LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон Республикаси Олий Мажлисининг «Қашқадарё вилоятининг Баҳористон ва Усмон Юсупов туманларини бирлаштириш тўғрисида» 2003 йил 25 апрелдаги 485-II-сон қарорини бажариш юзасидан ҳамда Қашқадарё вилоятидаги Миришкор туманини барқарор ривожлантириш учун иқтисодий ва ташкилий шарт-шароитлар яратиш мақсадида Вазирлар Маҳкамаси қарор қилади:
1. Қашқадарё вилоятининг Баҳористон ва Усмон Юсупов туманлари негизида Миришкор туманини ташкил этиш билан боғлиқ ташкилий тадбирларни амалга ошириш бўйича 1-иловага* мувофиқ республика комиссияси тузилсин.
2. Қашқадарё вилояти Миришкор тумани ҳокимлиги аппарати ходимларининг чекланган сони 16 кишидан (хизмат кўрсатувчи ходимлардан ташқари) иборат бўлган тузилмаси 2-иловага мувофиқ тасдиқлансин.
Миришкор тумани ҳокимлик аппарати, унинг мустақил бошқармалари (бўлимлари) раҳбар ходимларига ва мутахассисларига иш ҳақи тўлаш бўйича I гуруҳга киритилсин.
10 кун муддатда Қашқадарё вилояти ҳокимлиги, Ўзбекистон Республикаси Иқтисодиёт вазирлиги, Молия вазирлиги, Меҳнат ва аҳолини ижтимоий муҳофаза қилиш вазирлиги, бошқа манфаатдор вазирликлар ва идоралар билан биргаликда Миришкор тумани бошқарув органлари штат ходимлари сонини, тузилмаси ва иш ҳақи фондларини, уларни жойлаштириш жойларини белгилаш ҳамда зарур моддий-техник базани яратиш бўйича ташкилий масалаларни ҳал этсин, бунда Ўзбекистон Республикаси Президентининг иқтисодиётни бошқариш тузилмасини такомиллаштириш бўйича 2003 йил 25 апрелдаги Ф-1761-сон фармойиши талабларига қатъий амал қилсин;
бир ой муддатда Ўзбекистон Республикаси Иқтисодиёт вазирлиги, Молия вазирлиги, Қашқадарё вилояти ҳокимлиги билан биргаликда 2003 йил учун Миришкор тумани бюджети прогноз параметрларини ҳамда туманни иқтисодий ва ижтимоий ривожлантириш дастурларининг асосий кўрсаткичларини белгиласин;
Қашқадарё вилояти ҳокимлиги билан биргаликда Миришкор тумани бошқарув тузилмаларини шакллантиришнинг ташкилий даврида иқтисодиёт тармоқларининг аниқ, барқарор ва бир маромда ишлашини, ижтимоий масалаларнинг ўз вақтида ҳал этилишини таъминласин;
Ўзбекистон Республикаси Меҳнат ва аҳолини ижтимоий муҳофаза қилиш вазирлиги, маҳаллий ҳокимият органлари билан биргаликда Баҳористон ва Усмон Юсупов туманларининг давлат ва хўжалик бошқарув органларини бирлаштириш натижасида бўшайдиган шахсларни ишга жойлаштириш чора-тадбирларини кўрсин, уларни қайта тайёрлаш ва малакасини ошириш чора-тадбирларини амалга оширсин.
4. Ўзбекистон Республикаси Давлат статистика қўмитаси Қашқадарё вилояти ҳокимлиги билан биргаликда икки ой муддатда, кейинчалик статистик базанинг таққосланувчанлигини таъминлаш учун Миришкор тумани бўйича кўрсаткичларнинг аниқ тизимини белгиласин.
5. Қашқадарё вилояти ҳокимлиги (Зайниев) Ўзбекистон Республикаси Иқтисодиёт вазирлиги ҳамда бошқа манфаатдор вазирликлар ва идоралар билан биргаликда икки ой муддатда иқтисодий ислоҳотларни чуқурлаштириш ва Миришкор туманини ижтимоий-иқтисодий ривожлантиришни жадаллаштириш бўйича тадбирлар комплексини ишлаб чиқсин ва тасдиқласин.
6. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов ва Қашқадарё вилояти ҳокими Н. Зайниев зиммасига юклансин.
Кейинги таҳрирга қаранг.