«Суғурта тўғрисида» Ўзбекистон Республикаси Қонунига мувофиқ ҳамда ҳарбий хизматчилар ва ҳарбий мажбуриятли шахсларни, оддий аскарлар ва бошлиқлар таркибига кирувчи шахсларни ижтимоий ҳимоя қилишни кучайтириш мақсадида Вазирлар Маҳкамаси қарор қилади:
Кейинги таҳрирга қаранг.
Олдинги таҳрирга қаранг.
1. 1994 йилнинг 1 январидан бошлаб ҳарбий хизматчилар ва ҳарбий мажбуриятли шахсларнинг, оддий аскарлар ҳамда бошлиқлар таркибига кирувчи шахсларнинг хизматни ўташ даврида ҳалок бўлиш (вафот этиш), жароҳатланиш (контузия), касалланиш ҳодисаларидан давлат мажбурий шахсий суғуртаси жорий этилсин.
Суғурталаш Ўзбекистон Республикаси Мудофаа вазирлигига, Ички ишлар вазирлигига, Миллий хавфсизлик хизматига, Давлат божхона қўмитасига, Фавқулодда вазиятлар вазирлигига ва Давлат чегараларини ҳимоя қилувчи қўмитага бюджетдан ажратиладиган маблағлар ҳисобидан амалга оширилади.
(1-банднинг иккинчи хатбоши Ўзбекистон Республикаси Вазирлар Маҳкамасининг 1999 йил 16 сентябрдаги 431-сон қарори таҳририда)
Кейинги таҳрирга қаранг.
Кейинги таҳрирга қаранг.
а) суғурталанган шахс хизматни ўташ (ҳарбий йиғинлар) даврида ҳалок бўлганда ёки хизмат (ҳарбий йиғинлар)дан бўшагандан сўнг бир йил мобайнида олинган жароҳат(контузия), касалланиш натижасида вафот этганда — унинг меросхўрларига (меросхўрлик ҳуқуқини тасдиқлайдиган гувоҳнома тақдим этилган тақдирда) республикада белгиланган энг кам иш ҳақининг 7 йиллиги миқдорида;
б) суғурталанаган шахс хизматдан бўшагандан кейин бир йил мобайнида унга хизматни ўташ (ҳарбий йиғинлар) билан боғлиқ бўлган ногиронлик белгиланганда: I гуруҳ ногиронига — ушбу банднинг «а» кичик бандида назарда тутилган тўловларнинг 75 фоизи, II гуруҳ ногиронига — 50 фоизи, III гуруҳ ногиронига — 30 фоизи миқдорида;
в) суғурталанган шахс хизматни ўташ (ҳарбий йиғинлар) даврида оғир жароҳатланганда — ушбу банднинг «а» кичик бандида назарда тутилган тўловларнинг 20 фоизи ва енгил жароҳатланганда 10 фоизи миқдорида суғурта пули тўлайдилар.
Кейинги таҳрирга қаранг.
Олдинги таҳрирга қаранг.
3. Белгилаб қўйилсинки, энг кам иш ҳақининг 20 фоизи миқдоридаги суғурта тўловлари, шу жумладан, давлат суғурта тўловлари, шу жумладан, давлат суғурта органларининг суғуртани амалга ошириш учун мазкур тўловларнинг 8 фоизи миқдоридаги харажатлари «Кафолат» давлат-акциядорлик суғурта компаниясининг махсус счётига ўтказилади.
(3-банднинг биринчи хатбоши Ўзбекистон Республикаси Вазирлар Маҳкамасининг 1998 йил 16 апрелдаги 161-сон қарори таҳририда)
Жорий йилда суғурта тўловларига ишлатилмаган суғурта тўловлари навбатдаги тўловлар ҳисобига ўтказилади, етишмайдиган маблағлар эса суғурталовчилар томонидан қўшимча равишда тўланади.
Кейинги таҳрирга қаранг.
Олдинги таҳрирга қаранг.
4. Ўзбекистон Республикаси Молия вазирлиги Ўзбекистон Республикаси Мудофаа вазирлиги, Ички ишлар вазирлиги, Миллий хавфсизлик хизмати, Давлат божхона қўмитаси, Фавқулодда вазиятлар вазирлиги ва Давлат чегараларини ҳимоя қилувчи қўмита билан келишилган ҳолда икки ҳафта муддатда ҳарбий хизматчилар ва ҳарбий мажбуриятли шахсларнинг, оддий аскарлар ва бошлиқлар таркибига кирувчи шахсларнинг давлат мажбурий шахсий суғуртасини амалга ошириш тартибини ишлаб чиқсин ва тасдиқласин.
Кейинги таҳрирга қаранг.
Кейинги таҳрирга қаранг.