Қашқадарё вилояти ҳокимининг
Қарори
Қашқадарё вилоятининг 2014 йилги асосий макроиқтисодий кўрсаткичлари прогнози ва маҳаллий бюджети параметрлари тўғрисида
Мазкур қарор Қашқадарё вилояти ҳокимининг 2014 йил 19 декабрдаги Х-376/12-сонли «Қашқадарё вилоятининг 2015 йилги асосий макроиқтисодий кўрсаткичлари прогнози ва маҳаллий бюджети параметрлари тўғрисида»ги қарорига асосан ўз кучини йўқотган.
Ўзбекистон Республикаси Олий Мажлиси Қонунчилик палатасининг «Ўзбекистон Республикасининг 2014 йилги Давлат бюджети тўғрисида»ги 2013 йил 14 ноябрдаги 770-II-сонли қарори, Ўзбекистон Республикаси Олий Мажлиси Сенатининг «Ўзбекистон Республикасининг 2014 йилги Давлат бюджети тўғрисида»ги 2013 йил 12 декабрдаги СҚ-399-II-сонли қарори ва Ўзбекистон Республикаси Президентининг 2013 йил 25 декабрдаги «Ўзбекистон Республикасининг 2014 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги ПҚ-2099-сон қарори (Ўзбекистон Республикаси қонун ҳужжатлари тўплами, 2013 й., 52-сон, 690-модда) ижросини таъминлаш мақсадида Ўзбекистон Республикаси «Маҳаллий давлат ҳокимияти тўғрисида»ги Қонунининг 6-моддасига асосан қарор қиламан:
1. Ўзбекистон Республикаси Президентининг 2013 йил 25 декабрдаги «Ўзбекистон Республикасининг 2014 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги ПҚ-2099-сон ва Халқ депутатлари Қашқадарё вилоят кенгашининг 2013 йил 28 декабрдаги «Вилоят маҳаллий бюджетининг 2013 йилдаги ижроси ҳамда 2014 йилги бюджети параметрлари тўғрисида»ги IV/38-124-сон қарорлари раҳбарлик ва ижро учун қабул қилинсин.
2. Вилоятнинг ижтимоий-иқтисодий ривожлантириш бўйича асосий макроиқтисодий кўрсаткичлар прогнози 1-иловага;
маҳаллий бюджетнинг асосий параметрлари 2-иловага;
Қарши шаҳар ҳамда туманлар маҳаллий бюджетларининг даромадлар ва харажатлар ҳажмлари, вилоят бюджетидан бериладиган мақсадли субвенцияларнинг ва ўтказиб бериладиган даромадларнинг чекланган миқдорлари 3-иловага;
Қарши шаҳар ва туманлар маҳаллий бюджетларига умумдавлат солиқлар тушумларидан ажратмалар нормативлари 4-иловага;
Қарши шаҳар ва туманлар маҳаллий бюджетлари айланма касса маблағининг йўл қўйиладиган энг кам миқдорлари 5-иловага;
маҳаллий солиқлар ва йиғимлар ставкалари 6-иловага;
савдо ва умумий овқатланиш корхоналарига, шунингдек шу соҳага тегишли микрофирмалар ва кичик корхоналар учун ягона солиқ тўлови ставкалари 7-иловага мувофиқ тасдиқлансин.
3. 2014 йил учун вилоят маҳаллий бюджетининг захира жамғармаси 1731,7 млн сўм миқдорида белгилансин.
4. Ўзбекистон Республикаси Президентининг 2013 йил 25 декабрдаги ПҚ-2099-сон қарорига асосан:
қўшилган қиймат солиғи ставкаси 20 фоиз;
Ўзбекистон Республикаси резидентларига дивидендлар ва фоизлар тарзида тўланадиган даромад солиғи ставкалари 10 фоиз;
белгиланган солиққа тортиш объектларидан Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига мажбурий ажратмалар ставкалари 1,6 фоиз, Ўзбекистон Республика Молия вазирлиги ҳузуридаги Республика йўл жамғармасига мажбурий ажратмалар ставкалари 1,4 фоиз ва Ўзбекистон Республика Молия вазирлиги ҳузуридаги бюджетдан ташқари Таълим ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасига мажбурий ажратмалар ставкалари 0,5 фоиз;
маблағларни бюджетдан ташқари Пенсия жамғармаси, Бандликка кўмаклашиш давлат жамғармаси ва Ўзбекистон Касаба уюшмалари Федерацияси Кенгаши ўртасида Ўзбекистон Республикаси Президентининг мазкур қарорининг тегишли иловасида келтирилган нормативларга мувофиқ тақсимланган ҳолда ягона ижтимоий тўлов ставкаси 25 фоиз;
