органига мурожаат қилади, ушбу орган товар-йўл ҳужжатларига мувофиқ унинг Ўзбекистон Республикасидаги бориш жойигача бўлган ҳаракатланиш йўналишини белгилайди.
(4-банд Ўзбекистон Республикаси Вазирлар Маҳкамасининг 2007 йил 28 сентябрдаги 205-сонли қарори таҳририда — ЎР ҚҲТ, 2007 й., 40-сон, 416-модда)
автотранспорт воситаси Ўзбекистон Республикаси ҳудудига импорт юк билан кирган тақдирда — бориш жойига етиб келгандан ва импорт юк туширилгандан кейин;
хорижий автомобилда юк ташувчининг транспорт воситаси транзит орқали бўш келаётган тақдирда — Ўзбекистон Республикаси ҳудудига кириш божхона масканига етиб келгунча ариза берувчини экспорт қилинадиган маҳсулотни Ўзбекистон Республикаси ҳудудидан олиб чиқишга тайёрлиги тўғрисида хабардор қилади.
(5-банд Ўзбекистон Республикаси Вазирлар Маҳкамасининг 2007 йил 28 сентябрдаги 205-сонли қарори таҳририда — ЎР ҚҲТ, 2007 й., 40-сон, 416-модда)
6. Хорижий автомобилда юк ташувчининг ҳаракатланиш йўналишини ўзгартириш Давлат божхона қўмитаси ҳудудий бошқармасининг мазкур Низомга 2-иловага мувофиқ шаклдаги рухсатномасига асосан амалга оширилади.
7. Ҳаракатланиш йўналишини ўзгартириш учун ариза берувчи Давлат божхона қўмитасининг ҳудудий бошқармасига ёзма равишда мурожаат қилади. Ёзма мурожаатномада қуйидаги маълумотлар кўрсатилади:
хорижий автомобилда юк ташувчи ҳайдовчисининг фамилияси, исми ва паспортига оид маълумотлар, кириш визасининг амал қилиш муддати;
8. Ариза берувчининг мурожаатномаси Давлат божхона қўмитасининг ҳудудий бошқармаси томонидан, мурожаатнома берилган кундан бошлаб уч иш куни мобайнида кўриб чиқилади.
9. Фақат қуйидаги ҳолларда ариза берувчига ҳаракатланиш йўналишини ўзгартиришга рухсатнома бериш рад этилиши мумкин:
а) ёзма мурожаатномада мазкур Низомнинг 2 ва 7-бандларига мувофиқ маълумотлар кўрсатилмаган ва ҳужжатлар тақдим этилмаган бўлса;
Олдинги таҳрирга қаранг.
б) мурожаатномада кўрсатилган хорижий автомобилда юк ташувчилар автотранспорт воситалари томонидан божхонага оид қонун ҳужжатлари ва ҳаракатланиш йўналишлари такроран бузилган бўлса;
(9-банднинг «б» кичик банди Ўзбекистон Республикаси Вазирлар Маҳкамасининг 2007 йил 28 сентябрдаги 205-сонли қарори таҳририда — ЎР ҚҲТ, 2007 й., 40-сон, 416-модда)
в) хорижий автотранспорт воситаси ҳайдовчиси кириш визасининг амал қилиш муддати товарни олиб чиқиш режалаштирилаётган муддатга мувофиқ бўлмаса.
10. Давлат божхона қўмитасининг ҳудудий бошқармаси ариза берувчини қабул қилинган қарор тўғрисида бир иш куни мобайнида ёзма равишда хабардор қилади.
Ижобий қарор қабул қилинган тақдирда Давлат божхона қўмитасининг ҳудудий бошқармаси ариза берувчининг ваколатли шахсига белгиланган шакл бўйича рухсатнома беради.
Ҳаракатланиш йўналишини ўзгартиришга рухсатнома бериш рад этилган тақдирда билдиришномада ҳам рад этишнинг сабаблари кўрсатилиши шарт.
11. Ҳаракатланиш йўналишини ўзгартиришга рухсатнома бериш ушбу Низомнинг 9-банди «а» ва «в» кичик бандларига мувофиқ рад этилган тақдирда ариза берувчи 15 кун мобайнида, рад этиш сабабларини бартараф этган ҳолда, Давлат божхона қўмитасининг ҳудудий бошқармасига ҳаракатланиш йўналишини ўзгартиришга рухсатнома олиш учун ёзма равишда такроран мурожаат қилиш ҳуқуқига эга.
Йўналишни ўзгартириш учун рухсатнома бериш тўғрисидаги аризани қайта кўриб чиқишда илгари ушбу рухсатномани беришни рад этиш тўғрисидаги қарорда кўрсатилмаган янги асослар бўйича йўналишни ўзгартириш учун рухсатнома беришни рад этишга йўл қўйилмайди;
(11-банд Ўзбекистон Республикаси Вазирлар Маҳкамасининг 2012 йил 1 ноябрдаги 313-сонли қарорига асосан иккинчи хатбоши билан тўлдирилган — ЎР ҚҲТ, 2012 й., 44-сон, 507-модда)
Ҳаракатланиш йўналишини ўзгартиришга рухсатнома бериш рад этилгани тўғрисидаги билдиришнома олингандан кейин белгиланган муддат ўтгандан сўнг берилган ёзма мурожаатнома янгидан берилган ҳисобланади.
