Вазирлар Маҳкамасининг «Кимё саноати корхоналарини бошқариш тузилмасини такомиллаштириш ва қишлоқ хўжалигига агрокимё хизмати кўрсатишни яхшилаш чора-тадбирлари тўғрисида» 2004 йил 23 январдаги 33-сон ҳамда «Ўзкимёсаноат» давлат-акциядорлик компанияси ташкилий тузилмасини қисман ўзгартириш тўғрисида» 2004 йил 31 мартдаги 154-сон қарорларига мувофиқ Вазирлар Маҳкамаси қарор қилади:
1. Вазирлар Маҳкамасининг «Қишлоқ хўжалигига агрокимё хизмати кўрсатишни такомиллаштириш чора-тадбирлари тўғрисида» 2001 йил 1 февралдаги 63-сон қароридаги (Ўзбекистон Республикаси ҚТ, 2001 й., 2-сон, 8-модда) 10 ва 11-бандлар қуйидаги таҳрирда баён қилинсин:
«10. Ўзбекистон Республикаси Монополиядан чиқариш ва рақобатни ривожлантириш давлат қўмитаси ҳамда Молия вазирлиги «Ўзкимёсаноат» давлат-акциядорлик компанияси корхоналари томонидан ишлаб чиқариладиган ҳамда товар ишлаб чиқарувчиларга «Қишлоқхўжаликкимё» ҳудудий акциядорлик жамиятлари орқали сотиладиган минерал ўғитлар, ўсимликларни ҳимоя қилиш кимёвий воситаларига, Ўзбекистон Республикаси Қишлоқ ва сув хўжалиги вазирлигининг Республика ўсимликларни ҳимоя қилиш маркази томонидан бажариладиган қишлоқ хўжалиги корхоналарига агрокимёвий хизматлар кўрсатиш бўйича хизматлар ва ишларга нарх белгилаш нормаларининг асосланганлиги ва уларга риоя этилиши устидан қатъий назорат ўрнатсинлар.
11. «Ўзкимёсаноат» давлат-акциядорлик компаниясининг «Қишлоқхўжаликкимё» ҳудудий акциядорлик жамиятларига «Ўзқишлоқхўжаликмаш-холдинг» компанияси корхоналари, шу жумладан қўшма корхоналар томонидан ишлаб чиқарилаётган қишлоқ хўжалиги техникасини Вазирлар Маҳкамасининг 2000 йил 2 ноябрдаги 424-сон қарори билан тасдиқланган тартибга мувофиқ лизинг бўйича сотиб олиш ҳуқуқи берилсин».
2. Вазирлар Маҳкамасининг «Қишлоқ хўжалиги корхоналарини фермер хўжаликларига айлантириш чора-тадбирлари тўғрисида» 2002 йил 5 январдаги 8-сон қарорининг (Ўзбекистон Республикаси ҚТ, 2002 й., 1-сон, 2-модда) 4-бандида:
учинчи хатбошидаги «Ўзқишлоқхўжаликкимё» компаниясининг фермер хўжаликларини минерал ўғитлар ва бошқа кимёвий воситалар билан таъминлаш омбори» сўзлари «Ўзкимёсаноат» давлат-акциядорлик компанияси «Қишлоқхўжаликкимё» ҳудудий акциядорлик жамиятларининг фермер хўжаликларини минерал ўғитлар ва бошқа кимёвий воситалар билан таъминлаш омбори» сўзлари билан алмаштирилсин.
3. Вазирлар Маҳкамасининг «Ўзбекистон Республикаси пиллачилик соҳасини янада ривожлантириш чора-тадбирлари тўғрисида» 2002 йил 5 апрелдаги 118-сон қарорининг 5-банди қуйидаги таҳрирда баён қилинсин:
«5. Ўзбекистон Республикаси Қишлоқ ва сув хўжалиги вазирлиги ҳар йили пилла етиштирувчи корхоналарга тут дарахтлари зараркунандаси «тут парвонаси»га қарши кураш воситаларини «Ўзбек ипаги» уюшмаси билан биргаликдаги ҳисоб-китоблар асосида аниқланадиган ҳажмда ажратишни назарда тутсин».
