Амалга оширилаётган йўловчи ва юк ташишлар географиясини янада кенгайтириш, Ўзбекистон Республикасининг тарихий ва маданий марказларига тўғридан-тўғри ҳаво йўлларини таъминлаш мақсадида Вазирлар Маҳкамаси қарор қилади:
2. Ўзбекистон Республикаси Давлат чегараларини ҳимоя қилувчи қўмита, Давлат божхона қўмитаси, Соғлиқни сақлаш вазирлиги, Қишлоқ ва сув хўжалиги вазирлиги Бухоро ва Урганч шаҳарлари аэропортларида чегара, божхона, санитария ва ветеринария назоратини амалга ошириш учун фаолият йўналиши бўйича, тасдиқланган ходимлар сони доирасида Ўзбекистон Республикаси чегараси орқали ўтказиш пунктлари ташкил этсинлар.
Олдинги таҳрирга қаранг.
Ўзбекистон Республикаси Давлат хавфсизлик хизмати, Давлат хавфсизлик хизмати Чегара қўшинлари, Давлат божхона қўмитаси, Соғлиқни сақлаш вазирлиги, Қишлоқ ва сув хўжалиги вазирлигининг тегишли бўлинмаларини зарур хизмат хоналари, махсус асбоб-ускуналар ва техника билан таъминласин;
(3-банднинг иккинчи хатбошиси Ўзбекистон Республикаси Вазирлар Маҳкамасининг 2018 йил 20 сентябрдаги 748-сонли қарори таҳририда — Қонун ҳужжатлари маълумотлари миллий базаси, 21.09.2018 й., 09/18/748/2024-сон)
чегара, божхона, ветеринария ва санитария назоратини, шунингдек авиация хавфсизлиги мақсадидаги назоратни самарали амалга ошириш учун шарт-шароитлар яратсин.
Олдинги таҳрирга қаранг.
4. «Ўзбекистон ҳаво йўллари» миллий авиакомпаниясига, зарур тартиботларга риоя қилинган тақдирда ва Давлат хавфсизлик хизмати ҳамда Давлат божхона қўмитаси билан келишган ҳолда Андижон, Қарши, Наманган, Нукус ва Фарғона шаҳарлари аэропортларидан чартер халқаро қатновларни амалга оширишига рухсат этилсин.
(4-банд Ўзбекистон Республикаси Вазирлар Маҳкамасининг 2018 йил 29 майдаги 396-сонли қарори таҳририда — Қонун ҳужжатлари маълумотлари миллий базаси, 01.06.2018 й., 09/18/396/1287-сон)
5. Ўзбекистон Республикаси парвозлар хавфсизлигини назорат қилиш давлат инспекцияси «Ўзбекистон ҳаво йўллари» миллий авиакомпанияси билан биргаликда авиация хавфсизлиги талабларини ҳисобга олган ҳолда Бухоро ва Урганч шаҳарлари аэропортларини сертификациялаштирсин.
6. «Ўзбекистон ҳаво йўллари» миллий авиакомпанияси Ўзбекистон Республикаси парвозлар хавфсизлигини назорат қилиш давлат инспекцияси билан биргаликда Бухоро ва Урганч шаҳарлари аэропортлари мақоми бўйича маълумотларни тайёрлашни ва аэронавигация ахборотлари халқаро тўпламларида эълон қилишни ташкил этсин.