LexUZ шарҳи
Мазкур қарор Ўзбекистон Республикаси Вазирлар Маҳкамасининг 2019 йил 24 июндаги 520-сонли «Ўзбекистон Республикаси Энергетика вазирлиги ҳузуридаги Нефть маҳсулотлари ва газдан фойдаланишни назорат қилиш инспекцияси фаолиятини ва Ўзбекистон Республикаси Энергетика вазирлиги ҳузуридаги Электр энергетикада назорат инспекцияси фаолиятини ташкил этиш чора-тадбирлари тўғрисида»ги қарорига асосан ўз кучини йўқотган.
Ўзбекистон Республикаси Президентининг «Республика давлат бошқаруви органлари тизимини такомиллаштириш тўғрисида» 2003 йил 9 декабрдаги ПФ-3358-сон Фармонига мувофиқ ва электр энергетикада назорат тизимини янада тартибга солиш мақсадида Вазирлар Маҳкамаси қарор қилади:
1. Ўзбекистон Республикаси Президентининг 2003 йил 9 декабрдаги ПФ-3358-сон Фармонига мувофиқ Электр энергетикада назорат бўйича давлат агентлиги Электр энергетикада назорат бўйича давлат инспекцияси («Ўздавэнергоназорат» инспекцияси)га айлантирилганлиги маълумот учун қабул қилинсин.
Олдинги таҳрирга қаранг.
2. Қуйидагилар Электр энергетикада назорат бўйича давлат инспекциясининг асосий вазифалари этиб белгилансин:
электр энергияси, иссиқлик энергияси оқилона ва самарали ишлаб чиқарилиши, узатилиши, истеъмол қилинишини ва кўмирдан фойдаланилиши юзасидан давлат назоратини амалга ошириш;
электр энергиясини, иссиқлик энергиясини ишлаб чиқаришда, узатишда, истеъмол қилишда ва кўмирдан фойдаланишда хавфсизликни таъминлашга йўналтирилган олдини олиш чора-тадбирлари амалга оширилишини назорат қилиш;
электр энергияси, иссиқлик энергиясини ишлаб чиқариш, узатиш, истеъмол қилиш ва кўмирдан фойдаланиш соҳасида зарур норматив-ҳуқуқий ҳужжатлар ишлаб чиқилишини таъминлаш;
Кейинги таҳрирга қаранг.
(2-банд Ўзбекистон Республикаси Вазирлар Маҳкамасининг 2010 йил 17 февралдаги 23-сонли қарори таҳририда — ЎР ҚҲТ, 2010 й., 6-7-сон, 53-модда)
«Ўздавэнергоназорат» инспекциясининг ташкилий тузилмаси, унинг ходимларнинг чекланган сони 42 нафар, шу жумладан бошқарув ходимлари 12 нафар бўлган марказий аппарати тузилмаси 1 ва 2-иловаларга мувофиқ;
Электр энергетикада назорат бўйича давлат инспекцияси («Ўздавэнергоназорат» инспекцияси) тўғрисидаги низом 4-иловага мувофиқ тасдиқлансин.
«Ўздавэнергоназорат» инспекцияси бошлиғига, зарурат бўлганда, бошқарувнинг марказий аппарати ва инспекциянинг ҳудудий бўлимлари тузилмасига ходимларнинг белгиланган сони ва таъминот харажатлари сметаси доирасида ўзгартиришлар киритишга рухсат берилсин.
4. Белгилансинки, Электр энергетикада назорат бўйича давлат инспекцияси («Ўздавэнергоназорат» инспекцияси) Электр энергетикада назорат бўйича давлат агентлигининг ҳуқуқлари ва мажбуриятлари бўйича унинг ҳуқуқий вориси ҳисобланади.
5. Қуйидагича тартиб сақлаб қолинсин, унга кўра «Ўздавэнергоназорат» инспекцияси фаолиятини молиялаштириш Ўзбекистон Республикаси Молия вазирлиги билан келишган ҳолда ҳар йили тасдиқланадиган харажатлар сметаси бўйича:
Вазирлар Маҳкамасининг «Ёқилғи-энергетика ресурсларидан фойдаланиш қоидаларини бузганлик учун иқтисодий жазоларни қўллаш тўғрисида» 1994 йил 9 мартдаги 124-сон қарорида белгиланган тартибга мувофиқ электр ва иссиқлик энергиясидан фойдаланиш қоидалари бузилганлиги учун иқтисодий жазолар қўллашдан тушадиган маблағларнинг бир қисми ҳисобига амалга оширилади.