фуқароларнинг Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига мажбурий суғурта бадаллари ставкаси 6,5 фоиз миқдорида белгиланганлиги;
юридик шахслардан олинадиган даромад (фойда) солиғи ставкалари;
жисмоний шахслардан олинадиган даромад солиғи ставкалари;
ягона солиқ тўлови ставкалари;
тадбиркорлик фаолияти айрим турлари бўйича юридик шахслардан ва якка тартибдаги тадбиркорлардан олинадиган қатъий белгиланган солиқ ставкалари;
якка тартибдаги тадбиркорлардан олинадиган қатъий белгиланган солиқ ставкалари;
Ўзбекистон Республикасида ишлаб чиқариладиган ва унинг ҳудудига четдан келтириладиган акциз солиғига тортиладиган товарларга акциз солиғи ставкалари;
сув ресурсларидан фойдаланганлик учун солиқ ставкалари;
ер қаъридан фойдаланганлик учун солиқ ставкалари;
имзоланадиган бонус ва тижорат топилмаси бонуси ставкалари;
айрим турдаги маҳсулотлар бўйича қўшимча фойда солиғи ставкалари;
юридик ва жисмоний шахсларнинг мол-мулкига солинадиган солиқ ставкалари;
юридик ва жисмоний шахслардан олинадиган ер солиғи ставкалари;
ягона ер солиғи ставкалари;
Ўзбекистон Республикаси Молия вазирлиги ҳузуридаги Республика йўл жамғармасига ажратмалар ва йиғимлар ставкалари;
мол-мулкни ижарага берувчи жисмоний шахслар учун ижара ҳақи ставкалари тасдиқланганлиги маълумот учун қабул қилинсин.
5. Маҳаллий ҳокимият ва бошқарув органларнинг барча даражалардаги маҳаллий бюджетлар даромадлари ва харажатларини шакллантиришдаги роли, мустақиллиги ва масъулиятини ошириш, маҳаллий бюджетларнинг Давлат бюджетидаги улушини кўпайтириш мақсадида қуйидаги умумдавлат солиқлари:
сув ресурсларидан фойдаланганлик учун солиқ;
юридик ва жисмоний шахсларнинг тадбиркорлик фаолияти айрим турлари бўйича қатъий белгиланган солиқ;
якка тартибдаги тадбиркорлардан олинадиган қатъий белгиланган солиқ;
Ўзбекистон Республикасида ишлаб чиқариладиган ўсимлик мойи ва пиво маҳсулотининг акциз солиғи бўйича тушумлар;
давлат божи, йиғимлар ва жарималар тўлиқ миқдорда шаҳар ва туманнинг маҳаллий бюджетлар даромадларига ўтказилиши белгилаб қўйилганлиги маълумот учун қабул қилиниб, ижрога йўналтирилсин.
6. Вилоят ҳокимлиги молия бошқармасига маҳаллий бюджетларга бюджетдан мақсадли субвенциялар ва бюджет ссудалари (даромадлар ва харажатлар ўртасидаги вақтинчалик касса тафовутларини қоплаш учун) ажратишда уларнинг миқдорларини ҳудудлар бўйича барча солиқлар ва бошқа мажбурий тўловларнинг тўлиқ тушушидан, шунингдек маҳаллий бюджетнинг биринчи навбатдаги харажатларини (иш ҳақи, иш ҳақидан ажратмалар, стипендиялар, нафақалар ва уларга тенглаштирилган тўловларни) сўзсиз молиялаштириш зарурлигидан келиб чиққан ҳолда аниқлаштириш ҳуқуқи берилсин.
7. Вилоят Иқтисодиёт Бош бошқармаси тегишли ташкилотлар билан биргаликда 1-иловага мувофиқ тасдиқланган вилоятнинг ижтимоий-иқтисодий ривожлантириш бўйича асосий макроиқтисодий кўрсаткичлар прогнозининг бажарилишини таъминлаш юзасидан зарур чоралар кўриб борсин.
