LexUZ шарҳи
Мазкур Тушунтириш хати ўз кучини йўқотган ва Ўзбекистон Республикаси адлия вазирининг 2000 йил 4 июлдаги 32-мҳ-сон буйруғи билан Давлат реестридан чиқарилган.
Ўзбекистон Республикасининг божхона ҳудудига импорт қилинадиган товарлар учун 1999 йилда акциз солиғини тўлаш тартиби тўғрисида келиб тушаётган сўровлар муносабати билан Молия вазирлиги ва Давлат божхона қўмитаси қуйидагиларни тушунтиради:
Вазирлар Маҳкамасининг 1998 йил 31 декабрдаги 541-сон «1999 йилдаги Ўзбекистон Республикасининг асосий макроиқтисодий кўрсаткичлар ва Давлат бюджетининг прогнози тўғрисида»ги қарорига кўра 1999 йилнинг 1 январидан бошлаб юридик ва жисмоний шахслар томонидан Ўзбекистон Республикаси ҳудудига импорт қилинадиган товарларга нисбатан акциз солиғи ставкалари (8-2-сон илова) белгиланган. Шу муносабат билан Вазирлар Маҳкамасининг 1998 йил 24 февралдаги «Импортни тарифлар асосида тартибга солиш чора-тадбирлари тўғрисида»ги 80-сон қарори билан тасдиқланган акциз солиғи ставкалари (2-сон илова) қўлланилмайди.