«Ўзбекэнерго» давлат-акциядорлик компанияси «Ўздавэнергоназорат» инспекциясини молиялаштириш учун маблағларни назарда тутсин, ушбу маблағлар Вазирлар Маҳкамасининг 1999 йил 5 февралдаги 54-сон қарори билан тасдиқланган Маҳсулот (ишлар, хизматлар)ни ишлаб чиқариш ва сотиш харажатларининг таркиби ҳамда молиявий натижаларни шакллантириш тартиби тўғрисидаги низомнинг 1.1.4-бандига мувофиқ ишлаб чиқаришнинг моддий харажатларига киритилсин.
Кейинги таҳрирга қаранг.
6. Ўзбекистон Республикаси Ҳукуматининг 5-иловага мувофиқ айрим қарорлари ўз кучини йўқотган деб ҳисоблансин ва баъзи қарорларига ўзгартиришлар киритилсин.
7. «Ўздавэнергоназорат» инспекцияси, «Ўзбекэнерго» давлат-акциядорлик компанияси манфаатдор вазирликлар ва идоралар билан биргаликда бир ой муддатда идоравий норматив ҳужжатларнинг мазкур қарорга мувофиқлаштирилишини таъминласинлар.
8. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ў.Т. Султонов зиммасига юклансин.
Ҳудудий бўлимлар | Ходимларнинг умумий чекланган сони | шу жумладан: | |
ишлаб чиқариш ходимлари | ёрдамчи | ||
Қорақалпоғистон Республикаси | 9 | 7 | 2 |
Андижон | 11 | 9 | 2 |
Бухоро | 11 | 8 | 3 |
Жиззах | 8 | 6 | 2 |
Қашқадарё | 12 | 10 | 2 |
Навоий | 10 | 8 | 2 |
Наманган | 12 | 10 | 2 |
Самарқанд | 13 | 11 | 2 |
Сурхондарё | 12 | 10 | 2 |
Сирдарё | 8 | 6 | 2 |
Тошкент | 18 | 14 | 4 |
Фарғона | 14 | 12 | 2 |
Хоразм | 8 | 6 | 2 |
Тошкент шаҳри | 22 | 19 | 3 |
Жами: | 168 | 136 | 32 |
1. Электр энергетикада назорат бўйича давлат инспекцияси (кейинги ўринларда матнда «Ўздавэнергоназорат» инспекцияси» деб юритилади) электр энергияси, иссиқлик энергиясини ишлаб чиқариш, узатиш, истеъмол қилиш ва кўмирдан фойдаланиш соҳасида нормалар ва қоидаларга риоя этилишини назорат қилувчи давлат бошқаруви органи ҳисобланади.
2. «Ўздавэнергоназорат» инспекцияси тизимига Қорақалпоғистон Республикасидаги, Ўзбекистон Республикасининг Андижон, Бухоро, Жиззах, Қашқадарё, Навоий, Наманган, Самарқанд, Сурхондарё, Сирдарё, Тошкент, Фарғона, Хоразм вилоятларидаги ҳудудий бўлимлар ва Тошкент шаҳар бўлими киради.
Ҳудудий бўлимлар маҳаллий давлат ҳокимияти органларидан мустақилдир ва бевосита «Ўздавэнергоназорат» инспекциясига ҳисобот беради.
3. «Ўздавэнергоназорат» инспекцияси ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлисининг қарорлари ва бошқа ҳужжатларига, Ўзбекистон Республикаси Президентининг фармонлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига ҳамда мазкур Низомга амал қилади.
4. «Ўздавэнергоназорат» инспекцияси ўз фаолиятини «Ўзбекэнерго» давлат-акциядорлик компанияси ва давлат бошқарувининг бошқа органлари, ҳуқуқни муҳофаза қилиш органлари, маҳаллий давлат ҳокимияти органлари, жамоат бирлашмалари ва бошқа ташкилотлар билан ўзаро ҳамкорликда амалга оширади.
5. «Ўздавэнергоназорат» инспекцияси ва унинг ҳудудий бўлимларининг моддий-техника таъминоти ҳамда «Ўздавэнергоназорат» инспекцияси тизими ходимлари меҳнатига ҳақ тўлаш ҳар ойда:
ҳар йили тасдиқланадиган, Ўзбекистон Республикаси Молия вазирлиги билан келишилган харажатлар сметаси бўйича «Ўзбекэнерго» давлат-акциядорлик компаниясининг мажбурий ажратмалари;
Вазирлар Маҳкамасининг «Ёқилғи-энергетика ресурсларидан фойдаланиш қоидаларини бузганлик учун иқтисодий жазоларни қўллаш тўғрисида» 1994 йил 9 мартдаги 124-сон қарорида белгиланган тартибга мувофиқ, электр ва иссиқлик энергиясидан фойдаланиш қоидалари бузилганлиги учун иқтисодий жазолар қўлланилишидан тушадиган маблағларнинг бир қисми ҳисобига амалга оширилади.