8. Ўзбекистон Республикасининг Бюджет кодекси 2014 йилнинг 1 январидан эътиборан кучга киритилганлиги муносабати билан вилоят ҳокимининг 2004 йил 20 февралдаги Х-85/2 сонли «Вилоят маҳаллий бюджетидан маблағ билан таъминланадиган айрим тиббиёт муассасаларини шаҳар ва ҳокимликлари маҳаллий бюджетларига ўтказиш тўғрисида»ги қарори ўз кучини йўқотган ҳисоблансин ҳамда вилоят ҳокимининг 2013 йил 16 январдаги Х-32/01 сонли «Ўзбекистон Республикаси Президентининг 2012 йил 25 декабрдаги «Ўзбекистон Республикасининг 2013 йилги асосий макроиқтисодий кўрсатгичлари прогнози ва Давлат бюджети параметрлари тўғрисида»ги ПҚ-1887 сонли қарори ҳақида»ги қарорининг 8-иловасидаги Шаҳрисабз туманидаги вилоят ихтисослаштирилган санъат мактаб-интернати, Шаҳрисабз Давлат 6-сонли ихтисослаштирилган мактаб-интернати, Шаҳрисабз Давлат 7-сонли ихтисослаштирилган мактаб-интернати, Яккабоғ Давлат 13-сонли ихтисослаштирилган мактаб-интернати, Яккабоғ Давлат 14-сонли ихтисослаштирилган мактаб-интернати ва вилоят соғлиқни сақлаш бошқармаси тасарруфидаги Қарши шаҳридаги тез тиббий ёрдам автохўжаликларини тегишли туман (шаҳар) маҳаллий бюджетининг харажатларидан амалга ошириш вилоят бюджети харажатларига ўтказилиши муносабати билан мазкур иловадан чиқарилсин.
9. Қашқадарё вилоят ҳокимлиги молия бошқармаси, вилоят ғазначилик бошқармаси, вилоят Марказий банк Бош бошқармаси билан биргаликда 2014 йилнинг январь ойида ўтказилган операцияларни 2013 йилги маҳаллий бюджетнинг ижроси тўғрисидаги ҳисоботда акс эттирган ҳолда, 2013 йилги маҳаллий бюджет ижроси бўйича қонун ҳужжатларида белгиланган тартибда якуний операцияларни ўтказсинлар.
10. Ўзбекистон Республикаси Президентининг 2013 йил 25 декабрдаги ПҚ-2099-сон қарорининг 34-иловасига мувофиқ. товарларнинг айрим турларини ишлаб чиқаришни кенгайтириш ва хизматлар соҳасини ривожлантиришни янада рағбатлантириш мақсадида Ўзбекистон Республикаси Президенти ва Вазирлар Маҳкамасининг алоҳида қарорларида илгари берилган имтиёзлар муддати узайтирилганлиги, 35-иловасига мувофиқ Ўзбекистон Республикаси Президентининг ва Ўзбекистон Республикаси Вазирлар Маҳкамасининг айрим қарорлари 2014 йил 1 январдан бошлаб ўз кучини йўқотганлиги, 36-иловасига мувофиқ Ўзбекистон Республикаси Президенти ва Ўзбекистон Республикаси Вазирлар Маҳкамасининг айрим қарорларига ўзгартириш ва қўшимчалар киритилганлиги;
Ўзбекистон Республикаси Президентининг 2009 йил 22 декабрдаги «Ўзбекистон Республикасининг 2010 йилги асосий макроиқтисодий кўрсатгичлари прогнози ва Давлат бюджети параметрлари тўғрисида»ги ПҚ-1245-сонли қарори 24-бандининг амал қилиши 2015 йилнинг 1 январигача узайтирилгани маълумот учун қабул қилинсин.
11. Вилоят ҳокимининг 2014 йил 10 январдаги Х-7/01-сонли қарори бекор қилинган ҳисоблансин.
12. Ушбу қарорнинг бажарилишини назорат қилиш вилоят ҳокимининг ўринбосари Ғ. Джавлиев зиммасига юклатилсин.
13. Мазкур қарор расман эълон қилинган кундан эътиборан кучга киради.
Ҳоким З. РЎЗИЕВ
Қарши ш.,
2014 йил 30 январь,
Х-23/01-сон
Вилоят ҳокимининг 2014 йил 30 январдаги Х-23/01-сонли қарорига
1-ИЛОВА
Қашқадарё вилоятининг 2014 йилги асосий макроиқтисодий кўрсаткичлари прогнози
Т/р‎ Кўрсатгичлар номи ‎ Йиллик (фоиз) ‎
1.‎ Ялпи ҳудудий маҳсулот ‎ 105,3 ‎
2.‎ Саноат маҳсулотлари ишлаб чиқариш ‎ 105,6 ‎
2.1‎ Ҳудудий саноат маҳсулотлари ‎ 115,0 ‎
3.‎ Қишлоқ хўжалиги ялпи маҳсулоти‎ 106,0 ‎
4.‎ Пудрат ишлари ‎ 108,7‎
5.‎ Чакана савдо айланмаси ‎ 115,6 ‎
6.‎ Пуллик хизмат ‎ 116,9 ‎
Вилоят ҳокимининг 2014 йил 30 январдаги Х-23/01-сонли қарорига
2-ИЛОВА
Қашқадарё вилояти маҳаллий бюджетининг 2014 йилги
АСОСИЙ КЎРСАТКИЧЛАРИ