Олдинги таҳрирга қаранг.
(4-банд Ўзбекистон Республикаси Вазирлар Маҳкамасининг 2021 йил 22 февралдаги 87-сонли қарорига асосан ўз кучини йўқотган — Қонун ҳужжатлари маълумотлари миллий базаси, 22.02.2021 й., 09/21/87/0134-сон)
5. Вазирлар Маҳкамасининг «Иқтисодий ночор корхоналарни тугатиш ва уларнинг таркибини ўзгартиришга доир қўшимча чора-тадбирлар тўғрисида» 2002 йил 8 октябрдаги 347-сон қарорида:
3-иловадаги 1—6-сатрлар «Ўзкимёсаноат» давлат-акциядорлик компанияси бўлимидан 196—201-сатрлар билан «Ҳудудий бўйсунишдаги корхоналар» бўлимига ўтказилсин;
4-иловадаги 45-сатр «Ўзкимёсаноат» давлат-акциядорлик компанияси бўлимидан 48-сатр билан «Ҳудудий бўйсунишдаги корхоналар» бўлимига ўтказилсин, «Бажариш учун масъуллар» устунидан «Ўзкимёсаноат» давлат-акциядорлик компанияси» сўзлари чиқариб ташлансин;
5-иловага «Ҳудудий бўйсунишдаги корхоналар» бўлими қўшилсин, 26 ва 28-сатрлар «Ўзкимёсаноат» давлат-акциядорлик компанияси бўлимидан 1 ва 2-сатрлар билан «Ҳудудий бўйсунишдаги корхоналар» бўлимига ўтказилсин.
6. Вазирлар Маҳкамасининг «2003-2004 йилларда корхоналарни давлат тасарруфидан чиқариш ва хусусийлаштириш дастури тўғрисида» 2003 йил 17 апрелдаги 185-сон қарорида:
1-иловадаги 11-15-сатрлар «Ўзкимёсаноат» давлат-акциядорлик компанияси бўлимидан 1392—1396-сатрлар билан «Бошқалар» бўлимига ўтказилсин;
3-иловадаги «Ўзкимёсаноат» давлат-акциядорлик компанияси бўлимида 1-сатрдаги «25%» рақами ҳамда 2, 3-сатрлардаги «26%» рақами «Давлат тасарруфида қолдириладиган давлат улуши миқдори» 6-устунидан тегишли равишда «Акциядорлик компанияси, давлат-акциядорлик компанияси ва холдинг компаниялари устав фондига бериладиган давлат улуши миқдори» 5-устунига ўтказилсин;
4-иловадаги 3, 7, 8-сатрлар «Ўзкимёсаноат» давлат-акциядорлик компанияси бўлимидан 645, 646, 647-сатрлар билан «Бошқалар» бўлимига ўтказилсин.
7. Вазирлар Маҳкамасининг 2003 йил 30 октябрдаги 476-сон қарори билан тасдиқланган 2004—2006 йилларда фермер хўжаликларини ривожлантириш концепциясини амалга ошириш чора-тадбирлари дастурида, III бўлимда, «Масъул бажарувчилар» устунида 3.1, 3.2, 3.4-кичик бандларда, «Тадбирлар номи», «Масъул бажарувчилар» устунларида 3.3-кичик бандда «Ўзқишлоқхўжаликкимё» сўзи «Ўзкимёсаноат» компаниясининг «Қишлоқхўжаликкимё» ҳудудий акциядорлик жамиятлари» сўзлари билан алмаштирилсин.
8. Вазирлар Маҳкамасининг «Ўзбекистон Республикаси Вазирлар Маҳкамаси аппарати тузилмасини қисман ўзгартириш тўғрисида» 2003 йил 27 декабрдаги 574-сон қарорига 1-иловада «Ўзқишлоқхўжаликкимё» сўзи чиқариб ташлансин.
Олдинги таҳрирга қаранг.
(9-банд Ўзбекистон Республикаси Вазирлар Маҳкамасининг 2021 йил 22 февралдаги 87-сонли қарорига асосан ўз кучини йўқотган — Қонун ҳужжатлари маълумотлари миллий базаси, 22.02.2021 й., 09/21/87/0134-сон)