Кейинги таҳрирга қаранг.
6. «Ўздавэнергоназорат» инспекцияси юридик шахс ҳисобланади, Ўзбекистон Республикасининг Давлат герби тасвири туширилган ва ўз номи ёзилган муҳрга эга бўлади.
Олдинги таҳрирга қаранг.
7. Қуйидагилар Электр энергетикада назорат бўйича давлат инспекциясининг асосий вазифалари ҳисобланади:
электр энергияси, иссиқлик энергияси оқилона ва самарали ишлаб чиқарилиши, узатилиши, истеъмол қилинишини ва кўмирдан фойдаланилиши юзасидан давлат назоратини амалга ошириш;
электр энергиясини, иссиқлик энергиясини ишлаб чиқаришда, узатишда, истеъмол қилишда ва кўмирдан фойдаланишда хавфсизликни таъминлашга йўналтирилган олдини олиш чора-тадбирлари амалга оширилишини назорат қилиш;
электр энергияси, иссиқлик энергиясини ишлаб чиқариш, узатиш, истеъмол қилиш ва кўмирдан фойдаланиш соҳасида зарур норматив-ҳуқуқий ҳужжатларни ишлаб чиқиш;
Кейинги таҳрирга қаранг.
(7-банд Ўзбекистон Республикаси Вазирлар Маҳкамасининг 2010 йил 17 февралдаги 23-сонли қарори таҳририда — ЎР ҚҲТ, 2010 й., 6-7-сон, 53-модда)
8. «Ўздавэнергоназорат» инспекцияси ўзига юкланган вазифаларни бажариш учун қуйидаги функцияларни амалга оширади:
Олдинги таҳрирга қаранг.
Ўзбекистон Республикаси қонун ҳужжатларига, энергияни ишлаб чиқариш, узатиш ва истеъмол қилиш соҳасидаги норматив-ҳуқуқий ҳужжатларга риоя этилиши;
(8-банднинг «а» кичик банди иккинчи хатбоши Ўзбекистон Республикаси Вазирлар Маҳкамасининг 2010 йил 17 февралдаги 23-сонли қарори таҳририда — ЎР ҚҲТ, 2010 й., 6-7-сон, 53-модда)
корхоналар, ташкилотлар ва муассасаларда энергия истеъмолчилари томонидан электр, иссиқлик энергияси ва кўмирдан оқилона ва самарали фойдаланилиши ҳамда уларни сарфлаш нормаларига риоя этилиши, электр, иссиқлик энергияси ва кўмирдан фойдаланиш бўйича кўрсатмалар ва йўриқнома ҳужжатларга улар томонидан риоя этилиши;
истеъмолчиларнинг электр ва иссиқликдан фойдаланувчи қурилмаларининг техник ҳолати, электр станциялари, ёрдамчи станциялар ва тармоқларда техникадан фойдаланиш ва техника хавфсизлиги қоидаларига риоя этилиши;
электр станциялари, тармоқлар ва ёрдамчи станциялар қураётган қурилиш-монтаж ташкилотлари томонидан белгиланган технология талабларининг улар томонидан таъминланиши юзасидан нормалар ва қоидалар талабларига риоя этилиши;
назорат остидаги энергия истеъмол қилувчи объектлар қурилиши, реконструкция қилиниши ва уларни техника билан қайта жиҳозлаш лойиҳаларининг энергия ва кўмирдан оқилона ва самарали фойдаланиш талабларига мувофиқлиги;
назорат остидаги объектларнинг энергия истеъмол қилувчи қурилмаларида режим-созлаш ишлари бажарилишининг сифати;
Олдинги таҳрирга қаранг.