I. Даромад турлари

млн сўмда ‎

1.‎ Юридик шахслардан олинадиган фойда солиғи ‎ 54 175,7 ‎
2.‎ Савдо ва умумий овқатланиш корхоналари учун ягона солиқ тўловидан Давлат бюджетига ажратмалар ‎ 50 547,4 ‎
3.‎ Ягона солиқ тўловидан Давлат бюджетига ажратмалар, шу жумладан кичик корхона ва микрофирмалар бўйича ‎ 37 377,2 ‎
4.‎ Жисмоний шахслардан олинадиган даромад солиғи ‎ 245 784,4 ‎
5.‎ Тадбиркорлик фаолияти билан шуғулланувчи юридик ва жисмоний шахслардан олинадиган қатъий белгиланган даромад солиғи ‎ 31 121,3 ‎
6.‎ Қўшилган қиймат солиғи ‎ 387 189,2 ‎
7.‎ Акциз солиғи, жами ‎ 19 175,3 ‎
шу жумладан: ‎
ароқ ‎ 4 883,5 ‎
бошқа винолар ‎ 225,1 ‎
пиво ‎ 389,8 ‎
ўсимлик (пахта) ёғи ‎ 13 676,9 ‎
8.‎ Юридик шахсларнинг мол-мулкига солинадиган солиқ ‎ 254 316,0 ‎
9.‎ Жисмоний шахсларнинг мол-мулкига солинадиган солиқ ‎ 19 435,0 ‎
10.‎ Ер солиғи (ягона ер солиғидан ташқари) ‎ 33 978,0 ‎
11.‎ Ягона ер солиғи ‎ 11 420,9 ‎
12.‎ Ер ости бойликларидан фойдаланганлик учун солиқ ‎ 0,0 ‎
13.‎ Сув ресурсларидан фойдаланганлик учун солиқ ‎ 14 285,9 ‎
14.‎ Ободонлаштириш ва ижтимоий инфратузилмани ривожлантириш солиғи ‎ 165 734,7 ‎
15.‎ Давлат божи ‎ 24 189,0 ‎
16.‎ Жарималар ‎ 16 523,0 ‎
17.‎ ЎзР ИИВ Йўл ҳаракати хавфсизлиги Бош бошқармаси ва унинг ҳудудий бўлинмалари томонидан ундириладиган йиғимлар‎

15 353,9‎

18.‎ Бозорлар даромадидан тушум‎ 5 911,2 ‎
19.‎ Маҳаллий йиғимлар ‎ 2 419,5 ‎
20.‎ Жисмоний шахслардан транспорт воситалари учун бензин, дизел ёқилғиси ва газ истеъмол қилганлик учун солиқ ‎ 52 522,7 ‎
21.‎ Бошқа тушумлар ‎ 1 438,7 ‎
Жами ‎ 1 442 899,0 ‎
Кўрсаткичлар

