LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 28 июндаги 395-сонли «Ўзбекистон Республикасида геодезия ва картография соҳасини такомиллаштиришга доир қўшимча чора-тадбирлар тўғрисида»ги қарорига асосан ўз кучини йўқотган.
«Геодезия ва картография тўғрисида» Ўзбекистон Республикаси Қонунига мувофиқ Ўзбекистон Республикаси ҳудудида геодезия пунктларининг сақланишини таъминлаш мақсадида Вазирлар Маҳкамаси қарор қилади:
1. Ўзбекистон Республикаси ҳудудида Қўриқланадиган геодезия зоналари ва геодезия пунктларини қўриқлаш тўғрисидаги илова қилинаётган Низом тасдиқлансин.
2. Мазкур қарорнинг бажарилишини назорат қилиш Ўзбекистон Республикаси Вазирлар Маҳкамасининг Индустрияни ривожлантириш комплекси Котибиятига юклансин.
1. Мазкур Низом «Геодезия ва картография тўғрисида» Ўзбекистон Республикаси Қонунига мувофиқ Ўзбекистон Республикаси ҳудудида геодезия пунктлари қўриқланишини таъминлаш тартибини белгилайди.
2. Геодезия пункти махсус марказ, сиртқи белги ва геодезия пунктининг чегараси ҳисобланадиган зовур ёки тупроқ девор кўринишидаги ташқи шаклдан иборат бўлади.
Геодезия пунктининг ташқи шакли мавжуд бўлмаган тақдирда сиртқи белгининг асоси унинг чегараси ҳисобланади.
Сиртқи белгиларга эга бўлмаган, махсус марказлари эса иморатлар ва бошқа иншоотларнинг деворларига жойлаштирилган геодезия пунктлари учун пунктларнинг чегаралари ва Қўриқланадиган зоналари белгиланмайди.
3. Геодезия пункти жойлашган ер участкаси ва ташқи томондан пункт чегарасига туташиб кетувчи 1 метр кенгликдаги ер геодезия пунктининг Қўриқланадиган зонаси ҳисобланади.
4. Геодезия пунктининг Қўриқланадиган зонаси доирасида Ўзбекистон Республикаси Вазирлар Маҳкамаси ҳузуридаги Геодезия, картография ва, давлат кадастри бош бошқармасининг рухсатисиз сиртқи белгининг шикастланиши ва йўқ қилинишига, махсус марказ жойлашган жойнинг ўзгармаслиги бузилишига олиб келиши ёки геодезия пунктидан унинг бевосита вазифасига кўра фойдаланишда ва унга эркин боришда қийинчилик туғдириши мумкин бўлган фаолият турларини амалга ошириш ва ишларни бажариш тақиқланади.
Кейинги таҳрирга қаранг.
5. Геодезия пунктлари қўриқланишини таъминлаш зарур бўлган ҳолларда фуқаролик қонун ҳужжатларида белгиланган тартибда сервитут* ўрнатилади.
6. Ўз ишида геодезия пунктларидан фойдаланувчи ташкилотлар Ўзбекистон Республикаси Геодезия назорати давлат инспекциясига ушбу пунктларнинг ҳолати тўғрисида ахборот тақдим этадилар.
7. Геодезия пунктлари сақланиши устидан кузатишни ташкил этиш улар ўрнатилган ҳудудлардаги туманлар, шаҳарлар ҳокимликларига юкланади. Геодезия пунктларининг шикастланиши ёки йўқ қилиниши, шунингдек улар тайёрланган материалларнинг ўғирланиши Ўзбекистон Республикаси қонун ҳужжатларига мувофиқ айбдор шахсларнинг жавобгарлигига олиб келади.
8. Геодезия пунктларини мунтазам равишда текшириб туриш ва тиклаш Ўзбекистон Республикаси Вазирлар Маҳкамаси ҳузуридаги Геодезия, картография ва давлат кадастри бош бошқармаси томонидан амалга оширилади.
Кейинги таҳрирга қаранг.
9. Ўзбекистон Республикаси ҳудудида геодезия пунктларини ҳисобга олиш Ўзбекистон Республикаси Геодезия назорати давлат инспекцияси томонидан амалга оширилади.
Кейинги таҳрирга қаранг.