корхоналар, ташкилотлар, муассасалар томонидан электр ва иссиқлик энергияси истеъмоли ҳисоби юритилишининг ҳолати, шунингдек электр қурилмаларини ҳудудий электр тармоқлари корхоналари тармоқларига улашнинг техник шартлари истеъмолчилар томонидан бажарилиши;
(8-банднинг «а» кичик банди саккизинчи хатбоши Ўзбекистон Республикаси Вазирлар Маҳкамасининг 2010 йил 17 февралдаги 23-сонли қарори таҳририда — ЎР ҚҲТ, 2010 й., 6-7-сон, 53-модда)
корхоналар, ташкилотлар, муассасалар томонидан ишлаб турган ва фойдаланишга топширилаётган, шунингдек реконструкция қилинаётган ҳамда замонавийлаштирилаётган кўп энергия талаб қиладиган қурилмалар ва асбоб-ускуналарнинг баланс энергетика синовлари ўтказилиши;
электр энергияси ва кўмир ишлаб чиқариш, уларни тақсимлаш ва истеъмол қилиш балансларига риоя этилиши;
саноат корхоналарининг ва уларга тенглаштирилган электр энергияси истеъмолчиларининг электр қурилмаларида реактив қувват компенсациясининг мақбул даражаси таъминланиши;
электр энергетика тармоғини ва кўмир саноатини ривожлантиришнинг концепциялари ва миллий дастурларини ишлаб чиқиш, шунингдек энергияни тежайдиган тадбирлар, дастурлар ва лойиҳаларни амалга ошириш;
лойиҳалар экспертизаси ва янгидан қурилган ва реконструкция қилинган объектларни электр энергияси ишлаб чиқариш, узатиш ва истеъмол қилиш хавфсизлигини таъминлаш юзасидан фойдаланишга қабул қилиб олиш ишлари, шунингдек истеъмол объектларининг энергия таъминоти лойиҳаларини уларнинг ишончлилиги, хавфсизлиги ва техник шартларга мувофиқлигини ҳисобга олган ҳолда келишади;
назорат остидаги корхоналар ва объектларни фойдаланишга қабул қилиб олиш бўйича давлат комиссиялари таркибида қатнашиш;
илмий тадқиқотлар, шу жумладан тикланадиган энергия манбалари дастурларини тузиш ва келишиш ҳамда тегишли ўқув юртларида энергетика объектлари (қурилмалар, асбоб-ускуналар, тизимлар ва аппаратлар)ни лойиҳалаштириш, қуриш, улардан фойдаланиш ва уларни таъмирлашда хавфсизлик масалалари бўйича мутахассислар тайёрлаш;
Олдинги таҳрирга қаранг.
энергия ишлаб чиқариш, узатиш ва истеъмол қилиш ҳамда кўмирдан фойдаланиш соҳасида норматив-ҳуқуқий ҳужжатлар лойиҳаларини давлат бошқаруви органларининг кўриб чиқиши учун киритади;
(8-банднинг «в» кичик банди иккинчи хатбоши Ўзбекистон Республикаси Вазирлар Маҳкамасининг 2010 йил 17 февралдаги 23-сонли қарори таҳририда — ЎР ҚҲТ, 2010 й., 6-7-сон, 53-модда)
Олдинги таҳрирга қаранг.
энергия ишлаб чиқариш, узатиш ва истеъмол қилишга доир талаблар мавжуд бўлган Ўзбекистон Республикасининг стандартлаштириш бўйича норматив ҳужжатлари лойиҳаларини электр хавфсизлиги ва энергия самарадорлиги юзасидан кўриб чиқади ва келишади;
(8-банднинг «в» кичик банди учинчи хатбоши Ўзбекистон Республикаси Вазирлар Маҳкамасининг 2010 йил 17 февралдаги 23-сонли қарори таҳририда — ЎР ҚҲТ, 2010 й., 6-7-сон, 53-модда)
назорат остидаги объектлар ходимларини тайёрлаш ва ушбу объектларда ишларнинг бехатар олиб борилиши ва меҳнат муҳофазаси таъминланиши масалалари бўйича уларнинг билимларини текшириш тартибини белгилайди;
энергия ишлаб чиқариш, узатиш ва истеъмол қилиш ҳамда кўмирдан фойдаланиш юзасидан техник талабларни белгилайди;
«Ўздавэнергоназорат» инспекцияси органлари назорати остида бўлган объектларда ишлаб чиқаришнинг хавфсизлиги бўйича хорижий технологияларни қўллаш мумкинлиги тўғрисида эксперт хулосаси беради;
ягона энергетика тизимига уланадиган турғун электр станцияларида электр энергияси ишлаб чиқаришни лицензиялаш бўйича ишчи орган функциясини бажаради ҳамда лицензиялаш шартлари бажарилишини назорат қилади;
Кейинги таҳрирга қаранг.
Кейинги таҳрирга қаранг.
9. «Ўздавэнергоназорат» инспекцияси ўзига юкланган вазифалар ва функцияларни бевосита, шунингдек унга қарашли ҳудудий бўлинмалар орқали белгиланган тартибда ҳал этади.