млн сўмда ‎

II. Харажатлар — жами ‎

1 442 899,0 ‎
1.‎ Ижтимоий соҳа ва аҳолини ижтимоий қўллаб-қувватлашга харажатлар — жами ‎ 1 338 250,8 ‎
шу жумладан: ‎
1.1‎ Маориф ‎ 869 208,3‎
умумий таълим ‎ 673 758,7 ‎
кадрлар тайёрлаш ‎ 195 449,6 ‎
1.2‎ Соғлиқни сақлаш ‎ 304 267,7 ‎
1.3‎ Маданият ва спорт, оммавий ахборот воситалари ‎ 6 244,7 ‎
маданият ва оммавий ахборот воситалари ‎ 6 118,2 ‎
спорт ‎ 126,5 ‎
1.4‎ Фан ‎ 494,6 ‎
1.5‎ Ижтимоий таъминот ‎ 7 347,4 ‎
1.6‎ Болали оилаларга ва кам таъминланган оилаларга нафақалар ‎ 149 875,2 ‎
1.8‎ Давлат мукофотларини тўлаш бўйича харажатлар ‎ 4,8 ‎
1.9‎ Ижтимоий кўникма марказлари ‎ 518,9 ‎
1.10‎ Иситиш қозонхоналари ва коммунал хўжаликнинг иситиш тизимларини капитал таъмирлаш ‎ 289,0 ‎
2.‎ Иқтисодиётга харажатлар ‎ 47 606,5 ‎
шу жумладан: ‎
2.1‎ Қишлоқ хўжалиги вазирлиги ташкилотлари ‎ 6 526,9 ‎
2.3‎ Ободонлаштириш ‎ 39 218,7 ‎
2.4‎ Дренаж ишлари билан боғлиқ харажатлар ‎ 1 861,0 ‎
3.‎ Марказлаштирилган инвестицияларни молиялаштиришга харажатлар ‎ 17 712,8 ‎
4.‎ Давлат ҳокимияти ва бошқарув органларини сақлаш ‎ 13 393,5 ‎
5.‎ Фуқароларнинг ўзини ўзи бошқариш органларини сақлаш ‎ 23 074,4 ‎
6.‎ Захира жамғармаси ‎ 1 731,2 ‎
7.‎ Бошқа харажатлар ‎ 1 130,0 ‎
шу жумладан: ‎
7.2‎ Қабуллар уйини сақлаш харажатлари ‎ 685,9 ‎
7.3‎ Бошқа тадбирларга ‎ 444,2 ‎
Айланма касса маблағи меъёри ‎ 8 731,1 ‎
Вилоят ҳокимининг 2014 йил 30 январдаги Х-23/01-сонли қарорига
3-ИЛОВА
Шаҳар ва туман маҳаллий бюджетларининг 2014 йилги даромад ва харажатлар, вилоят бюджетидан бериладиган субвенцияларни чегараланган миқдорлари
ҲАЖМИ
Ҳудудлар номи ‎ Даромадлар, вилоят
‎бюджетидан туман
‎маҳаллий бюджетларига
‎бериладиган даромадларни ҳисобга олган ҳолда ‎
Харажатлар Халқ таълими
‎муассасалари
‎иш ҳақи ва иш ҳақидан
‎ажратмалар ва ижтимоий нафақаларни
‎молиялаштиришга
‎субвенциялар **
Халқ таълими
‎муассасалари иш
‎ҳақларини молиялаштиришга
‎субвенция фоизи‎
А ‎