12. Ариза берувчи ёхуд унинг ваколатли шахси ҳаракатланиш йўналишини ўзгартиришга олинган рухсатномани:
автотранспорт воситаси Ўзбекистон Республикаси ҳудудига импорт юк билан кирган тақдирда — импорт товарларнинг туширилишини назорат қилган божхона масканига;
хорижий автомобилда юк ташувчининг транспорт воситаси транзит орқали бўш келаётган тақдирда — Ўзбекистон Республикаси ҳудудига кириш божхона масканига тақдим этади.
(12-банд Ўзбекистон Республикаси Вазирлар Маҳкамасининг 2007 йил 28 сентябрдаги 205-сонли қарори таҳририда — ЎР ҚҲТ, 2007 й., 40-сон, 416-модда)
автотранспорт воситаси Ўзбекистон Республикаси ҳудудига импорт юк билан кирган тақдирда — импорт товарларнинг туширилишини назорат қилган божхона маскани ваколатли ходими;
хорижий автомобилда юк ташувчининг транспорт воситаси транзит орқали бўш келаётган тақдирда — Ўзбекистон Республикаси ҳудудига кириш божхона маскани ваколатли ходими томонидан рухсатноманинг тартиб рақамини ва берилган санасини кўрсатган ҳолда расмийлаштирилади.
(13-банд Ўзбекистон Республикаси Вазирлар Маҳкамасининг 2007 йил 28 сентябрдаги 205-сонли қарори таҳририда — ЎР ҚҲТ, 2007 й., 40-сон, 416-модда)
14. Ўзгартириш бориладиган жой ҳаракатланиш йўналиши варақасининг ўнг томондаги пастки бурчагида олиб чиқиладиган товарнинг юкланган жойи ва санасини ҳамда хорижий автомобилда юк ташувчи товарни олиб чиқадиган, божхона маскани ваколатли ходимининг имзоси ва тартиб рақамли шахсий муҳри билан тасдиқланган янги ҳаракатланиш йўналишини кўрсатиш йўли билан амалга оширилади.
15. Ҳаракатланиш йўналишини ўзгартиришга рухсатнома ўзгартирилган ҳаракатланиш йўналиши варақаси билан бирга хорижий автомобилда юк ташувчига қайтарилади.
16. Ҳаракатланиш йўналиши ўзгартирилгандан кейин рухсатноманинг тўлдирилган йиртма корешоги божхона маскани томонидан рухсатномани берган Давлат божхона қўмитасининг ҳудудий бошқармасига ҳисобга олиш ва назорат қилиш учун жўнатилади.
17. Хорижий автомобилда юк ташувчи Ўзбекистон Республикаси ташқарисига чиқиб кетаётганда ҳаракатланиш йўналишини ўзгартиришга рухсатнома хорижий автомобилда юк ташувчи томонидан чиқиб кетиш жойидаги божхона масканига топширилади.
18. Ҳаракатланиш йўналишини ўзгартиришга рухсатнома ҳисобга олиш ва назорат қилиш учун тегишли божхона масканининг ҳужжатлар йиғмажилдида қолади.
Олдинги таҳрирга қаранг.
(19-банд Ўзбекистон Республикаси Вазирлар Маҳкамасининг 2012 йил 1 ноябрдаги 313-сонли қарорига асосан ўз кучини йўқотган — ЎР ҚҲТ, 2012 й., 44-сон, 507-модда)
Олдинги таҳрирга қаранг.
(20-банд Ўзбекистон Республикаси Вазирлар Маҳкамасининг 2012 йил 1 ноябрдаги 313-сонли қарорига асосан ўз кучини йўқотган — ЎР ҚҲТ, 2012 й., 44-сон, 507-модда)
Хорижий автомобилда юк ташувчилар автотранспорт воситаларининг Ўзбекистон Республикаси ҳудудида ҳаракатланиш йўналишларини ўзгартиришга рухсатнома бериш тартиби тўғрисидаги низомга
1-ИЛОВА
1-ИЛОВА
(1-илова Ўзбекистон Республикаси Вазирлар Маҳкамасининг 2007 йил 28 сентябрдаги 205-сонли қарори таҳририда — ЎР ҚҲТ, 2007 й., 40-сон, 416-модда)
Хорижий автомобилда юк ташувчилар автотранспорт воситаларининг Ўзбекистон Республикаси ҳудудида ҳаракатланиш йўналишларини ўзгартиришга рухсатнома бериш тартиби тўғрисидаги низомга
2-ИЛОВА
2-ИЛОВА
Олдинги таҳрирга қаранг.
(3-илова Ўзбекистон Республикаси Вазирлар Маҳкамасининг 2012 йил 1 ноябрдаги 313-сонли қарорига асосан ўз кучини йўқотган — ЎР ҚҲТ, 2012 й., 44-сон, 507-модда)