10. «Ўздавэнергоназорат» инспекцияси ўзига юкланган вазифалар ва функцияларни бажариш учун қуйидаги ҳуқуқларга эга:
юридик шахслар томонидан Ўзбекистон Республикасининг амалдаги қонун ҳужжатларига, энергетика соҳасидаги норматив-ҳуқуқий ҳужжатларга риоя этилиши;
корхоналар, ташкилотлар ва муассасаларда энергия истеъмолчилари томонидан электр, иссиқлик энергияси ва кўмирдан оқилона ва самарали фойдаланилиши ҳамда улар сарфи нормаларига риоя этилиши, улар томонидан электр, иссиқлик энергияси ва кўмирдан фойдаланиш бўйича кўрсатмалар ва йўриқнома ҳужжатларга риоя этилиши;
истеъмолчиларнинг электр ва иссиқликдан фойдаланувчи қурилмаларининг техник ҳолати, электр станциялари, ёрдамчи станциялар ва тармоқларда техникадан фойдаланиш ва техника хавфсизлиги қоидаларига риоя этилиши;
Олдинги таҳрирга қаранг.
корхоналар, ташкилотлар, муассасалар томонидан электр ва иссиқлик энергияси истеъмоли ҳисоби юритилишининг ҳолати, шунингдек электр қурилмаларини ҳудудий электр тармоқлари корхоналари тармоқларига улашнинг техник шартлари истеъмолчилар томонидан бажарилиши;
(10-банднинг олтинчи хатбоши Ўзбекистон Республикаси Вазирлар Маҳкамасининг 2010 йил 17 февралдаги 23-сонли қарори таҳририда — ЎР ҚҲТ, 2010 й., 6-7-сон, 53-модда)
саноат корхоналарининг ва уларга тенглаштирилган электр энергияси истеъмолчиларининг электр қурилмаларида реактив қувват компенсациясининг мақбул даражаси таъминланиши;
Кейинги таҳрирга қаранг.
электр станциялари, тармоқлар ва ёрдамчи станциялар қураётган қурилиш-монтаж ташкилотлари томонидан белгиланган технология талаблари улар томонидан таъминланиши юзасидан нормалар ва қоидалар талабларига риоя этилиши;
назорат остидаги энергия истеъмол қилувчи объектлар қурилиши, реконструкция қилиниши ва уларни техника билан қайта жиҳозлаш лойиҳаларининг энергия ва кўмирдан оқилона ва самарали фойдаланиш талабларига мувофиқлиги;
назорат остидаги объектларнинг энергия истеъмол қилувчи қурилмаларида режим-созлаш ишлари бажарилишининг сифати;
корхоналар, ташкилотлар, муассасалар томонидан ишлаб турган ва фойдаланишга топширилаётган, шунингдек реконструкция қилинаётган ва замонавийлаштирилаётган кўп энергия талаб қиладиган қурилмалар ва асбоб-ускуналарда баланс энергетика синовлари ўтказилиши;
объектларда мутахассислар ва ишчиларнинг хавфсизлик қоидалари ва нормаларини, технология иш тартибларини ва меҳнатни муҳофаза қилиш бўйича йўриқномаларни билиши;
корхоналар раҳбарлари ва муҳандис-техник ходимларининг хавфсизлик ва меҳнатни муҳофаза қилиш нормалари ва қоидаларини билиши;
в) зарурат бўлганда, вазирликлар, идоралар, корхоналар ва ташкилотлар томонидан асбоб-ускуналар ва материалларнинг назорат синовлари, лойиҳа ва лойиҳа-конструкторлик ечимларининг мустақил экспертизаси ўтказилишини тайинлаш ҳамда электр энергияси электр билан иситиш мақсадларида қўлланилганда электр таъминоти лойиҳаларини келишиш;
г) вазирликлар, идоралар, маҳаллий давлат ҳокимияти органлари, ташкилотлар ва корхоналардан «Ўздавэнергоназорат» инспекцияси ваколатига тегишли бўлган масалалар бўйича зарур маълумотлар ва материалларни, шунингдек энергия ишлаб чиқариш ва истеъмол қилишда жорий назорат жараёнида аниқланган камчиликларни бартараф этиш бўйича тадбирлар бажарилганлиги тўғрисидаги маълумотларни олиш;
д) назорат остидаги корхоналар ва ташкилотлар раҳбарларига қонун ҳужжатлари, қоидалар ва нормаларнинг аниқланган бузилишларини бартараф этиш тўғрисида бажарилиши мажбурий бўлган ёзма кўрсатмалар бериш;
е) «Ўздавэнергоназорат» инспекцияси ваколатига кирадиган масалалар бўйича белгиланган тартибда норматив-ҳуқуқий ҳужжатлар қабул қилиш;
з) энергия қурилмаларидан фойдаланиш бўйича қоидалар, нормалар ва йўриқномалар бузилганлиги учун мансабдор шахслар ва фуқароларни маъмурий жавобгарликка тортиш ҳамда электр, иссиқлик энергияси ва кўмирдан фойдаланиш қоидалари бузилганлиги учун жазолар қўллаш;
и) техника хавфсизлиги, электр, иссиқлик энергияси ва кўмирдан фойдаланиш қоидалари бузилганлиги учун айбдор шахсларни жиноий жавобгарликка тортиш тўғрисидаги масалани кўриб чиқиш учун материалларни ҳуқуқни муҳофаза қилиш органларига бериш;
к) фалокатларнинг ҳолатлари, сабаблари ва бахтсиз ҳодисаларни техник текширишда қатнашишда текшириш натижалари бўйича «Ўздавэнергоназорат» инспекцияси ваколатига тегишли бўлган масалалар бўйича бажарилиши мажбурий бўлган қарорлар қабул қилиш;
л) Вазирлар Маҳкамасига лицензия талаблари ва шартлари бузилганлиги учун ягона энергетика тизимига уланадиган турғун электр станцияларида электр энергияси ишлаб чиқариш учун берилган лицензияларнинг амал қилишини тўхтатиш ва тўхтатиб туриш, лицензияларни бекор қилиш ҳақида таклифлар киритиш, «Ўздавэнергоназорат» инспекцияси ваколатига тегишли бўлган масалалар бўйича корхоналар ва объектларни текшириш.