1 ‎

2‎ 3‎ 4‎ 5‎
1.‎ Қарши шаҳар ‎ 86444,2 ‎ 86444,2 ‎
2.‎ Ғузор туман ‎ 85096,3 ‎ 85096,3 ‎
3.‎ Деҳқонобод туман * 66362,4 ‎ 66362,4 ‎
4.‎ Қамаши туман * 37822,9 ‎ 84030,1 ‎ 46207,2 ‎ 100,0 ‎
5.‎ Қарши туман * 46668,6 ‎ 72621,9 ‎ 25953,3 ‎ 77,6 ‎
6.‎ Косон туман * 82662,2 ‎ 93614,8 ‎ 10952,5 ‎ 24,3 ‎
7.‎ Китоб туман * 36612,6 ‎ 88032,0 ‎ 51419,3 ‎ 81,8 ‎
8.‎ Муборак туман ‎ 29874,9 ‎ 29874,9 ‎
9.‎ Нишон туман ‎ 49164,6 ‎ 49164,6 ‎
10.‎ Касби туман * 32912,7 ‎ 61515,1 ‎ 28602,4 ‎ 100,0 ‎
11.‎ Миришкор туман * 24968,1 ‎ 38169,0 ‎ 13200,9 ‎ 79,6 ‎
12.‎ Чироқчи туман * 33384,0 ‎ 143054,4 ‎ 109670,4 ‎ 98,2 ‎
13.‎ Шаҳрисабз туман * 96940,7 ‎ 123373,6 ‎ 26432,9 ‎ 55,8 ‎
14.‎ Яккабоғ туман * 31854,6 ‎ 91881,1 ‎ 60026,5 ‎ 92,6 ‎
Жами ‎ 740768,7 ‎ 1113234,2 ‎ 372465,5 ‎ Х ‎
*) Даромалар қисмига вилоят бюджетидан шу туманларда шаклланган ўтказилиб бериладиган даромадлар ҳам ҳисобга олинган.
Вилоят молия бошқармасига даромадларнинг тасдиқланган ҳажмларига аниқлик киритиш, вилоят бюджетидан туман бюджетларига ўтказиб бериладиган даромадларни шу туманларда шаклланган солиқ тушумларини ҳисобга олган ҳолда даромадлар ва харажатлар ўртасидаги касса фарқларини ўзаро ҳисоб-китоб маблағлари орқали тартибга солиш ҳуқуқи берилади.
**) Халқ таълими муассасалари иш ҳақи, иш ҳақидан ажратма ва ижтимоий нафақаларни молиялаштириш учун субвенция ҳажми шу ҳудудларда ҳисобланган солиқлар ва бошқа мажбурий тўловлар прогнози ҳисобга олинган ҳолда аниқлик киритилган.
Вилоят ҳокимининг 2014 йил 30 январдаги Х-23/01-сонли қарорига
4-ИЛОВА
2014 йилги Қарши шаҳар бюджети ва туман маҳаллий бюджетларига умумдавлат солиқлари тушумларидан ажратмалар
НОРМАТИВЛАРИ

(фоизда)‎

Қўшилган қиймат солиғи‎ Юридик шахслардан олинадиган фойда солиғи‎ Савдо, умумий овқатланиш корхоналари учун ягона солиқ тўловидан Давлат бюджетига ажратмалар‎ Ягона солиқ тўловидан Давлат бюджетига ажратмалар, шу жумладан кичик корхона ва микрофирмалар бўйича‎ Жисмоний шахслардан олинадиган даромад солиғи‎ Юридик шахсларнинг мол-мулкига солинадиган солиқ‎ Ободонлаштириш ва ижтимоий инфратузилмани ривожлантириш солиғи‎ Алкогол маҳсулотларга яъни ароқ ва бошқа винолардан олинадиган акциз солиғи (этил спирти ва пивадан ташқари)‎
Т/р‎ Шаҳар ва туман номлари‎ I‎ II‎ III‎ IV‎ V‎ VI‎ VII‎ VIII‎
1.‎ Қарши шаҳар‎ 0‎ 0‎ 0‎ 0‎ 20‎ 100‎ 35‎ 50‎
2.‎ Ғузор туман‎ 0‎ 0‎ 100‎ 100‎ 100‎ 61‎ 50‎
3.‎ Деҳқонобод туман‎ 52‎ 52‎ 100‎ 100‎ 100‎ 100‎ 100‎ 50‎
4.‎ Қамаши туман‎ 52‎ 52‎ 100‎ 100‎ 100‎ 100‎ 100‎ 50‎
5.‎ Қарши туман‎ 52‎ 52‎ 100‎ 100‎ 100‎ 100‎ 100‎ 50‎
6.‎ Косон туман‎ 52‎ 52‎ 100‎ 100‎ 100‎ 100‎ 100‎ 50‎
7.‎ Китоб туман‎ 52‎ 52‎ 100‎ 100‎ 100‎ 100‎ 100‎ 50‎
8.‎ Муборак туман‎ 0‎ 0‎ 100‎ 100‎ 20‎ 0‎ 13‎ 50‎
9.‎ Нишон туман‎ 35‎ 52‎ 100 100‎ 100‎ 100‎ 100‎ 50‎
10.‎ Касби туман‎ 52‎ 52‎ 100‎ 100‎ 100‎ 100‎ 100‎ 50‎
11.‎ Миришкор туман‎ 52‎ 52‎ 100‎ 100‎ 100‎ 100‎ 100‎ 50‎
12.‎ Чироқчи туман‎ 52‎ 52‎ 100‎ 100‎ 100‎ 100‎ 100‎ 50‎
13.‎ Шаҳрисабз туман‎ 52‎ 52‎ 100‎ 100‎ 100‎ 100‎ 100‎ 50‎
14.‎ Яккабоғ туман‎ 52‎ 52‎ 100‎ 100‎ 100‎ 100‎ 100‎ 50‎
15.‎ Вилоят бюджети‎ I‎ II‎ III‎ IV‎ V‎ VI‎ VII‎ VIII‎
‎‎Вилоят бўйича жами‎

52‎

52‎ 100‎ 100‎ 100‎ 100‎ 100‎ 100‎

‎‎Изоҳ: Умумий ҳамжмдан вилоят бюджетига ажратма

Т/р‎

Шаҳар ва туман номлари‎

I‎ II‎ III‎ IV‎ V‎ VI‎ VII‎ VIII‎
1.‎ Қарши шаҳар‎ 52‎ 52‎ 100‎ 100‎ 80‎ 65‎
2.‎ Гузор туман‎ 52‎ 52‎ 100‎ 39‎
3.‎ Деҳқонобод туман‎
4.‎ Қамаши туман‎
5.‎ Қарши туман‎
6.‎ Косон туман‎
7.‎ Китоб туман‎
8.‎ Муборак туман‎ 52‎ 52‎ 80‎ 100‎ 87‎
9.‎ Нишон туман‎ 17‎
10.‎ Касби туман‎
11.‎ Миришкор туман‎
12.‎ Чироқчи туман‎
13.‎ Шаҳрисабз туман‎
14.‎ Яккабоғ туман‎
Вилоят ҳокимининг 2014 йил 30 январдаги Х-23/01-сонли қарорига
5-ИЛОВА
Шаҳар ва туман маҳаллий бюджетларининг 2014 йилги нақд пул касса айланмасининг йўл қўйиладиган энг кам
МИҚДОРЛАРИ

(млн сўмда)‎

Суммаси ‎
А ‎

1 ‎

2 ‎
1.‎ Қарши шаҳар ‎ 514,5 ‎
2.‎ Ғузор туман ‎ 541,2 ‎
3.‎ Деҳқонобод туман ‎ 426,6 ‎
4.‎ Қамаши туман ‎ 556,6 ‎
5.‎ Қарши туман ‎ 453,0 ‎
6.‎ Косон туман ‎ 594,7 ‎
7.‎ Китоб туман ‎ 547,5 ‎
8.‎ Муборак туман ‎ 179,1 ‎
9.‎ Нишон туман ‎ 307,1 ‎
10.‎ Касби туман ‎ 383,8 ‎
11.‎ Миришкор туман‎ 234,4 ‎
12.‎ Чироқчи туман ‎ 943,8 ‎
13.‎ Шаҳрисабз туман ‎ 776,9 ‎
14.‎ Яккабоғ туман ‎ 592,4 ‎
15.‎ Вилоят бюджети ‎ 1679,4 ‎