Кейинги таҳрирга қаранг.
«Ўздавэнергоназорат» инспекцияси Ўзбекистон Республикаси қонун ҳужжатларига мувофиқ бошқа ҳуқуқларга ҳам эга.
«Ўздавэнергоназорат» инспекциясининг электр, иссиқлик энергияси ишлаб чиқариш, узатиш, сотиш ва истеъмол қилиш ҳамда кўмирдан фойдаланиш масалалари бўйича ўз ваколатлари доирасида қабул қилинган қарорлари, шунингдек норматив-ҳуқуқий ҳужжатлари давлат ва хўжалик бошқаруви органлари, маҳаллий давлат ҳокимияти органлари, мулкчилик шаклларидан қатъи назар, корхоналар, муассасалар ва ташкилотлар томонидан бажарилиши мажбурий ҳисобланади.
«Ўздавэнергоназорат» инспекцияси, зарур ҳолларда, бошқа вазирликлар, давлат қўмиталари ва идоралар билан биргаликда қўшма қарорлар ва бошқа ҳужжатлар чиқаришга ҳақлидир.
11. «Ўздавэнергоназорат» инспекцияси ўзига юкланган вазифаларнинг самарали бажарилиши учун жавоб беради.
Олдинги таҳрирга қаранг.
«Ўздавэнергоназорат» инспекцияси томонидан ишлаб чиқилаётган электр энергетика ва кўмир саноати корхоналари фаолияти бўйича норматив-ҳуқуқий ҳужжатлар сифати;
(11-банднинг учинчи хатбоши Ўзбекистон Республикаси Вазирлар Маҳкамасининг 2010 йил 17 февралдаги 23-сонли қарори таҳририда — ЎР ҚҲТ, 2010 й., 6-7-сон, 53-модда)
Олдинги таҳрирга қаранг.
электр энергияси ишлаб чиқариш, узатиш, истеъмол қилиш ва кўмирдан фойдаланиш соҳасида корхоналар фаолиятини тартибга солувчи норматив-ҳуқуқий ҳужжатлар талабларининг тўлиқ бажарилиши.
(11-банднинг тўртинчи хатбоши Ўзбекистон Республикаси Вазирлар Маҳкамасининг 2010 йил 17 февралдаги 23-сонли қарори таҳририда — ЎР ҚҲТ, 2010 й., 6-7-сон, 53-модда)
электр энергетика ва кўмир саноати соҳасида хўжалик юритувчи субъектлар фаолияти масалалари бўйича «Ўздавэнергоназорат» инспекцияси томонидан бериладиган маълумотларнинг ишончлилиги учун жавоб берадилар.
«Ўздавэнергоназорат» инспекцияси ва унинг ҳудудий бўлимлари мансабдор шахсларининг маъмурий жазолаш чоралари қўлланилиши бўйича хатти-ҳаракатлари устидан қонун ҳужжатларига мувофиқ шикоят қилинади.
12. «Ўздавэнергоназорат» инспекцияси ва унинг ҳудудий бўлимлари мансабдор шахслари ўз хизмат мажбуриятлари зарур даражада бажарилмаганлиги учун қонун ҳужжатларида белгиланган тартибда жавоб беради.
13. «Ўздавэнергоназорат» инспекцияси ўз фаолиятида Ўзбекистон Республикаси Вазирлар Маҳкамасига ҳисобот беради.
«Ўздавэнергоназорат» инспекциясига қонун ҳужжатларида белгиланган тартибда лавозимга тайинланадиган ва лавозимдан озод этиладиган бошлиқ бошчилик қилади.
Кейинги таҳрирга қаранг.
Кейинги таҳрирга қаранг.
Бошлиқ мақомига кўра Ўзбекистон Республикаси вазирининг биринчи ўринбосарига, бошлиқнинг ўринбосарлари — вазирнинг ўринбосарига тенглаштирилади.
«Ўздавэнергоназорат» инспекцияси бошлиғи лавозимига кўра бир вақтнинг ўзида Электр ва иссиқлик энергиясидан фойдаланилиши устидан назорат қилиш бўйича бош давлат инспектори, унинг ўринбосарлари эса — Электр ва иссиқлик энергиясидан фойдаланилиши устидан назорат қилиш бўйича бош давлат инспекторининг ўринбосарлари ҳисобланади. «Ўздавэнергоназорат» инспекцияси ҳудудий бўлимларининг бош инспекторлари электр ва иссиқлик энергиясидан фойдаланиш устидан назорат қилиш бўйича катта давлат инспекторлари ҳисобланади.
Кейинги таҳрирга қаранг.
«Ўздавэнергоназорат» инспекцияси, унинг ҳудудий бўлимлари фаолиятига якка бошчилик асосида умумий раҳбарлик қилади ҳамда инспекцияга юкланган вазифалар ва функцияларнинг бажарилиши учун шахсан жавоб беради;
зарурат бўлганда тузилмага ўзгартиришлар киритади, ходимларнинг белгиланган умумий сони доирасида «Ўздавэнергоназорат» инспекцияси марказий аппаратининг штат жадвалини, шунингдек «Ўздавэнергоназорат» инспекциясининг марказий аппарати ва ҳудудий бўлимлари харажатлари сметасини тасдиқлайди;
«Ўздавэнергоназорат» инспекциясининг таркибий бўлимлари тўғрисидаги низомни белгиланган тартибда тасдиқлайди;
«Ўздавэнергоназорат» инспекцияси марказий аппарати ходимларини, ҳудудий бўлимларнинг бош инспекторларини белгиланган тартибда лавозимга тайинлайди ва лавозимдан озод этади.
15. «Ўздавэнергоназорат» инспекциясининг давлат назорати функциясини амалга оширувчи мансабдор шахсларига белгиланган намунадаги гувоҳномалар берилади.
16. «Ўздавэнергоназорат» инспекцияси ходимлари меҳнатга ҳақ тўлаш шартлари бўйича «Ўзбекэнерго» давлат-акциядорлик компанияси ходимларининг тегишли тоифаларига тенглаштирилади.
17. Ҳудудий бўлимлар ўз фаолиятини «Ўздавэнергоназорат» инспекцияси бошлиғи томонидан тасдиқланадиган низомга мувофиқ амалга оширади.
«Ўздавэнергоназорат» инспекцияси ҳудудий бўлимларининг бош инспекторлари белгиланган тартибда «Ўздавэнергоназорат» инспекцияси бошлиғи томонидан тайинланадилар.
18. «Ўздавэнергоназорат» инспекциясини қайта ташкил этиш ва тугатиш қонун ҳужжатларида белгиланган тартибда амалга оширилади.
1. Вазирлар Маҳкамасининг «Электр энергетикада назорат бўйича давлат агентлиги («Ўздавэнергоназорат» агентлиги) фаолиятини ташкил этиш тўғрисида» 2001 йил 24 февралдаги 94-сон қарори (Ўзбекистон Республикаси ҚТ, 2001 й., 2-сон, 12-модда).
2. Вазирлар Маҳкамасининг «Ўзбекистон Республикаси Ҳукуматининг баъзи қарорларига ўзгартириш ва қўшимчалар киритиш тўғрисида» 2002 йил 25 апрелдаги 141-сон қарорига (Ўзбекистон Республикаси ҚТ, 2002 й., 4-сон, 21-модда) илованинг 3-банди.
1. Вазирлар Маҳкамасининг «Частота спектридан фойдаланиш, телерадиодастурларни шакллантириш ва тарқатиш ҳамда маълумотлар узатиш самарадорлигини ошириш юзасидан қўшимча чора-тадбирлар тўғрисида» 1998 йил 10 июлдаги 293-сон қарорига (Ўзбекистон Республикаси ҚТ, 1998 й., 7-сон, 26-модда) 6-илованинг 5-бандидаги «Ўздавэнергоназорат» агентлиги» сўзлари чиқариб ташлансин, «бошлиқ ўринбосари» сўзлари «Электр энергетикада назорат бўйича давлат инспекцияси бошлиғи ўринбосарлари» сўзлари билан алмаштирилсин.