Жами ‎

8731,0 ‎
Вилоят ҳокимининг 2014 йил 30 январдаги Х-23/01-сонли қарорига
6-ИЛОВА
Маҳаллий солиқлар ва йиғимларнинг
СТАВКАЛАРИ
Т/р‎ Солиқлар ва йиғимларнинг турлари ‎ Чегараланган ставкалар ‎
1. ‎ Ободонлаштириш ва ижтимоий инфратузилмани ривожлантириш солиғи ‎ соф фойданинг 8%и ‎
2. ‎ Қуйидагиларнинг истеъмоли учун ундириладиган солиқ*: ‎
транспорт воситалари учун бензин ёқилғиси ‎ 1 литр учун 265 сўм/ 1 тоннаси учун 352 000 сўм**
транспорт воситалари учун дизель ёқилғиси ‎ 1 литр учун 265 сўм/ 1 тоннаси учун 352 000 сўм**
транспорт воситалари учун суюлтирилган газ ‎ 1 литр учун 180 сўм ‎
транспорт воситалари учун сиқилган газ ‎ 1 куб. метр учун 220 сўм ‎
3. ‎ Айрим турдаги товарлар билан чакана савдо қилиш ҳуқуқи учун йиғим***: ‎
алкоголли маҳсулотлар, шу жумладан, умумий овқатланиш корхоналари томонидан алкоголли маҳсулотларнинг реализация қилиниши* 1 ойлик савдо учун энг кам иш ҳақининг 5 баравари ‎
қимматбаҳо металлар ва қимматбаҳо тошлардан ясалган буюмлар ‎ 1 ойлик савдо учун энг кам иш ҳақининг 3,5 баравари ‎
4. ‎ Автотранспорт воситаларини вақтинча сақлаш бўйича пулли хизматларни кўрсатиш ҳуқуқи учун йиғим*** ҳар бир ой учун энг кам иш ҳақининг 8 баравари ‎
*) Кўрсатиб ўтилган ставкалар миқдорлари Ўзбекистон Республикасининг бутун ҳудудида ягона ҳисобланади.
**) Юридик ва жисмоний шахсларга автомобилларга ёнилғи қуйиш шоҳобчалари орқали бензин, дизель ёқилғиси ва газ сотишда транспорт воситалари учун бензин, дизель ёқилғиси ва газни сотишда 1 литр ҳисобида ва қолган ҳолатларда автотранспорт воситалари учун бензин 1 тоннаси ҳисобида ҳисобланади.
***) Йиғим маблағларни келгусида бюджет ҳамда шаҳар ва туман ҳокимликларининг бюджетдан ташқари (махсус) ҳисобварақлари ўртасида тақсимлаш билан ягона ҳисобвараққа, Тошкент шаҳрида эса — Ўзбекистон Республикаси Молия вазирлиги томонидан белгиланган тартибда Савдо, хизматлар соҳаси ва халқ истеъмоли товарлари ишлаб чиқариш департаменти ҳисоб рақамига туширилади.
Вилоят ҳокимининг 2014 йил 30 январдаги Х-23/01-сонли қарорига
7-ИЛОВА
Савдо ва умумий овқатланиш корхоналари, шу жумладан, микрофирмалар ва кичик корхоналар учун ягона солиқ тўловининг
СТАВКАЛАРИ
Т/р‎

Тўловчилар ‎

Солиқ ставкалари, солиқ солинадиган базага нисбатан фоизда ‎

1.‎‏

Умумий овқатланиш корхоналари ‎ 10‎
улардан: ‎
умумий таълим мактаблари, мактаб-интернатлар, ўрта махсус, касб-ҳунар ва олий ўқув юртларига хизмат кўрсатувчи ихтисослашган умумий овқатланиш корхоналари ‎

8‎

2.‎‏

Чакана савдо корхоналари (5-бандда кўрсатилганларидан ташқари), қуйидаги жойларда жойлашган: ‎
аҳолиси сони 100 минг ва ундан кўп кишидан иборат шаҳарларда ‎

4‎

бошқа аҳоли пунктларида ‎

2‎

бориш қийин бўлган ва тоғли туманларда ‎

1‎

3.‎

Улгуржи савдо корхоналари (5-бандда кўрсатилганларидан ташқари)‎ 5 ‎

4.‎

Чакана ва улгуржи товар обороти бўйича «Шаробсавдо» ихтисослашган ҳудудий базалари ‎ 5 ‎

5.‎‏

Улгуржи ва чакана дорихона ташкилотлари, қуйидаги жойларда жойлашган: ‎
аҳолиси сони 100 минг ва ундан кўп кишидан иборат шаҳарларда ‎

3‎

бошқа аҳоли пунктларида ‎

2‎

бориш қийин бўлган ва тоғли туманларда ‎

1‎

6.‎

1 — 5-бандларда кўрсатилган корхоналар учун пластик карталар қўлланиб ҳақ тўланган ҳолда кўрсатилган хизматлар ҳажми бўйича ‎

белгиланган ставка 5 фоизга пасайтирилади‎

Изоҳ:
Агар чакана савдо корхоналари мустақил юридик шахс ҳисобланмайдиган ва турли аҳоли пунктларида жойлашган, улар бўйича ягона солиқ тўловининг турли ставкалари белгиланган бир нечта савдо шоҳобчаларига эга бўлса, улар ҳар бир савдо шоҳобчаси бўйича товар оборотининг алоҳида-алоҳида ҳисобини юритишлари ҳамда мазкур аҳоли пунктлари учун белгиланган ставкалар бўйича ягона солиқ тўловини тўлашлари лозим.