2. Вазирлар Маҳкамасининг «Гидротехника иншоотларининг хавфсизлиги тўғрисида»ги Ўзбекистон Республикаси Қонунини амалга ошириш чора-тадбирлари тўғрисида» 1999 йил 16 ноябрдаги 499-сон қарорининг (Ўзбекистон Республикаси ҚТ, 1999 й., 11-сон, 66-модда) 2-бандидаги ҳамда ушбу қарорга 2-илованинг 12-бандидаги «агентлиги» сўзи «давлат инспекцияси» сўзлари билан алмаштирилсин.
3. Вазирлар Маҳкамасининг «Фаолиятнинг айрим турларини лицензиялаш тўғрисида»ги Ўзбекистон Республикаси Қонунини амалга ошириш чора-тадбирлари тўғрисида» 2002 йил 28 июндаги 236-сон қарори (Ўзбекистон Республикаси ҚТ, 2002 й., 6-сон, 36-модда) билан тасдиқланган Фаолиятнинг айрим турларини лицензияловчи органлар рўйхатидаги «Электр энергетикада назорат бўйича давлат агентлиги» сўзлари «Электр энергетикада назорат бўйича давлат инспекцияси» сўзлари билан алмаштирилсин.
Олдинги таҳрирга қаранг.
(4-банд Ўзбекистон Республикаси Вазирлар Маҳкамасининг 2010 йил 17 майдаги 93-сонли қарорига асосан ўз кучини йўқотган — ЎР ҚҲТ, 2010 й., 20-сон, 153-модда)
Олдинги таҳрирга қаранг.
(5-банд Ўзбекистон Республикаси Вазирлар Маҳкамасининг 2005 йил 27 январдаги 32-сон қарорига мувофиқ ўз кучини йўқотди — Ўзбекистон Республикаси Қонун ҳужжатлари тўплами, 2005 й., 3-4-сон, 26-модда)
6. Вазирлар Маҳкамасининг «Электр ва иссиқлик энергияси учун ҳисоб-китоб қилиш интизомини кучайтириш чора-тадбирлари тўғрисида» 2003 йил 5 августдаги 341-сон қарори (Ўзбекистон Республикаси ҚТ, 2003 й., 8-сон, 69-модда) 2-бандининг биринчи хатбоши ҳамда 6-бандининг биринчи хатбошидаги «агентлиги» сўзи «давлат инспекцияси» сўзлари билан алмаштирилсин.
7. Вазирлар Маҳкамасининг «Қурилиш соҳасидаги фаолиятни лицензиялаш тўғрисидаги низомларни тасдиқлаш ҳақида» 2003 йил 24 сентябрдаги 410-сон қарорида (Ўзбекистон Республикаси ҚТ, 2003 й., 9-сон, 87-модда):
12-банддаги «агентлигига», «агентлиги», «агентлигининг» сўзлари тегишли равишда «инспекциясига», «инспекцияси», «инспекциясининг» сўзлари билан алмаштирилсин;
низомга иловадаги «агентлигига», «агентликларининг», «агентликлари» сўзлари тегишли равишда «инспекциясига», «инспекцияларининг», «инспекциялари» сўзлари билан алмаштирилсин;
б) 7-иловадаги «Ўздавэнергоназорат» агентлигининг бош директори» сўзлари «Ўздавэнергоназорат» инспекциясининг бошлиғи» сўзлари билан алмаштирилсин.
8. Вазирлар Маҳкамасининг 2003 йил 28 октябрдаги 469-сон қарори (Ўзбекистон Республикаси ҚТ, 2003 й., 10-сон, 102-модда) билан тасдиқланган Ягона энергетика тизимига уланадиган стационар электр станцияларида электр энергияси ишлаб чиқариш фаолиятини лицензиялаш тўғрисидаги низомда:
қарорга 2-иловадаги «агентлигининг бош директори» сўзлари «инспекцияси бошлиғи» сўзлари билан алмаштирилсин.
Кейинги таҳрирга қаранг.
9. Вазирлар Маҳкамасининг 2003 йил 12 ноябрдаги 504-сон қарори (Ўзбекистон Республикаси ҚТ, 2003 й., 11-сон, 116-модда) билан тасдиқланган Энергетика текширувлари ва экспертизалари ўтказиш фаолиятини лицензиялаш тўғрисидаги низомда:
Низомга 1-иловадаги «Ўздавэнергоназорат» агентлигига кўрсатмалар «Ўздавэнергоназорат» инспекциясига кўрсатмалар билан алмаштирилсин.
Кейинги таҳрирга қаранг.